Hman deuh ata tawh tunlai mi nih a, tunlai kha an duh ber kha a ni thin a. He rilru, kan Nu leh Pa, Pi leh Pute rilru a awm kha keimahni ah pawh hian ala awm reng. Kan tunlai dan leh an tunlai dan erawh hun inherin a her chhuahpui dan a dang deuh mai pawh a. Khang hun lai, kum engngemaw zat liam tawhah pawh khan tunlai duhin uchuak taka incheiin an lo tunlai tawh thin.
Khang hun laia Kekawr tlang mawlh mai kha aw… duhai in a ha tu ngei pawn a arh ang a tih tur khawp a arh khan an han thui a, a arh lutuk kha kal vel a harsat phah hian ka ring thin! mahse, chuti chung chuan arh tawk tak lo kha chu an ha duh derlo, a tunlailo tlat a.
An sam lah khan awm ngaihna a hre bik em aw ka ti. Sam kawlh fua mai kha chu tunlailo tak a ni. Mizo tlangval India sipai a an tan hreh chhan ber pawh kha kan sam minlo meh kawlh sak ang a, kan chhuti hunah minlo nuihzat dawn em a sin tih kha a ni ve tlat. Mipa ten Dar vaw suau suau in sam an han zuah sei siau mai kha chu aw… A hun lai kha chuan mipa sam a ni a, pa tak a nih thin kha mawle.
Tichuan, Kekawr tlangarh tha tawk tak, kal zawng pawha phe ri hlup hlup thei khawp kha an han ha hluai mai a, Kekawr mawngah chuan chiang takin, awlsam te a hmuh theih turin LOVE SIGN kha rawng lar leh langsar thei ang ber tur khan an han bel ngei a. Kekawr mawng ipte ah khan theihnghilh miah loh turin SAMKHUIH TE an han thiat vah mai bawk a, Kamis pawh a ha tawklo lam deuh chu a nih hi maw le tih tur ang chi te tit tet kha an ha tang mai bawk a, an kawngah a tlang lakhawma an suih tah tawh chuan tunlai tak a ni zel a nia.!!
Heng zawng zawng aia la uchuak chu an pheikhawk mawlh mai kha, chartin bung an bun emaw tih mai turin, pheikhawk hnuai kha chhah tha hlawm tak a ni, eng Company thui mah a nilo a, tam tak kha chu an mahnin an tuk a ni zawk! Mahse, a zahthlak miah loh tunlai dan a ni miau a. Tunlai an tum a, a hunlai chuan an tunlai hle reng a sin.
Hetiang taka tunlai duh reng reng a rilru lo siam thin kha kan Nu leh Pa, kan Pi leh Pu te kha an lo ni a, chu rilru an mahnia awm bawk kha keimahniah hian a awm chhun zawm zel vang nge ni, kan lo heti zo ta a nih hmel hi maw le.!!
Khi tiang khi kan dinhmun a lo ni tawh thin a, tunlai thangtharte incheina hi engnge a an ve le? An tunlai tum dan hi a uchuak bik em? Tunlai tum theuh theuh indem thei kan ni em? Eng angin nge tunlai mite hi an nihna leh awm dan hi kan hrilhfiah ang a, eng angin nge kan pawm tak ang le? Kan tunlai tum hun a inanglo mai a ni a, indem tur bik kan awm awmlo mang e ka ti thin.
Similar Posts:
- PA vrs PASAL
- KAN VA HAN BUAITHLAK TAK EM
- Ka thianpa ve thung…. :-)
- Kha Nula Zet Kha Chu
- Ka hmuh nin an lo ning ve ngang mai!
March 23rd, 2010 at 3:58 am
Nia! Dik fu a ni! :roll:
Report this comment
March 23rd, 2010 at 4:09 am
@ Chawnghilh ka trawmpui e. A hunlai kha chuan nalh ber emaw tih tur anive reng zel bawk si a lawm le
Report this comment
March 23rd, 2010 at 4:15 am
Thuamhnaw lama Uchuak awmzia ka hriat dan chuan, mi thil uar mek ni mahse, an ni aia UAR ZUAL ang te hi a ni awm e.
Entirnan, kekawr arh uar laia arh leh lutuk, belh arh satliah pawh nilo ang te, a zuih uar laia duh zuih leh lutuk a, mi 3 vel in phelh pui ngai ang te kha uchuak ka anga ka entirna siam theih an ni.
