America khawmual pui chhungah hian hurricane Katrina in, in nasa tak a tih chhiat kha kan hre theuh awm e. Khami atang tawh khan in sak that leh na hmanrua, bang atan a hman, “drywall” an tih chu ram chhung siam an tlak chham avangin China atangin a chaw lut ta teuh mai a. Drywall hi lehkha fei tak (water proof leh proof lo) pahnih in kar a thil kang thei mai mai lo tak gypsum dah khah tlat a ni.
Heng drywall an hman na in ah te chuan thil rim danglam tak te an hre tan ta a. Rim mai nilo chuan dar Ngen (copper) tui kalna (pipe) te chu a ti tuiek thei tih te, thir hmanrua a ti thim thul thei tih te thlengin an hmu chhuak ta a. Chu mai nilo chuan, reilo te ah chutiang hmanna in a cheng te chu damlohna thlen thei hialin an hre ta bawk nghe nghe a ni.
Hemi avang hian state engemaw zat ah chuan tunlai hian mi tamtak tan harsatna a thlen phah a, an in lei thar thlengin an rauh phah ta hlawm a ni.
India ram ah hian Chuap cancer siam awlsam lutuk tak mai Asbestos hi hman an la remti tlat mai pek a, DDT te thleng mai hian. Mizoram, mipui awmzat atanga chhut a cancer tamna hmun ah ngat phei hi chuan in tam zawk ah hian Asbestos hi kan hmang a ni. Asbestos lo hi man tlawm tho si a aia hrisel hman tur hi a awm hlawl lo nge, kan Tile bang te hi Asbestos a ni tih kan hre lo nge, kan nat nghal mai loh vangin kan ngaihsak peih lo zawk le? Mizoram a cancer tam tak hi kan Tile hman vang hi a ni thei mai lo maw?
https://ezinearticles.com/?The-Harm-of-Asbestos-Exposure&id=2066212
NB: Mizo ten copper leh brass/bronze hi “dar” kan ti ve ve mahse, Darbu/Darkhuang ber te hi brass/bronze atanga siam a nih laiin, silai mu hmawr a copper hi Ngen kan ti leh lawi si a. Chuvangin, ka thu ziah ah khian copper sawi nan “Ngen” kan hmang ve ta ngawt a ni e… 
Similar Posts:
- Arm Wrestling Championship ah Mizo che tha
- Dentec Care hi a hlauhawm em?
- Mizoram Taekwondo Team che tha.
- Cancer update
- Mizoram Police-in bullet proof car lei
March 30th, 2010 at 4:20 pm
Hmanraw tha leh hlauhawm lo hi insak nan chuan ka duh 1st
Report this comment
March 30th, 2010 at 4:22 pm
Bengvar thlak hle mai
Report this comment
March 30th, 2010 at 4:37 pm
insakna hmanrua chu thlipui leh lirnghing laka him thei nise a tha ang..Natna thlen thei phei chu hman loh tur a nih chu.
Report this comment
March 30th, 2010 at 4:38 pm
Kan changkang zel a, thil tha thin pawh thil thalo a ni tih kan hmuchhuak zel a. A tha e.
DDT hi ram changkangah chuan hman khap (banned) a ni tawh a. India ramah pawh hian thlaia hman khap a ni. Malaria hrik pai thosi hi kan la ngah avangin heta tan chauh hian hman phal a la ni a. Chu chu kan ‘misused’ avangin mi thenkhatin thlaiah an hmang. A pawi hle a ni. Ram changkangah chuan DDT aia hman tur annei a, mahse kan ramah chuan a hmanna tur a la tam em avang leh a tlawm avang chauh in hmuh tur a la awm a ni. Cancer chu a thlen ngei a rinawm.
Report this comment
March 30th, 2010 at 4:44 pm
hlauhawm hle tak mai a. Vawiin khan ddt in kan inchhung kah an rn tum a, ka phallo.
Report this comment
March 30th, 2010 at 4:45 pm
Made in China hi tha tak tak awm mah se a tam zawk hian belhchian an dawl lo hlawm riauin ka hre thin.
Tile(asbestos) hi a mak khawp mai, Mizote hian kan hlau lo em em a. Helaiah chuan hman deuha tsunami-in in a tihchhiat tile bang keh them te kha mipuiten an khawih mai ang tih hlauin chanchinbuah leh media hrang hrangah an sawi sup sup hlawm sia! Pu HV sawi ang khian hei hi chu zir chiana khap hial pawh a that ka ring! Kan lo chhiatpui fu tawh mai thei a sin.
Tile them nawi te te hi thawk zawnga hip luhin chuap kha a tichhia a, ser a siam thin a, chu natna chu “Asbestosis” an ti. Chu bakah chuap cancer te pawh a siam thei bawk. Fimkhur chu a tha khawp mai!
Report this comment
March 30th, 2010 at 4:49 pm
keimah, chhungkaw thenkhat te phei chuan Tile them hi an bawnghnute belah an chiah reng. Bawnghnute chhuanso khan a so liam theilo an ti mai, hahthlak tak a ni.
