Tuirial Hydel Project tuikhuah tum avanga compensation pek tur chhungkaw 1021 zingah 33 chiahin an dawng kim tawh a, a bak 988 te chu la dawng lo hrim hrim te leh a then a zar dawng tawh te an ni.
Ziaka chhan chi Lalduhoma zawhna chhangin Power & Electricity changtu Chief Minister Lal Thanhawla chuan compensation dawng tur zingah hian Award No 2 of 1998, chhungkaw 33 ten an dawn tur ang an dawng kim tawh niin a sawi.
Award No 4 of 2002 (sub mergent area phase II) chhungkaw 325 te chuan compensation an dawn tur chanve (50%) an dawng tawh bawk.
Abak zawng Award No 5 of 2002 (borrow area and saddle dam) chhungkaw 74 te, Award No 5 of 2003 (crop damage comp. for sub mergent area phase II) chhungkaw 366 te, Award No 6 of 2003 (Sub mergent area of phase III) chungkua 196 te chu NEEPCO atanga pawisa la hmuh loh avangin compensation la pek loh an ni.
Hei bakah hian Award No 6 of 2003-a judgement order awm anga 30% solatium leh 12% interest pawh NEEPCO atanga pawisa la hmuh loh avangin pek a la ni lo bawk niin Chief Minister chuan a tarlang.
Compensation tam lutuk avanga thawh chhunzawm theihloh nia sawi Tuirial Hydel Project hi NEEPCO chuan thawh chhunzawm leh an tum mek tih an sawi.
Chief Minister Lal Than-hawla chuan Tuirial Hydel Project leh Vairengtea sipai ram lak compensation-ah chuan dik lo a tam tih sawiin, ‘a dawng tur dik tak chauhin an dawn theih nan sorkar chuan hma a la dawn a ni,’ tiin Assembly Session neih mekah a sawi chhuak tawh bawk a ni.
COMPENSATION?LAK ZAT
Rs. 400 – 9,999 la te - 97
Rs. 10,000 – 99,999 la te - 190
Rs. 1,00,000 – 4,99,999 la te - 84
Rs. 5,00,000 chunglam la te - 14
Compensation la tam berin Rs. 16,22,715/- a la a ni.
Source: thezozamtimes.org
| PRESENT STATUS | |||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||
Similar Posts:
- Tuirial Hydel Project chhunzawm beisei
- Tuirial Hydel Project File pawimawh CBI kutah
- Ka Nghakhlel
- Current awmloh hi tunge dem tur??
- Bairabi O Bairabi!!
April 6th, 2010 at 1:33 pm
Leh tlat mai a, tiang ah hian dik a fang chu a awm rualin dik lo a mual mual pawh a awm ta ve ang. kan thudang a lai chuan… a sawihawng tu nih hi a chan a chan chuan nih a har lo tawp mai a … (ka vawithum ta !!!) mahse hman a ngai ve fu mai… :lol:
Report this comment
April 6th, 2010 at 1:34 pm
Kawmpensesawn an sem hnem lutuk chuan hnathawhna tur sum a awmlo mai ange
Report this comment
April 6th, 2010 at 1:46 pm
a number chu 989 emaw, 888 emaw ni se la, a nalh ngawt ang a.
Report this comment
April 6th, 2010 at 1:48 pm
Heng chhungkaw 33 te hi tute nge? minister te vua leh vang anla ni cheuin ania ka rin ni.
Report this comment
April 6th, 2010 at 1:52 pm
assesment hi titha leh hram se ka va ti em. Diklo a tam tih hre si a, tihthat tum siloh chu a fuh dawn em ni.
Report this comment
April 6th, 2010 at 2:02 pm
he project hi kan tangkai pui a ngem? hman tlak loh hian an chhuah leh mai lon`g maw?
