Ka ngaihdan ve mai mai, midangte ngaihdan aia dik bik kherlo..
Mizoram football hi thingkung nen tehkhin ta ila, kung ro rip rep leh lianlo takin a ding ve a, a theihna zawng zawng nena parin rah a rawn nei ve pheuh pheuh a, chung a rah techu a rah tam lehzel naturin kan lawm thiam em em.
Amaherawhchu, rah tha tura kan duh chuan a kung zawk a hi kan chawm thau angai niin ka hria, tuna a rah kan buaipui em em, kan fak tlawr hluah bakah hian. Tuna a rah tehi chu rah tak tak pawh nilo, a tangrah mai mai angah ka ngai(Tangrah-ate ti tawh ila tha ang 
).
Khawvel football kaldan en ta ila, World cup te European cup tehi kan lawmin football pawh a chawi lar hle a mahse player tena eizawn nana an hman ber leh hetiang tournament lian hmuhnawmna leh hetianga khel tur player te chherchhuak tu, football kungpui ber chu Football club te leh an league, premier league ang tehi anni zawk. Mizoramah pawh YMA/VC ten boruak nei lianin football an promote em em, chutih rualin kan football kungpui ber zawk Club football hi theihtawpa promote angai ve bawkin ka hria.
Thildangah pawh kan sawi thina mizoram, primitive society la hnaih em em si hi tunlai khawvel changkangah kan han awma, a bulls eye hit fuh chiahlova thil kan tih leh ngaihtuah hi ala tam em em ani. Football ah pawh hetiang tho hi niin ka hria.
Amaherawhchu, first division league tehi media ho pawhin han thlawh larin boruak han ti HOT se ti viau mahila kan dinhmun hi hai lo bawk ila. Heng kan local club inkhel tehi YMA/VC tournament te angin a lar hluai chuanglo ang, khawvel club lian inkhel ngaihven lova world cup vel ngaihven ta hluah an tam ang hian a boruak hi a dang ve hrim hrim a, tin, heng kan local club leh league tehi eizawnna tham turin chawikang ang u ka tihna pawh ani lemlova, chung chu duh viau mahila beisei phak anilove, kan economy leh mipui te pawhin kanla tlinlo tih hre chung rengin, pawimawh ti em em chung siin he article hi rawn ziak kani tih minlo hriatpui ula.
India ram club lian ang level hi chu pakhat bak kan afford lo, mi tamtak pheichuan pakhat pawh kan afford anla ring chuanglo ani. Amaherawhchu, chumi avanga ngaihthah ringawt chi anilo, tlin tawk leh phak tawk kanneia chutah chuan theihtawp kan chhuah angaiin ka hria.
A tul anih chuan a zungnen lam pawh phawnga hmun tha zawk leh rualrem zawka phunsawn pawh angai maithei. Engvangin maw? Football hi mipui tan chuan entertainment show hmuhnawm tak ani a, mahse tuna kan MFA league tehi chuan mipui a entertain vaklo in ka hria, thingkung ro rip rep, hnah alawi pawh neilo angvel ani e.
Chuvangin engemaw hi chu siamthat angai ani, media nena thawh ho that tehi a pawimawh em em. Englekhawle, kan First division club te inkhel tal hichuan boruak nei lian ve rawh se, chu chu ani tawpmai, Tangrah-ate u . Tin, YMA/VC tournament te lar viau mahse kan local club inkhel hi a hliahkhuh tha chuanglo ani.
ps:Media in an thlawh lar tawh chu mipuiin kan bawh hluai thin tihte han ngaihtuah chuan club lian hi chu kan afford ang mawle.. Club lian ka’n tih hi local club ang tho mahse sum ngah leh fans ngah tur chuan tuna kan local club te kal dan aia saipui kala kal deuh ka tihna mai ani. Tin, tlema local club leh league chawikan pawh hi a theih turah ka ngai.
Youth icon, idol tih vel ang deuhin heng local club league(phailama khel tellovin) atang tehian football icon kanti dawn nge footballer tha tehi han thlang ve ila a tha lehzualin ka ring ve mai mai. nge tiger5 ang chi tehi mizoram tan chuan a entertaining tawkvel chauh maithei bawk, TV ah pawh hian grass tellova nisa a inkhel hi chu en a harin lak thiam a har(camera that tawkloh vang pawh ani mahna) thei ve bawk sia.
kan club neih hote hian tiger5 team te nei sela, kan hall thenkhat tehi tiger5 khelhnan han let ta ila( a len dawn leh dawnloh pheichu ka hrelaw) tiger5 hi chu indoor anih chuan TV ah pawh a hmuhnawm deuh ang te ka tia.
ps: Hei zoramah ka awmlo ve khanglang bawknen ka beng tehi a varlo angrenga, “mizoram football chanchin hrelovin a ziak ngawt a..” minlo ti anih pawhin pawilo ah ka ngai mai ang, ka hriat lai milin ka ziak ve thawr anih ber hi.
Similar Posts:
- Rawngbawltuten football khel an thlir nasa lutuk ta em ni?
- Football fan-te tan!
- Mizote leh Football
- Mizo club tel lohna 2nd-division I-league final round
- Mizo League (EPL)
a tha khawp mai
December 7th, 2009 at 3:11 am
funny, i post hi dik ka ti lutuk..