Report this comment
March 30th, 2010 at 5:19 pm
HV, Chinese hoin an bum cheu nimaw…? Kar kalta khan ddt chu kan Inah ngaihthalo deuh chungin ka kah tir ve. Thosi ka hlau bawk sia…
Report this comment
March 30th, 2010 at 5:28 pm
E khai a! Heng tile them nawi lem tel hian cancer chi khat ‘Mesothelioma’ an tih hi a siam thei bawk a sin! Chu cancer chuan pum kawrawng chhung tuamtu hamda vel hi a bawh ber a, chuap leh lung pawh a khawih tel fo bawk.
Report this comment
March 30th, 2010 at 6:17 pm
Dap hi a nget loh chuan thumbawh kaihsawih ngei mai a tah in bangah han hmang ila,hmun hulah chuan kum 40/50ah pawh a la tha a sin… Kan vengah kum 1950 hma a sak In, a bang dap a la ding reng.Tile ai chuan a va thlan awm ve le :!:
Report this comment
March 30th, 2010 at 6:40 pm
Khaia van hlauhwm ve a…..sakei seh hlum hlauh vanga malaria pai hlir thosi kara bihruk ang vel a nih don chu mo….
Report this comment
March 30th, 2010 at 6:50 pm
Kan rethei bawk a, tile bang chhûngah ka chèng tam lo. Plain-sheet, thlîin a rawn chhèma ri rawk rawk chhûngah kum 9 vèl, corrugated iron sheet bang pawh kan nei a. A ri rawk rawk nèp ta deuh va. Phai-vai zîngah ka bo-pil ta a. Aizawl ka rawn chuanchhuah lehin asbestos sheet banga hmangin kum 8 zèn zàwn kan khawsa leh a, cancer vei lovin ulcer chu ka nei!
Tèt lai phei chuan tile keh-them kan rem khàwm a, “in-ball vawm” kan ti mai a, kan infiampui nasa lutuk. A hlauhawm tih kan hriat loh vàngin cancer kan lo vei lo a nih ber zàwk chu le!
Mizo thuk phah kha in hre ve thìn em? Bèl chhuan a un lutuk loh nân thìr phah, bêl chhuanna lai tùr reh-pawh bial kan siam thin kha. Kei phei chuan asbestos sheet ngei alàwm bêl lian leh bêl tè chhuanna tùr rek-pawpin ka siam chu nì!
Report this comment
March 30th, 2010 at 7:54 pm
Hmanni khan mithiamho thusawi ka ngaithla a, pumpui/hrawk etc ah khan India ram mai pawh nilo, khawvela pakhatna nihna kan nei teuh an ti a. Awih har chu ka va ti deuh e. Khasi te Assamese te khuan kuva ei te hi an uar ve hle si a.
Report this comment
March 30th, 2010 at 10:51 pm
China hi hosa viau leh thangchak viauin lang mahse, an ramchhung boruak hi chu itawm loh ve tak a ni tawp. Motor Company lian tak tak leh thildang Electronic Company tamtak pawh hian Sokar hi an complain ve reng mai. Quality tha ve tak a, thilsiam te hi Company Director te hian an duh ve thin a, an rualawt ve a ni. Amarawhchu, China sokar lahhian a “HLEP” chauh hi a en sia. Mitamtak chuan China Sokar hi “VAWK” nen an tehkhin thin. Vawk chu a “SA” bak lak tur a awm lo. Hnute in tur awm si lo, a ruh lah in man a man si lo… ka OT viau em :roll:
Khawvel hi a changkang lutuk a, kan tan thalo te hi a lo pian belh nge? kan hmuhchhuah belh tih pawh ka hrethiam neihnuaih tawh lo. Kan naupan lai chuan chingal leh fawvai a siam sahbawn nen hmai kan phih thin a, kan hmai a tha ve viau. Tunlai ah chuan, Vitamin A an ti mi E zawk nge,,eng eng emaw ni hi a tam khawp a…….. :evil:
Report this comment
March 31st, 2010 at 2:02 am
Hetiang pawh hi hlauhawm tak a ni.
https://www.youtube.com/watch?v=bNKXDvTQOi8
Report this comment
March 31st, 2010 at 3:31 am
Heipawh hi hlauhawm tak tur niin ka hria. Serlui tuikhuah chhunglam a nih hi. https://i44.tinypic.com/2lxgj2o.jpg
Report this comment
March 31st, 2010 at 12:15 pm
Tile hi chu tha lo tih ka hria mahse detail takin a chhan ka hre vak lo…
Beng var thlak hle mai.
Report this comment
March 31st, 2010 at 9:15 pm
Insaknan chuan tile chu tha lo tih chu an sawi thin ngei mai. Mahse kan hmuh theih hnaivaia a tlawm thei ber ang chi hi kan hmang a ni mai lo maw. A thlakna tha hria chuan sawi darh a ngai hle mai.
Report this comment