Report this comment
April 6th, 2010 at 2:30 pm
Kan zoram neihchhun sorkar a ni tlat…..a om lo lem love hetiang sorkar tan chuan….lungngai mah ta ce u,hruaituten an duh2 an neih kim hunah a la bang 988 te chuan an hmu ve mai ang…..
Report this comment
April 6th, 2010 at 2:37 pm
He lai hmunah hian ram zau tawk lo nei ve i la,50% chauh pawh compansation kha cheng nuai zathum vel tling ta se,a full in la nghe nghe ta i la,sawm a pakhat pek a uihawm duh viau ang a :lol: Tin, ka la misual reng peih ang em le :?:
Ram ka lo nei ve lo hi rilru a hahdam zawk leh si e :!:
Report this comment
April 6th, 2010 at 2:39 pm
Compensation tih ri hi kan hre zing lauh lauh riau. Tute mah pe lo sela a fair phian zawk loawng maw?
Report this comment
April 6th, 2010 at 3:01 pm
compensation ah kan buairei tok thokhat toh e.. pe kim poh nise..a hmunah in zu kal ve toh m??? an siamsa poh siamthat angaileh vektoh ang,a tui ek nasa toh c, a kong tura an siam..lei leh rora chiaha an khuh hman, an metal hmanloh poh siamthat ngaivek anihleh toh khu, tuirial hydel project hi kum 10 chhunga kan hmang tangkai hman anih chuan kan hmang tangkai hma hle ani ang.
Report this comment
April 6th, 2010 at 3:18 pm
kuhva dawr start up capital tur kawmpensason ka duh ve
Report this comment
April 6th, 2010 at 4:29 pm
Pian hma a mahni hminga ram nei te an lo awm leh nual lo maw.
Report this comment
April 6th, 2010 at 5:07 pm
NLUP nen an sawirem nghal dawn a niang chu mawle..:)
Report this comment
April 6th, 2010 at 5:14 pm
Kum 10 vel chhung chu Communist sawrkar neiin Dictator huaisen leh dik deuh mai han nei ila ka va ti em aw! Tumah Compensation pe miah lovin a tul ang ang ram chu Power siam chhuahna project atan chuan la hmiah hmiah zel mai se… Ram hnuk khawih phak Project han siam hlek ila COMPENSATION hi ka ti tuah hum nghal zel mai a, a ninawm ta khawp mai! :mad:
Report this comment
April 6th, 2010 at 5:38 pm
Eng emaw zawng tak chuan a lungchhiatthlak thin khawp mai Kan Zoram moral tluchhe ta lutuk hi chu.
Mite chuan an ram leh hnam tana la chhenfakawm tur thil thaah chuan a thlawnin an leilung an pe phal a, a tul phawt chuan an mahni pawh hla takah an insawn nawl nawl fo tih thu te mitin kan hmu a, bengin kan hre bawk thin. Mahse, kan Zoramah chuan sawrkar atanga eng emaw hlawk lawihna tham tur beisei tur a awm loh chuan kan luhlul em em mai a. Engmah hi a thlawnin sawrkar tanpui kan tum ta meuh lo. Sawrkar hi pheihchham emaw kan ti a, pawisa phai thei lo thingrem emaw kan ti thin bawk a ni ber e.
Sawrkar tanpuitu, Mizoram leh hnam lo la awm zel turte tana rohlu hnutchhiattu nih hi tum theuh ila, hmasawnna pawh hi a kal chakin a rinawm e.
Report this comment
April 6th, 2010 at 8:38 pm
2009-2010 inkar fiscal year-a sum LAPSE a maka maka tam ber nen a va inhmeh lo ve. CHEAP Ministers leh thiltithei deuh chhungkua leh chhung leh chhawng an tlem deuh em ni dawn le?
Mimawl pawhin suangtuah thiam hi kan nei kur a nia aw!