Incheina hi thangthar zelah a dang thin avang hian val u ten an inbel ve tawh loh vangin a uchuak ta angin upa ten an sawi thiang ngawt lo, an hun a ni tawh tlat lo. Mahse, mahni hunlai ah theuh hian uchuak chu a awm chiang a ni. Sawi duah ngai lovin kan hre duh chuan kan hre vek in ka ring.
Report this comment
March 23rd, 2010 at 6:13 am
Hei chu i blog lamah ka chhiar tawh.Kei chuan tunlai mi an uchuak bik em em na ka hre lo,thawmhnaw lamah chuan.Mahse Mizo tlawmngaihna a dal ta hle
Report this comment
March 23rd, 2010 at 6:43 am
Hmanlai mizo te kha a hmei a pa in sam an zuah thin sia, hrik an angah awm sia an in hiat phir si sung thin ka ring
Report this comment
March 23rd, 2010 at 7:10 am
Ka ngaihtuah mai2 thin a,khang kekor arh em2 te kha kan ching leh agem le?khang em2 kha chu ron inlar toh lo turah ngai teh ang,a rrapthlak lam zok alom le….
Report this comment
March 23rd, 2010 at 7:11 am
Pi leh pu te, thlahtu te, an neih chhun ang anga an inchei ve kha an mawi ka ti. A uchuak erawh an awm. Tunlai thuamhnaw te an inbel ve loh chhan pawh khatih hunlaia a awm loh vang mai ani pakhat a, an la retheih vang ani bawk. Ka nuih an la tiza miah lo.
Report this comment
March 23rd, 2010 at 7:14 am
Fashion style hi chu a kual a kual a ni ber lawm ni. Kekawr Tlang Arh pawh kan ha leh lovang tih tunge sawi thei.
Hair Style bikah hi chuan bek lam atanga Bari Thren phak mai hi engtik hunah mah a chul thei rihlo chu a nih hi!! kan tlangvalte’n an sam an tih phirsi viau lai pawh hian kan inhmeh em em zel tho
Report this comment
March 23rd, 2010 at 7:34 am
fashion hi chu a hun lai ang hian inchei ila, confidence neih a awl bik a nia.
Report this comment
March 23rd, 2010 at 7:37 am
grady, a dik chiah a ni mahse, uchuak lo in
Dam that chuan RIK ZAH reng tur 
Report this comment
March 23rd, 2010 at 7:45 am
chawnghilh te anga tun thlenga la ha zuih trata Beatles show la bun trah trah hi chu ka ni chiah lo na-in a arh pawh hi ching leh se ka hak arh vak chu ka inring tawh lo.
Tunlai kamis tight fit tring treng te hi keini kiar deuh thup duh tan chuan a fuh thei thloits lo. Kawrgnhawng hlai zel zul te kha a lo va thring tak. Mawn tawka bel te hlei hlei kha. Vanglaia uar ve tak nimah ila a lo thring ka ti, rualpawl tawk hi a awm ka ti tlat tawh.
Missionary la hmu pha British ho India an la tam lai School leh College zirtirtu an la awm treuh lai hun 1966 hmalama college kalpha ho kha chu an dress kha a British zaih mai.
Tunlai hi chuan American influence hi a nasa ta em maia kan Minister ho tih loh hi chu han nalh zeih zwih peih hi an tlem ta anih hi
Report this comment
March 23rd, 2010 at 7:54 am
Tawngkam hi ka thiam bik lo na a, para 1 na khi hetiang deuh hian ziak zawk ta sela, a tluang deuh lawng maw?
“Tunlai incheina mawi tia kan inchei duh ang hian hmanlai mite pawh an dang chuang lo. Kum 20-40 kalta pawh khan an phu tawk chuan an ler fo tho, tunlai ang em em chu ani lo na a.”
Nangni thu ziah thiam te’n han siam rem teh u.
Report this comment
March 23rd, 2010 at 8:01 am
A hun lai inchei dan rau rauah uchuak,hleihluak,over hi chu kan awm chiang mai.
mahni veng leh thiante zingah pawh….kan mitthla thiam nghal mai in ka ring.
Report this comment
March 23rd, 2010 at 9:00 am
Kekawr tlangarh kha chu a buaitlak ngawt in ka hria. a ri hluap hluap mai a. Tin, kekawr zuih leh tight pawh kha. Phelh dawn chuan midang in an puih tekha a ngai a. Sap ho pawh jeans tight deuh ha chung a bathtub a an chahthlak chuan an buai fe thin an ti ani lawm ni kha.
