Kum tam tak kal ta a ni, ka la theihnghilh ngai lo reng reng. Two wheeler khalh thiam tantirh a ni a. Mahni tawkah confident neih loh nâk alaiin khami ni ber kher khan engvanga nula han phur ve nge ka nih le, chhuanlam te lo siam ve mai awm tak a ni a, mahse ka aikaih nge, ka tawn tur hrim hrim tih ka ngaihtuah thiam tawh lo.
Ka thiante nau a ni a, ka tum vang leh duh vang rênga phur pawh ka ni lo, motor remchang a awm loh avang khan, ka kalna tur leh a kalna tur lam kawng a lo inang kher bawk nen, a tul tlat si, ka phur ta ngei a. Mahnia 2 Wheeler han khalh han khalh ve thin ta chu min ring a ni tehrêng ang, ka thiante pawh chuan.
Chuan kan kal ta a, kawng ngil leh zawl laiah chuan kan han kal/tlan ve mai chu a ni a. Mahse khawpui chhung lûn lai kan thleng phei zel a, Traffic Point chu dinglamah kual a ngai dawn a, zei lo tak maiin kan phar ve da da mai, chutah tak mai chuan ka beisei loh deuh mai hian Police (Traffic) chuan min ham ta tuar tuar mai le.
Chumi lai tak chuan chulai hmun velah chuan engemaw tihpui a awm ni ngêi tur a ni, mi kawng cross, veivak an tam em em lehnghal a. Ka hamhaih nen, nula vawikhat phurna nen, mi tam bawk si, kual tum lai tak ni bawk, ka buai zo ta, ka nula phurh chu ka keuh dawn ta mai, kan âwn ruai ruai, ka intlawhkhalh hleithei ta lo.
Ka zak lutuk hi thla chu nei ila, lêt leh tawh lo turin ka thlawk bo vang vang ang. Chuan, ka tlu chu a ni ta mai, ka nula phurh lah chu a hawi loh lam zawngin ka tlukpui ta (dinglam hawiin/ a hnung lamah kan tlu tihna). Mahse ka sawi ang khan veivak an tam hlauh va, ka scooter chu veivak zinga pakhat chuan min lo dawmpui a, pakhatin nula tlu thal tur chu a lo dawm bawk a, nula tan mualpho lutuk lo chuan kan tlingtla ta hrâm a. Mahse, ka tan chuan mualphona vawrhtawp a ni tho mai, ka hawi chhuak lo rêng rêng, traffic police pawh a nui nge, a thinrim pawh ka hre ta lo.
Traffic Police-in min lo phar dinna chhan leh a hamrik a lo ham vak vakna chhan chu Helmet ka lo khum lo a lo ni reng a. Tun hnu a ka ngaihtuah lêt leh pawh hian ka zak chem chem thin, zâm ral ta daih ila emaw, mumang han ni teh sela aw ka ti rilru neuh neuh thin.
Hetiang hian ka misual thiante pawh hian chetchhiatna tam tak in neih ve ka ring, a pawi em em loh chuan han share ve mai mai teh u, han inpuang ve teh u, a hlimawm ve angreng, huatthlalaawm bawk si, mumang mai a lo ni lo pawh hi a lehlamah chuan a pawi em em ta love, ka misual thiante tana share tur ka neih ve phahna a ni si a.
Ka lawm e… 
Note: A chunga thlalak khi chu he thil hi a ni chiah lo
Similar Posts:
- Scooty Tangkaina Pathum
- Two-wheeler taxi an ti maw?
- Bike-a Nula Phurh Kekawrte lang hi
- Ka ti ta lova…! Part – I
- Bairabi khawdai Police Checkgate bulah buhfai dan lo a phurh a ni
(Y)
February 24th, 2010 at 4:46 am
vawih pawh i vawih tuuut kha mole…a chelh/dawm tu kha keimah lawm…han ti mai ila :lol:
Report this comment
February 24th, 2010 at 4:57 am
Report this comment
February 24th, 2010 at 4:58 am
Presence of mind han nei vat thiam la chu, “Helmet maw? Ka khum tawk Company-in an siam lo,” ti mai la! Thle bur la! :lol: Nula, a zangthal zawnga i tlukpui chu a hmun leh hunin a zir lo mang tak e! :roll:
Heng laiah pawh, Police-in an lo pull over chuan, chhuanlam an siam thiam khawp, zun chhuak lutuk leh kaw-khawh angtein an insawi chhuak thei mai alawm!