Report this comment
April 6th, 2010 at 11:30 pm
hei hi lo chhiar ve mai mai teh u
Click here
Report this comment
April 6th, 2010 at 11:51 pm
Tuirial Project hi kawngin a pawh mumal hma khan Japan pachal nen kan kal, a hmunhmai kan fang. Lawnglengin thui tak kan zawh chho. Chutih lai chuan lawnleng atranga ka hmuh phakah huan lo ram enkawl hmuh tur a awm lo.
Hun a lokal zela pass nei an kat nuk mai tih thawm a awm. Hemi avang hian Revenue Dept hotu threnkhat kha chuan hrem an tawk ani lawm ni ? Hun a lokal zel Ramhmangaihtute an lo pung zela tun dinhmun hi kan thleng ani.
Diklo hrem ngam kan mamawh. Hetiang diklo taka tih ching te kan khawi ngam zel chuan kan ram hian hmasawn tik a nei lovang tih a hlauhawm ka ti thrin.
Hetia a project pamhmai taka tawp mai tur Cost over run erawh chu a namai lo hle ang le. Land use plan hi neih vat a trul ani. Chhiah pawh hi to hrak mai sela a zia deuh ang emaw le :?:
Report this comment
April 6th, 2010 at 11:55 pm
Ramhmangaihtute leh an hlawhfa te hian eiru lo se chu tuirial hydel project hi kan chhawr tawh ngawt ang
Report this comment
April 7th, 2010 at 7:38 am
rka link dah #17 na a mi khi chhiar ve teh u, chhiar chi tak niin ka hria.
Report this comment
April 7th, 2010 at 11:57 am
# 17 – Vanglaini – a mi hi han chhiar ve teh u-https://www.vanglaini.org/index.php?option=com_content&view=article&id=1901:zoram-mamawh-mi-tak-leh-rintlak&catid=105:articles&Itemid=466
Summary chu hetiang hi a ni:
1. Tuirial Hydel Project-in mimal leh Forest Deptt ram a mamawh, sorkarin a laksak (acquire) tur chu bigha 3975.35 a ni. Mimal ram chu bigha 366 a ni a, Forest ram chu 3609.35 a ni. Kum 1997 ral hmain Hydel Project-in a compensation pawh pek fel vek a ni. Thil fel tawk lo pakhat erawh chu compensation dawngtute pawisa dawnna receipt-ah an dawn ni leh thla nuaireh vek a ni a, nuaireh hmaih pakhat atangin kum 1999 chhunga pek fel a ni tih a hriat theih chauh.
2. Hetia ram mamawh lakna, land acquisition leh compensation pawh chinfel vek a, pek tlak vek tawh nia a lan lai hian eng vang teh reng nge, MNF Ministry thar chuan a bul a tan lehin he Project ram mamawh chhunga huan lo ram neite tana compensation dil theihna Hriattirna (Notification) chu ni 20.8.2001 khan a chhuah leh ta.Kum 1997-a compensation diltute kha mi 42 an ni a, mi 33-in compensation an dawng a. Tun tum zet hi chuan compensation diltute kha mi sangkhat chuang an tling ta. Compensation an phut zat belhkhawm pawh Rs. 885,50,461/- a tling ta daih mai. Hemi bakah hian V/C Pass nei diltu 656, an la awm cheu bawk. Hemi tum hi chuan he project chhehvel khua mite ni lo, Electric, Bethlehem, Durtlang, Champhai etc khaw mi, Sorkarna chelhtute vua leh vang deuh vek an ni ta.
