Ka dawn vel thin, Lei hringnun hi.
A mak ka ti..Tuar thiam a har ngei e.
Awmlai lianin ka Hrai dawntuai banah kaiin,
An hruai lui ta thlafam vangkhua lawi turin.
Khuanu rorel em ni ang, kei ka chan hi.
Engan i hual zawkloh tiin ka dawn.
Ngaiin au mah ila, chhanzai a rel si lo.
Rial-ang dai hnu, ka hrai sakruang chulin ka tham vel a.
Min sel lo u..rual duh te u.
Dawi-ang dawm a ka thlir nin loh ka hrai riangte kha,
Ka ngai em e-a lenlai ni te.
Theihchang se chelh din ka nuam ngei e.
Ka tan Ni leh Thla reng a eng lo ve,
Tikim dawnin chhunni leh zan ka hmang liam a,
Hnemtu ngaiin ka van ruai e-
Min hnem love engkim mai hian.
Engtin tuar ve che u maw, tuaiduh lawmlai chan zawng te’n.
Kei zawng a na ka ti, ka tuar thiam mawlh lo ve..
Awmlai lunglian vanga hrairiang then chu,
Min hnem an ka sawm che Chung Pathian.
Baw-ar lungfingte’n min thovin,zingtian khua lo var leh a,
Min tham vel e..khawhar, nunruakna in.
Ka hrai chhamang zalna leidai pan zai ka rel leh thin.
Thlahna Parmawi leh leivung mai ka chan a lo ni si.
Aw..ka zantlai tawnmangah chang mai teh se
Chhungkim te a hlim ni lo her leh in,
Duat ten chul a thlir leh ka nuam ka hraite kha.
Thinlai ti riang, lung ti leng an maw i lo pian le.
September 29th, 2011 at 7:11 pm
(Y) (Y)
September 29th, 2011 at 7:12 pm
Like (Y)
September 29th, 2011 at 7:20 pm
(Y) :-S
September 29th, 2011 at 7:24 pm
Phuah thiam e (Y)
September 29th, 2011 at 7:26 pm
Mate_ainawn, grammar hi ka sawisel dawn..phal em??.
A thu hi chu..ka duhthusam a ni…a va mawi em..a ril hle mai..(Y)
September 29th, 2011 at 7:31 pm
;( (W)
phuah thiam khawp mai (Y)
September 29th, 2011 at 7:33 pm
A dawngtu tan a va hlu dawn em! (Y)
September 29th, 2011 at 7:33 pm
@ % Mate Tat Rawt..sawisel lutuk rawh..nge min dil kher..ka hnek dawn che 😛
September 29th, 2011 at 7:41 pm
Isaac a thihni khan pakhat mah ka comment theilo… Fa chan awmzia la hre lo mah ila,ka hmangaih takte a kum zawnin 3 in min kalsan a,engmah sawi tur a awmlo,a tawp em a ni!
September 29th, 2011 at 7:49 pm
Kan thianpa Chawnghilh hian a Fa 4 zinga Upa ber, Isaac Jr. Muankima chu Dt.25-09-2011 khan Lei dai a Mu hlen tawh turin a thlah liam a..A tan a nat dan tur leh, a Nun ram vahvaih rukna tur hi -ka tuar tawh avangin, ka lainatin ka hrethiam tak meuh a. Amah-Chawnghilh hi kei leh ka Thianpa best friend a ni a. A chhia a tha-engkim kan in share a..ka lainatna Thinlung hi khi aia nasa a pho chhuah thiam ka chak tak meuh a ni.
September 29th, 2011 at 7:50 pm
Tha reuh ve..a thluk siam atan.
September 29th, 2011 at 7:53 pm
@ 9..Jacka Pi, ka va khawngaih che ve aw, kei pawh ka fapa neih chhun in min liam san a, a kum leh a ka Big sis. fapa neih chhun, ka awm tlei in min kalsan leh a..kum a lo thar leh a, ka nau, ka chhang chiahin min kalsan leh a…a mal pawh a Tuar ka zuam loh hlir…. hrehawm tak a ni.
September 29th, 2011 at 7:55 pm
@10…”Lei daia mu hlen” tìh lai tak khi Pastor vui liamdan nen a inperhsan lo maw…te ka tia.
September 29th, 2011 at 8:00 pm
Thi ve ta ila kanu hrehawm tih tur zia hi ka ngaihtuah thiam phaklo.
September 29th, 2011 at 8:06 pm
a fapa rangkachak ka nia. heheh
at deuh hlek lai khan a rilru ka ti hah nasa thei lutuka a zialo tak tak ani.
