Thosi chungchang post a awm tawh a, thosi sa ei chung chang pawh kan khel zo ta. Tuntum ve thung chu thosi leh AIDS chung chang ah i tuan daih teh ang. Thosi ina kan thisen a a malaria hrik a dah luh dan hi a mak riau a. Thosi hian kan thisen a zuk hian kan vun ah a chil a hnawih thin a, chu a chil chuan a thisen zuk a pui thin.
Mahse vanduaithlak takin thosi thenkhat chilah malarial parasites (Plasmodium species) an awm tlat mai. Chumi avang chuan malaria kan lo kai ta thin a lo ni. Thosi hian AIDS vei (or HIV hrik pai or HIV positive) hi zuk ta se, chu thosi vek chuan midang zuk chhawng ve leh ta se, AIDS hrik hi a theh darh thei ang em le?
Enge HIV chu?
HIV hi virus chikhat, “retrovirus” an tih mai family ami ani a. Heng ho hi RNA-virus an ni a, taksa chhunga an luh hnuin an taksa protein a bova, an RNA chauh kha cell chhungah a lut thin. Reverse transcriptase enzyme an neih avangin RNA atangin DNA ah an inlet a, mihring cell chhunga DNA (chromosome) chu a control hmiah a.
Tichuan amah leh amah a lo inthlah pung chiam thin. HIV hrik te reuh hi a chimawm phian a. Kan taksa ah disease thlen duh chuang miah si lovin kan taksa in natna a do theihna hmanrua pawimawh tak pahnih (B cells and T cells) te zinga a pakhat zawk T cells chu a bei chiam mai thin. Zawi zawiin taksa ah T4 lymphocytes a lo tlem tial tial a, taksa a lo rawih tial tial a, AIDS symptoms tak tak (AIDS related complex) a lo lang chhuak thin. Hmm… in hriat hnu vek, a sei lutuk dawn.
Thosi in AIDS vei thisen chu tui ti tak maiin a dawt a, a inhip puar ta leng mai a. Chu thisen, thosi taksa chhung ami ah chuan HIV hrik nung (thisen chu a la nung tlat) tam tak a awm. Kan veh than than a, uluk takin kan han beng sawk mai a. Kutah thisen a pherh nuaih a, kan kut kha pem ta se, HIV kan taksa ah a lut ve mai ang em? Thosi puar tha tak mai han ben fuh riau tum chuan thisen a per ve sawk thei. Chu thisen la nung chu kan mitah per ta se, engtin nge ni ta zel ang le?
A tawp nan AIDS hrikpai tlangval, luck leh hmeltha tak mai hian nula 100 vel thei ta se, nula 100 chuan HIV an pai ve mai dawn a, chung nula sihhnip tak tak te chuan mi engzat tak kai chhawng leh ang maw..
Aw, nang kuhva leh sahdah heh tak mai, ka chhunglam chinai ina a tih pilh fo kha, duhthawh taka infawh (deep kissing) atang hian AIDS a kai theih i ring phal ang em le?
March 10th, 2010 at 12:07 pm
Thosi atang chuan a inkai chhawn theih lohvin ka hria
Report this comment
March 10th, 2010 at 12:08 pm
Thosi atanga AIDS kai chu a theih loh an tia lawm!
Report this comment
March 10th, 2010 at 12:16 pm
@caribou, thosi kawchhung hi Malaria hrik hi chuan ama nunna leh inthlah chhawn zelna atan a mamawh tlat a, HIV hrik erawh hi chu Thosi kawchhungah hian a nung rei thei lo niin a lang. Thosi atanga HIV kai hi tun thleng hian sawi tur an la awm lo.
Thosi, thisen dawt puar sen pap mai i han ben keh atanga HIV kai phei chu thil vang elkhen a nih a rinawm.
Tin, vanneihthlak takin HIV paiin nula lo mutpui ta se, 100%-in HIV an kai zel dawn tihna a ni kher lo va, amaherawhchu, mi tam tak chuan vawi khat inpawlna atangin an kai tho bawk! Fimkhur a tulzia a tilang khawp mai.
