-by Dennis Lalfela sdb
Tholeh Krista hmingin chibai le. He khawvela hmangaih rawngbawlna chu hlenin, kan Lal leh Chhandamtu chuan thihna a hneh ta, halleluia! A vuakna vuala tihdam hringfate tan thlarau zalenna kawl a eng ta! Pathian thu chuan, “Atirin Thu a awm, Thu chu Pathian hnenah a awm, Thu chu Pathian a ni. Chu mi chu atirin Pathian hnenah a awm” (Johana 1:1-2) tih min hrilh a.
A tir ata Pa hnena awm, Thu chu Lal Isua a ni. Sual hnehchhiaha awm hringfate tlan turin Thu chu Tisaa a lo chan a ngai ta! Thu chu Tisaah a lo chang a, kan zingah a awm ta a (Johana 1:14). Tichuan, “Pathian, hmasanga thlahtute hnena bung tam tak leh kawng tinrenga Zawlneitea thu lo sawitu khan, heng ni tawpah hian keimahni hnenah a Fapaah chuan thu a sawi ta” (Hebrai 1:1-2). Isua chu mihring famkim niin, sual lakah erawh a fihlim a ni.
Tidam thei hmangaihna nena rawngbawl hi Isua chaw tui ber a ni. Galili rama rawngbawlna atan dawn khan, Pathian Thlarau Thianghlima chhun khah a nihziate, riangvaite hnena Chanchin Tha puang tur a nihziate leh khawngaihna kum puang tura tirh a nihzia huai takin a sawi bawk a nih kha (Luka 4:18-19). Tidamtu Isua ruahmanna (project) ropui takah chuan mitin ten hmun an nei vek a ni. Khawtlanga mi tlaktlai lo, eiru thin nia an ngaih Mathaia leh Zakaia te pawhin dinhmun tha an chang tlat.
Hmangaihna atanga chhuak rawngbawlna chuan misual berte a lo thleng phak thin a lo ni. Kohhranah drugs addict leh zu ngawlvei ten hmun an chang lo a nih ngai chuan Krista rilru kan tina ngawt ngei ang le! Rilru a tha leh fel in ti a, midang sit ran chunga rawngbawlna hi Lal hmaa din pui tlak a ni dawn si lova. Kan inchhir loh chuan Lal Isua thusawi, “Chhiahkhawntute leh nawhchizuarte chuan Pathian ramah an luh khalh dawn che u a nih hi” (Mathaia 21:31) tih hi kan chan tur a ni ngei ang le.
Mari Magdalini chanchin hian tidam thei hmangaihna ropuizia a tilang chiang ber mai. Bible mithiam thenkhat sawi danin a nun hmasa (khawvel) ah chhuan tur tehchiam a nei bik lo. Mari Magdalini kha hmeichhe awmherh ve tak, customer pawh nei ve tak a ni an ti. Chutianga pa pakhatin a mutpui man pek a tum lai chuan, Mari Magdalini chuan a lunglen thu a sawi a. Chu pa chuan Mari hnenah, “Hmana ka hmelhriat i tih, Isua kha kan khuaah a awm asin!” tiin a hrilh a. Mari Magdalini lawm lutuk chuan a tangka pali dawn pawh chu a paih darh vek a. A tlan ta vang vang a. Mipui tam tak hnunglam atangin Lal Isuan chhang leh sangha a tipung lai chu a va hmu hlauh mai a, a tap ta hawm hawm a. Isua biakna chance erawh a nei lo.
Pharisai pakhatin Lal Isua chaweiah a sawm hlauh mai a. Chutia an thut thap lai chuan hmeichhe pakhat (Mari Magdalini) a lo te lut a. Zirtirte pawhin an dang zo lo. In chhunga awm ten misual a nih thu an sawi luai luai laiin, Isua erawh chuan a thiltum chu hlen turin Mari Magdalini chu a sawm thung a. A sual avanga tap tawp thei lo, Mari Magdalini chuan Isua ke chu hriat rimtui fahran mai, man to tak mai chuan a chulh a. A samin a hru a (Luka 7:38). Tidam thei hmangaihna neitu Isua chuan ngaihdamna famkima thuamin thlarau damna a pe a. A lawm lutuk, tlan chhuak mai tur chu Isua chuan auvin, “Mari Magdalini, he hriak rimtui bur hi dah tha la, thlana min zalh dawn hunah ka taksaah chulh leh ang che aw” tiin a chah a. A zirtir atan a lo ruahman reng tih a chiang hle. Mi tawp leh nikhua lova an sawi hmeichhia kha, Isua tana mi tangkai, thlarau tam tak chhanchhuak tura zirtirte zinga rawngbawl ve tura thlan a ni ta! Pathian (logic) thil thlir dan hi a mak dangdai teh asin!
