MTKP Khawmpui vawi-44 na Joint YMA Field Vaivakawn-a neih March 19-21 thleng khan ropui taka hman a ni. TKP member ni ve lem lo mah ila kan veng bul maia nghah ani bawka a boruak chuan min nuai ve tho mai. Hre thui lem lo mahila tlem han review ve ta ila.
Organiser te’n kohhran dang tih buai an hlau lutuk a, engkim mai an mahni kohhran chhungbila inchinfel vek an tum kha, a fakawm rual rualin khawmpui palai-te tan erawh phurrit a tling. Pandal bul hnai vengah thlen tir mai lovin Aizawl veng hrang hranga Baptist mipui te inah an thlentir a, a then phei chu Chite vengah, a then Tanhril-ah palaite an khawngaih thlak khawp mai inkhawmna a hla lutuka. bus te ruahhman sak mahse traffic jam nen a kal chhung a rei thei lutuka an buai deuh.
Ni.20 zan dar 10 hnu lama zokhaw lam nula khawmpui palaite kha ka khawngaih hle. Thakthing vengah an thlenga, an chhuana bus-in a lo hawsan vei nen an pheikhawk khaiin Dawrpui vengthar chhovah an lo kal hnak hnak a. Ka hriat danin khawmpui hi Aizawl pum Baptist ten an thlenga, Vaivakawn-ah pandal sa mahse Aizawl veng hrang hranga mikhual insem an ni an ti. A at thlak mai mai mange ka ti deuh.
Mizo vek kan ni a, kohhran mal inkhawmpui mah nise mikhual thlen chungchanga kan hnam mawina haider tlata mikhual lo huphurh kan awm loh vei nen. Hmundangah pawh hetiang ang khawmpui an thlen chuan kohhran kohhran awm chuang lovin khawtlangin an mikhual mai thin kha a nia.
Tin hetianga mikhual thlenna a darh sung hian Khawmpui boruak a awm tak tak theilo. Zokhaw lam atanga palai lo kal zawng zawngte kha thlen vek che u kan inhuam nen in hotute ruahhman danin min phal ta silova hmanhmawh leh buai taka Aizawl-ah khawmpui in rawn chhim kha pawi kan ti tak zet zet a ni.
Similar Posts:
- Baptist kohhran in Zawlaidi zawrh khap an rawt
- Malsawmtluanga Shylo an phuar!
- Laltanpuia Awmna Veng Nih Duh Lo
- YMA General Conference ka chhim ve a
- KTP Gen. Conference Pandal sak hna tan
a tha khawp mai
March 22nd, 2010 at 10:08 pm
A lo nih tak chu maw le!!! Khawmpui thlen manah Kohhran pawl hrang hrang han hnatlan ho te, han inmikhual tawn te hi a nuam ve hranpa riau asin.
Report this comment
March 22nd, 2010 at 10:17 pm
Ni e, Inpumkhatna, Kohhran inlungrualna zel a ania, a va zialo tak ve.
Report this comment
March 22nd, 2010 at 10:17 pm
@ Joseph Hauhnar…i soi khi chu dikna chen awm mahse kha leh chen huang khata luang za thei tawhlote kha lo in mikhual tawp a har fuu ang. Rilru zau tak awm bawk mah ula rilru zim ve tak tak kan tam a nia.
Tin, i rawn soi chhuah ho chungchang bik pawh hi Field thenawm Veng ho ah sawn an lo sawi luih luih mai a, a then chuan baptist kohhran beihna atan hmanruaah an lo hmang ve mek bawk tih i hriat kha. ‘Kohhran in hung bik lutuk’ tia puhna pawh kha a lar viauin ka hria. Baptist leh Presby inkara hem thlak duh pawl an awm vat nghe nghe kha. I rawn tarlan ho pawh hi Salvation member KA atanga ka hriat ngat maw le
Kohhran lamah chuan Presby ka ni e.