Report this comment
March 10th, 2010 at 12:25 pm
Theih loh, ka hriat dan chuan
Report this comment
March 10th, 2010 at 12:30 pm
HIV hrik thosi ah a dam rei thei lo anih chuan thosi hian anti-HIV tha tawk tak a nei tihna ani thei em?
Report this comment
March 10th, 2010 at 12:35 pm
Chhiar chi :
https://yourtotalhealth.ivillag.....vaids.html
Report this comment
March 10th, 2010 at 12:51 pm
Pu hv, ka fiah e, thanks
Report this comment
March 10th, 2010 at 1:28 pm
Thosi ah pawh a nu chiahin thisen an dawt, a Nu lakah fimkhur rawh :lol:
Report this comment
March 10th, 2010 at 1:29 pm
AIDS sawinep tum te’n theih tawp chhuah mahse, AIDS hi a darh chak lutuk. Thisen chauh nilo, body fluid atangin awlsam takin a kai theih.
Tunah hian meipui ang maiin AIDS hian kan ram a tuam mek.
Report this comment
March 10th, 2010 at 1:45 pm
Caribou, body fluid atanga inkai theih dan khi han sawi chiang deuh la.
Report this comment
March 10th, 2010 at 1:50 pm
Lymphatic system atangin maw le.
Report this comment
March 10th, 2010 at 1:52 pm
3.Keimah in a sawi hi a dikin ka hria. Sex ah hian 100% HIV inkaichhawn ani lo. Mahse Lucky ticket pawh man thei hleilo hian vawikhat sex hmanah kan kai tlat thei tho. Safe sex kan inzirtir ngun a tul ta tak zet e. Chutih laiin condom hman a tul thu sawi pawh lo helh tawk kan awm zel bawk si, a buaithlak ve khawp mai.
Report this comment
March 10th, 2010 at 1:52 pm
Han google zuai teh u, thlan ah leh mittui ah pawh hian an awm tlatin ka hria.
Min hrethiam ula, huanah (ram ah) ka awm mek tlat mai.
Report this comment
March 10th, 2010 at 1:57 pm
@caribou, thlanah leh mittuiah chuan theory chuan a awm theia ngaih a ni. Mahse heng atanga HIV kai sawi tur an awm kei chuan ka la hre lo tlat mai.
Report this comment
March 10th, 2010 at 2:03 pm
Sex hman avanga kai theihna chance hi Mipa tan chance a tlem zawk niin an sawi bawk. Thosi atangin a kai theih loh tih hi sawi lar ber a ni. A nih leh, heng ran vulh – Ui, Vawk, Ar Kel te hian an kai ve thei em?
Report this comment
March 10th, 2010 at 2:24 pm
Thosi atang chuan a inkai chhawn theihloh tih sawi fo a ni a, mahse kai theihna chance awm ve theia ka rinna chhan chu:- syringe inhman trawmin pawhin a kai theih chuan thosi in Hiv hrik pai mi lo zuk ta sela, a zukna ah thisen a la lum chhunga midang a zuk leh nghal chuan syringe nen hiandanglamna a awm chuang dawn em ni?
Report this comment
March 10th, 2010 at 2:24 pm
Ka huat ve mai mai thin chu, ‘HIV+ pungzel tur inven a ngai a nupa nun piahlama sex hmang tur chuan condom hman a tul ani’ han ti ila, thenkhatin ‘nupa inkarah lo sex hman loh mai tur, condom hman chungchang sawi a ngai lo’ an lo ti a. Zu hi ‘a in thin te hian inthiam a tul’ han ti ila, ‘inloh mai tur’ ti tawk an lo tam leh a. A buaithlak thin ka ti.
Report this comment
March 10th, 2010 at 3:24 pm
thosi atang hian HIV/AIDS hi in kai chhawn theih loh angin an sawi a. Theih ta se chuan a hlauhawm zia tur chu a… A lo theih loh a nih pawhin THOSI te atang hian a tihdamna damdawi tur chu a hmuhchhuah theih mai a ngem le??
Report this comment
March 10th, 2010 at 4:30 pm
1999 kum a North Eastern Biodiversity Research Cell, NEHU, hnuaia Junior Research Fellow ka nih lai khan, khasi pa pakhat Seminar rawn attend pa chuan ama siam chawp damdawi hmanga AIDS vei a enkawl dam thu a present mauh mai a. A document kimchang nen thlap a nei si a. Khapa kha engtin awm ta zel ang maw?