Report this comment
February 24th, 2010 at 5:02 am
“My scooter understand the tree,” ti la, thing nghengin i scooter chu tungin, ke in i kal daih lo nia :lol:
Report this comment
February 24th, 2010 at 5:33 am
Tiang chang hi a awm ve a nia!
Report this comment
February 24th, 2010 at 6:14 am
@Zodinga chu kuhva ei chung a i khalh thiam loh lai a ni maw :lol:
Report this comment
February 24th, 2010 at 6:34 am
Ka scooter tak kha aw…. engtin awm ta zel ang maw.
Report this comment
February 24th, 2010 at 6:36 am
Ka sawi ve dawn e..nula bawh thlep hnawk tawh mawle..ana em? Te ka tivel.zahthlak phiangsen.
Report this comment
February 24th, 2010 at 6:50 am
Report this comment
February 24th, 2010 at 8:00 am
Scooter ka khalh fo tawh a, ka la buai em em ziah bawk, mahse ka mumangah ania!
Report this comment
February 24th, 2010 at 9:11 am
ka bialnu ve kha zan ah naupang ka tir a rawn chhuak tur in, a pa leh nu an rawn chhuak daih :lol: min beng chawrh i enge anih a irawn koh chhuah tir ve ri ngawt a an la ti zui :lol: luck lo khawp mai :lol:
Report this comment
February 24th, 2010 at 10:33 am
Tlanchak vangin ka tlu ngailo….ka kual muang lutuk hi ka tlu thin..Ha ha..
Report this comment
February 24th, 2010 at 10:49 am
Champhai ah trhianpa lian scooter thar ka tluk sak tawh headlight a keh veks hahahhaahahahahaha ruithophang deuh in kan lim puat mai anih kha.
Report this comment
February 24th, 2010 at 11:47 am
As-K, i bullet bike khalh thiam tirh deuh laia i nula thlah kha han sawi ve la… street light hnuai a a hmel hriat te hmuh hlau a a in hup chan chan te, an in kawt a a tlan lai a a zuanthlak te kha i khah muan luttuk vang, a ti a, a dik chiah em :twisted:
Report this comment
February 24th, 2010 at 2:25 pm
A thru reng emaw ka ti a, ka tlansan daih tawh. hi hihi. Lehhawi lemlovin ka bia, redlight ka ding, ka be reng tho. Ka trawng luam. A lo ding ve te khan min en hu hu. Tun thlengin ka la zak.
Report this comment
February 24th, 2010 at 3:06 pm
keipoh kar hmasa mai khan ka office kal pahin P.C girls sikul ah thil eng eng emaw kan ti kual sikulpuikawn Aizawl ah khian thakthing lam pan a kual thla tur ding chung reng si in kan han let a lom le. Traffic police pawn kan tlukna chhan tak pawh an hre bik lo, keini lahin hre hek suh, engati ringot nge an rawn tia, kan tlu tawp ka lo ti ve mai a kei lah khan (bike nei e ti lo in driver ka la tlat, khalh thiam thak nang). Hemi tum a kan tlu hi dinglama tlu nisi ka ke veilam hlir zuk duk a, mak thei ngei..
Report this comment
February 24th, 2010 at 4:38 pm
Sawi tur ka va ngah ve tak em! Mahse, ka inzep tlat dawn :lol:
Report this comment
February 24th, 2010 at 6:04 pm
Thirsakawr ka chuan thiam tan tirhin Vai naupang hel ka tumna lamah kawng sirah ka tlu khu rum rum! Chutah naupang a tap, a nu a lo tlan chhuak, min han hau tak tak mai chuh…min hau na ngawt ang! Mahse, a sawi awmzia pakhat mah ka hre map thung lo!!
Report this comment