September 29th, 2011 at 8:11 pm
keini thangthar te chuan kan chhiar tha thiam hleinem le tiro CHEMTATRAWT 😀
September 29th, 2011 at 8:12 pm
@mate ainawn, i lo va tuar nasa em. Ka va khawngaih che ve. Thihna hi chu a tuartu lo chuan a natzia a hrelo. Keipawh ka nu ka sun tawh a, kum engemawzat a liam tawh na in rilru ah a la thar reng.
September 29th, 2011 at 8:18 pm
Ava lungchhiat thlak tak ve maw le.
September 29th, 2011 at 8:38 pm
A va tha in ava mawi em….!!!
September 29th, 2011 at 8:41 pm
(Y) ;-( (W) (8) (8)
September 29th, 2011 at 8:58 pm
A post-tu hi ka tan lutuk!
Thiante chawimawi thiam chuan tuarpui pawh an thiam thin!
Amah, Chawnghilha hi ka ngai khawp mai!
September 29th, 2011 at 9:03 pm
(Y)
September 29th, 2011 at 10:25 pm
Va’n phuah thiam kher em. A ril rem rem kher mai.
September 29th, 2011 at 10:44 pm
@ 13..ni khawp mai..Hring chan lai a Mihringte rilru a tuar na Na lutuk ah chuan maw..khawvel a tawng tawhlo tur a ‘Mu hlen” chu an nia lawm.
Mahse Lal Isua lokal leh hunah chuan..Ka Pa 1976 a boral ta te, Ka Nu 1978 a boral ta te, ka fapa neih chhun, ka U fapa neih chhun leh Ka nau te kha..Krista a Muhil tawh te, tho hmasa zinga lo tel tur, keini Nungdama awm ten kan hmuh leh ngei Ni nghakhlel taka thlir tu ka ni a..
September 29th, 2011 at 10:46 pm
@ 21 Ignatia..Chawnghilh chu BSNL Broadband a hmang a, Net work a nei mumal lo a..hei kan inbe mek e..ka lo hrilh nghal e..
September 29th, 2011 at 10:59 pm
Tun mai 10:50pm a Chawnghilh message ka dawn hi Comment a lo telh tur a mi tih angin hei aw…
The final hour has come, they lifted the casket lid adorned with fresh colourful flowers ! There slumbered my lad inside the casket ! Wailing and weeping echoed all around the thronged funeral cubide ! Then they sealed the lid, never ever to be opened by man ! Good bye..My Boy.
September 29th, 2011 at 11:05 pm
‘Cubacle’a ni zawk e. Sorry…typing mistake
September 29th, 2011 at 11:06 pm
Chawnghilha message hian ka hnuk a ti ulh. Fapa nei ve tho ka ni si a, ka han suangtuah vel a, ka patling thei hian ka ring lo ve.
September 29th, 2011 at 11:11 pm
@ 15 funny..i Nu hlutna i hriat chian avangin ka lawmpui che..I inchhir lohna turin a damchhung a enkawl na chance i la neih kha..Duat ang che aw..
@ Sheldon170..min hriatthiam vangin ka lawm e..Ka Nu leh Ka Pa pawh ka sun tawh bawk a..Mi ang a thiam tak mai a sawichhuah hi ka chak thin a sin..
September 29th, 2011 at 11:16 pm
@ 28 PKfanai..khami Ni khan Misual engemaw zat kan kal a..Chawnghilh chu a Smart tawp asin. Hlim takin kan awmkhawm biknaah lokalin, misual ho chu min rawn chibai a.. a tuarna kha tilang lovin, Pa hle mahse, a cheziaah lainatawmna hmuhhmaih rualloh a awm a ni.
September 29th, 2011 at 11:23 pm
A va á¹ha á¹huai á¹huai ve leh.. (Y) (Y)
Chawngchilh nen hian kumin kumtir ka zirna lama ka chhukthlak leh hma khan kan inhmu zuai tawh. Ka patea (Makima) inah lehkhabu lama ka kal tumin hmeichhe pakhat hruaiin a lo leng ve a, kan inchibai ve ngei kha maw…
September 29th, 2011 at 11:32 pm
@30.mateainawn, keichu ka hnuk a ulh hma lutuk. Ziro ah Hong khuaah leh Bula khuaah kristian awm teuh tawh siin biakin din an phal tlat lova, Krismas urlawk zanah a rammi dik tak nutling-patling 40 rual zet inchhung khat putin an thu a, ‘ka fuih ve e’ ka ti a, an dawih lutuk khan ka hnuk an ti ulh tlat mai a, ka tap hlep hlep mai maw le.