Report this comment
March 22nd, 2010 at 10:19 pm
nia
Report this comment
March 22nd, 2010 at 10:24 pm
Ni e lo thlen tir mai tur ania te ti vel ila kan thu silova…tak2in inpumkhat lam hi chu kan hlat tial2 chuan kei chuan ka hria…….kan hmalak dan han en hian…..thlenna darhsarh deuhin vir vel buaithlak deuh mahse an hlim tho chuan ka lo hre mai2 a…..thiante ka atang chuan an hlimber chuanka ti mai kei chuan….
Report this comment
March 22nd, 2010 at 10:28 pm
Kei Baptist pachal MTKP inkhawmpui rawn chhim ve ngat hian lawmthu ka sawi e.
@shabito rawn sawi anga Kohhran inbeihna hmanrua zawnga a kal lek lek a nih chuan a va zia lo ve aw!!!! Presbyterian chhungkaw tam tak field hnaiha awmte lo inhawnzia ka hmuh khan a ropuiin a lawmawm ka ti takzet asin. Thalaite huang chhungah hi chuan kohhran hrang hian awmzia a nei thuk lo hle a lo ni. Kohhran dang, kan unaute ho MTKP Inkhawmpui rawn chhimtu tam tak mai han hmuhte khan ka rilru a khawih thui khawp mai.
Mikhual inthlen chungchangah chuan @joseph sawi hi a dik khawp mai. Amaherawhchu, kohhran dang mikhual lo thleng ve tura inngen kha an inthlahrung deuh a ni ange. Green signal lo hmu lawk chu nise an thlentir mahna le.
Kan kohhran zaipawl leh Thingsai Bial te ho erawhchu kan vannei khawp mai. Kanaan Veng Pa,Presbiterian Pachal, Pu C.Laldawngliana Fishery Officer,Kolasib khan Sunday khan zanriah min siamsaka mi 80 chuang min lo mikhual hmiah mai! Kan lawm tak tak a ni.
Report this comment
March 22nd, 2010 at 10:35 pm
@ muantea,chu sangha in hmeh em :?:
Thingtlangah hi chuan eng kohhran khawmpui lian pawh thleng se mikhual hi an in neih pawlh vek a,khawnawtin an tang tlang thin… khawpuiah erawh harsa kan ti deuh a ni mahna,bakah thleng tu pawh an in daih a ni bawk thei e.
Report this comment
March 22nd, 2010 at 10:36 pm
Keichu a dik ka ti, khawmpui hi ka kal ve a, Thuampuiah ka thleng a, hla tak ani. Vai vawih aia ranga chet vek a ngai. Hmanah chuan kan veng (Lungleiah) pres-in engemaw khawmpui an neih changin indaihlohna awm thei thila thingpui lum turtein min rawn sawm ve thin a, kan lum sak ve fo asin. Chu chuan tun thlengin Pathian rawngbawlna kawngah inunauna min neih tira, a nuam em em ani.
Report this comment
March 22nd, 2010 at 10:40 pm
Kohran pawl hrang2 kan ti te, Veng2 leh khua khua kan ti te hi chu, kan la thring tluang zel e tihna ang ka ti thrin. Mahse a thlengtu kohran te’n mi tihbuai hreh taka hma an la nih chuan, a hahdam thlak tho, mi phut rin ren ai chuan.
Mahse muantea expi hi chu a dang leh zak bawk si. Mihring inhawng zau leh mi puih hreh lo hi chu an awm ve re re – Isua style khoops
Report this comment
March 22nd, 2010 at 10:42 pm
Kan Kohhran theuh hruaitute an inngeihloh ai hian an mipui lam hi kan inrem ru phian ani maithei. Tuntum MTKP Inkhawmpuiin kum hnih danah khawmpui buatsaih tawhtur an ti hi a lawmawm ka va ti e. Sorkar thahrui ringlo hian eng pawl pawh hian (YMA, KTP, TKP etc)engmah kan tithei der mai silova, khawmpui kan uar em em mai hi a fuh chiah lo ani.
Report this comment
March 22nd, 2010 at 10:51 pm
mzvision ziah ang khian kan khaw chhuak,kan veng kan tih kan tih chhung hi chuan kan awmnaah kan beh lohzia alang ciang ting mai ani.
