Lehkhabu lar tak mai The Purpose Driven Life tih ziaktu California a Saddleback Church Pastor Rick Warren-a chuan a lehkhabu ziahah chuan heti hian a ziak a: Engtik niah emaw chuan Pathian hmaah i la ding ang a, chatuan hmuna i kal hmain he khawvel a i hun hman tawh dan zawng zawng te kha Pathian chuan a lo audit sak ang che. Chutih hunah chuan Pathian chuan zawhna pawimawh tak tak pahnih min la zawt dawn a ni.
Zawhna pakhatnaah chuan – Ka fapa Isua Krista nen khan enge in tih thin? tih zawhna hi min la zawt dawn a ni. Pathian chuan eng Kohhran ah nge i awm tih a zawt lovang che. In Kohhran thurin enge tih a zawt hek lovang che. A pawimawh ber chu Isua Krista i hmangaihin i pawm em tih a ni. Lal Isua ngeiin, “Keimah hi kawng leh thutak leh nunna ka ni; keimaha kal lo chu tumah Pa hnenah an thleng ngai lo,”(Johana 14:6)a lo tih kha.
Zawhna pahnihnaah chuan – Nangmaha theihna ka pek che hmang khan enge i tih thin? tih zawhna hi min la zawt bawk ang. I nunah theihna leh thilpek tam tak i dawng tih hi theihnghilh ngai suh ang che. Pathian chuan talent leh theihna ropui tak a pe che a ni.
Thahrui i nei a, finna i nei a, remhriatna i nei a, chhia leh tha hriatna i nei a, chu lo liama thilpek nasa chu a awm thei dawn em ni? Heng i talent dawn zawng zawng te hi nangma hamthat nan chauh em ni i lo hman thin? Nge Pathianin a siam chhan che awmze neia nun hman nan i hmang ngai em?
Nun hi a hlu a, he khawvel lo hi mihring taksa kan put chhung hian khawvel dang kan nei lo, nakinah chatuana kan nun hunah chuan kan mihring taksa te hi kan la hlip vek dawn a, van taksain thlarauvin kan nung tawh dawn a ni. “Van taksate a awm bawk a, lei taksate pawh; nimahsela van taksa ropuina chu a dang a, lei taksa ropuina chu a dang a ni” (I Korinth 15:40).
He khawvela mihring taksa kan put laia kan hun hman dan leh kan nun dan chuan chatuana kan nun dan tur a hril dawn a ni. Chatuan a kan chenna tur hmun hnih – Vanram leh Hremhmun kawng hi he khawvel a kan chen lai atang hian ka duhthlan lam chu kan zawh tan mek a ni.
Pathian tello chuan nun hian mumal a nei lo, mumal nei lova nun chu nun awmze neilo a ni. Chuvang chuan kan nun hman danah te hian fimkhur takin i nung ang u. Awmze nei lovin hun tha kan lo khawhral mai mai dah ange. Pathianin a talent ropui tak min pek te hi a hmang tangkai thiam apiang mifing an ni mai.
He khawvelah hian tumah nung tlak lo khawp a pachhia leh chan chhia an awm lo. Pathian hian mitin hi talent hrang theuh, dinchhuahna tham theuh min pe a, chu min pek hmang thiam apiang chu an dingchhuakin an hlawhtling a awhawm takin hun an hmang mai a ni.
Pathian atanga kan talent dawn a danglam bik avanga te, midang tih theih ang kan tih ve theih loh avangte hian beidawnga indawmkun mai tur kan ni lo. Kan theih tawk te tlem hle mahse kan theih tawka A rawng kan bawla hun kan hman hian Pathian chu a lungawi tawk em em a ni. Chuvang chuan Pathian chuan nakina chatuana ropuina kan chan theih nan he khawvela kan awm chhung hian awmze neia hun kan hman hi a phut tlat a ni. Awmze neiin i hun hlu tak kha hmang thin ang che.
Similar Posts:
- Talent Hunt ka en ve
- Child Prodigy: Sungha Jung
- I fa te khawiah nge an awm? (Nu leh pa ni tur te tan pawh)
- Engatinge hmundang tlangdang kan en?
- Thu awmze nei
February 26th, 2010 at 10:13 am
The Purpose Driven Life hi muangchanga chhiar tur tih kha ka zawm lutuk ka misual thrin nen ka la chhiarchhuak ta chuang lo. Awmze nei ngeiin thrlam kawng leh mite tana hnawk lo tur thei anga kan nun a pawimawh. Chumi khaikhawmna chu – Rinawm, taimak, chhel leh dawhtheih te hi a tel vek in ka hria
Report this comment
February 26th, 2010 at 10:19 am
Ti ti hona ah te leh camping kal ilo hi chuan piangthar a vanram kal tur kan ni tih hi sawi leh tlangau pui hi awl ve tak chu a ni, a boruak in a zir thin luih luih bawk a.
