Lawngtlai hmuna District Tranport Officer Office hi misual ho hmuh atan ka han pho lang ve reng reng teh ang.
DTO Lawngtlai hi kum 2007, Dec thla khan Lalbiaktluanga Khiangte IAS chuan a hawng a, an office hmun hma hi a la chang tlung lo em em a, a thawktu te tan pawh a hrehawm khawp in hmunhma leh office bungrua an nei chhia a, an hnathawh pawimawh zia mipui ten kan hriat ka ring. Lawngtlai ah chuan Transport Department(office) leh Taxation deuh chauh hi a tak tak a revenue chhunglut/ la lut awm chhun an nih ka ring a, chutiang ni si a, hetiang em em a sorkar in a ngaihsak lo hi chu an khawngaihthlak khawp mai.
District Vigilance Committee lam te pawh hian sorkar in tlem tal a ngaihsak ve deuh theih nan hmala se a tha ngawt ang. DTO ah hian Server room , staff room leh mipui ten an dawr a, motor registration leh driving license etc. vel an pek chhuahna counter te awm ve mahse an room a tein a thawk te tan pawh ding chunga hnathawh te a ngai hial thin. District dang Serchhip te khi Lawngtlai mipui te hian kan el a, hma kan lak a hun tawh takzet ani. DTO Lawngtlai hi full time DTO an nei lo a, hei pawh hi nei tur a hmalak a tha khawp mai.
Pic : Server Room : An server room ah hian electrical wiring te hi a hlauhawm in Server, data pawimawh em2 kawltu han chawm atan chuan a hlauhawm khawp mai. UPS an neih pawh hi UPS Engineer pangngai install a ni lo a, reilote bak a daih ngai lo. Earth Line siam a ni miah lo bawk.
Pic : Main office. A dawrtu te tan thutna mumal pawh a awm lo a, pawnah an nghak mai thin.
Pic : hemi building te reuh te(;)) ah hian driving license, motor license etc. te an pe chhuak ve a, a thawk te tan pawh thutna tha a awm ltk lo a, UPS an nei tha lo hle bawk.
**** Kan ram siam that nan leh hmasawn zel duhna avanga post ani *****
Similar Posts:
- Beidawng duhlo!
- Driving License Lem tih kiam nan
- Mizoram Drivers Licence?
- Lawngtlai ah Toll-Gate, Motor Lut leh Chhuakin Pawisa chawi
- Lawngtlai Town Population Statistic tichhuak
February 6th, 2010 at 4:00 pm
1st em aw?
Report this comment
February 6th, 2010 at 4:52 pm
Office bungraw chhe lutuk leh la changtlung lo hi kan sorkarin a ngaihsak loh lutuk vang nge an bungraw man tur leh tih changtlunna tur an eiru zo vek zawk?
Report this comment
February 6th, 2010 at 4:56 pm
#1, Chhiatkhum i ni e first tih vel ah i la buai avangin.ni ngawt mai lawngtlai khaw mipui ho khan sawrkar han nawr deuh se a tha ang chu
Report this comment
February 6th, 2010 at 5:50 pm
An va ngaihthah tak ve. Governor chenna in thar an sak an luah leh duh si loh an vuak chhiat tur te kha sawnphei ta mai se he he
Report this comment
February 6th, 2010 at 5:50 pm
District pakhat ve reng ruang Hqtr office atan chuan a va han beitham deuh bok ve mole…An data entry (computer) te chu chhe palh se an buai ve ngot ang le….. Kan sorkar chak tak hian sweeper hna hi an thawk rei mah mah a ni, Development lampang an tan har tlat
Report this comment
February 6th, 2010 at 5:53 pm
Thutna pawh awm lo :!:
Chair ka hmu pang, Computer an han hun dan reng reng chu sawtah Monitor, heti lamah keyboard … a hmun heh dan ber zawngin CPU a inhung bawk. Tihluih hrim hrim a ang.
Thu chunga hna thawh hi kan tum lutuk deuh! Heng lamah chuan nilengin ding chungin hna an thawk tih hi ka tiri chak khawp mai! Chawlh chhung zauhvah finger food nen, soda nen thu chungin a then an inhnawh puar a. Ding chunga chaw fak mawlh mawlh tawk lah bo lo.