Inpumkhatna hi kan mamawh lian tak pakhat chu ani e. Kan awmhmunah mah kan inngeihloh chuan, missionary field ah thlarau bo kohhran anga zawnloh chu a har ta ve phian ang!!Hawh u, inngeih dial dialin awm ang uuu!:-)
Report this comment
March 22nd, 2010 at 10:52 pm
khawmpui hi kum 4 danah ti se tawk chiah, ngaihmawh turte chu engkimah hian a awm vek, tuman thil an ti fel famkim thei lo
Report this comment
March 22nd, 2010 at 10:54 pm
@xaia, Dil sangha nilo, Silchar lam sangha chu hmeh e :smile:
MTKP Inkhawmpui pahin @mzvision tlawh ka tum a, a office kawngkhar zawna ka din lai takin ‘a zin daih’ an lo ti sia, ka kir leh ta nal nal a, ka inkhawmpui zui leh ta.
Report this comment
March 22nd, 2010 at 10:56 pm
Khawmpui ti lova INKHAWMPUI tih tlan dial dial ka va duh em!
Report this comment
March 22nd, 2010 at 11:04 pm
INKHAWMPUI kan ti ange..haha..He post hi ka ngaihdan chiah a lo ni ve a,Pandal hnaih veng a awm ka nia,Presbyterian, ka awmna kohhran te poh kha kan inhawn viau tak kha mole..chaltlang atang ten ke in an rawn inkhawm a,an khawngaihthlak ve tlat..
Report this comment
March 22nd, 2010 at 11:15 pm
A va han pawi tak thin em ! in inhawn thu kha inkhawmpui hma thlakhat la awm velah khan lo hrilh hman ula tha tur Muantea te veng hla lutuk a thleng tur tal kha chu misual.comer venghnai hnai awm te kha in In-ah lo pawt lut chat ta ula
Report this comment
March 22nd, 2010 at 11:29 pm
@amanda,nia..kan naute ho kha Chaltlangah an thleng a, kal/haw vel chu a buaithlak khawp mai.@craftsmen hi a lo inzep rei deuh a ni..Hetiang turte chu lo sawi daih tawh tur a nia :smile:
Presbyterian ho hi an fel khawp mai. Kanaan Biak In pawh Sunday zingzan inkhawm kha chuan an thawl hawk a ni awm e.. 2000 kuma High Field a MTKP Inkhawmpui kan neih pawh khan Zarkawt Presbyterian Biak In kha Sunday-ah chuan an khar tawp mai mawle..A ropui khawp mai! Aizawl lam nge nge khawpui bera awm an ni bawk a Mizoram nu leh pa chan pawh an chang thiam narawh e..Kei zawng Inkhawmpui hi chhim ve mahila over hnuah hi chuan ka veikhawr deuh tlat ta mai ka ti!!!
Report this comment
March 22nd, 2010 at 11:36 pm
KTP Inkhawmpui lama kan hmel hriat ngai loh( a dik em aw) Inkhawmpui chhung zawng khan Tawngtai Pawl an awm a, Govt’ KM Higher Secondary School ah an riak a, tawngtaina hmun atan an hmang bawk a, a tha ka ti khawp mai. GKMHSS Principal in phal taka an School compound a hman tir kha fakawm ka ti hle. Higher exam lai a nih lehnghal vei nen, an Principal in pekna kha fak a phu ve viau
Report this comment
March 22nd, 2010 at 11:46 pm
Kohhran chungchang hi ka ngaimawhna a rei tawh a, he huang hi sawichhuahna atan a remchan fu ka ring. Kan ram zimteah hian kohhran inthliarna a nasa em em a kan ngaih lai ai hian thingtlang lamah chuan a nasa vak loin ka hria. Mamit-a KTP khawmpui an neihte khan Presbyterian kohhran ni ve lem lote pawhin lawmtakin an thleng mai a, chutiang zelin Baptist-te pawhin an khawmpui hmasaknaah pawh khan Presbyterian kohhran-te chuan lawmtakin an thlengleh mai a, Envangin nge Aizawl emaw Lunglei emaw a nih avanga kohhran kan inthliar hran kher? Aizawl leh Lunglei-ah te chuan kan inlakchangkang thut vang em ni zawk le? Nge chhuanlamah Thingtlangahte chuan mi an tlem a, a mi chengten an thlen vek mai lohten? ka tileh fel diam mai zawk? Tin, tunlaia MTKP zaipawl leh zaithiam lar pathumten ‘Krista thu hretute’ tih hla an sak hi kohhran dangin sa se hei ai hian kan vawrh lar leh zawk lawng maw!?