September 29th, 2011 at 11:37 pm
(Y)
September 29th, 2011 at 11:39 pm
Ka sawi leh duh chu…Misual.commer nih hi a lo va hlu tak em.’ tih hi..Chawnghilh chhiat tawh chungchangah hian, Lunglei lam Unaute’n lo buaipuiin, tawngtai a thlahin, Pangpar nen an vai liam a, Thenzawl ah mal takin Ninja in Pangpar nen a lo hmuak a..Kan admin, Sandman pawh a Pa damlohna vang a lo chuang chhuak, a hun chep tak karah, ngai pawimawhin a kal hram hram a..Pa MZ vission, Chawnghilh nen a zin dun pawh, tlaivar dawn a zinkawng an hmandun hnu ah, a ruang Ni nilengin, Pa chan changin, tlai thim thlengin, mut hahchawlh pawh nei lovin a tluan thak a..Thian te hlutzia leh, Misual.Com avanga kan in ngaihsak tawnna hi vul zel teh se.
September 29th, 2011 at 11:44 pm
@ 32 PKfanai..in inpekna atang chuan hnuk a ulh duh khawp ang..ka big Bro. hi tiang lam a kal hi a awm a, a lo haw chhun te hian, a cher deuh kleh kan khawngaih a..in inpekna hi a hlu e lawm.
September 29th, 2011 at 11:46 pm
@Awithangpa! Oh.. mate ainawn, i phuah nalh dan-ah a taka tawng tawh i ang.
Lusun hlim ka hmuh tawh-ah Chawnghilh ang hi ka la hmulo. A fapa ruang awmna a thlen hma khan kawng lakah kan lo hmuak a, pangngai tak leh light tak, danglamna awm miahlo in kan inkawm thei tho nia, ka chunga thleng ni ta se ka tlinloh tawp tur thil niin ka hria.
http://www.freeimagehosting.net/80ebc
Kan tih theih tawk lah hi a tlem bawk si.
September 29th, 2011 at 11:52 pm
Misual nih tinuam tu.. mate ainawn… I contribution a va hlu tak em! Pu Chawnghilha tawrhna tawmpui chiang ber tu i ni ngei ang. Hetia, kan lungngaihna kan intawrhpui liam liam thin hian chhungkaw lian tak kan nih zia hi a tilang chiang leh zual thin. A ropui e
September 30th, 2011 at 12:00 am
A hlu hle mai. James Lianmawia thu leh hla kha ka hrechhuak leh thin…
“ka la thlakhlelh em avangin a banah ka chelh a
A awmah beiin ka tahawh a,
‘cham rih rawh aw’ tiin ka ngen tak lawm lawm a,
Mahse ani chu a dai riai riai a
Dairial a chang zo ta.”
Lusun khawharnain min han zen vang vang tawh hi chuan -min awi-tleitu tur hi a vang pharh mai a lo ni; hmel hmuh leh theih mai beisei-te laka lunglen hi zawng a lo na tawk lo-he leiah kan tawk leh tawh dawn lo a ni tih hriat reng te laka lunglen hi zawng a na ril rawt mai a nih hi.
Mahse beisei bo kan ni lo ve-Mate ainawn leh chawnghilh hi he hla thu hi ka’n share ve zauh teh ang-
Thim zingah thuin, mangang ritphurin
Hlim ni reng i beisei ngam tawh lo maw
Chung lam thlir reng la, chhandamtu lam chu
Pathian hmel duhawm chu a lo eng ngei dawn e.
I rilru lungngaia rumin mangangin tap thin mahla
I beiseina chu bo rih mahse thim chu a kiang ang
Khua a la var dawn-
Pathian hmel duhawm chu a lo eng ngei dawn e.
I thlarau chauin i thinlung a hliam,
Lalpa thatzia chu i lo ringhlel maw
Mahse nghak hram rawh, kawng hawn a ni dawn
Pathian hmel duhawm chu a lo eng ngei dawn e.
September 30th, 2011 at 12:19 am
Tunlai huna hla phuahah chuan mawi leh ril ka tih ber pawl a ni e. Thinlung ril ber atanga rawn bun chhuah hawk hawk anih vang a niang, a takin min vit ngaih mai. kan tawngtaina a thlawn ta vek amaw kan tihte hi nakinah, a lo thlawn hauh lo a ni tih kan hmuh hunah chuan, kan lawmna tizualtu an la ni ang.