Report this comment
March 10th, 2010 at 5:07 pm
Nula sihhnip tak tak ten mi engzat nge an kaichhawn ka hre lo kei chuan
Report this comment
March 10th, 2010 at 5:33 pm
@Keimah sawi khi a dik vek a, ka han support belhchhah ang e. Thosi hian HIV hrik hi a thehdarh thei lo. Thehdarh thei ni ta se, Africa rama malaria hluarna hmun apiangah AIDS pawh hluar tura ngaih a ni (Africaa Malaria tamna hmun hi AIDS tamna a ni kher lo), a chhan chu thosi hian malaria hrik a thehdard avangin.
Tin, thosi in HIV thehdarh thei nise, kum bi thliar bik loin age group tinrengin AIDS an vei ang. Thosi hian a seh tur kum bi thliar loin a te ber atanga a lian ber thlengin min seh vek si a. A tlangpuiin thalai sexually active group-ah AIDS a hluar lawi si, naupang a vei awmchhun te lah an nute HIV thisen atanga an kai a ni bawk si a.
Rannung zianga HIV thehdarh thei awmchhun mithiam ten an rin chu Bed Bug (Khumfa) hi a ni. Mahse hei pawh hi chance a tlem hle. Heta tanga HIV hrik kai tur chuan HIV hrik thisen pai Khumfa hian vawi 15,000 a seh che a ngai.
Unprotected sex atanga HIV hrik kaina chance pawh hi a tlem khawp mai. HIV hrik pai AIDS symptom la neilo nena sex hman hian kaina risk 1 in 200 chauh a awm. Mahse he risk hi STI neisa an nih chuan a let tam takin a sang thung. Serh tan (circumcision) hian nasa takin STI a veng a. Mipa lik vun chhunglam mucosal membrane-ah hian Langerhans cell a awm a, hei hian HIV hrih hi a lo dawngsawng tha em em a. Serh kan tan chuan he mucosal layer hi a bo ta a, a la awmchhun awmte pawh lipse a nih tawh avangin vun pangngai-ah a chang (keratinised) ta a, HIV khan entry point a tla chham ta a, transmission a veng ta a ni. Mithiam ten an zirnaah chuan serh tan hian 60%-in HIV transmission a ti tlem. Hei vang hian ‘Time’ magazine pawhin ‘the single most effecteive HIV prevention strategy’ a ti hial.
Needleprick injury atanga HIV kai tur chuan HIV hrik pai hriaua vawi 200 i inchhun khan kaina chance pakhat i nei. Mahse a hriau len zawng te, hriau kawnei a nih leh nih loh te leh HIV hrik pai thisena viral load azirin a dang thei. Hepatitis B hi kai a awlsam fe zawk, Hepatitis B hrik kai tur chuan nurse/doctorin vawi nga accident a neih kha a tawk a ni.
Chil leh thlanah te hian HIV hrik hi awm ve mahse, an awm tam ngai lo (viral load a tlem) a, heta tanga inkai sawi tur document a la awm rih lo a ni.
Hnute tui atangin nuin a faah a kai fo, chil leh thlan aia viral load hnutetuiah a san avang leh nautein chaw bera a hman avangin. Tin naute ka chhung leh chawdawt hliam a awmin kain chance a sang zual bawk.
Report this comment
March 10th, 2010 at 5:38 pm
Mizo ho hichu thu tha hrilh tlak pawhhi kan nilo,tlema anhan sawideuh leh inla pa takin ahnial dan leh a tulloh thu kan han sawi a.Ngaithla a zawmtu nih hi kan tlawmngai amawni te kati thin..
“naupangte ani emaw i fa rual lek pawhnise athusawi chu ihriat aia adikzawk leh athat zawkchuan zawm mai rawh,”chu chu pa na ani zawk
Report this comment
March 10th, 2010 at 5:46 pm
Serh tan hi a hrisel a niang, serh tanho nupui (Juda/ Israel) te hi chhul cancer an vei tlem bik e an tih chu. Tin, serh tan hoin hmeichhia an beih (zahmawh lam ni lo se) hian hmiechhia hian nuam an ti zawk tlat niin an sawi.