3. SOSA-in RTI Act hmanga he Project ram lak leh compensation buaipui bertu Aizawl Bawrhsap Office atanga lehkha pawimawhte a dilchhuah chu ngun taka a zir hnuah dawt phuahchhawp leh thu inkalh tlatte a hmuh bakah Sorkarin compensation a pek tumhnihna area zau zawng hi he project ram mamawh aia zau daih a ni thei awmin a lang ta tlat mai. Chu bakah kum 1997 laia Tuirial Hydel Project ram mamawh leh kum 2001 laia a ram mamawh kha a zau zawng a ngai reng a nih avang leh chu ram mamawh compensation chu kum 1999 a compensation pe fel thlapa chin fel vek tawh a nih hnu a kum 2001 a heti taka tam vantlang sum (public fund) sen belh leh ngai hi chhui chian a tul ta hle mai. Chuvangin kum 2001 Notification chhanga compensation dawngtute zawng zawng LSC leh pass dang, bawrhsap pass, District Council pass, V/C pass-te copies chu SOSA chuan Aizawl Bawrhsap Office atangin a dil leh ta. Aizawl Bawrhsap Office a SPIO-in a chhanna chu “Compensation hi 50 p.c. chauh pek a nih avangin compensation dawngtute hnenah an LSC leh Pass te hi pek kir leh vek a ni, chuvangin a copies pek tur che u kan nei lo” tiin. Hei hi thil awm ngai lo, Sorkar dan kalh tlat a ni a, Sorkar leh mimal inkarah pawh a leituin a hralhtu LSC/Passes a kawl sak tur a ni.
4. Hetiang mai maia kan inchhaih kual avang hian SOSA chuan a lungawilohna chu Mizoram State Information Commission-ah ni 14.6.2007 khan a thlen leh ta. Aizawl Bawrhsap chuan Chief Information Commissioner zawhna chhangin “Heng compensation dawngtute LSC leh Pass-te hi Section 36, Land Acquisition Act, 1894 angin an hnenah kir leh a ni” an ti ngawt mai a. Mahse Section 36-in a sawi chu he Dan bawk section 35-in a sawi, ram neihsak hlen tur ni lo, kum 3 aia rei lo ram sorkarin a hman hawh sak, a hun ral hnua ram neitu hnena pekkir leh tur kalpui dan tur atana a duan a ni zawk a. Section 35 leh 36 hi “Temporary Occupation of Land” atan chauh a ni a. He Tuirial Project mamawh ram sorkarin a lak hi lak hlen tur atan a ni a. Chuvangin he section 36 hi compensation dawngtute LSC/Passes pekkir leh chungchang atan hman chi a ni lo hrim hrim. Chuti chung chuan Chief Information Commissioner chuan Bawrhsap Office SPIO thiltih dan chu dan zulzui ngei nia pawmin SOSA lungawilohna thu thlen chu han hnawl fithla fel der a! Mahse hei hi kan roreltu, thudik (justice) kengkawh tura dan hria leh mi taka kan ngaihte thil tih dan phung chu a ni miau si.
- F. Hmingthanga, SOSA
Report this comment
May 7th, 2010 at 1:17 am
PU F.HMINGTHANGA, SOSA THUZIAK-BELHCHIAN DAWLLO
SOSA General Secretary Pu F.Hmingthanga’n ‘SOSA a thil hmuhah a chiang’ tih thupui hmanga article Vanglaini ni 22.3.10 chhuaka a ziak ah khan, thudik tawklo, Pu Robert Hrangdawla IAS, CIC(R) leh MCS-a a batchmate amah supercede tute tih hmingchhiat tumna hlawm hlak a ni.Thudik chu hetiang hi a ni zawk..
