NLUP – Congress Party “Waterloo” by M Lalmanzuala
SOURCE: Zozam
Hun rei tak chhûng tuma hneh theih loh hiala ngaih, Napoleon-a chuan WATERLOO hmunah khan a ngam loh a tawng ta hlauh mai a, a tlâwm tâ a nih kha. Kha ta tang khan chhiat hlenna sawi nan, “My/His Waterloo” tih hi hman thin a lo ni ta a. Chutiang hawi zâwng chuan ABBA pawhin thiam takin ‘Waterloo’ an sak thin kha.
Khawvel hnam tin leh mi tin tân ei leh bara intodelha mahni kê-a din hi thil pawimawh hmasa ber a ni a. Hei hi hria ni awm takin kan politician-te pawhin hetiang lam hawi programme, Garden Colony, LUP, Jhum Control, NLUP, MIP te chu a hming tal chuan an ngaih pawimawh ber pakhat a ni thin. Hetiang programme-te hi ‘mipui’ kan tih, kuthnathawktute/loneitute dinchhuah nana duan a nih avangin a pawimawh zual a ni.
Congress sorkar thar chuan NLUP chu “Flag Ship Programme” hming meuh put tîrin an ngaih pawimawhzia an aupui a. A hlawhchham hlauh chuan a mawhphurtu chu mipuite an ni ang tiin Lal Isua hmai tibâltu-a ngaih an nih tur thu hial an sawi a ni. Heti taka ngai pawimawh anga an lan avang leh ram leh hnam tana thil pawimawh ber pakhat a nih avangin NLUP hi an hlawhtlinpui chuan thil dangah titha vak lo mah se, inthlan leh hunah pawh Congress chuan sorkar an siam leh phah ngei a rinawm a. An hlawhchhampui hlauh erawh chuan thil dang tihthat te nei ve nual mah se, an “Waterloo” a ni ngei ang.
Politics thilah Congress party/sorkar hi ka tan tihna ni lo-in NLUP hlawhtlin hi ram leh hnam tâna thil pawimawh, chêng vaibelchhe tam sênna tur, awmze nei leh tangkai taka hman a niha, kan thingtlâng unau, kuthnathawktute’n dinchhuahna nana an hman ka duh êm avangin hetiang rawtnate hi ka han siam ve a ni:-
1. NLUP hi development department-te nena kaihkawp (integrate) a nih loh rau rau chuan, ‘trade’ thlan tur hi, thei/thlai chin lam a ni emaw, ranvulh a ni emaw, chi hnih aia tam lo ni se, a fuh ang. Khawpuiah erawh chuan NLUP hming pu kher lovin tun hmaa an tih ang deuh khan Special Development Scheme tih hming te emaw-in sumdawnna tenau, ranvulh tiam lovin, din turin mi taima leh rinawm ni ngeia hriat tanpui se; chutiang mi tan chuan an sumdawnna tur atâna sum mamawh zat chu, chêng nuai khat pawh ni se, tum khatah pe ngam se, an hlawhtlinpui ngei a rinawm a ni. Xerox khâwl emaw, workshop khâwl emaw lei nana kum khata cheng 40,000/- emaw pêk chuan, account te vawng fel ve thliam mah se, a tak hmuh tur awm lovin ‘vawkpui zai thei’-ah te a chang thin tih kan hriat tawh kha. Mirethei tan chuan kum khat chhunga khawl cheng 40,000/-a lei chu thil harsa mai ni lovin thil THEIH LOH a ni.
2. Mizo-in ‘tam’ kan tih hi ‘vai’ leh sap-ho hian tam an ti lo a. Eng thei emaw, eng thlai emaw pawh hi, company lian aulût tham khawpa tam kan neih phawt chuan NLUP atan a tha deuh vek a ni. Environment tichhe lo tur leh sawhthing te anga a tam lutuka a chhiat mai hlauh bawk si avanga tlawm taka hrialh (distress sale) ngai lo thlang fuh se; chutiang bawkin ran vulh pawh thlang se; buaipui tham leh “International Brand” nei thei tura company liante’n a tam tham avanga an rawn luhchilh tham neih a ngai a ni.