Report this comment
March 23rd, 2010 at 12:12 am
@Rikyskew,1)’ MTKP zaipawl leh zaithiam lar pathumten ‘Krista thu hretute’ tih hla an sak hi kohhran dangin sa se hei ai hian kan vawrh lar leh zawk lawng maw!?
Kohhran dangin an sak avang a alarna zok tur ka hrit noh..anmahni aia zaithiam leh hmelthra te chuan sa se,kan enpeih anga,alar phah deuh mahna..
2)Envangin nge Aizawl emaw Lunglei emaw a nih avanga kohhran kan inthliar hran kher? Aizawl leh Lunglei-ah te chuan kan inlakchangkang thut vang em ni zawk le?
Presbyterian leh Baptist kan nih avangin kan in anglo a,Pathianni zing ah te chuan inthliarhran angai a,a tul hunah chuan kan thawkho tho lo maw?
Report this comment
March 23rd, 2010 at 12:16 am
#18 thleng khi chuan kristianna rilru in, in phahhniam takin comment hi ala kal. #19 hi i tan lutuk nalamah min rawn then darh tep zawk alawm le
Report this comment
March 23rd, 2010 at 12:22 am
@Craftsmen demand channel hi tunlai kan zaithiamte larna ber pakhat a ni a, a hmetchhuaktute zir a ni mai a lawm ni, thil pakhat kan hrilhru teh ang che, zanlai dar 12 atanga dar 2 vel thleng hian demand channel hi an en ve thin mah teh, a ngai an thlang zut zut mai ang!
Tin, a nih le, thingtlanga khawmpui kan hmang chang hian engati nge hall-ah te emaw school-ah te kan riah ve mai loh? an khua an tlem vang bik em ni?
Baptist kohhran ka ni chuang miah lo a nia.
Report this comment
March 23rd, 2010 at 12:38 am
@Rikyskew ,Thingtlanga khawmpui kan hmang chang hian engati nge hall-ah te emaw school-ah te kan riah ve mai loh?
Mikhual i ni a,alo dawngsawng tute leh khawmpui thlengtu te khan a remchang an tih danin an dah che nimai lom,a ho e. hahaha..
Tin,Demand channel tello a zaithiam lar ka hre treuh mai..ka tawng an huatthu suh ah..sawlam zaithiam sawn,Demand chnnel chu anlom deuh lo maw,te ka lo tia..Ka hmuh phak leh ka hriatchian deuh chin Aizawl zaithiam tamzawk hi chu Demand channel vang a lar an ni lemlo a nia
Report this comment
March 23rd, 2010 at 2:25 am
Kum 1996 kum ni ta in ka hria KTP khawmpui lian kan veng bul field ah an nghat a kei presbetarian ni hauh lo pawh in mikhual kan duh ve ka ti a mi 4 ka thleng ve a .an pual in ran te ka talh sak ve ngat a sin .Mani kohran ni lo mahse khawmpui te khan boruak a ti nuam in mihring in pawhna leh in nel na te a hring chhuak aMizo na a ti lang bik in ka hria .
Report this comment
March 23rd, 2010 at 4:38 am
Heng lamah hi chuan Inkhawmpui-a palai kal tur Registration a fel thlerh thlawrh thei bawk a. Tangka thawh khawm tur nen, chhungkaw member zat nen … Hotel lian thamah an bei mawp mai a. Eitur, mutna, infiamna, tuihleuhna, Conference Hall … Kohhran Thalai inbawlchawp thlansa-luhai a awm ve lo.