September 30th, 2011 at 12:21 am
PU Vakul i hla thu rawn thlan chhuah hian min ti no deuh nghulh nia..aw he hla duh tawka han sak a, han bass hem hem mai te kha.. tun ah zawng mahni in room ah kan kiu riai riai thei ta chauh mai si.. lung a leng dawn tlat
September 30th, 2011 at 12:26 am
Doc, Ni e, tiraw kei pawh zaipawl ri hriat phak lohnaah ka inkulh a- a hrehawm ka ti thin a sin aw…mahse music video tal a la awm a.
September 30th, 2011 at 12:57 am
mate ainawn leh! hnuk i tiulh mai dawn alawm mawle! Chawnghilh hi mi puitling tak a lo ni e. A tuar na a ni tih chu a chiang, mahse puitling takin a inthup hram hram.
He hla hi a thluk siam nise tih ka rawt e.
September 30th, 2011 at 1:47 am
awi, i van phuah thiam ve…ka mittui a parawl tlat ;-(
September 30th, 2011 at 5:03 am
@mate-ainawn leh comment-tu zawng zawng —In chungah ka lawm e.
The final hour has come,
they lifted the casket lid
adorned with fresh colorful flowers!
There slumbered my lad inside the casket!
Wailing and weeping echoed
All around the thronged funeral cubicle!
Then they sealed the lid
Never ever to be opened by man!
My lad would never be seen again!
He has gone back to his beginning!
Good Bye, My Boy!
Meet you in the air
When our Lord and Savior comes again!
Tin, Lalawithang Nu kan tih thinin hetiang hian min rawn phuah sak tawh bawk a :
Awmlai lovin i hrai duh lai a kai ta maw
A hrang mang e thihna kut-vawt hrualhrui
Hringnun beiseina beidawng zet hi zawng
Hrengah tantir chatuan thei tehreng ila aw.
Ngaih ni zual zel tur Junior sakhmel leh
A sulhnu hmun hlui zawng zawng te
Chhui chhui mah la a sakruang piallei a chang tawh si.
Zalenin dam rawh lungngaihna ata
Lunglenna ngui-ban rawh hmangaihna ata
Beiseina beidawng thamral thin hi
Zalengte hmuh thiam loh nun chaute chanvo a ni.
— Mary Winchester Zoluti Pachuau, September 26, 2011 — 11:59 PM (A mid-night text I received from her)
Text tam tak, hlu tak tak cell phonre atangin ka dawng bawk, phone call lah chuti bawk! Inleng an tam, Mizo tlawmngaihna lah a chhuanawm. Hnemtu zawng zawngte chungah ka lawm.
Ka pachan ve theihna awmchhun kha CASKET leh a chhunga ruang aia thlakhlelhawm zawk RESURRECTION at the Second Coming of Jesus Christ (Yahshua ha Messiah) ka hmachhuan daih zawk vang a ni e.
September 30th, 2011 at 5:16 am
Duatte’n chula thlir leh ka nuam ka hraite kha.
Thinlai tiriang, lung tileng a’n maw i lo pian le.
A va mawi ve le! Mite thatzia hi ka hmui-hmai hian a pholang thiam phak lo. Thlan laia kal 150 an tling, vuina hun serhah kawtkai zau ve tawk piah lam thleng an awh. Englai pawha min zaipuitu in chhung leh verandah zau ve tak khat an awm reng thin. Mitthi buhfai lakkhawm Quintal 5 aia tam, thingfak-pawisa ringawt pawhin Rs 5,000 a khum!
Thenrual tha an rawn chechhuak chiang hle —Lunglei leh Thenzawl mi(sual)-te chungah lawmthu sawi sen loh ka thlen hrim hrim bawk e.
Vuina hunserh a hmuna neih laiin Mumbai Mizo Welfare Association lam pawhin ka makpa Thanchungnunga Chenna In-ah an lo hmang a; Lunglei lamah pawh Samson Zoramthanga inah an lo hmang ve bawk.
Ruang thlak hnua min ngaihsaktu leh tuarpuitute an la rawn inlan tam hle. Mi chhungte chhiattawh kan lawm zawh loh vei nen!
Kan beisei, Van Jerusalem he leia rawn inhung tur thlen hlan a nghahhlelhawm hle mai! Chu khawpui thar chuan Hospital tha ber a nei a, thlanmual erawh chhandam fate tan a awm ve tawh dawn lo.