SOSA hian Tuirial HEP in a chimpil tur (submergence area) atana 1st Phase Compensation assessment anga District Collector-in Award No.4 of 2002 a siam Rs. 8,04,90,627/- atanga 50% NEEPCO in an pek, mimalin an dawn tur atanga 50% dawngtute Ram Pass hi RTI Act hmangin a dil a ni awm e. Mahse, tuiin a chim tur ram lakna a compensation 50% chauh la pek te pass hi chu DC office in a kawl loh avangin a pek theih loh thu SPIO in a hriattir a. Hemi hnu hian Appellate authority ah kalin Appellate authority pawh chuan Public authority in documents a kawlloh na na chu a pek theih loh thu a hriattir a. Hemi avang hian SIC ah SOSA hi a zualko ta a, SIC chuan public authority in a kawlloh pui pek chu thil tih theih loh anih zia hriatpuiin SPIO an hekna chu a hnawl sak ta a. He CIC thutlukna hi SOSA hian an helh hle tih a hriat theih a, CIC a retired rual rualin amah beih nan Pu F.Hmingthanga hian a hmang zui ta a ni. Chumi karah chuan SOSA General Secretary hian thil awmze dik hmuthiam lo luiin a suangtuahna chu dah lalin tute maw han thal tel talna tur point a fawmkhawm chawp a, a mit nuaifiah tawkloin record a keuva, thudiklo leh thu tak, hla taka lak tlak loh te te chanchinbu hmangin a rawn tarlang ta ni berin a lang.
A thuziak atanga zawhna lo awm ta leh thil awmze dik tak chu hetiang hi a ni:-
Zawhna No.1:- DC Aizawl hian kum 2001-2003 chhung leh kum 1997 98 chhung khan Turial HEP in a tihchhiat tur ram thuhmunah Compensation a assess nawn em ni?
Chhanna: Tuirial HEP atana ram acquire nana double compensation assessment awm anga, SOSA General Secretary-in a tarlan hi thudik lo hul hual a ni. Tuirial HEP ram lakna atan Notification leh assessment a ngaihfin tlat 2(pahnih) a awm a, chung te chu:-
1) Acquisition of land for Borrow/Colony/Project area including Approach Road measuring about 169.50Ha notified vide No. K. 12011/1/96-REV dt.5.8.1997
2) Acquisition of land for submergence area measuring about 4850 Ha notified vide No. 12011/3/96-REV dt.20.8.2001.
Sl No. (1) : Kum 1997-98 a Aizawl DC Rajendra Kumar hun laia compensation pek tawh Rs.34,06,298/- a sawi hi chu Turial HEP bultan anih hma hauhva ram an mamawh hmasak- Borrow/Colony/Project area leh Approach Road atana ram acquired na a ni a, a area pawh 500 ha vel chauh a ni awm e.
Sl.No (2): Kum 2001 a Notification erawh hi chu Submergence area(a chim tur ram) lakna atan a tihchhuah a ni a. Tuirial lui dung mai nilo, a fintu lui te pawh huam veka, a chim tur-Submergence area(Saipum ram atanga Khawruhlian ram thleng) atana acquisition proceedings kalpuina tur a ni a, ram mamawh zat zau zawng pawh 4850 Hectare(approx) ni a tarlan a ni. Area thuhmun pawh nilo leh acquisition kalpui chhan pawh a dang daih a ni. Area thuhmun-a compensation assessment nawn leh pek double hi a awm theilo. He submergence area atana Award No.4 of 2002(Phase-I) leh Project area atana siam Award No. 2 of 1998 hi mi a nileng tan lo chuan a hming atang reng reng pawh hian ngaihfin tal theih chi a nilo. SOSA General Secretary in ram hrang daih ni si, thuhmun anga sawi a tum tlat mai hi a thil hmuhah hian a chian tawkloh zia tilangtu a ni.
Zawhna No. 2: Evanginnge DC office hian ram neitute hi an compensation 50% a pek hnu hian an pass a kawlzui sak loh?
Chhanna: Heng a ahnuaia chhan hrang hrang avang hian ram neitute pass hi DC office in a kawlzui sak lo niin a lang:-
1) Land acquisition proceedings a thil thleng zen zen lo, Collector in Compensation Award a siam Sawrkarin a approved -50% chauh NEEPCO hian a pek avangin an pass te hi chhutsak hlen ngawt theih a la ni rihlo.