Report this comment
March 10th, 2010 at 5:50 pm
A nat hmel em mai
Report this comment
March 10th, 2010 at 6:21 pm
Yes… sex lam ah lut leh tawh mai ang u aw… a lo nuam ber mai.
Report this comment
March 10th, 2010 at 7:06 pm
@caribou i zawhna saw NEHU a Junior research te lo ti tawh tan chuan… hetiang topic lam chu i chhiar hnem fe tawh ang chu ti raw?
HIV hrik saw thosi seh a tang a kaichhawn theih loh ani hi kan vanneihna pakhat ania, mahse “a seh nilo thosi in HIV patient a seh zo hlim han beng puak pawp ila…a thisen kha kan mit ah lut ta se” i tih hi…thil theih anih hmel a…. a thiam deuh ka lo zawt ve dawn nia….
Chuan Malaria pawh hi thosi seh vang chauh a kai kanni lo a, hriau hman tawm vangte, thisen inpek a tang te a kai theih tho a, mahse thisen ah khan gametes a awm loh chuan , a kai theih chuang loh!!! chuan malaria awm tur hian mihring leh thosi ah sexual cycle a nei a, mihring ah asexual cycle, chuan thosi ah sexual cycle…. parasitology bu lo zawng la en mai raw, ka sawi vek dawn chuan sei lutuk ang e…..
Chuan serh tan chungchang in sawi ah pawh sawn, hmanni deuh ah khan research result an chhuah ah chuan… chhul cancer a tih tlem phah lo anti ve tlat!! Mahse chhul leh prostate cancer hi chu Human Papiloma Virus(HPV) vang anih an rin ber thu chu mithiam ten an sawi!
Va sei teh duah e!!
Report this comment
March 10th, 2010 at 7:42 pm
@caribou – “Kan veh than than a, uluk takin kan han beng sawk mai a. Kutah thisen a pherh nuaih a, kan kut kha pem ta se, HIV kan taksa ah a lut ve mai ang em? Thosi puar tha tak mai han ben fuh riau tum chuan thisen a per ve sawk thei. Chu thisen la nung chu kan mitah per ta se, engtin nge ni ta zel ang le?”.
A chung thu i rawn sawi khi ka hriat ve dan in kan sawi ang e(hre tlem hle mah ila). Han ngaihtuah mai chuan kaina ‘chance’ chu sang viau in a lang a,amaherawhchu kan ti teh ang,thosi taksa ah hian he HIV hrik hi a dam thei tlatlo tih hi a ni.A hming “Human” Immuno Deficiency Virus a nih ang ngei hian mihring taksa chauh a nung thei natna hrik a ni a.Thosi ben hlum avanga kai ta sawi tur khawvel ah an la awm hauhin ka hre lo mai.
Report this comment
March 10th, 2010 at 11:16 pm
Màwl deuhvin, inquisitive deuh tho siin — “THOSI hian HIV+ve a pu darh thei ang em?” tih ka ngaihtuah chiam tawh. Zìr tlèm luat vànga thudik hre lova buai ve chiam ka ni.
Ka thian Doctor pakhatin, “Thosîin a pu darh thei lo,” tih min hrilh chiah kha chu —ka thaw hawk! Rethei fa kei ka tân leh mi fel rethei ve tak tak te tân mai pawh ni lo, azawng azate tan!
Report this comment
March 11th, 2010 at 12:04 am
@16a ConstantineXX sawi hi kei pek ka lo ngaihtuah ve fo thin..
HIV +ve te bulah thosi tamnaah awmho ta ila, ka ngaih a tha vak lo mai thei a ni.
Report this comment
March 11th, 2010 at 3:32 am
Ekhai nimin ramah ka kal a, chawlh zawk laiin ka han misual zuai zuai a, comment pawh ka chhang fumfe thei lo. Ka haw hnu ah lah computer hmaah ka thu peih lo, ka chau lutuk a, min hrethiam mai teh u.
@Lunglohtui: “A hming “Human” Immuno Deficiency Virus a nih ang ngei hian mihring taksa chauh a nung thei natna hrik a ni a”.