Easter tukah zirtirte hlauva an khurh laiin, Mari Magdalini chuan thlan lam a pan a. Lal Isua thlana an zalh hmaa hriak rimtui a chulh bakah, Tholeh Krista hmu hmasa bertu a ni ta! A lawm lutuk chu “Lalpa chu ka hmu ta” (Johana 20:18) tiin zirtirte a va hrilh a nih kha! Lal Isuan a kohnaah che hian lawm la, a hmangaih che avanga nang thlangtu che hian i mamawh a hria e. I chaklohna, hneh theih loh leh manganna pawh a hre vek. Tidamthei hmangaihna tlangaupuitu i nih theih nan kawng chhuk chho tak hmangin a chher hriam thin mai zawk che a ni. Thlawhna khalhtu (pilot) te pawh hi vansang boruak hlauhawm leh chhum zing mup mai an paltlang avanga chawimawi an ni. Lalpan a dahna che hi a tha tawk a, amah nen hma i sawn thei a. Amah nen thlarau tam tak i tidam thei a, ama zarah hneh theih loh nun chu i nei bawk ang. Kan tlinloh leh fellohna haider a, tidam thei hmangaihnaa min thuam thintu Tholeh Krista ropui ber se. A thawhlehna chuan hnehna nun leh beiseina thar min thlen theuh rawh se.
Similar Posts:
- Mari Magdalini
- Pentecost pualin
- Thlarau Thianghlim Baptisma (Pentecostal Sermon)
- Thil chiang em em chu!
- Chhandamna Thu
April 4th, 2010 at 8:32 am
Sermon tha tak a ni e. A lawmawm e.
Report this comment
April 4th, 2010 at 8:34 am
AMEN….pu hv,a ropui thin hle mai….a ni mil zelin thu tha tak2 chhiar tur i ron chhop chhuak thin a…..
Report this comment
April 4th, 2010 at 8:37 am
A ngaih nawmin a ropui hle mai.
Kei chu ka chhiar chhuak vek a nia aw,Pu shailendra :lol:
Report this comment
April 4th, 2010 at 8:40 am
Pu XaiA. nang aiin ka chhiar chak zawk a nih chu… :lol:
Report this comment
April 4th, 2010 at 8:42 am
As Khiangte hian lo chhiar ve se la ka ti hle mai,malsawmna-Tupa pekin a awm si a :!:
Report this comment
April 4th, 2010 at 8:52 am
caribou, Saitawka hi a tidam tu a mut san daih a ni maw, ka ang phuau hian a mu ziah lehnghal a, ahnar te lah hi a hnar huk huk a ni awm asin
Report this comment
April 4th, 2010 at 9:15 am
In zavaiin (Mi(sual) zawng zawng Easter chibai vek ule! HV, ngaihnawm leh pek hle mai!
Report this comment
April 4th, 2010 at 9:21 am
Thawnthu ngaihnawm tak leh zirtirna nei tha tak chu ani ngei mai.
Amaherawhchu Pathian thu kan sawi hi chuan Pathian thu anih na ang tak hian sawi mai ila a tha zawk. A thu belh emaw paih emaw hi kan Pathian duhzawng ani silo. Luka 7:38 a mi hi Mari Magdalini niin a lang lo. Hmeichhe sual a nih thu chiah Bible hian min hrilh a, tu nge anih a sawi loh avangin tu nge a nih hi kan hre lo.
Isua hmeichhiain hriak a thih thu hi chanchin tha bu te hian an sawi vek a, Matthaia, Marka leh Johana te chuan Mari a nih thu an sawi a, mahse hei chu Mari Magdala mi nilo in, Mari Bethany mi (Lazara farnu, Martha laizawnnu Mari zawk kha a ni). Luka sawi erawh hi chu mihrang a ni a, Mari Bethany mi emaw Mari Magdalini a nih thu a sawi lo. Hmeichhe awm tha duhlo, sual sim chungchang thu a ni.
Report this comment
April 4th, 2010 at 9:41 am
Mari tupawh lo nise, a tha hle mai. Inkhawm loh pui tham a nih hi! Mu chungin in sermon ka lo chhiar zel ang
Report this comment
April 4th, 2010 at 9:50 am
A Homily on the Gospel Passage From Matins for the Day
by St. Gregory the Pope
When I think on the repentance of Mary Magdalene, I am moved rather to weep than to speak thereof. For what heart of stone would not be somewhat moved by the tears of that poor, sinful woman to follow the ensample of her repentance? She weighed what she had already done, and therefore would not now be niggardly in what she proposed to do. Yea, she dared to come unbidden among the guests, and to intrude her tears upon the banquet. What grief is this whose sorrow is so far beyond shame as to weep at a feast?
This woman, whom Luke saith was a sinner, John saith was named Mary. And we believe her to be that Mary of whom it is written in Mark that seven devils were cast out of her. And signify seven devils but all manner of sin? For even as seven days do represent all time, so doth the number seven stand for completeness. Wherefore it is said that Mary had seven devils, because she was complete with all kinds of sin.