Tunlaia ka hmuh peih thak loh chu jeans kekawr, kapfual tawk a an ha hi. An tawp tep tup e mai. Tin, kekawr kap tawi, chet hlek a mawngkaw kehkak kar lang ha ho hi. Hetiang mawi ti tur in ka kum hian a than kan a ni ta ve ang… :roll:
Report this comment
March 23rd, 2010 at 9:07 am
:lol:
Report this comment
March 23rd, 2010 at 9:32 am
Ka ha arh ve hman,sam pawh a sei bawk,mahse platform shoe erawh ka bun ve kher lo :lol:
Report this comment
March 23rd, 2010 at 9:41 am
A hun lai chuan a mawi ve zel!Mizo pawh hi kan rilru a zau ve tawh khawp mai, hmanlai deuh kha chuan hmeichhe kekawr ha te kha an sawisel luai luai thin a, kekawr hak ngam pawh ani mang lo hmeichhe tan chuan. Tunah chuan, a hun in a zir tawh bawk a, khawvel fashion inthlak rualin, kan fashion pawh a inthlak ve nghal zel tih theih ani ta! Vawiin Aizawl khua a lum lehpek dawn mange, kar tawpa ruah rawn sur tur hi a nghahhlelh awm hle mai!
Report this comment
March 23rd, 2010 at 10:38 am
:roll: :roll: :roll: :roll: :roll: :roll: :roll: :roll:
Report this comment
March 23rd, 2010 at 10:46 am
Pimpom, i motherboard driver chu i download thei ta em?
Report this comment
March 23rd, 2010 at 10:49 am
Kan ha arh thei bok a, kan han kal hi chu khu tak ani, chawn te hi vaivut ani ringot.Tunlai a an kekawr kap tawi te hi mawi ka ti ve zel mai, an sam pir deuh deuh te nen lamin. Ka tunlai ve zel niawm ani.
Report this comment
March 23rd, 2010 at 10:52 am
Ka pen arh ve hman chang 2 ka bun lawk ve hman hman mahse compay siam bak ka bun lo.
A hunlai chuan kekawr tlang zawm arh hluai te kha nalh ve tak a sin ,chhas lam pawm mit tla lek 2 in a sin an lo thlir ve trhin ni.
Eng poh hian hun a nei ve zel a.A hunlai chuan a ber an ni ve zel trhin zawng a nih hi.
Report this comment
March 23rd, 2010 at 11:30 am
Thlalak hlui deuh deuh kha han vawm bei teh u; hlimawm phian thei nia
Report this comment
March 23rd, 2010 at 11:53 am
A dik fu mai, ngaihtuah a ti thui bawk.
Kekawr tlangarh chin lai khan, a thanin a arh tur ang a daih loh chang a awm a, savun-in an han zawm arh belh ngei a. Kekawr mawng tret miah lote kha, savun tawka shape (love sign) ngeiin an han bel trah a, kawnghren hlai 007 James Bond tih ngei kha an han hreng a, pheikhawk lawk tawk nena inchhuih chhuakin PUI riauva inhriatna an nei thin. Tun angin savun or rexin lei mai turte kha awm ve hek lo, town bus seat zai thlakte kha an uar thei khawp mai.
High School kan kal laiin sam zuah an phal lo va, mzvision teho chuan chalsam tal an han zuah talh thin a nih kha, chalsam hmawr seh pha nihte kha inlak eng emawna a ni ve tlat, a hun lai chuan. Chawnghilh pawh hian 70’s hun lai vela mi thlalak maksak tak tak phawrh tur a ngah ngawt ang chu
Report this comment
March 23rd, 2010 at 12:44 pm
60’s ah a zuih a, 70’s ah a arh a, 80’s ah zuih namen lovin azuih leh a, 90’s ah parallel a ni leh a, tunah a zuih leh tan a ni mai lawm ni?
Report this comment
March 23rd, 2010 at 1:32 pm
BREAKING NEWS khi a va breaking rei ve, a BROKE tawh lo maw…!
Report this comment
March 23rd, 2010 at 3:12 pm
‘Kekawr mawngah chuan chiang takin, awlsam te a hmuh theih turin LOVE SIGN kha rawng lar leh langsar thei ang ber tur khan an han bel ngei a. Kekawr mawng ipte ah khan theihnghilh miah loh turin SAMKHUIH TE an han thiat vah mai bawk a’
* LOVE SIGN hi mipa hoin an kekawr mawngah an bel tihna maw? :roll:
* Samkhuih kekawr hnung iptea ah rawn lang zeuh thin hi vai mipa chauhin an ti thin emaw ka lo tia sin…awi, ka duh eee
Report this comment
March 23rd, 2010 at 3:33 pm
Khaini Bur thla pawh a lang kalh thrin bawk…
Report this comment
March 23rd, 2010 at 3:35 pm
Flared Jeans & Platform shoes kha chu a hmei a pa in an bun vek!