Hei hi chu i hriat sual palh ani e. HIV hi mihring thisen ah chauh lo pawh a nung thei chiang e. Kan kai tanna bulpui ber pawh ramsa chikhat, Rhesus monkey atangin alawm.
Report this comment
March 11th, 2010 at 3:42 am
AIDS chungchangah hian thutawp siam hma lutuk lo turin ka ngen duh a che u. Research kal lai mek reng a ni a, an zir mek a, an hmuh chhuah belh reng a, experiment pawh an ti mek reng asin.
HIV hian cancer a thlen thei tih te hi kan hria em aw.
Main transmission of AIDS (proved tawh te):
1. Transmitted through homosexuality.
2. Transmitted through Intra-venous drug abuse.
3. Transmitted through multiple sex partners and prostitution.
4. Transmitted through open wounds.
5. Transmitted through transfusion of blood.
6. Transmitted through use of improperly sterilized or unsterilized syringes and needles.
7. Transmitted through infected mother to child during delivery as well as through breast feeding.
8. It was also possible to transmit the pathogen through improper sterilized dental instruments.
A chung ami te khi proof tawh anni. Mahse ka sawi ang khian zir belh mek zel a ni a. A zir belhna hi a kal chak thei lo tih hriat a tha. Engvang nge? Nang pawh AIDS kaichhawn dan zir nan i taksa i hmang phal bik ang em? Chu chu zir a buaithlakna a ni e.
Report this comment
March 11th, 2010 at 3:46 am
Tin, hetiang hian a inziak bawk a, duhlian tawngin lo dah ve teh u:
“Blood, body fluids and certain secretions from the body contains HIV”.
Thlantui ah te, mittui ah te hnute tui ah te HIV hrik a awm chiang a, heng atang te hian inkaichhawn theih anih leh nih loh tunge fiah ngam awm ta le? Huai takin thu sawi loh tur aw.
Report this comment
March 11th, 2010 at 4:25 am
Taksaa AIDS hrik a luh hian chuti maiin a lang chhuak lova, a chhan chu incubation period a rei bik vang a ni. He incubation period chhung hian nasa takin midang hnenah a kai chhawng hman thei a. Tlangval luck, zei leh hmeltha tak chuan nula sihhnip deuh hnenah hriatloh karin a kaichhawng chiam hman thin.
AIDS stage hrang hrang an tehna ber pakhat chu HIV hrikin T cells chikhat, T4 lymphocytes, taksaa a lo tlem tulh tulh dan an chhut atangin a ni a, stage 4 ah then a ni.
(Normal healthy person has 1000 T4 lymphocytes in every cubic centimetre of blood)
1. First phase or sero conversion illness: HIV hrik taksaa a luh atang ni 15 to 30 velah ani a. Khawsik ser ser, lymph nodes vung, luna, nuamsam lo, skin rash, night sweat, etc., a lo awm a. Hei hi a rei lo, a reh leh mai. Tichuan dam tha var angin an awm zui leh mai.
(AIDS vei reng reng night sweat hi a pawimawh. Lymph nodes vung hi a lan chhuahna pakhat anih avangin tunhmaa AIDS an hmuh chhuah tirh pawhin lymphnodes natna emaw an ti a, chuvangin a hmingah pawh LAV (Lympho-adenopathy Associated Virus)tih te, HTLV-III (Human T-cell Lymphotropic Virus Type-III) tih hming te pawh an lo put tir tawh).
2.Second Phase or Early immune depletion stage: He stage ah hian T-cells counting a tlahnim tawh a, thisen 1 cc ah 500 T4 lymphocytes chauh a awm tawh. Mi ala hrisel tha hle a, HIV hrik pai tih pawh a hriat loh. A stage hi a rei a, mi hur tan pawh duhtawka kai darh theih hun lai a ni. Anmahni ah insawiselna an nei lo.
3. Third phase or Intermediate immune depletion stage: He stage ah hi chuan T-cells ho a tlahniam nasa em em tawh a, 1 cc blood ah 400 atang 200 vel chauh T4 lymphocytes an awm tawh.