Chutiang chu kan ram sumdawnna dinhmunin a tlin ve hun tur hi ka suangtuah pha rih lo.
Inkhawmpuina hmun Vaivakawn atangin chhimtu palaite thlenna a lo hla lulai deuh a nih dawn tak khi! Shillong Pres-Bap Boruak Lum, hun rei tak awh —Faktea’n a zuk kal chilh tawh hnu kha chuan boruak hi a dik fu tawhah ka lo ngai mai asin! Vaivakawn Inkhawmpuina kianga mite thatchhuahna a rawn ri tel hi a ngaihnawm dangdai hle mai!
Kohhran hi chuan fencing chin a neihna tur Thurin lamah chuan a awm ngei alawm; mahse, thatnaa inlawm tur chuan WALL aiin BRIDGE a fuh zawk fo kumkhua ang!
Report this comment
March 23rd, 2010 at 6:40 am
@ shabito says “mahse kha leh chen huang khata luang za thei tawhlote kha lo in mikhual tawp a har fuu ang”
Inkhawmpui hi Zirtawpni ah tan ta se zan 3 chauh an riah angai a mahni Mizo pui zan 3 lek pawh thleng thei lo khawpa kohhran hran vanga han in HUAT/ in ITSIK chu leh!
YMA conference an neih te hian in mikhual te kohhran in zawt te te phawt thin em maw ni le?
Kohhran hrang tih vanga in hmuh sakhi tum nghal ringawt mai, Kristianna hi mizo te thendarh tu anih zawk hmel khawpmai chuvagn chuan Muslim sakhua hi Mizoramah promote tur, an rinna a chak zawk, an in ti unau zawk bawk.
Report this comment
March 23rd, 2010 at 7:00 am
Inkhawmpui mikhual (palai) tan thlenna hla chu a hrehawm deuh ngei ang a, mahse veng hla tak awm ten mikhual an nei kha an lawmpui awm ve tho a nia.
Report this comment
March 23rd, 2010 at 7:59 am
He lai thu chuan ka beng a verhin ngaihthlak a va nuam em! Kohhran inpumkhatna hi kei pawh ram thim vei taka ka vei kumkhua a ni a, tun tum MTKP Inkhawmpui vuakveta kan rilru put hmang in han tarlante hian min va tilawm teh lul em!
Kei hi Presbyterian pachal,Presbyterian mia piang leh seilian ka ni. Amaherawhchu, kan rawngbawlnaah te a tul bakah ka nuam tih zawng tak a nih avangin Lunglei khawpui Baptist Biakin hoah sawn ka inkhawm lohna chu tlem te zawk an ni ang! Baptist kohhran hruaitu te, a member te leh mimal thiante ka hriat ho reng reng mi inhawng tak tak an ni zel. Chutiang bawkin Presbyterian lam pawh rilru zau tak tak vek an ni tlangpui. Chuti chunga duh anga kohhran kan la inpumkhat za ho thei lo hi chu SETANA trick a ni chiangin ka hre thin a, LAL ISUA hnen kan thlen hunah chhuanlam kan nei tlem viau ang!
Hawh u, kohhran inpumkhatna hi chawi nung zel ila, a bik takin Presbyterian leh Baptist ho hi Official-in i inunau leh thuai teh ang u! Khua a har e! Lal Isua lo kal leh hma ngei hian aw!
Report this comment
March 23rd, 2010 at 8:26 am
A va pawi ve le aw… muantea chu aizawl ka awm lai ni se la, thleng hla ta sa sa ka lo mikhual tur che a nia. mahse kan misual dun anga vawi 2/1 bak i inkhawm lo mai ang tih chu ka hlau deuh… :lol:
Report this comment
March 23rd, 2010 at 8:41 am
Veng hrang hranga an thlen darh tirna chhan chu an Chhim rilru ang tho kha helam ho rilru ni ve turah an ngai a. Saw lama Kohhran dangho an inkhawmpui te hian thlen in an hnawng fo a ni, thlenna tura an tihfel sa diam tawh, mahse last minute-a lo thlen tir duh leh lo te an awm a ( he thil hi ka rinthu a sawi ka ni lo, chiang taka ka hriat a ni).