Pathian Yahweh leh a Fapa Yahshua Messia chu fakin awm zel rawh se. Pathian Thlarau Thianghlim awmpuina in zaa chungah lo thleng thar zel bawk rawh se.
Messia zarah liau liau —ka mittui a hul e.
September 30th, 2011 at 8:09 am
ka va vui let ling zawk em. Keia bengvarloh nge ka thiante hi. Mahse enga pawh chu ni se Thianpa, Chawnghilh, in chanchin ka lo hre lo a, a va pawi runthlak em ve le. ka thinlung chhungril hian a tuarpui tak zet che aw.
‘A va pamhmai em Hringnun hi, Nun chu tawi mahse Thih meuh zawng a lo va sei em!
tih thu hi ka thinlungah a lo ri nawn leh a..!
Thianpa zam suh aw.. I sirah leh hnung lamahte i thian kan ding reng fo vang.
LALPA’N awmpui zel che u rawh se.
September 30th, 2011 at 9:13 am
@ 38 vakul…a va tha-in i va thiam tehreng em..ka thinlung a Thihna avanga ka natna leh a kaihhnawih..ka zan mu pawh harh phah hlawl hlawl thin na..thlanfim tla bawrh bawrh a ka Tuarna hi sawi fiah thiam ila, midangte tan a hlut ve rinna te ka nei thin.
Mahse, heleiah ngei hian, Lal Isua lokal ni a, Mitthi te thlan atanga an thawh leh ni ah, ka hmangaih kal ta te hi ka hmu leh dawn a ni, tih ka hriat avang hian, chaklo chung pawhin Lal Isua lokal nghakhlelin ka hringnun hi ka hmang mek a ni.
September 30th, 2011 at 9:17 am
@ 46 Chhimkeite…Tuarte kan in tuarpui a, lawmte in lawmpui tawn hi a va hlu tak em..Damchhungin tihain insuihkhawm tlat ang u..Misual.com vul zel teh se.
September 30th, 2011 at 9:21 am
@mate ainawn, a van tha kher ve le, I thiante laka i inpekna a hlu takzet
Misual a ka hmuhchak pawl i la ni fan!!!
September 30th, 2011 at 4:00 am
A thiam khawp mai. Comment pawh a chakawm loh zo vek, ngaihtuah chhuah a tam
September 30th, 2011 at 9:31 am
@ 49 littlerascal..Pathianin min veng ang a, kan inhmu em em ang..Arpui Tuilai ka talh sak dawn che ka tih kha..Damtakin lo awm la, a hun chu kan nghak thleng mawlh ang.
September 30th, 2011 at 9:44 am
September 30th, 2011 at 9:54 am
mate ainawm i va’n phuah thiam reuh ve a, lung a kuai raih mai alawm. Min lo phuahsak ve roh aw, chhas bem na lampang.
September 30th, 2011 at 9:55 am
Min va hneh em, Pathian zarah Fa ka la sun lo na a, a ziak tu ril ru nat tur zia hi chu eng emaw chen chu ka hriatthiam pui
September 30th, 2011 at 2:12 pm
Post tha tak leh comment tha tak2 ka chhiar a, fate sun ve ang maiin lung a chhia a, mittui a tla thei a lawm..
Kan hmangaihte kan chan ve hma chu thihna nat zia kan in hriatthiam pui tak tak phak lo ang.. Pathian in lusun lungngaite hnem mawlh rawh se..
September 30th, 2011 at 2:24 pm
E khai van phuah tha ve….,
September 30th, 2011 at 2:31 pm
“Puini chu lem ang zu der teh la,
Nang chu Awithang, ka tuai lungrun;
Hring lamah lo kir leh la.
Ka sa maw nuar, ka chuni nu, a i emaw kan sual e,
Ka tuai duhlai banah a kai,
Awmlai a nunrawng mang e.
Ka thin zo chhum ang a zing e, ka dawn lem a awm love,
Fam ka ngaih lai takin lelte,
A kiu kan sum tualah e.”
Chawnghilha hi mate ainawn post through hian Awithangpa hla hi kan ban ve ange.
September 30th, 2011 at 5:38 pm
“Awithangpa hla hi kan ban ve ang e..” a va mawi ve aw..Lal lushai_er…he tawngkam keimahah a rik lohna a va rei tawh em..tiang han chhar leh hi nuam ka ti.
October 1st, 2011 at 9:45 pm
Mate Ainawn, i phuah thiam hle mai… ka chhhiar hman lawk lova… i thu thiamzia hi ka ngaisang bon top che…