Medical lam mi ka nih ve loh avangin a saptawngin sawi zawm ang: ” In this stage, infection usually appear are of skin and mucous membrane caused by certain fungi and viruses. Later the patient develop constitutional symptoms like fatigue, unexplained fever, night sweats, involuntary weight loss and unexplained diarrhoea.
4. Fourth phase or Advanced immune depletion stage: He stage ah zet hi chuan miin HIV hrik a pai (HIV positive) a ni satliah mai mai tawh lo. AIDS symtoms a lang chhuak nasa tawh lutuk. Thisen 1cc ah T4 lymphocytes 200 hnuai lam a ni tawh a, a tlem tulh tulh zel bawk. Natna do theihna a nei tawh lova, natna hrik ho te te pawhin an ngam em em tawh. Pneumonia chikhat, prozoan pneumonia an tih mai, Pneumocytis carinii pneumonia in a bei thei tawh a. Tin natna hrang hrangin a tlakbuak chho va, a taksa a chauvi a rawih tial tial a. AIDS vei anih pawh thup theih a ni tawh lo. Miin an lungten tan a, an sociable lo tulh tulh bawk.
T4 lymphocytes 100 hnuailam chauh nei tawh phei chu cytomelagovirus in a bei a, chu virus chuan cancer chikhat Kaposis sarcoma AIDS vei taksa ah a thlen thin. Hetiang hunah tawh chuan AIDS vei reng reng 100% fatality a ni tawh.
Kan thih hun kan hre lova, eng angin nge kan thih dawn kan hre hek lo. Mahse mi thinhrik, mi lungten leh ngaihsak hlawh lova kan thih a hlauawm avangin AIDS hi i hlau ang u. A kaichhawn danah hian inzir belh zel kan la mamawh a, thutlukna tawp siam mai loh a tha.
Report this comment
March 11th, 2010 at 4:50 am
thosi a tang chuan malaria in kai sawn a awl bel
Report this comment
March 11th, 2010 at 5:07 am
Heng te hi i hre reng teh ang u:
1. Recently it was found that small quantity of HIV are found in tears, saliva and sweat.
2. HIV can be easily transmitted through mucous membrane of eye.
3. It can be easily transmitted through cuts and open wounds.
AIDS vei te nen society khat ah kan leng za a, inten mai lova kan khawsak ho a thiam a tul. Mahse, kai a awlsam dan leh a hlauhawm dan sawi nep hauh loh a tha.
A pawimawh ber chu “Prevention is better than cure” tih hi ni teh se.
Report this comment
March 11th, 2010 at 5:15 am
“Frog sweat can kill HIV” tih chung chang te pawh kha, enge a chanchin ni ta zel. Hrechiang kan awm em aw. A hria chuan han thawh ve teh u.
Report this comment
March 11th, 2010 at 5:27 am
@caribou
#1. Recently it was found that small quantity of HIV are found in tears, saliva and sweat. Heng te, leh thosi seh leh bug bite dang ah te pawh kai theihloh anga sawi a nih nachhan chu thil dang thenkhat zing ah ‘infectious dose’ vang hi ani. A infectious dose chiah hi sawi dan a in ang chiah lova, 20000-40000 tih hi sawi dan tlangpui ani. Hemi zat aia tlem taksa a aluh chuan HIV hrik kan neih hlen phah lem lo. Chil ah leh thlan ah te pawh hian a awm ngei a, mahse mi dang kai chhawnna tham a ni love, tihna anih chu. Entirnan chil hian infectious dose tling tur chuan chil bucket 30 vel (ka hriat sual loh chuan) a ngai.
Tin, hemi website hi lo en ve mai2 teh u, infective dose te pawh an ziak nual https://www.princeton.edu/~ota/.....870704.PDF
Report this comment
March 11th, 2010 at 5:58 am
@ spam: A va tha kher em. A lawmawm e. A hria khan han thawh belh zel teh u. Kan ram zimte a AIDS pung chak lutuk hi kan vei ve takzet a ngai a ni. Keimahniin kan kai ve lo anih pawhin kan chhungte, kan unau, kan fate’n an la kai ve thei. Mutmawh-hnarmawh ah neih a hun ta.
Report this comment
June 10th, 2017 at 3:11 pm
HELLO AND GOODBYE
Report this comment