1. Zu, Mipat Hmeichhiatna leh Eirukna lakah i fihlim lo a nih chuan Kohhran leh Khawtlanga i nihna te kha mualpho taka i chhuahsan hmain, huaisen takin bansan ngam ve mai la…
2. “Hei zet zawng a äwm bawr, mawng bawr, a hmel leh a kiamtlang reng a nalhin a itawm ém a…” ti a, i insùm zo ta ngang lo a nih pawhin, rei lo tè nawmna avanga damchhunga nun hreawma i awm loh nan leh HIV/ AIDS laka i fihlim zel theih nan Condom hmang ve mai la…
3. Miten rim tak leh chhel taka an beih hram hramna atanga an sual chhuah- hna tha leh hlawhtinna an neihte “Vanneih vang…” i tih sak zel dawn a nih chuan an mahni anga vanneihna pawchhuak ve ngei turin, chhel tak leh rim takin bei ve mai la…
4. Lehkha thiam mah i nihtheih chuan hnathawk thiam i ni tih a chiang. A taka Hna zawn tum si lo a, “Mizoram-ah Hna a vÃ¥ng… Hmelhriat tha neih a ngai… Chu ti, kha ti…” ti a, thut hmuna iak iak lo khan ‘Hna’ chu zawng ve mai la…
5. I lo beisei leh thawh i lo tum rilruk thin- ‘Hna’ kha a lo remchang ta lo emaw, hmunruak a la awm remchang lo emaw a nih pawhin Nula hnena insawi rinawm tum ang mai a “Nang lo chu…” ti a, nghak khawtlai mai mai loin, Hna dang i hmuh remchan/ hmasak apiang kha phur tak leh lawm takin thawk ve mai la…
6. Khawvel changkan chak zia leh ramtin hnamtin te hmasawn chak zia i hmuhin “Aw… Zoram, harh rawh… Zo thalai rualte u, tho r’u…” tiin, rual-awt takin i au a; Mahni harh tum si lo a, midangte au(h)-harh tuma au au ringawt lo khan nangmah kha harh ve mai la…
6. Opp. nih chhung zawng pawha Party-a rinawm taka lo awm fan fan te aiin Zuanglawr ho-in thil an ti thei zawk a, Kawntrak leh therhlo ilo/ duhsakna an dawng thei zawk bawk a nih chuan Party nghet nei duh loin Zuanglawr ve mai la…
7. Kristian i ni a, Krista hnung zuitu-ah i inchhal a, Krista bula Van kai tum ngei i nih bawk chuan Krista duhdanin nung ve mai la…
8. Pamawl nih i duh loh chuan Mimawl khawsak ang lekin khawsa lo la; Pazuamawm nih i duh loh chuan zuamawm takin nung lo la; Paho nih i duh loh chuan ho takin tal lo la; Pazahawm nih i duh erawh chuan zah tlakin nung ve mai la…
9. Hmeichhia te dimdawi tur… Nupui te duat tur… kan tih rualin, hmeichhe tamtak chu- Mi rel nuam ti tlat te; Mi pawisawi päwisa miah lo te; Mi chhungkaw chunga hem thlak ching tak tak te an ni a. Hetiang ze tha lo tak hi i nupui-in a ching ve a, i khap/ i zilh ngam lo a nih chuan pawnfen fèng ve mai la…
10. I thih hunah i ruang chunga chanchin ropui tak neih leh fak chiam i duh a nih chuan i dam lai ngei hian thil ropui tih tum la, fak tlakin nung ve mai la…
11. Dik lo zawk leh thiam lo zawk i nih miau chuan nang aia mawl leh hnuaihnung zawk mah nise, tlawm zawkah tangin ngaihdam dil ve mai la…
12. Zu hi a mah mai pawhin ‘Sual’ a ni… lo la ti tawkte kan awm ve dih-diah si a, ‘Zu’ ti tawh loin ‘Kerh Kerh’ ti ve mai la… 👿