2) Payment pek tawhna Pass ah hian Seal a bik taka siam chhuin, an la lak tur zat, an lak tawh zat leh balance amount chiang taka tarlan a ni a. 2nd Instalment-50% an lak leh dawn hunah pass produce tur an neih tawh loh chuan a neitu dik tak hriat pawh a harsain inlak sak/impersonation leh inchhuhsak mai theih a ni dawna, chumi ven nan chuan a neitu in pass a la hum rih hi a him bera hriat anih avangin kawlzui sak an nilo a ni zawk. Chumai bakah engtikah nge NEEPCO hian 2nd installment hi a pek dawn hriat theih a nilova, an pass chhuhsak mai hi thil tih chi a ni lo (Vawiin thleng hian an la pe theilo a ni).
3) Heng ram tui in a chim tur te hi possession lak anih hma chuan Collector pawhin thuneihna a la nei thei lova, Mi 300 chuang te Pass hi Survey laia collect ni mahse, 50% pek tawh zet si a, final payment pek hma chuan kawlzui sak kha him tawk lova hriatna a awm a, 50% compensation la te reng reng chu a neitu emaw an aiawha compensation dawngtute hnenah peklet a ni.
Zawhna No.3: Engatinge N.Hlimen VCP lo ni tawh te hian min pe let lo an tih si le? Gazetted Officer/ Senior Magistrate hma a chhechhama thutiam nilo, countersign pawh nilo, an attest ringawt hi dan hma ah pawm theih a ni dawn em ni?
Chhanna : N.Hlimen VCP lo ni tawh te hian
a bul leh bal hretu an ni a, hemi chungchang hi chuan thil awmzia an hrechiang zawk ngei ang. An mahni hminga pass awm pawh ni se, an hralh tawh emaw, an authorised person, an pass an kawltirte emaw an aiawha compensation buaipuitu tute emaw hnenah, anmahni in an kawllo takzet anih chuan, a awm ngei a rinawm. 50% compensation dawng tawhtu tumah DC office in peklet loh a neilo a, an mahni hminga compensation award siamsak nisi, compensation leh an pass dawng lo complaint hi DC office in a dawn hauh lo laia SOSA in a dawng tlat mai hi thil mak tak chu a ni . An thusawi hi thudik tluantling chu ni se, Collector hnenah compensation sem zawh hlim te khan an thlen daih tawh tur a ni. SOSA in tumdan nei rana, compensation tam zawk pe thei ni awm taka insawia, statement an siam tir a ni mai ang em ? a tih theih.. A reng thuah chhechhama Indian Evidence Act in a phut anga tih anih loh avangin CIC emaw Court-in thutlingah a pawm ngawt theilo. Hemi chungchanga CIC thlirdan hi a dikthlap a ni.
Zawhna No. 4: Engatinge District Collector in section 11 of the Land Acquisition Act,1894 anga Award a siam tawh hnu ah possession a lak mai loh ?Or Compensation Award siam rual hian Collector hian, payment pek kim hmain, possession a la thiang em ni?
Chhanna: Land acquisition proceedings kalphung ah hian a ram mamawhtu(acquiring agency/department) in Collector Award anga compensation an pek kim hma chuan section 16 of LA Act hnuaiah hian possession hi, emergency/urgency case ah lo chuan, lak ngai a nilo. A dan ah pawh hian ‘ section 11-na anga Award siam anih tawh chuan a duh chuan Collector-in possession a la thei ang(may take possession)..’ tih chauh a ni a, possession a la ngei ngei tur a ni tih lam a kawklo. Turial HEP Phase-I ah pawh hian 50% compensation pek tawh te ram hi tuiin a la chimlova, payment a full a pek a la nih loh bawk vangin a ram mamawh neitu nihna chu Sawrkarin a la nei theilo a, possession lak rum rum pawh a la tul lova, possession lak anih hma chuan a ram neitu mimal te ta a la ni. A nihna taka chuan an ram hauh lawk nan advance booking atan 50% NEEPCO in a pe ang vel chauh a ni. Hei vang hian Submergence area atana rin (Demarcate) chhungah engmah kut an la thlak lo a, Collector hian possession lo la tehreng pawh ni se, NEEPCO hnena a hlanchhawn (formal handing over and taking over) phawt hma chuan NEEPCO hian tui a chim tir ngawt thianglo. SOSA General Secretary in payment pawh pek hma a possession lak mai tur anga a tarlan hi thil theih loh a ni a, a duh ang hian lo kalpui ni ta mai se, rawva taka ram neitute namnulna a ni anga,acquisition proceedings hi a buai thei hle ang.