3. Sorkar tan thil hralhna zawn buai a tûl lo ang. Sorkar sum leh tha ringa hlawhchham tawh, an hlawhchham dan bâk experience nei lote ai chuan kan thalai mithiam tam takte an rintlâk zawk ang.
4. Thlai chi hnih leh ran chi hnih ram pum tan tlêm kan ti tâlh a nih chuan, ‘crop zone’ tal siam ni se; kuthnathawktute tan dinchhuahna kawng a awm ang. A pawimawh ber chu, thei/thlai chin tur leh ran vulh tur sorkar hian thlang fel hmasa phawt se, mipui lam chuan, “NLUP tanpuina dawn ka duh si a, chutiang thei/thlai emaw, chutiang ran emaw chu ka thlan a ngai tlat” ti se, kan tharchhuah chu a tam ngei ang.
5. Himachal Pradesh-ah chuan an Chief Minister YS Parmar-a’n American scientist pakhat consultant atan a hmang a. An ram leilung, sik leh sa mil, apple an malthlûr a; tunah India ram state hausa ber pâwl an nih phah tawh a ni. Himachal Pradesh-in apple an tuipui tak tak lâi kha chuan, “Kan chief ninister Y.S. Parmar chuan a men chhung zawng apple a ngaihtuah a, a mutin a mumangah a mang bawk a. Hetiang hian kan state kan dingchhuak ta a ni,” tiin an state-a hnam dang lo kalte chu an hrilh mawlh mawlh thin a ni.
Chutianga an state hmangaihtu Chief Minister Himachal Pradesh-in an neih lai khan a ram leh hnam hmangaiha a lo changkan ve nana rualawt ngawih ngawihtu Pu Lalhmingliana Tochhawng chu Chief Secretary a ni a. Pu Parmar-a nena an remhriatna te chu Mizoram tân hman tangkai ve dan a awm dah law’maw tiin Aizawl-ah a rawn zinpui a. A mite’n kan zir ngang lo a ni ang, an thahnemngaihna chuan kan tan rah tha a thlen ta lêm lo a ni.
Y.S. Parmar-a te anga ram leh hnam dinchhuah duh tak tak leh vei tak taktu kan mamawh a ni e.
NLUP dawng thei lo te – T Vanlalhruaia, Sihphir
SOURCE Vanglaini
Tunlaia lar ber chu NLUP hi a niin a lang a. Sorkar ‘flagship’ programme a nih avang te, kan economy a hniam em avang te, hetiang chi deuh kan kalpui tawh ho hlawhtlin tehchiam loh hlawm avang tein a hlawhtlin loh kan hlau tlang hle niin a lang. A hlawhtlin theihnan chuan uluk leh fimkhur tak, dik taka a dawngtu tur thlan hi thil tul hmasa ber a ni. Hemi kawngah hian pawl hrang hrang leh mitin hian sorkar kan tawiawm a ngai ta a ni.
Tunah hian NLUP dawngtu tur thlan that leh tur a ni tih a chiang ta a. Hetah tak hian thil tha duhtu tan chuan mahni theih ang anga chet lak a ngai ta niin a lang. A chhan chu tuna a dawngtu thlan that an tih chhan hi a dawng theitu tur ni lo dawng tura thlanchhuah an tam avang leh an trade thlan dan fuhhlel avang te nia sawi a ni tlat hi a ni.
Tin, kan hre reng lo a nih palh taka hriat ngai chu NLUP hi tunah mi zawng zawngin kan dawng dawn lo a, Assembly Constituency pakhat atangin chhungkaw 600 zel chauhin kan dawng dawn a, hei hi a tam lo hle tih kan hrethiam vek ang. Khawvel kalphung pangngaia party induhsakna a kal loh theih dawn loh bawk si avangin ruling party duhsak zawng apiang, dawng thei lo tur nen lama dawng tura thlan an nih chuan dawng thei tur pawh ni ila opposition party mi kan nih chuan kan dawn ve hun a hla hle dawn a ni. Chuvang chuan a dawng thei lo turin an dawn lohnan tan kan lak hle a ngai a, a bik takin a dawng thei tur mi phei chuan thikthu kan tihchhiat hle a ngai a. A dawng thei tur leh dawng thei lo tur hi hriatchian a, dawng thei lo tur zingah dawng tura thlan an awm chuan hma kan lak vat zel a ngai a ni.