But mark ye ; when she saw the fulness of her own filthiness, she hastened to be washed at the Well of Mercy, not deterred by shame in the presence of the guests. The bitterness of her own inward shame made her esteem it a light thing to be despised of others. At what then do we marvel, my brethren? That she came, or that the Lord welcomed her? Or would it be truer to say that he drew her to him, and welcomed her when she came? For his mercy inwardly drew her ; and when she came, his gentleness openly welcomed her.
Report this comment
April 4th, 2010 at 9:51 am
Hei hi natna nei te khan mahni in hriat nan (!) lo en ve teh u
https://www.freemd.com/?cs=1
Report this comment
April 4th, 2010 at 10:14 am
Pope rinthu mai mai a lo ni maw ! NOI
Report this comment
April 4th, 2010 at 12:51 pm
Keini ang hla taka Xross lo thlir ve dek dek, mahse a tihdamna beisei te hi, Xross thiltihtheihna chang ve in he hnehna ni ah hian sual tlen faiin kan tho ve leh ani si. A awihawm loh mahse a ni si. A va ropui riap riap em he khawngaih leh hmangaihna hi
Report this comment
April 4th, 2010 at 1:55 pm
donald, i rindan i ziah ai khian ka pawm zawk, khawvel Kristian tam zawk pawm dan pawh a ni. Ka lawm e… i chhandamtu kha fakin zai mai mai teh. :lol: NOI
Report this comment
April 4th, 2010 at 2:30 pm
H.Vangchhia, khawvel Kristian tam zawk pawm dan i ti elo maw?
Nuih i ti za hle mai..
Luka 7:37-50 kha chhiar la e.. Mari Magdalini a nih thu Bible in a sawi em ?
Ka rin dan emaw Pope rindan nilovin Bible sawi dan ka sawi mai ani zawk e. Pope fakin duh leh nangmah kha zai ul ul la ti nia .. ekekekke
Report this comment
April 4th, 2010 at 2:33 pm
donald, e khai khai, Bible ah Mari Magdalini anilo tih pawh a chuang lo reng reng, i rawn hnial hrat mai mai anih kha.
Theologian tam tak rindan tawmpui tu pakhat i tluk loh, St Gregory sawi ka han tar lang ve mai zawk a ni e. Khawvel a theologian ropui tak tak an awm angai nang, hetiang an chhui thiam loh ten…
Lalpa thawh leh ni kan lawm lai lai in negative takin rawn iak vak lo mai teh. Kaal mai teh
NOI
Report this comment
April 4th, 2010 at 2:44 pm
H.Vangchhia, Bible ah Madonna a nilo tih pawh a chuang hleinem…
Pope pakhat ve mai mai sawi ai chuan Bible hi ka ring feeeeeeeeeeeeeeeeee zawk..
Sual a ngaidam ve thei em St Gregory chuan ? Ekkekekeke
ka lawm em em e.
ka duh leh ka iak ang i thu lo lubukz
Ve mai mai che hian .. Kirii muhahahaha
I lem lutuk
Report this comment
April 4th, 2010 at 2:47 pm
St. Gregory kha a sawi chhuak tu leh a ma sawi vanga khawvel pawm pawh a ni mai mai lo.
Tikhan lo nung ve mai mai teh, nang ang an awm hian pawlchhuak an awm phah thin … kohran thianghlim lo din ve rawh, in in khurbing na kan la rawn chhim ang che u hairehai :lol:
Nang ang hi chu hnial chi in nilo, positive attitude in nei tawh ngailo in ngaihdan lo ah… dik ber a in ngai chi. het hut mai :lol: NOI hairehai
I lakah ka kut ka sil e, fai taka sil hnu ah hand sanitizer ka hmang bawk
Report this comment
April 4th, 2010 at 2:53 pm
LOlz..
Khawvelin a pawm mai mai bawk lo. I tang laklawh mai mai a nih eu uau kha.. hiri hiri
Nangni hi alom Khurbing le !! Bible aia Pope ring hote u.
In Bishop ve te lah hi ..Uakkkkkkkkkk
Report this comment
April 4th, 2010 at 3:12 pm
Vawi khat chiah ka sawi leh ang, Presbyterian ka ni e… nang hi ngaihdan nghet bur chi Synod hruaitu zing a mi i nilo maw?
NOI
Bishop sex scandal nei ho kha i star a niang. :lol: Quack Quack
Nick thlak in i rawn Quack Quack vel niin ka hria
a tawk tawh e
Report this comment
April 4th, 2010 at 3:22 pm
Hahaha.. i chawrchhuahna chu a hriat tho alom.
Synod moderator ngaihdan nghet bur chi pawh chu lo ni ila Mari Magdalini a nih phah chuang nang mawle.
Chu vawihnih an thlawr (baptist) ta che a ni maw ? NOI
Report this comment
April 4th, 2010 at 3:27 pm
Catholic a baptisma chang tawh hi protestant hian an pawm nghal vek lo maw? Protestant a baptisma hi chu Catholic Church hian a pawm thaks lo
Report this comment
April 4th, 2010 at 3:37 pm
STOP! STOP! Make peace!
Report this comment