Report this comment
March 23rd, 2010 at 9:34 am
KTP Inkhawmpuiah hian ka kal ve zeuh zeuh tawh a, pawl dang te hi an inpekna thukzia mit ngeiin ka hmu thin. Khawsak harsa ve zawk nia hriatten an ran vulh chhun ang angte mikhual tan ui lova an han siam thinte a lawmawm a nia.
Report this comment
March 23rd, 2010 at 9:45 am
Presby leh Baptist ho hi eng tikah mah Zai khatah kan Luang za ho thei-in ka ring lo, chutiang bawkin Kohhran dangte nen pawh. Mahse, presby leh baptist ho chu kohhran dangte ai chuan la inpawh tha tak kan ni; nupui pasal inneih pawlhahte hian a hriat mai.
Politics huangah meuh pawh presby leh baptist inkar KHI a thuk viau ania. Chinfel theih tawhloh tur sawi2 hi ka peih ve lo; ‘mahni theuh hian Pathian nena kan inkar chinfel tum ila ni mai’ tih hi ka thupui ni teh se.
Report this comment
March 23rd, 2010 at 10:19 am
Khai aw!!! in va duh barh barh hlawm ve le!! Intualvuakna athleng ang tih a va hlauh awm ve le..ha ha ha…
Inremlohna leh thalo lam kanin sawisiak dawn chuan kumkhua pawhin sawi ila kan sawi fel chuang lo vang. Chuvangin kan Bible duh danin keimahni theuh hian mite kan rem em tih inbih chiang theuh ila, kan lo rem lo a nih chuan rem tumin hma ila zawk teh ang.
@muantea sawi dan takah, kei Presbyterian pachal pawh hi Champhaia hna thawka ka awmlai khan ka thianpa inah Baptist Kohhran (Bethel Veng Baptist) kha an inkhawm thin a. Ka thianpa inah khan ka khawsak tam avangin Baptist Kohhranah khan ‘zing/chhun/zan thlengin ka inkhawm fo mai. A nawmlohna leh thatlohna pakhatmah ka hre der lo. An kohhran hnatlangah ka hnatlang fo bawk. Tuman min enhrang lova, keiin ka enhrang lo bawk a, kan inpawh tlangin kan hlim tlang thin khawp mai.
Report this comment
March 23rd, 2010 at 10:33 am
A tawp lamah ka’n sawi hnawk ve hrim hrim teh ang.
Baptist tlangval rilru atanga chhuak in-
He post neitu Joseph Hauhnar, i rilru put hmang keini tan dawnsawn a nuam ka ti. Mahse kan hotuten venghnai a mikhual/palaite an thlen itr lohna chhan ni a ka rin chu Kohhran dang ina thlen an phal loh vang nilovin inthlahrunna vang zawk a nih ka ring a. Keipo’n committee member ah thu ve ila, Vaivakawn leh a chhehvelah thleng vek rawh se ka tih ngam ka ring lo – a chhan chu Kohhran inthliarna neuh2 hi rin aiin a ril riau thin a(a chunga midang sawi ang khian). Veng angin emaw, mimal angin emaw, ‘mikhual kan thleng ve duh e’ rawn ti ula chuan lawm takin kan hotute pawhin an rawn dah ka ring.
Kohhran inhnialna a tam ka hlauh vangin MTKP 2010 Inkhawmpui lam hi chu misual ah hian ka rawn post ngam chiah lo a, MTKP member lo lamin i rawn post hi a lawmawm hle mai.
Mimal thil- Ka usher char char a, ka hah khawp mai. Mahse nuam ka ti top.