Mipui dawrtute pawh thutna kan inchan chuang tak tak lo. KIH HNAWK kan sawi uar a. PHUN THAR HNAWK in rawn tarlang ve thung a ni maw? Babute’an a hmu riau riau ang e … a sawi chhawng thiam hlawng hlawng dawn si … a hmui chunglam HREU hmui pan thler phu ziap ziap ka hmu thiam nghal vek.
Driver License leh Vehicle Road Tax, Registration engkim a thawktuten an tih ve theih vek chuan a tha mai!
Tih tak emah chuan, kan Bible thu “Ropuibera dinglamah khian a han thu ta a,” tih thu Tholeh Isua Krista chanchin chhiar vek tawh kan ni hlawm awm e; Temple/Thlaler Biakbuk chhungah khan furniture pawimawh tak tak a awm thu i hria … mahse, CHAIR a awm ngai lo. Pathian leh mihringte inpumkhat lehna tur atan khan puithiam rawngbawlnaah CHAIR a tel ngai lo, ding chung hlira thawk an ni. Chutiang bawkin, Krista khan a lei rawngbawlna a hlenchhuah mek lai khan CHAIR a nei lo. A hna a thawh zawh hnuah Majesty on high Chunglama Ropuibera (Isua tlukpui ni lo) dinglamah a han THU ve thei chauh a nih kha.
Revolving Chair leh Round Table-te hian chuti teh luain Zoram a dawmkang lo; rethei fate kut leh ke leh thlantui zawk zel hi kan damkhawchhuahna a ang zawk. Politician-te pawhin rethei fate tlawn hun an hai map lo. Kan ram mi retheite quota awmchhun chu NLUP chiah —an quota bak hi a dang a awm tawh bau lo, Sorkar lam atang chuan! Risk fuh fuh vannei! A tifuh lo tan CM thusawi kha Isua hming chhal meuhvin —a rum hem hem em asin le!
Kawngkapui leh kawmchar lam kawngka hawn theih loh khawpin vur a inchhawp vum nasa lutuk a … inlarna titih ka rawn ziak ta chiam a ni. If vision is lacked, people perish … in rawn tizo chiah bawk a!
Report this comment
February 6th, 2010 at 6:14 pm
Chhim lampang hi chu engmah lo beisei suh u Aizawl is Mizoram tih hi in hre lo ani mo, thil tha zawng2 hi Aizawl ah a awm vek don tih hi eng poh sorkar se an thupui ani mai
Report this comment
February 6th, 2010 at 6:25 pm
An Computer hun dan chu a remhriatloh thlak hle mai. Dawhkan chanve Keyboard in a awh a, a chanve dang CPU. Khi aia hmuhnuam deuh khi chuan a hun that theih chiang.
Hna an ngah lutuk a an hung tha hman lo nge, an neilo lutuk a, hun that en ah pawh an en lo!!
Report this comment
February 6th, 2010 at 6:25 pm
va la khawngaih thlak ve le.
Areopagi atanga ‘fine’ dawn khawm atang khan a cheina, tlem a zawng a awm thei mai lo maw? Areopagi ka hel loh avang khan rs 100 ka chawi ve tawh. Traffic 1 minute per 1 vehicle lai khan!!
Report this comment
February 6th, 2010 at 7:25 pm
Lawngtlai DTO office chu a tlabal ve deuh a nih tak hi.Enkawl sen loh hawn ngawt zel hi kan tih dan a ni rih si a le.motor leh lirthei a tam em em lo hlauh ang a,hna a tlem chuan a tih nawk nawk theih tho ang chu.
Report this comment
February 6th, 2010 at 7:39 pm
a va chhe ve
Report this comment
February 6th, 2010 at 9:54 pm
Hnathawk vak tur awm hlei lo te chu office em em poh an mamawh dawn em ni Lawngtlai ah motor register tur leh driving licence la tur sing pawh an awm dawn em ni .Khawi atrang in emaw hmui mai se kar khat ah ni hnih emaw hawn ni nei se chu pawh CRP duty pos tiat vel in office chu siam ve mai se a tawk mai lo maw .
Sorkhar senso ti tam na mai mai hek zawng a sorkhar chet tir reng hi ram hmangaih loh thlak ka ti.