NLUP Manual 2009 atanga enin NLUP dawng thei tur leh dawng thei lo tur thliar fel sa vek a awm a. Hei tak hi kan hriat tlan a, a tul ang anga mahni theihna zawn theuh atanga hma kan lak a tul a ni.
NLUP dawng thei turte
1) India khua leh tui dik tak, Mizoram mi, khuaa cheng nghet;
2) Kum tin lo neih ringa eizawng chhungkua;
3) Lonei mi ni kher lo pawh eizawnna ngelnghet nei si lo, hnathawk thei chhungkua te;
4) A lo berah kumkhat pumhlum tal chawbel chhuang hranga indang tawh chhungkua te;
5) Centrally Sponsored Scheme (CSS) hnuai emaw mimala hmalakna kal mek, eizawnna tlak tlinga siam tura chhunzawmna (convergence/ gap filling) atan hman ve theih a ni ang,” tih a ni. Hrilhfiah hran ngai lovin a chiang leng lawng hle.
NLUP dawng ve thei lo turte
1) Eizawnna ngelnghet nei tawh sa, sorkar hnathawk te, deficit school-a thawk te, full time-a Mission hnuai leh company hrang hrang leh public/ private sector hnuaia thawk te.
2) Sumdawnnaa eizawng ngelnghet chhungkua te, registered contractor leh supplier te; huan lo ram ngelnghet, chhungkaw chawm thei tura ngaih lo siam tawh te, leilet (WRC) puitling nei tawh, mahni pawha thawk lova midang ruaia enkawl te; eizawnna bulpui ber atana ran vulh changtlung taka lo hmang tawh te, eizawn nana industry trade/ activities hnuaia lo indin changtlung tawh te;
3) NLUP hnuaia tanpuina dawng tawh, NLUP tanpuina sem lehna tur khuaa lo pem lut thar te;
4) Indang thar, kumpuilinglet pawh tling lova chaw bel chhuang hrang chhungkua te;
5) India khua leh tui ni lo te,
Hei hi zir chian a tul ta a ni. Heng hi kan hriatchian a, hma kan lak ngam phawt chuan a mamawhtu leh a dawng theitu zawng zawngin NLUP dawn kim hi a harin a rinawm loh a ni.
Tuna an hnawl tak NLUP dawngtu tur thlanna kha en let ila – sorkar hnathawk chhungkua te, indang thar te leh eizawnna ngelnghet nei tawh an awm nual a. Khatiang kha a awm leh a nih chuan kan hriat apiang thuneitu emaw, a tul anga hma la ngam ngei tur PRISM emaw hnenah hrilh thuai mai i la, tichuan dikna tundin a nih mai bakah NLUP kan dawn hma theih phah ngei ang.
Thuneitu lam pawhin mawhphurhna lian tak hemi kawngah hian an nei tih theihnghilh lo se a tha. MLA inthlana Congress Party tihtur tiam (manifesto)-ah khan NLUP chungchang an ziah kharnan “Loneitu thawk rim chu a rah chang hmasatu a ni tur a ni” (II Timothea 2:6) tih an hmang kha a ni a. Hei hi an kaltlangpui ngam lo a nih chuan talhtum lian takah a la chang thei mai ang tih a hlauhawm viau lo maw?
NLUP hi a hlawhchham ka lo hlau ve em em a, ramdang a awm leh heng article thra tak lo chhiar lo palh in awm takin, sawiho zui atan nipahfawmin ka han thawh ani e.
Similar Posts:
- NLUP dawng ve duh lo, kan khaw pa
- NLUP ka dawng ve maithei
- NLUP zar in zo ve em?
- NLUP Survey hna YMA ten kan kengkawh ang maw?
- NLUP-ah pawisa riral a tam leh ang em?
January 29th, 2010 at 8:13 pm
NLUP hi sem vat teh se!
vai ho tan leh burma sumdawngho tan ahlawk dawn em mai.
Report this comment
January 29th, 2010 at 8:13 pm
mz. a lawmawm e, chiang deuh in kan chhiar teh ang…
Report this comment
January 29th, 2010 at 8:24 pm
Election dawn khan Congress hovin kan tlin chuan NLUP chhungkaw tin tan an tih kha! Bairabi khuah te pawh an sawi ka hria.