Mahni a awmlai, tuman min tih buai emaw, ngaihtuah dang nei hauh lova thinlung tih takzet a in ngaihtuahna hun kan nei tawh ngai em? Chutah chuan thi ta la, vanram i kal ngei ngei 100/100 i ring ngam em? Min han chhang teh u khai
Report this comment
February 26th, 2010 at 10:30 am
Keipawh ni 40 chu ka daih ta lo ani. mahse ka hlawkpui khawp mai.
Report this comment
February 26th, 2010 at 10:33 am
He thu hi midangte tana malsawmna ni tur pawhin a ngai rêng a ni………
I Kawng zawng zawngah Amah hre reng la;
I kawngte chu a kawhhmuh zel ang che
Report this comment
February 26th, 2010 at 10:49 am
keimah ni ah hian thiltha tih duhna leh ( duhlohna) a awm theuhin ka ring mipangai ah chuan, chu thil tha tih duhna lo awm chu han ti lui hram hram zel mai ila.. a har chang te pawh a awm ang. Chu kan chhia leh tha hriatna fim hmang chuan darkar tin, minit tin hian thil tha chu han ti lui hram hram ila kan hlimin kan lawm mai thin niin ka hria. Pathian duh zawng poh a ni ngei ang. chu chu awmze neia nun chu ni maiin ka hria. a simple khop mai!
Report this comment
February 26th, 2010 at 10:53 am
Ka hul :lol:
Report this comment
February 26th, 2010 at 10:55 am
@HV comment no2. a chang hi chuan vanram ka kai lo mai ang a tih chang te hi awm, tawt up up chang te hi ka nei thin. mahse hei hi chu HMELMA pa hnathawh te poh a ni thin in ka hria. mahse Pathian nen hian kan inkar hi chu keimah ni hian kan chiang ber fo thin si chu nih hi.
Thlamuang taka awm der der a hhremhmun a kal keuh poh hi thil awm thei ve tho chu ni. DEN ve tak chu ni. Isua hi ring ila ni mai. Bible in a sawi angin. Nitina kan hun hman dan hi a pawimawh khawp in ka hria
Report this comment
February 26th, 2010 at 11:07 am
Awmzia neiin i nung em?nunglo.a tha hle mai.
Mihring hi eng nge maw ni a i hriat reng thin ni.engmah kan nilo nitin kan sual thin.thil tha tih kan tum a kan sual leh zawk thin.a khawngaih na avang a chhandam chauh kan ni.
Report this comment
February 26th, 2010 at 11:18 am
A post tupa hi nung tak maw
Report this comment
February 26th, 2010 at 11:20 am
chhangte_ll, I awmna ah kha chuan khawvawh vang ngawt pawn nunloh a awl viau lo maw, hairehai
Report this comment
February 26th, 2010 at 11:26 am
HV, Lolzzzz…….Sualah kan ngailo phawt
Report this comment
February 26th, 2010 at 11:32 am
keichu biakin a lawi tam tawk loh avanga vanram kai loh tur te a nih dawn leh ka kai ve lo mai ang ti thin pawl ka ni. Mahse a tak tak thleng dawn ta se ka hlau ru fu tho si, Pathian tan a ka thawh hi sawi fak tur ka hre dawn nem maw.
Report this comment
February 26th, 2010 at 11:33 am
Pathian hmaah rorel sak turin kan ding ang tih hi chu a biblical a, mahse zawhna pahnih min zawt ang tih leh zawhna min zawh tur a sawi te khi chuan Bible ah bung leh chang innghahna a nei em aw, reference a pe a nih chuan post ah hian tar lan tel nise. A neih ka ring lo, a rinthu a ziak a ni mai ah ka ngai, Inlarna chiangkuang tak a hmu a nih chuan thuhran le.
A thuken hrim hrim hi chu a thra, uluk taka nun a ngai, mahni chi tuh rah ngei kan seng dawn si a.
Report this comment
February 26th, 2010 at 11:41 am
@HV & others , Hei hi in lo chhiar ve hman ka beisei,chhandamna leh thih hnu chungchanga THU kan hriat hi rinna mit a hmuh thiam chi a ni a.Thil hriat lawk chiang bangah mihring nih chhungin famkim nise,Rinna kan tih hi a ngai lovang.
