Titi ka ngaihthlak leh ka zin ve zeuh zeuh atanga ka hmuh dan han thailan ve duh ka nei a. Aizawl hi a thrang nasa em em a, pem lut lah an tam, lirthei pawh a pung chak. Chutih laiin district dang headquarter han en hian kan thran dan hi a rual lo lulai deuh chu a ni.
Tu rilru mah tih nat ka tum lova, amaherawhchu thil pakhat ka ngaihtuahnaah a awm ve reng mai. Kan ram 2nd capital tia kan sawi fo Lunglei hi han sawi ta ila, Aizawl chu infrastructure development ah chuan a pha lo hle. Mahse kan rama mi thiam hmasa, mi awmthei leh thluak thra tak tak ho tam ber hi chhim chhuak an ni deuh vek nia.
MLA/Minister/MP pawh fel tak tak an tam a, mahse heng ho hian engati tehreng emawni Aizawl lamah an pem san deuh zel…..an khua hi thrang tur chuan a khaw mi mithiam ho hian an chen chilh a ngai ka ti ve tlat a ni. Chutiang zelin Champhai, Mamit, Serchhip, Lawngtlai. Saiha, Kolasib te pawh a khaw mihlun, mi hmasa leh thluak thra, lehkhathiam ril ho khan awm chilh threp thrup ta se an thrang zawt zawt mai lawng maw ka han ti ve a ni.
Aizawl ringawt maia kan inhnawh khawm hi zawng a fel lo a ni. District dang unaute ho kha tran han la tak tak teh u….hma in sawn tak tak chuan keini Aizawl lam mi pawh kan rawn pem phei duh lovang tih tunge sawi thei??
Similar Posts:
- Hmeltha Lalnu – Henry Lalmalsawma Renthlei
- Mizo vrs Vai
- Bawrhsâp!
- 666 leh kei
- Medical Mobile motor thar a hlui?
March 13th, 2010 at 1:59 pm
Thil pakhat kan lo zawt ve lawk, a hming mai maiin. Aizawl chauh Mizoram a ni lo ti a au chhuah pui tam zawk( an vai ni lovin ) hian ngatinge Lunglei pawh an tih fo le. Khawdang pawh a tam alawm. Anmahni point anmahni vekin an kalh ah ka ngai mai. Ka ngaihdan ah tak phei chuan Lunglei hian Kolasib khu ala tluk loh thuai ka ring.
Report this comment
March 13th, 2010 at 3:47 pm
@ Raskal i ngaihdan khi an ngaihdan nen a in ang anih chu Lunglei in hnu fual an in ti a, nangin Kolosib in a la tluk thuai ang i ti a, Lunglei ho ngaih dan chu ilo tawm hle zawk a nih hi, kalh i tumna lamah.
Report this comment
March 13th, 2010 at 3:51 pm
Khawpui na-na na chu kan pan zel zawng a nih hi..Dik tak chuan Thingtlang khua pawh hi ngatingea changkan theih loh tih chuan..infrastucture chhia chu kawng hran nise, a khawtlang hruaitu te hi han chhut teh u, lehkha zirlaia a thiam lo pawl leh siklul tlan bo hrat pawl kha an ni duh khawp a sin..a thiam ho chuan thingtlangah zir chhun zawmnna a awm miau loh avangin an chhuahsan zel thung si a , hawiher zau lo zawk kha khawtlang kaihruaitu nih an ko vah a tla ta tlat mai si a ni
Ka sawi duh taka chu thil awlsam zawk a awmna hmunah hian kan inbeng bel zel a ni, sumdawng hausa nih duh chuan lunglei ai chuan Aizawl ah dawrtu a ngah zawk ang tih a chiang. Amaherawhchu, sawrkar atanga hmasawnna rawn kalah erawh zawng Lunglei chhual chhuak te in hmang tangkai nep deuh ka ti, kawngpui dung reng a chhe lulai em mai.
Report this comment
March 13th, 2010 at 10:54 pm
Mizoram hi ka ram a ni a, ka hmangaih. Lunglei hi ka awmna District a ni a, ka ngaina em em. District dang zawng zawng pawh ka hmangaih Mizoram chhung vek an ni, ka duhsak em em vek bawk.
Ka awmna khua Lunglei a nih avanga Lunglei sawi chhen ka ni lo. 2nd Capital a nih avangin entir nan sawi a rem chan bakah thil lian thamah chuan sawi awm ber pawl leh Aizawl nena han tehkhin ralah pawh pha lo teh mah sela, sawi awm a ni rih tlat.
Kan Subject leh ka vei ber chu, Aizawl-ah hian awlsamna zawng zawng a awmkhawm vek a, heti hi a lo ni ta a. Tin, Development sum leh pai tam tak hian Aizawl pel ve tawh sela, Mizoram dung leh vang hi a rualkhai thei ang berin chul mam rual thei se tih hi ka duhthusam a ni e.
Aizawl hi Mizoram emaw ti tlat lovin ram pum huapin hmasawnna hi kal se. Keh darh tham leh inthen tham kan awm lo, intih lungawi tlan hi a tha ngai e.
Report this comment
March 14th, 2010 at 12:33 pm
@Kawnga: i rilru ka hrethiam hle mai. Dik tak chuan kan MLA ho hian (Minister pawh an tel tho) an bial ah theuh hian hmun nei se, a lo berah quaterly hian an bial chhung area fang chhuak zel thei se, hmasawnna hnathawh ang apiang pawh monitor chak se, a dik lo chu paih chhuak thuai ngam bawk se, a tul apiangah a changtu department lamah te bawhzui chak bawk se, kan zia chu ka ring ve thin.
Decentralized mindset hi kan mamawh hle niin a lang. Abik takin ram hruaitu, legislators leh deptt officials te tan.
Report this comment
March 14th, 2010 at 12:52 pm
Zirna in te pawh hi, Aizawl a awm ve lo, entirnan, Agriculture college, medical college etc te hi Lungleiah te, champhai ah te, Kolasib ah te dah ni zawk ta se, pan loh theih loh nise, Aizawl a awm ang tho a awm thin vangin, miin Aizawl bawk an pan leh thin, hetiang hian ti sela Aizawl chauh hi Mizoram emaw tih anih tawh ka ring lo!
Report this comment
March 15th, 2010 at 4:13 pm
Engtin nge an tih thin kha? Hmasawn i duh takzet chuan i ram khawpui berah cheng rawh..an ti emni kha…a nihna tak ka sawi chhuak thiam mai lo,heti lam hawi hi chu a ni ta awm e.Kan ram khawpui ber chu Aizawl a ni a,a la ni dawn chauh maithei bawk a.Chuvangin heng hmasawnna tur chi hrang hrangte hi khawpui berah a awm loh chuan khawpui chuan a nihna a humhim zo nang le.Chuvangin Aizawl chauh hi Mizoram khawpui lianber a ni rih a,chutih rual erawh chuan Aizawl chauh hi Mizoram chu a nilo chu a nih hi,thu te hi ngaih kawih theih tura sawi loh tum hram hram tur,a tha ngailo,thih hnu ah ruh a mawih duh ngai
Report this comment
February 8th, 2011 at 8:17 pm
a ngaihnom dap2 hle mai..
Report this comment
June 21st, 2012 at 9:33 pm
Hei hi thil pawi tak pakhat a ni. Aizawlah lìr nghïng ta se ṭawngthu chhe lovah, kan mithiam ril deuh deuhho hi mang ṭhup thei an ni tlat. Inzàrdarh deuh chu kan ngái.
Report this comment