Bangladesh atang Chakma lo lut leh Tripura atanga Tuikuk refugee te hian an la ve thei dawnlo anih hi!!!!!
Report this comment
January 29th, 2010 at 8:27 pm
A dawng tur tak te khian dawng leh hlawm tak maw lo en chhin ang hmiang..dawng lo tur dawng an kat leh nuk tho ka ring.
Report this comment
January 29th, 2010 at 8:30 pm
Dawng thei tu pawh an la thlan fel leh pek loh kha,chhuan lam fahrah te2 an siam a, Pawisa neisa vek in ti si hian an lo nei tak2 lo nge ni, kum khat ai a rei an sorkar hnu pawn chhuanlam fahrah te2 an siam a, bul pawh an la tan thei lo zawng a nih hi.
Report this comment
January 29th, 2010 at 8:33 pm
Sum/Pawisa sem hmang ho hi Mizo hmelhma, Mizo Moral tichhetu…
Lo neiha eizawng,taima taka thawk te hi list chhuak se an mamawh ang te hi pe sela .E.g. Thenkhat in fehkawng siamthat,thenkhat tan bawngthuthlawh,thenkhat tan Sakawr etc……..
Report this comment
January 29th, 2010 at 8:42 pm
manifesto pawh nei tha eltiang mahse kei chuan tuna kan politician te chungah hian rinna ka nghat ngam tawh lo. Tawngka chauh, thiltih awm silo, hui ha!!!
Report this comment
January 29th, 2010 at 9:04 pm
East Siang District-ah khian kawlva-len-chham ni hial awm tur Thingpui Huan ka fang tawh a. Chu thingpui huanah chuan rethei fate an thawk suau suau va. Nileng pawha fan zawh sen rual a ni lo. Thingpui chu khawia hralh nge a nih ka zawt a. Japan lama an thawnchhuah vek thu min hrilh a. Thingpui huan chu tu ta nge tia ka zawh chuan TU EMAW TE TE a lo ni thung a.
Bul thar tan tur hian Zofa rethei leh chenbeh zual —NLUP ngaichangte hi kan thlir a tawiin kan dai-hriat a nep hle mai a. Kan tiriral leh mai ang tih a hlauhawm khawp mai! Trade inang thum mai, handle dan inchen hauh lo tur te … dawn chian kim a ngai mang e. A semtu Sorkar lahin mawhchhiat hlawh let a tum lo nasa mai a. Bi-products buaipui lehchhawngtu tur NLUP policy hian a la huam tel tho em?
Mi hausa, huan lo ram ngah tawhte hnenah hian NLUP hi sem zawk ta mai sela, thlamte pawh sak chawp a ngai vak tawh em ni? An lo chei hnum tawh, goat proof engkim awm tawh, tuilak kawng siamchawp ngai tawh lo —tha lutuk tlat a tam teh tawh mai a, NLUP sumin han chulhnum zui tak tak sela, chutah chuan rethei fate hi enchhin nan kum nga chhung han inhlawh suau suau phawt ila. Nghei phang map lova inhlawhna chang ta se. Kan zeiziain a thiam ta fu tihah min han indantir suau suau leh ta mai sela … mihausa leh rethei kan inhne hnai sawt bawk ang a. Inmamawh tawn kan nih han zir phawt ila … mihausa leh politician-te pawhin retheite vote kha inhnemhnan nan hmang ve ta se … a tharchhuah thehthangna hre nghal vantlang chunglam mi hausa lah kan ngah. Kawhmawh bawl fote vote awt lovin kan kal thei mai thei zawk awm asin!
Apang pawhin chutiang deuh chuan a kalpui a ni ve mai em aw? Hei hi misual kamchhuak ve mai mai, barha khawn chi vakah ngaih loh tur ni sa! Puitling chuang lo tur, insep rawtui siakna mualah kan khawsak than tawh vanga rawn tiri ve mai mai ka ni e. In duh leh min hlap hrep rawh u. Kei misual dum ber hi! :roll:
Report this comment
January 29th, 2010 at 9:04 pm
khaw tin ah mi 600 in an dawng dawn a engkhua ah pawh ruling pawl in an dawng tam tur ah ngai leh ta ila opposition pawl lam chan a chau leh hle nga.. sawi peih vello e keicu. Bible thu te hi kan ti bawrhbang vek,in tih rinawm nan kan sawi ve zen lehnghal!pathian hi a zahawm zo zai tawh em mai
Report this comment
January 29th, 2010 at 9:06 pm
Hlawhtling kan tehna hi a inang lem lo viau ang, A bikin Politician ten hlawhtling an tehna phei chu a ni lehzual ang. Mahse, hman deuha ka article-a kan tarlan tawh angin NLUP hi a hlawhtling chuan thil mak tak a ni ang.
