“Zan lungngaihthlak, Zion pindan chhungah,
Ka Lalpa’n a thisen a semin;
Chuti-anga lungngaih chhumpui zing chuan,
Ka Lal thlaphangin alo rum tir.”
Aw Nangni Jerusalem te u,
A khawngaih in chan kha hria ula;
In nat tinreng a tihdam sak che u,
A lungngaihna haider lul suh u.
Good Friday kar kan chuankai tirh atang khan he hla hian ka lairil a fan chhuak a, tun thleng hian kian zai a rel theilo. mi(sual).commer duhtakte u, eng mi leh eng hnathawk pawh ni ula, kan Lalpa kan tan thihna khawp hiala a tuarna rapthlak champha kan hmanna turah hian he hla thu hi ngun lehzualin lo bel chiang ve teh u.
An natna tinreng tidamtu khan an tan a tuar lai khan a lungngaihna chu an haider tawh si! Nang I tana a lungngaihna kha ilo haider lui reng em le?
Jerusalem kulh pawn lamah chuanin,
Zawlnei thih dan a nilo an ti;
Mahse, enteh, Kalvari kawng lam saw,
Mipui zingah ka Lalpa ka hmu.
Enteh Kalvari a thleng takngial dawn,
Engtinnge maw ka tih tak ang le!
Aw ka Lal, i lo kir leh tawh lo’ng maw?
I hmun tur chu Kalvari a ni.
Aw, ni e, han en ve teh Jerusalem kulh pawn lam chu, mipui zingah chuan i Lal i hmu ve em nge, zawlnei thih dan a nilo iti ve zawk dawn?
Ka rawn theihnghilh lawng che, ka Lal Isu,
Kalvari lam ka lo hawi nang e;
Ka tan i tuarna ka thinlung chhungah,
Ka hnukchah thlengin ka hre reng ang.
Kei chuan ka theihnghilh phallo, ka tan keima tan ngei hian a tuarna rapthlak chu damna a ni a, a manganna chu ka tan thawvenna, thlaphang taka, “Ka Pa, ka Pa engngatinge mi kalsan” ti a a au lai khan ka thlamuanna tura thlaphang a ni tih ka inhre si.
Kristian-te chuan Christmas, New Year leh Good Friday te hi kan lawm thin a, Kristian-te tan ngat phei chuan hun pui pawimawh tak a ni. Mahse, heng pathum zingah hian Good Friday tluka ka tana hlu hi a awmin ka hrelo.
Similar Posts:
- Emotion leh Good Friday
- Mi fel tawngtaina
- Old Rugged Cross
- Ava na em -Mki
- Thawnthu hlui chul thei lo (Good Friday Pual)
. hairehai
April 2nd, 2010 at 6:41 am
He hla hian ka hnuk a tiulh fo mai
Report this comment
April 2nd, 2010 at 7:12 am
kei pawh ka hnuk a ti ulh
Report this comment
April 2nd, 2010 at 7:13 am
Kan hun pawimawh berah heti lam hawi post a chhuak a, a va lawmawm tak em.
Report this comment
April 2nd, 2010 at 7:17 am
Nunna, chatuana nunna kan neih nan a nun min pe tu Lalpa chu fakin awm rawh se.
Voin chu misual ho i inkhawm vek ang u o. Inkhawm hun laia comment pe pe chu…hehe,an pe ani mai!
Report this comment
April 2nd, 2010 at 7:20 am
Nizanah he hla hi kan sa.
“A khawngaih in chan kha hria ula;
In nat tinreng a tihdam sak che u,
A lungngaihna haider lul suh u.”…tunlai khawvel thlir hian kan hai der nasa ltk hian Pathian lung a awi thei hian ka ringlo…
Report this comment
April 2nd, 2010 at 7:33 am
Pathian fapa Lal Isua Krista kan sual tlan nan khenbehin a awm ni Good Friday hi Mizoramah hi chuan kan serh office kan chawl vek. Thursday zan hian Lalpa zanriah Sakrament kan changho thrin.
Khawvel hmundang-a hman dan misual te hian han report thliah thliah teh ule.
USA hmun threnkhat Biakin-ah chuan programme an nei lo Easter ah chauh an nei tihte hi kei chuan mak ka lo ti thrin.
Khawngaihna a chhandam tih hian tihve tur kan nei nge nei lo :?:
Report this comment
April 2nd, 2010 at 7:34 am
Hmanlai deuh chuan Good friday hi lungchhiat nan Mizoten kan hmang fo thin. Isua thi kha kan khawngaih a,kan sun thin. Mahse, Chhandamtu Thi ni lovin, Chhandamtu, Thihna hneha tho leh nei kan nih zawk avangin vawiin Good Friday pawh hi keini tan chuan lawmna ni leh Lal Isua hnena lawmthu sawina nena inpek tharna ni ni zawk se. Mitthi suna sun lovin, Tholeh Isua hi zah takin chibai i buk zawk ang u!
Report this comment
April 2nd, 2010 at 7:50 am
Pu keimah : #7 A rawn sawi ang khi Pathian thu ka pawm ve dan a ni. Sun lam ai chuan lawm taka celebrate lam hi ka chemkalna a ni thung.
Ka danglam lehna ka’n sawi chhuak ngam teh ang. Nicean Inkhawmpui AD 325-ah khan Paschal Controversy a nasa hle a. Polycarp-a te tanfung kha Bible thu ang chiah a nih zawk avangin kei phei chuan Easter lam ai chuan Quartodecimanian-ho (Abib 14 Kalhlen)-a vawng tlattute kha ka thlawp zawk a.