Report this comment
March 23rd, 2010 at 10:39 am
Bible thu thianghlim in a sawi dan in ” ENGPAWH NISE MI ZAWNG ZAWNG NEN IN REM IN LO AWM PHAWT RAWH U” a ti a ni lawm ni. eng vang in nge he lei a din chawp Kohhran ah te kan la buai le, Khrista ah chuan luang za a in ngeih dial dial tur kan ni e. Remna chu um hram hram ula… tiamchin lam panin kal tang tang rawh u khai… Setana thil ti theih na do tur hian KOHHRAN zawng zawng kan tan rual a ngaih tawh hi. In tai ran a awm hi i sim a ng u khai…
Report this comment
March 23rd, 2010 at 10:43 am
KAN INHNIALNA CHHAN BUL LEH POST-TU MAIN PROBLEM SOLVE-NA
kan ti ve rawk a….. a dik tawk chiah angem tih chua ka sawi chiang ngam chiah lo.
A ni tak a, hetiang karah hian ‘eng eng emaw, neuh neuh’ hi a awm duh viau reng a. A chhan bulpui ber nia lang chu, Aizawl lam BAPTIST te hian hetiang khawmpui lian dawl tur chuan an theihnain a la phak chiah lo, kan ti dawn nge, sawi tak ang khan PALAI lo haw ta te thupui ber chu hei hi…
Buai reng rengin, hmanhmawh reng rengin kan khawsa a, zin chauh nen, kalna hla bawk si, kea kal ngai thui bawk si, tum angin a nuam lo
tih hi a ni. A khawmpui hrim hrim chu thuhran nise, helaiah hian Inkhawmpui buatsaihtute hi chu an FAIL ve deuh niin ka hria, a dik bawk a.
Ka la sawi belh ang….. thildang fuh lo nia ka hriat dang… nakin ah…
Report this comment
March 23rd, 2010 at 12:52 pm
Ni e, Vaivakawn venga miten hawihhawm an chhuah hmasak phawt loh chuan Mikhual semtute tan an bel ngawt chi loh. Chuvangin hei hi a tir atangin Vaivakawn YMA emaw KTP emaw ten ngaihtuahna lo hmang lawk se la, hei hi inkhawmpui committee ah theh lut se, kan in chhawk zangkhai hle ngei ang. Tunhnuah chuan ka hre tawhin a rinawm. Baptist leh Pres ngat phei chu kohhran thil intawm kan ngah em em a, thawk ho tur leh lungrual tur kan ni. Kohhran lian ber berte kan thawhho chuan a tenaute pawh kan huikhawm thuai thei ang a, Zoram siam thatna kawngah pawh nasa takin kan thawk ho thei dawn a ni.
Report this comment
March 23rd, 2010 at 1:22 pm
@Aryan “chuan Muslim sakhua hi Mizoramah promote tur, an rinna a chak zawk, an in ti unau zawk bawk.”
Sunni leh Shia te kan awm a nga, Kohhran vs Kohhran ai hian kan in hmu sakhi zawk mai tur asin
Report this comment
March 23rd, 2010 at 1:37 pm
Nihna kan duh hlawm e mai, inzawmkhawm lam hi chu sawi teh suh u…
Nihna nei lo Pawl te pawh kan la din ang tih nia ka hlauh ni…
Report this comment
March 23rd, 2010 at 1:38 pm
Pawl lo Pawl
Pawl lo pawl tawh lo pawl
Pawl tawhlo pawl poh pawl tawh chuang lo Pawl etc.
Report this comment
March 23rd, 2010 at 3:42 pm
Mafaa twngkam hawh ila chhura thlah te theuh2, Pathian inang be theuh2, hetia in er leh inhuphurha kan awm hi Kalvary atrang min lo thlirtu te tan chuan kan hmuhnawm loh ngawt ang.
Report this comment
March 23rd, 2010 at 4:07 pm
inkhompui poh anglo zok lom, zaipol intihsiak a ang.
Report this comment
March 23rd, 2010 at 4:27 pm
@meester, #30, heta i sawi ang hi chu mi tlem te, sawi tur tingin an awm ve a ni ang e. Mahse, a mimir rilru leh sukthlek dan chu a nih ka ring lem lo.
Report this comment
March 23rd, 2010 at 4:32 pm
Presbyterian leh Baptist inthen darh hma kha ka hre ve hman a, khang hunlai kha a nuam. Khawmpui nikhuaah palai an in kalpawh a. Chhim lama zin in Baptist-ah, hmar lama zin in Presbyterian-ah…
Report this comment