Report this comment
January 29th, 2010 at 9:08 pm
Ngaihtuahna ti sei thei te:
1)Khawpui a cheng 50% population dawn lai kan nih si chuan,mirethei hrim hrim khai chhuahna proggramme angin sem sem dam dam tih hlasa hian kan dam phah chuang dawn lo.
2)Entirnan,Aizawl East II bial hausa veng 3 leh sateek bial khaw 12 velah dawngtur quota a in zah dawn em ni?.Thingtlang Khaw tamtak rethei tak tak awmna,ram tha nei si leh sorkar hnathawk pawh awm manglohna khuaah mi 10 vel lek in an dawn lai a New LAND use policy hming pu si a,ram pawh nei si lo leh ran vulh phal lohna veng zarkawt leh dawrpui veng angah te mi 20/30 thlan chuan hriatthiam a harsa ti tawk an awm mahna
3)Chhungkaw 600/constituency ti lovin a tangkai pui tur thingtlang lam ,urban a cheng lo pe tam sela,khawpui a awm te pawh an duh chuan thingtlang lamah insawn leh mai turin ruahmanna siam ni se la.
4)Mizoram urban population sang fal lutuk hi a pawi em em mai a ni lo ,time bomb chikhat tho a ni .Thingtlang kuthnathawktu mi 50 in khawpui a hnathawk ve lo mi 50 ei tur a ngaihtuah kep sak a ngai tihna angvel a ni ber e.Thingtlang population ti tam turin thlemchhuahna hmanruaah tang thei se la.Thenawm state ho statistic hi en ila a chiang mai awm e.
Mizoram mi 100 zela khawpui a cheng (ram hnathawk lo)–49.5
SIKKIM mi 100 zela khawpui a cheng (ram hnathawk lo)–11.1
Arunachal mi 100 zela khawpui a cheng (ram hnathawk lo)–20.41
Nagaland mi 100 zela khawpui a cheng (ram hnathawk lo)–17.74
https://hetv.org/india/population-2001.htm
POLITICAL METHOD +++ SCIENTIFIC METHOD.
Hawh u. I ngaihtuah tlang tak tak teh ang u.
Report this comment
January 29th, 2010 at 9:26 pm
U luk taka ka chhiar zawh hunah, ka mu ang a, chuan naktukah ka comment ang :!:
Report this comment
January 29th, 2010 at 9:32 pm
@Daff-te. kei pawh comment tur in ka la ‘mood’ lo khawps mai…. :lol:
Report this comment
January 29th, 2010 at 9:39 pm
‘SEM’ tih a nih chhung chu ‘sem’ policy hi chu ka support ngai lovang. Awlsam taka neih duhna, tangkaia hman chhuah leh awm si lo, min eichhetu mai mai a ni. ‘easy come easy go’
Amaherawhchu, NLUP hian mi rethai chawikan tumin hei hi thawk la, heti hian ti la, heti hian chhunzawm la, heti hian i hlawkpui ta e tiin chumi a tan chuan ‘sem’ lovin ruahmanna siam pui nan hmang se 100% in ka thlawp ang. Chti a nih loh chuan NLUP hmasa ang mai khan Bike, Tape Recorder etc.. thar nei an awm leh sup sup mai ang. Ramin a thatpui dawn chuang silo.
Report this comment
January 29th, 2010 at 9:47 pm
Kei chu kuthnathawk a eizawngah(ti tak2ah) inchan ta ila Rs nuaikhat ai chuan, ka huan thleng metal road,ka thlam thleng electric, leh thlai chawmna tuikhuah or tuilakna kawng/channel/pipe tha, if wishes were horses, agri/horti mithiam manchawilova ka duh hun2 a ka farm a ka koh theih tur,ka thlaithar market phurh thlennan tractor,tractor chawp a inhung a ka thlaithar hralh theihna tur market lian/zau ka duh mah mah.
