Kan ram hi Pathian hian Industrial state atan a siam anih ka ring lo a chhengchhia in a kilkhawr lulai em mai. Mahse kan intodelhna tur leh kan khamkhawp bak thar theihna hmun tha erawh a zuah teuh mai. Mipui leh Sawrkar lu leh official te’n tihtur kan tihfuh erawh a ngai hle.
Human Resource hi kan innghahna bulpui tur ani. Chumi atan chuan Primary leh Middle School zirtirtu te hi an thiam tawk lo VRS pek luih deuh nise, chungho thlak tur chuan Competitive Exam MPSC in buatsaih sela Contract in awmna ngaia kum 10 awm turin bond sign thlap sela. He kum 10 a ral hian next posting option kha hmun 10 thlang sela chu chu computer in thlan tir ila, kum 10 dang contract sign leh sela chutiang zelin.
Hetia zirtirtu nghet awm te hi an contract ah khan training kumtin school chawlh laiin subject hrang hrang-ah train tir ni sela. Heihi SSA programme nen a kalkawp thei. Khawtinah Maths leh English teacher bik dah nise. Maths teacher phei chu hlawh pek san bik ni bawk sela.
High School, College leh PG ah te hian 50% chauh Mizo tan reserve ila a bak hi chu All India competition-in Zirtirtu hi lak thra ka ti, Foreigner thlengin lak mai tur ka ti. Chutiangin Diploma leh ITI level zirtirtu tur pawh.
Zirtirtu kan neih thrat chuan khawvel ram hrang hrang atrangin Research ti duh te Research Institute din duh te nen lam an lokal sup sup mai ang. Why kan ti maithei; manpower mithiam kan nei dawn tlat alawm, sik leh sa lamah kan ram a nuam si, mawi si, peaceful bawk si, mipui friendly bawk si.
I sawiho ang u hmiang. Zirtirtu hnam dang kan lo ngah deuh anih pawhin, an thiama kan mi(zo) te an zirtir thiam dawn phawt chuan Zirtirtu tur chuan a thiam thiam kha kan ram tan ka duh mai. Heng zirtirtu hnamdang te hian min chimral lovang hlau lo ila.