March 29, 2010 kha Abib 14 Kalhlen champhaphak a ni chiah bawk a; Messia thih champhaphak dik takah ka lo hmang diam tawh asin le.
https://img98.imageshack.us/img98/8508/nisan14.jpg
Pathian Lehkhathu ang zel (according to the Scripture) hi ngaihsan leh pawm atan ka la thlang ber zel a ni, kei misual hian! Tunah hian Chhangdawidim telh loh Kut (sual tel lo Krista puala kut entirna) next Monday thleng awh tur hi hlim takin ka hmang ve mek a ni. Tumah hian min hmanpui lem lo nain, mahni pawhin ka hlim em em mai a ni. Judaism emaw min ti suh u, Krista ringtu ka ni e.
Polycarp-a ka rawn sawi lan khi Isua awm nghenga thle phei Hmangaih Johana zirtirte zinga mi a ni. Mihringte zirtirna kha an pawm ve thei lo va; tlai tawh takah kei pawh an sulhnu ka zui ve ta a ni. Ka zak lo.
Report this comment
April 2nd, 2010 at 7:51 am
Nie he ni hi kan tan chuan a hlu a ni…..voiin chu rilru leh tihtakzetin i inpe teh ang u hmiang…….voiin kher loh poh hian
Report this comment
April 2nd, 2010 at 8:30 am
A thawh leh na lam ai chuan a thihna lam hi keini Zofa te chuan kan uar zawk thin,kan zia nen a inhmeh a niang :!:
A thihnaah kan thih ve tawh chuan,a thawhlehna ah kan tho leh ang…
Good Friday chibai vek u le.
Report this comment
April 2nd, 2010 at 9:01 am
@chawnghilh, Polycarp-a martar dawna a thusawi an tih hian rilru a hneh khawp mai. Foxe’s Book of Martyrs bu atang hian tlem han la chhuak ila:(p 18)
As he (Polycarp) entered the stadium with his guards, a voice from heaven was heard to say, “Be strong, Polycarp, and play the man”. No one nearby saw anyone speaking, but many people heard the voice.
Brought before the tribunal and the crowd, Polycarp refused to deny Christ, although the proconsul begged him: ‘Consider yourself and have a pity on your great age. Reproach Christ and I will release you’.
Polycarp replied,”Eighty-six years I have served Him, and He never once wronged me. How can I blaspheme my King, who saved me?”
An hal hlum dawn pawhin meiin a kang thei lo va, ngunhnamin an vithlum ta ngawt a nih kha! An vihna atanga thisen chhuak tam lutuk chuan an meipui chu a leih mit daih lehnghal an la tih leh zel chu! @chawnghilh, hetiang mi ang sulhnu zui chu i tisual lo vang!
Report this comment
April 2nd, 2010 at 9:09 am
After skipping five sundays, vawiin chu inkhawm tum ve tlats. A hla lo bawk a. (only 1hr20mins journey)
Report this comment
April 2nd, 2010 at 9:57 am
@kanidar, vawiin i inkhawm chuan kum khat atana i inkhawm thin 33.3% chu i zo der dawn a nih chu! I inkhawm leh hun chu Easter leh Krismas chiah a ni tawh e! Thawveng takin awm rawh.
Report this comment
April 2nd, 2010 at 10:05 am
Hla tha tak leh a hun nena in hmeh tak a ni…
Report this comment
April 2nd, 2010 at 12:06 pm
Pimpom hi rin ai daihin ilo ringtu a niang a…? :lol: I Post tha thlawt e! Hla chang inkara i han tuihnih velte khian chhiar ati nuam zual.
Report this comment
April 2nd, 2010 at 12:52 pm
@kawlhawk: Ka lawm e. Ringtu ve phian maithei a nia..lolz.
Report this comment
April 2nd, 2010 at 6:44 pm
He hla phuahtu Patea hian hla 55 lai a phuah a, a hla thluk leh a thute hi Mizo lungkuai leh Mizo ze rem tak niin chhuan lo la awm zel turah pawh a hlate hi kan la hlut telh telh dawn niin a lang.
Hla tha leh sak nuam tak a ni.
Report this comment
April 2nd, 2010 at 8:20 pm
https://yfrog.com/juigp8052j
Report this comment
April 2nd, 2010 at 9:07 pm
@hmingtea
Kalvari tlang tak tak kal hi ka va duh ve. Israel kal tur hian Passport-a stmap chhut leh White paper a stamp chhut ang chi hian a kaltheih ve ve an ti.
Inkhaw lam lokal ka duh hle mai, mahse lokal ta ila khawnge ka thlen ang. kan unauten min mikhual chhawk ang nge tih hi ka zawhna pakhatna. A dawtah chuan tunge min hruai kual ang.
Hetiang lam sawi thui deuh nan hian ka email-ah i contact no min han thawn keuh la
Report this comment
April 2nd, 2010 at 11:39 pm
He hla hi ka duh ber zinga mi a ni ve e kei pawh… “In nat tinreng a tihdamsak che u,” tih paha A lungngaihna haider lo tura Jerusalem mite a chah, indirect taka Mizote a chah thiam hi Patea hi a ropui ngawt mai
Chutihlaiin in sawi angin Good Friday tih vanga in dawm kun reng hi chu ka thlawp lo
Report this comment
April 3rd, 2010 at 12:00 pm
Halleluiah Amen. PimPom chu ava lo ringtu tawh tak ve mawle. I Post hian i nihna ati lang. Goodfriday nen poh inhmeh tak chu a nih hi. Mahse, Pathianthu lam hian chuan Comment a hmu tha vak ngailo a nih hi.ha…ha… :!:
Report this comment
April 5th, 2012 at 7:46 pm
He hla hi ka zawng a internet ah heihi ka hmu chhun
Report this comment