Report this comment
January 29th, 2010 at 9:49 pm
Thil tam tak ka hre lo nain, NLUP scheme hi a tha maithei la chiang lovah ka ngai a, engpaw nise sum a in thlem hi chu ka damchhungin engahmah ka ngai ngai lovang, Pathianin ka chantur khawvelah a dah chiang bal he he
Report this comment
January 29th, 2010 at 10:00 pm
@shailendra hengtiang thilah hi chuan a comment tawi thei vak lova tiraw, chuvang chuan hahdam deuhin mu phawt ila, thinlung leh tihtak zetin naktukah kan comment mai dawn nia auh! Inhnial te a ngaih phei chuan inrin lawk a ngai dawn tlat :lol: OT dalah NLUP hi ration card nei zawng hnenah pe rawh se :lol:
Report this comment
January 29th, 2010 at 11:01 pm
Pu MZ i post tha khawp mai, ka chhiarchhuak dap mai, NLUP hi chu a hlawhtlin vak ka ring lo khawp mai pawn lam atanga lo thlir chuan !
Report this comment
January 29th, 2010 at 11:06 pm
East Pakistan tih a nih laia Chakma raltlan —NEFA lam pan ta te PETROMAX kha ka pan a lei a, a va han tha mai mai tak em! A hmel a hlui ruap na khan, Brand new-a leite ta nena khaikhinin a inen hleihin a inthat hleih, kan kawl tawh lo mai thei. Tlo pawh a tlo! Kum 1964 hun lai kha ni tain ka hria, Lunglei-ah refugees kan lo thlir thin a, an rim a chhe thei khawp mai! Tunlaia Arunachal lamah hian an chho hlawm nual a nih kha!
OT loh nan, Arunachal khian NLUP ang hi an lo pe ve ang em?
Report this comment
January 30th, 2010 at 5:47 am
NLUP ah hian sum tam nasa tak senral ani dawn. Heihi kan chhiatpui ring kan tam hle, mahse kan thratpui ngei theih nan kan finna leh remhriatna te thawhkhawm a ngai. A Minister leh a Dept hote hi a hre ber ber an ni lo. Thrataka manange anih theih nan ngaihtuahna i seng ang u, thurawn ngaithla duh an nih ngei beisei ila.
Zozam Times atranga lak hi kan paste ange –
“Sorkar flagship programme, New Land Use Policy (NLUP) atana kum 5 chhunga sum hman tur Rs. vbc 2526.98, Prime Minister Dr. Manmohan Singh-a’n a thuphung-a a pawm tawh chu ennawna, thla khat chhung vela ruahman fel theih beisei a ni.
NLUP atana sum hman tur Rs. vbc 100 chu kum 2009-2010 Budget-ah khung a ni a. Amaherawhchu, kum dang zelah pawh state budget a pawh hek zel loh nan Prime Minister Special Pakage atanga pek tura dil leh zawk a ni a. Hetianga ruahman a nih tak avang hian kum 5 chhunga sum mamawh tur nia ngaih Rs. vbc 2526.98 chu Detailed Project Report (DPR) fel fai taka siam a nih hnu-ah Prime Minister hnenah thehluh a ni a, a ni chuan a thuphung-in a lo pawm tawh a ni.
Prime Minister-in a lo pawm tawh bawhzuiin Planning Commission chuan NLUP ruahman dan kimchang zir turin nikum December thla khan central team a rawn tir a. Anni hian an report pawh an thehlut leh tawh a ni.
He report-a siamthat ngai nia lang te leh ennawn ngaite ennawn tur hian Committee of Secretary an thukhawm leh ang a, chu chuan sectorwise-a kalpui dan tur te an ruahman hnu-ah Prime Minister-in a lo approved ang a, chumi hnu-ah Planning Commission-in sum ruahmanna chu a lo bawhzui tawh dawn nia thu dawn a ni.