Ram chang kang ah poh khaw lian tak 2 anih lem loh chuan office em em hi an uar lem lo.
Report this comment
February 7th, 2010 at 12:27 am
Aizawl mihlun ni lo, pem thar deuh hian intih Aizawl vak an zing an ti.
Lawngtlai mipui tam zawk saw Aizawla awm turin thlem thlem mah ula, an duh chuang lovang. Aizawl khua nih hi eng teh ualah an ngai bik hauh lo. Aizawl mi thenkhat inti Aizawl deuh ho pawh hi an ngaisang hauh lo.
EQUALITY (i.e Earthquake) hi a thlen palh vaih chuan aw..
Report this comment
February 7th, 2010 at 3:15 am
A chhe khop mai…he thil hi ngaihtuah mai2 atan a thra khop ag..Lawngtlai,Saiha vela sorkarin office etc sa tura atih contractor tam zok hi chu an mahni veng/khua Party mi leh sa te an ni duh khop mai…chuvag chuan an thawh thrat lo chuan an mahni (veng/khua) tawr tur a ni mai..A bik in chhim lama sorkar hnathok (AN MAHNI MI LEH SA gei poh)hi an hausa chak duh bik riau,hei hi ene a chhan kan tih chuan an eiru nasa tihna ani mai.Lawngtlai hall(lawngtlai ho sawi dan in saikuti hall ag tiat tur an tih) MNF hunlaia sak te kha,a satu contractor cu Lawngtlai mi leh sa ngei ni om in an soi,mahse chu Hall chu luahlum tlak mumal pawn a chhuak ta lem lo tih thu a ni an soi uar zok chu(H)…sorkar dem ngot ai chuan Sorkar hnathok te, a veng/Khua Mipui te in en fiah hmasak a trul khop mai…..Thufing chuan “Mi mawl tamna apiangah Vantlang thil a chhia” a ti..Lawngtlai leh Saiha mipui te in en fiah in ngai..Aizawl,lunglei,champhai,kolasib te khaikhin in in thil neih/dawn in ang rengah pawh a chhe bik anih ziah mai hi ngaihtuah tham a ni.ka tehkhinber chu sikul naupang class thuhmun,zirlai bu pakhat zir,lecture thuhmun dong kum top exam a, pakhat PASS, Pakhat fail..ag vel hi ni deuh ber in k hria… Sawrkar kan dem reng thin ngot hi zong engkimah hian a felber love…Mahni hi in en ila a dawtah midag…
Report this comment
February 7th, 2010 at 9:38 pm
ho mai mai han ti dawn ila ani chiah bawk silova…..ka ngawi mai ang
Report this comment
February 8th, 2010 at 12:14 pm
Chhimlam hian chuan ngaihthah a hlawh ve hrim hrim ka ti.
Report this comment
February 8th, 2010 at 12:53 pm
Tumah hi lungawi tak tak kan awm lo a ni e, chhimlam an ni emaw Aizawl an ni emaw duh ang thil hmuh hi a harsa a ni.
Report this comment
February 8th, 2010 at 1:15 pm
Hmanni chu Driving Licence ka siam tir ve a, thutna poh an nei lo darkar 1 vel kan ding mai chuh ka ke a kham vek,staff ten thutna tur min koh hmuh mai tur an nei bok c lo.rethei tak an ni, thutthleng donate in duh chuan DTO office, lawngtlai pe thei u la staff ho poh an lawm hle ang.DTO Office leh DTO room hi auto rackshaw a kalin rs 40 a ni a, voi 4 vel kal chuan poisa choi nasat a ngai thei khop mai, DTO hi a office ah hian thu thei se, a dortu te tan poh a zia awm hle ang.
Report this comment
April 18th, 2010 at 5:57 pm
lawngtlai a D.T.O office kan nei ve ta ti a, kan lo lawmve teh reng nen chawr theih miah loh ang tluk a current leh khawlchia tih reng mai zawng hi chu a luhei thlak khawp mai a rang lam a thu nei tute hian ngaihtuah a tha khawp mai.
Report this comment
April 22nd, 2011 at 3:33 pm
a va poi ve aw..Lawngtlai DTO Pu Ditto khan a lo chhiar ve em le.
Report this comment