Pathian hian a remruatna ang zelin Spiritual journey hran min siamsak theuh a.Kan rinna a lo than len nasat ang zelin,nitin kan beiseina pawh thang zual zel a ni zawk.Pa Pathian chuan Krista thisenah lungawina famkim a hmu a,kei in a Thu danglam ve ngai lovah lungawina ka hmu.
https://www.wholesomewords.org/.....afety.html
Safety, Certainty, and Enjoyment
by George Cutting
(Bible tih lovah chuan copy sem tam ber a ni hial awm e,download &print ngei chi)
Report this comment
February 26th, 2010 at 11:48 am
Keipoh ka nun hian omzia a nei tlem thin khawp mai. A changin ka lum a, a changin ka vawt leh a ka nun dan hi ka ning thin hle mai. Sim tur ka ngah khawp mai. Min lo tawngtaipui hial teh u.
Pu HV, kei ka ngaih ve dan mai maiah chuan Vanram hi ringtu tak tak te pawh hian an kal leh kal loh tur an SURE ka ring em em lo!! Rinna leh beiseina nen kan thlir niin ka hre thin. Chutiang tak chuan tiam chin lam chu kan pan tralh tralh ni ten ka lo hre ve thin!!
Report this comment
February 26th, 2010 at 11:49 am
darchhunval, in lamah kalo chhiar ngei dawn nia. Ka lawm e
Report this comment
February 26th, 2010 at 11:53 am
Rick Warren hi ka Pastor ngaihsan tak mai a ni chiang.A lehkhabu dang lo chhuak leh pawh Aizawl a lo thleng tep ang.Hemi Purpose Driven life bu chungchangah hian pawitih deuh ka neih ve mai mai chu English a chhiarthiam lote tan MIzo tawng a lehlin tha tak a awm lo va (MIzo tawng a let tu hian a let ulh,phawk tawk lo, literal mah mah deuh em aw?’ ka ti deuh).
Rick Warren sermon dangte tuipui ve in awm chuan..
https://www.saddlebackresources.....ermons.htm
Report this comment
February 26th, 2010 at 1:32 pm
awmze nei deuh a nun tur
Report this comment
February 26th, 2010 at 2:56 pm
A English a kha ka chhiar zet a. Mizo a lehlin kha ka chhiar leh a, ka chhiar tui talo ani.
Report this comment
February 26th, 2010 at 3:02 pm
Tunah hian piantharna leh rinna kan chik em em a, hmanlai ringtu hmasa te rinna kha min ti hrechuak.
Report this comment
February 26th, 2010 at 4:29 pm
A let hnuhnung zawktu awkaa ka hriat dan chuan, lettu hmasa lehlin danah hmaihthelh leh belhchhah luih a tam a, Author-in a duh lo va, chu chu lehlin nawn leh a nih thu, hmaihmaah kan inhrilh.
Eng ang chiaha lehlin nge a nih erawh chu ka hmu ve pha ta lo.
Thuhriltu 12:13 ¶ Heng thu zawng zawng khaikhawmna hi i ngaithla teh ang: Pathian chuan thiltih zawng zawng chungah ro a la rêl dawn si a, thil inthup engkim, a chhia emaw, a tha emawte pawh, tih hi.
Report this comment
February 26th, 2010 at 5:23 pm
Purpose-Driven life bu hi chu tha ka ti thlawt mai kei pawh. Mahse, ni 40 chu ka la tlin bik lo! Phur zual laiin chhiar teuh a awl phian mai! A ziaktu thurawn ang hian kal thei ila chu kan hlawkpui leh zual ang.
Bible-a ka hmuh dan leh Pathian Thlarau Thianghlim hriattirna a zarah Vanram kai tur kan nihzia, Chhandam kan nihzia hi a hriat theih teh meuh mai!
“I write these things to you who believe in the name of the Son of God so that you may know that you have eternal life”. 1 John 5:13
Report this comment
February 26th, 2010 at 5:32 pm
olive leh grep hrui rahlo mahse ka lawm zel ang krista ah chuan hei pawh hi lawm zel a har a ni.famkim lohna khawvel ah kan cheng a kohhran kawr ah kan hmang a chhung ril chia tak siin
Report this comment
February 26th, 2010 at 5:32 pm
@keimah : I John 5:13 thu tlemte ringawt pawh hian ziak ngeiin ASSURANCE hi chu min pe chiang a ni, ti’raw!
Report this comment
February 26th, 2010 at 6:01 pm
@chawnghilh, dik chiah!
Report this comment
February 26th, 2010 at 7:15 pm
stallion #23, “thil thralo titute” avang a intih lungngaih loh hi a har a ni ti raw..
LALPA RING chung a thil thra tih zel mai phawt tur a nih hi..
Report this comment
March 9th, 2017 at 2:54 pm
Canon 5D Mark Iii 24-105
Awmze neiin i nung em? | mi(sual).com
Report this comment