Prime Minister Special Pakage atanga sum pek reng reng hi Ministry hrang hrang atanga sum pawhkhawm a nih thin avangin ruahmanna felfai tak a awm a ngai a. He ruahmanna ber hi Prime Minister-in a thuphungin a pawm tawh a, a approved hnu-ah chuan NLUP sum hi ruahman fel (final) tawh anga ngaih theih a ni dawn a ni.
Tunhnaiah NLUP sum atan sorkar department hrang hrangin hmasawnna hna an thawhna tur, Centrally Sponsored Scheme (CSS) sum pawh khawm rawtna awm anga sawi chu thil dik a nih thu thudawnna chuan a sawi a. Chu chu Planning Commisssion rawtna a nih zawk thu a sawi bawk.
CSS sum pawh khawm a tulna chhan hi NLUP hnuaia trade/activity hrang hrang-a zingah CSS hnuaia sum hmuh thin tam tak a awm vang a ni. Entirnan: Horticulture hnuaia sapthei chingtute tanpui nan CSS sum a lo kal thin a. Chung sapthei chingtute tho chu NLUP hnuaia sapthei chingtute an nih leh theih si avangin sum dawn thuah tam tak a awm thei a, chuvang chuan sum a inkalthuah nuai loh nan NLUP hnuaia sum kal khawm tir chu tum a ni ta a. NLUP hnuaia sum a kal khawm chuan a tam zawk theih dawn bakah sum kal thuah a awm thei dawn lo a ni.
Kum 5 kal ta (2004-2005 atanga 2008-2009) chhung khan department hrang hrang atanga CSS sum hmuh chu avaiin Rs. vbc 498.67 chauh a ni a. Chu chuan NLUP atana kum khata sum hman tur ruahman (Rs. vbc 500 vel) pawh a phak loh avangin CSS sum atanga dawhthleng siam aiin NLUP hmanga dawhthleng siam chuan a dawnghlawk zawk thei dawn niin thu dawn a ni a. Hei hian NLUP concern department ni lo te chu an huam ve chuang lo niin sawi a ni bawk.
NLUP atana DPR buatsaihtuten an chhut dan chuan thingtlang hnathawk chhung-kaw pakhat hian kum khatah Rs. 5625 lalut angin an chhut a, chu chu nikhatah Rs. 23 ang a ni. NLUP hlawhtling taka kalpui a nih hnu chuan a let 10 in an lakluh hi pung thei turin an chhut a, kum 5 hnu-ah phei chuan state economy thanna (SDP) hi 16% deuhthaw a kai turah an ngai a ni.”
Report this comment
January 30th, 2010 at 7:22 am
NLUP hi 30% pawhin hlawhtling se kan ram tan chuan kan thatpui hrim hrim ka ring. Cheng nuai 1 hi thingtlang mi rethei tan chuan chhenfakawm tak a ni. NLUP dawngtute puitlin leh puitlin lohvah a hlawhtlinna a innghat. Eng ‘trade’ pawh thlang se, sawrkarin mithiamte hmangin NLUP dawngtute hi vil zui reng se la, thurawn pein fel takin kaihruai zui bawk rawh se. Tichuan a hlawhtling ang. A hlawhtlin loh thulha a dawngtute mawhpuh tum nghal rana tawngka lo neih hi sawrkar tih tur a ni nghal ngawt lo. A hlawhtlin leh sawrkar leh mipui tan, a hlawhchham pawhin mimal mai ni lovin sawrkar pawhin mawh a phur ve tho tur a ni. Mimal in mawhpuh kualna lam ni lovin, theihtawpa mipui leh sawrkar tanrualna tur thil a ni zawk.
Pu Manzuala sawi khi a dik ka ti tlangpui. Hriat a tlem em a, comment thui lo mai teh ang!
Report this comment
January 30th, 2010 at 7:37 am
@keimah i tidik ngawt mai kan in encourage tlan atrul emorinaly in. NLUP hi thil tak tak ani duhthawh erawh a na khoops tunali management guru ho pohin Continual improvement tiin hmasawn thra zawk hlawk zawk heklo zawk an zir zel. Continue trullo an drop hmaks ngam bawk.