Kan mizo foot baller te hian potential an nei tha tih ka hre chiang a,kan hmuh leh kan hriat angin India ram chhunga club lian leh in enkawlna tha a khel ho te han enn hian vai ho ai chhuan kan chungnung zawk dawn tih hi a chiang reng a ni.Club lian Pakhat, a mizoram pum huap, National league khel thei tur hi nei ila chung playerte chuan ei zawnna atan hmang thei bawk sela,tin, ram mipuite leh sorkar tanpuina in he club hian a in manage theih na turin bussiness lian tham tak nei bawk sela,tin, an in enkawldan foot ball khawvel a an qualify theih na turin engkim maiah foot ball dan leh dun ,play ground dik tak nei bawk ila a tha viau in ka ring.
He tiang a ti thei tur hian YMA ang a ram pum huap a branch neihte a ngaih dawn avang in hnathawh tur tam tak awm in,in pek a ngai dawn viau a ,theih nise YMA hian mizo fate bul tan nan tiin hma han la se chuan a hlawhtlin ngei pawh ka ring.
He tiang a kan hlawh tlin ngat chuan India foot ball khawvel ah chuan kar lo ah chungnung ber nihna kan khum vat ka ring a,chuchuan khawvel foot ball in tih siakna hmun min el tir a nga,kan player te leh club hruaitu ten management lamah tan lanin zoram mipui in thinlung taka support na kan pek theih ngei ka ring bawk.
Hetiang a ram pum huap club hmuh theih a din a nih chuan kan player ten tan an la anga Vai ho ai chuan kan Mizo fate hian khawvel foot ball ah hming an chher hmasa zawk ang.Foot Ball leh infiamna dang , in kapadi tih lo ah nana na chuan Vai ho ai chuan Mizo player ten potential an nei tha zawk tih hi ka beng tih tluk in ka chiang.
Report this comment
December 7th, 2009 at 3:12 am
ni e
Report this comment
December 7th, 2009 at 3:20 am
ps leh pps khi ka duh riau
funny chu thu pawh i thiam viau hi a
chhiar anuam khawp mai, dik pawh a dik ngei ka ring.
Report this comment
December 7th, 2009 at 3:24 am
Thingkung nen i tehkhin ta rau rau —a dik asin! A zar, a zikno, a rah a thatna turin a zung a inkaih fuh hmasak a ngai! Chu chuan a hril thui khawp ang! Chu ber chu rem fel, fuh leh dik a ngai ta e.
Report this comment
December 7th, 2009 at 4:38 am
A pali na ah ka first
Report this comment
December 7th, 2009 at 7:32 am
Hmanni khan ka sawi tawh a kan sawi nawn ve leh teh ang. Hmun hla kal ngai lovin kan thenawmah I League khel thei Club Lajong an awm reng a. Engtinnge khu Club khu tun ang dinhmunah an hlankai theih tih hi a tui mi te chuan han belchiangin han chhui se. Entawn tlak kan entawn anga, paih ngai kan paih anga, belh tul kan belh anga kan tive theiin ka ring ani. Tetea/hmingsanga te hian an hre deuh ang mawle.
Report this comment
December 7th, 2009 at 8:48 am
Stadiaum tha deuh kan dawn a lawm, ka ho in kan la din dawn nia. Aizawl pa hausa ho hi fuihpawrh thiam a ngai a ni. MFA hi chu ka ring zo lo ti tawp mai teh ang. Induhsakna alang tel deuh tlat thin, vaiho kan sawisel taknaa keini pawh kan ni tho.
Report this comment
December 7th, 2009 at 9:18 am
kei chu football khel lo in, tukinah badminton game 4 ka khel….
Report this comment
December 7th, 2009 at 9:29 am
Football hi ka game ngainat ber a ni. Mahse ka khel thiam miah lo. A theory na na na chu ka thiam ve a. Formation set dan 4-4-2, 4-3-3 etc., Ronaldo te weakness pawh ka hre zut mai
ps. Mizo tlangval goal hmangin India’n Osama Bin Laden-a ram an hneh kha.
Report this comment
December 7th, 2009 at 10:46 am
nia keipawhin ka vei ve trhin khawpasin mahse engpawh tih dawn a sorkhar rin chhan tum zel hi chu a dik lo ka ti ve tlat kan mihausa ten tran an lak chu a ngai a ni.chutih rual chuan sum seng thlawm mailova clubs te kha sum an sen ang vel tal hmuh let theihna tur a din poh a ngai tel bawk players te hlawh tur etc bakah khan
Report this comment
December 7th, 2009 at 11:53 am
i thu rawn post reng reng hi i inthlahrung der thiam thei ka lo ti ve mey mey.hihi
Report this comment
December 7th, 2009 at 1:41 pm
ps & pps khi chu om lo se ka chhiar chhuak peih miah lo ang.
ps. a ngaihnom thei khups mai.
Report this comment
December 7th, 2009 at 2:32 pm
Ka tui ve vak lo, a rah atanga a chi thar rawn chhuak leh kha a ngaihna hria ten kung lian tak ni thei turin a tirte atangin vil tha se, enkawl that na nana chuan ram dang dangah kan la thawn chhuak chur chur dawn a lawm… hee
Report this comment
December 7th, 2009 at 3:19 pm
Football hi chu ka ngaina a, ka khel ve nasa a, ka thiam hlei lo va!!
@funny, i chhut fuh hmel viauin ka hria. He thing kung hi kan duh rawn luih luih viau lai hian neitu nihna hauha duat tak leh fing taka enkawltu lam hi kan vai deuh em le?…lo ti ve mai mai ila 
Report this comment
December 8th, 2009 at 2:09 am
Engpoh nise kanla reilo lulai em a ni
I Thing sawi pawh hi enkawldan thiam chuan a thangtha ngei ang.
Kan phak tawkah chuan heilo liam ka ti, kawngpui alkatra luan a inzirchhuak tan chuan.
Report this comment