Zawhna No. 5: Possession lak chungchangah hian Land Acquisition Act,1894 section 16 leh section 36 hian danglamna tehchiam a nei em ni?
Chhanna: Aizawl DC leh SPIO te hian possession lak chungchanga an section tarlan hi a khawi zawk zawk pawh nise, an Chhanna/Certificate a tarlan an tum chu ‘Possession lak theih a la nih loh chhan chu NEEPCO/acquiring agency hian compensation an pek tur ang an la pek kim miau loh avang a ni a, hei vang hian 50% compensation dawngtute land pass pawh hi chhuhsak ngawt theih a la nilova, peklet leh rih an ni a, SOSA in an dilna pawh tih hlawhtlin theih a nilo’ tih a ni mai a. DC hian a Certificate ah hian section 16 pawh hi lo quote ta teh reng pawh ni se, a sawi tum a danglam chuanglo. Chumai bakah section 16 ah pawh hian‘…free from all encumbrances’ tih a nih tlat avangin payment pekloh avanga hnawk/felfailo a la awm chhung chuan possession hi lak theih a ni chuanglo. Hei mai bakah hian Mizoram Revenue Department dan dinglai ang chuan Department/Company ten ram an acquired pawhin permanent ownership hi an pe ngai lo va, kum bithliah neiin land lease an pe thin. Section 36 pawh hi temporary occupation of land kawk bik pawh lo ni tehreng se, payment pek chungchang sawilanna anih ve tho avangin, a tlawhchhan atana a hmang hi a inpersan duai na a awmchuang lo. CIC pawh hian a section tarlan lam aiin Certificate-in a thulaimu kentel/central idea chu pawimawh zawk anih zia a hmuchiang a, thutlukna felfai tak siam nan a hmang a ni mai.
A bawp lawka thu lak dawn chuan DC hian a sawi dik chiah zawk a ni, heng ram te hi LA Act,1894, section 36 tlawhchhana possession lak/lak theih a la nilo reng a ni. Possession lak anih dawn tak takah chuan Collector chuan a tlawhchhan atan section 16 read with section 36 of the LA Act,1894 pawh a ti thei anga, a duh leh section 16 chauh pawh a hmang ang a. Possession lak theih hun a la thlen miau loh avangin DC hian eng dan mah a la tlawhchhan loin a la palzut lo zawk a ni.
Thusawitu thusawi laimu a ngaihtuahna pe lovin a thusawi hun rei zawng, a microphone hmandan leh a behbawm vel mai mai ah SOSA General Secretary hi a buai ni berin a lang. A duh angin CIC hian thutlukna siam sak ni se lang chuan DC leh CIC te hi a bei kual chiam chiam lo mai thei a ni. SOSA General Secretary hi dan hnuaia a hmalakna ah dan hmanga rorelna State Information Commission thlengin ke a pen a, mahse a hlawhtling ta lova. Dan rorelna leh dan hma a mitin intluktlanna hi a zah tak zet a nih chuan mipuitling anih zia tilang turin dan rorelna hma a a chak lo anih chuan ngawih chuh ve thiam tawh mai se tha tur. Thudik a lal theih nana thudiklo hmanrua a hman tlat mai hi thilsual a ni zawk dawn lawm ni?
Report this comment
May 7th, 2010 at 2:10 am
@Hawla, Lal Thanhawla chu i ni em lo ti raw? Ni tak tak la, ka ti mange…
Report this comment