Report this comment
January 30th, 2010 at 7:54 am
NLUP hi Hausak pui a; Zoram Economy ti thang uak uak tur a duan ani lo tih hi kan hriat hmasak atha fo ang,Mirethei rahbi tleu laklawhte khai chhuah nan a sawrkar ruahmanna mai ani. A hlawhtlinna kan teh dan pawh a in chen kher lovang, Kan Sawrkar thar alo din a;mirethei ten beiseina thar kan nei leh ringawt pawh hi kei chuan hlawhtlingah ka in ngai tawh. A ram pum dingchuak phut Khawvel khawilai ah mah hian an awm lovang.
Engpawhnise mipuite kan harh angai ani,sawrkar hian programme leh Policy mumal tak neiin kalpui atum a; mipui te hi hna min thawhtir tak tak atum ani,Pawisa fai ngerto mai mihring hian khawvelah hlawhtlinna tak tak annei ngailo.Chu vangin kan ram siam tur hian Sawrkar kan thawhpui a thlirtu mai nilova mahni hmazawn thawktu theuh ni tlang ila Beiseina nung neiin kan ram hmasawnna tur tiin in sangmar ang u hmiang.
Report this comment
January 30th, 2010 at 1:56 pm
@Thaiboy, ka thlawp che.
NLUP dawn ngai lo va chhungkaw inenkawl thei sate hi kan vanneihzia hre thar ila, kan thenawm pa berh zawkten NLUP pawisa nuai 1 an dawn tur hi thik lovin lawmpui zawk ila,a dawng lo turin Ruling mi nih avang maia dawn lo tum ve te phei hi chu a ‘ram hlui zia’ em em a ni!
NLUP hi a tha kan ti emaw, ti lo emaw, a program hi a kal tho tho dawn a, pawisa cheng vaibelchhe tam Mizoram tana hman tur hi dik taka hman a nih theih nan MIZO tawh phawt chu theihtawpa tan ho leh inthurual tlan a tha khawp ang.
Report this comment
January 30th, 2010 at 4:26 pm
Ram CK-ah chuan Rural Isolation tihbo te, Urban amenities in Rural areas tihte an buaipui tawh laiin keini ve chuan NLUP Basic Human Needs kan tran ve leih leih India Independent kum 60-na ah leh mahni ro kan inrel kum 40 dawn-ah
Kan ram tan leirem la raplo kan unau te tan hautak leh senso tam rapthlak tak seng tura NLUP hi buatsaih ani. A hlawhtlin ngei nan tran kan lak threuh a poimoh bon top tops
Report this comment
January 31st, 2010 at 2:57 am
NLUP sum mirethei te hnen a an sem hrim 2 chuan hlawhtlin na pa khat chu ani tho a lom .
eng ti pon hmang se .chu erawh chu sorkhar policy chu a ni hauh lo nang in
an se hma sak poh khan zoram hmar chhak lam khaw trhen khat te chuan in leh lo trha tak an neihphah a sin.
Tak 2 a na ei leh bar a intodelh na tur tak tak chuan thali leh thei te hi tam lua awm lo in thar a ngai reng a lom.Mioz in tam kan tih hi a lo tam lo tih poh hi a dik a lom he lam ah poh banhal hmun ringawt poh hi kawng atrang a lan thei chin poh a thyui thei e mai .
Mi thai leh thei hmun te hi hmuhnawm tham khawp in a tam ni maw le.
Report this comment
January 31st, 2010 at 8:09 am
hmingte khalama balhla an chin dan tuk dawn leh tuk hnu-a an eknawkl dan leh an packing dan te engkim min lo study sak teh auh, thlai dan re re poh. ron zin hunah min fanpui dawn nia.
Drip irrigation an tihdan te, Certified Seed an siamdan te thlengin. I hriat thuk vak loh pohin zawh tur tal lo zawng rawh. an contact email elh phone te lo la la.
Bakah an thingtlang an tih changkan dan hi khawvel hian zirthmah a ngai chung thleng pawh chuan ka interest hle ani tih min lo chhinchhiah sak keuh rawh auh
Report this comment
June 21st, 2012 at 2:53 am
Tünah hi chuan NLUP hi a hlawhchham a ni ber tawh lo’m ni?
Bâwng chi-chhemi, ui ni sé tang dam kan tih tùr, saräng leh tuipuana ineipuar lalh thei te an sem ni àwmin an sawi a. Bawng chi-ṭhami a ni an la ti ta dah a!
Report this comment