Report this comment
March 23rd, 2010 at 3:36 pm
Punk rawngkai chu kan misualho zingah pawh hian an awm tih ka hrechiang !!!
A hun lai kha a awm ve hrim hrim a…
Report this comment
March 23rd, 2010 at 3:38 pm
Hippies rawng kai, punk rawng kai, NERD rawngkai pawh lo ni thin hlawm ang hmiang, ahun lai ang zel a nih chuan a tha vek. Mahni hun lai (generation) anga awm thiam lo nih hi kei ka tum bau lo mahse, uchuak lo in
Report this comment
March 23rd, 2010 at 3:42 pm
Ka ha arh vak lo.Jeans pocket ah khan ‘smiley’ phoren lama chhungte ,min thawn ka bel trah!!
Report this comment
March 23rd, 2010 at 3:53 pm
Sentence tawp ber khi a va dik trawh2 ve mawle!
Report this comment
March 23rd, 2010 at 6:47 pm
Scented Khaini pawh —a bur original dik tak ni lo, a chhin leh a chhin (lid to lid) han hman vei ngat kha STYLE dang a ni lehzèl maw le! Kekawr hnung ipte-ah tight tawkin an han beng lut a, zungpui leh zungchal rawlh luta an han phih chhuak te kha style nalh a ni lehzel a, kut khinghniha piai hawng lo kha, khing khata han hmet ang hai thiam te kha style riau bik a ni leh zel a … khaini hmuam dak, pen per dan thiam zei bik riau te kha syle mawiah a kal vek zel! Jeans Jacket hnung lamah PEACE sign, thi-ah pawh peace sign, victory sign, I ate the whole thing sign lei chhuah sul mai te kha PATCH kan han inbel de chhuai mai a … a va han style thei tak.
Sam kha zuah sei a ni tlangpui a, lumet hajam an hlawk hlawl lo va, hajam-in hna an hmu zo ngai lo!
Report this comment
March 23rd, 2010 at 6:53 pm
Pheikhawk platform chhah pui mai kha, a ke artui bulah hian a tliak duh khawp mai a, perek inchi 2 vela kilh ngheh a ngai tlangpui a, a nghet lehlawh thei si lo va, kal pah hian kan feel comfi vak ngai chuang lo, STYLE a ni hrim hrim a, kha FAD a liam fel kha chuan, nula leh tlangval kha kan hahdam hawk mai maw le!
Khatla-ah Pu Liana, khatih hun lai khan chartin bungin pheikhawk order theih a ni a; a hlawk tham viau chuan a rinawm! A fanu pawh Doordarshan-a thawk Hindi thiam tak Jenny an tih hi a ni.
Dr-feelgood hian flat-shod chiah a bun a, kekawr a chhir arh hlep hlep ngai lo. Jacket erawh chu a ha tingtawm ve thei khawp! Pu Mz hian sam a zuah nain a fai siau siau thei hle, muffler Scotish rawng deuhvin a sam a tawn a, a bari hi a chhip lai takah ngil takin a then phak thin.
Report this comment
March 23rd, 2010 at 8:35 pm
A nia sin, kan nu leh pa te generation kha keini ang thovin western an copy ve. Sam colour na available loh vangin chingal in an su buang thin an ti in ka hria. Sam tihkirna damdawi leh bungrua an nei si lova, chaicheh rawh sat in a ti kir vel thul. Mahni hun lai te te chuan nalh kan tum threuh a ni ber e
Report this comment
March 23rd, 2010 at 8:40 pm
Bmw, a hmei a pain nalh loh hi kan hlau tlang hlawm em atin nih hi tiraw…
‘In the end, we’re all the same’ an ti mi khah
Report this comment
March 23rd, 2010 at 8:44 pm
Irre, min nalh min ti lo mahse, duhthusam taka han in chei hi chuan mahni ah hian a nuam veng² mai sin…kan confi em em ringawt! A hunlai chuan ‘defendor’ zaket te kha..awi, confi booster a ni tawps!!
Report this comment
March 23rd, 2010 at 10:58 pm
@^-||RaLtE||-^: Ka download thei ta a, ka lawm khawp mai, i tanpuina a zarah hei Win XP(Service Pack 3) final edition kha ka hmang ve thei ta a. Ka lawm khawp mai.
Report this comment
March 23rd, 2010 at 11:57 pm
Thil lo awm toh te hi lo awm leh tur a nia, thil lo awm tur hi lo awm toh thrin
Report this comment