Min lo pui ve teh u

April 7th, 2010 12:30 pm by awmawmpuia

Thenkhat chuan ho pawh in ti maithei a, mahse tunlai chu ka rilru a luah reng mai a, in puihna ka rawn dil e.

Ka fapa hi kum 10 mi ani a. Lehkha thiamthei fal han tihtur leh talent ropui deuh a nei lem lova, mahse naupang vantlang ve tak chu ani a.A hrisel a, a harhvang tha khawp a, tin a nungchang pawh a sual lem lova, amaherawhchu thil reng reng hi a ning zung zung mai a. Lehkha te hi a han zir ve a, ‘ ka thiam tawh’ hi a ti zung zung a. Han zawt ila thiam hi chu alo thiam mai bawk thin a.

A han exam reng reng hian ‘ a awl lutuk, ka titha viau ang’ hi ati ziah bawk a. An exam Question paper atangin han zawt ila a sawi zuah zuah thei a, mahse result an chhuah hian beisei ang hi a pha ngai lova. An answer paper han ensak hian fimkhurloh vanga tihdik loh hi a tam em em zel a. Kan hau in kan zilhlo pawh ani bik lova, hma a sawn mawh riau mai bawk si a.

An Class Diaryah lah hian a ninhlei thu emaw classwork bu pawhthlak a chinthu leh a tihtawp thu te hi an teacher te hian an rawn remark zauh zauh bawk a. Inkhelh lam te pawh an tui viau a, rei vaklo ah a ning leh mai thin a. Kei hi lehkha thiamthei viau ni silo zir peih ve em em thin ka ni a, ka thiltih reng reng ka la serious hle thin si a. Hetiang nungchang hi enkawl dantur ka va thiamlo em.

Hetiang deuh problem nei thin lo solve tawh emaw, a tihdantur tha lo hre riau in awm mial em? Khawngaihtakin in ngaihdan min lo share ve teh u.

23 Responses to “Min lo pui ve teh u”

1
keimah Says:
April 7th, 2010 at 12:38 pm
“Bringing Up Boys”, by Dr. James Dobson kha lo chhiar phawt mai teh!
Report this comment
2
blackmagicwoman Says:
April 7th, 2010 at 12:48 pm
Naupang la a deuh hi chuan exam a ti thra in tih leh zirlai attention pek thrat duh lo hi chu thil dangdai vak a ni lo. Mahse a severe viau chuan ADHD ( attention deficit hyperactivity disorder) a ni em tih fiah a thra. Hei han chhiar thuak² lawk rawh..

https://www.keepkidshealthy.com...../adhd.html
Report this comment
3
sillyBoy Says:
April 7th, 2010 at 1:10 pm
Ka naupan lai (Junior/ Inter. Deptt.) vel ka nih lai chuan Sunday School-ah a harh ber leh ninhlei ber ka ni a. Zirtirtu pakhat hian min vil/ veng chawt thin a, ka nu leh pa te bulah pawh kan zirtirtuten ka ninhleizia an sawi thin.

I sawi ang deuh hian kan zirlai erawh min zawh chuan ka hre vek zel a, kan hotute pawhin mak an ti hial zawk. Mahse, naupan lai ang reng kha a lo ni thei bik lova, ka zia chu ka thlah chiang ta khawp mai. Tun thleng hian kan zirtirtute hian ka ninhleizia leh harh theihzia te hi min hmuh chang hian mi fiam nan an la sawi ve fo mai.

I buaina han solve na tur ka hre lem lo a, naupan lai zia a nih dawn hi ka ti ta ber mai.
Report this comment
4
kawlhawk Says:
April 7th, 2010 at 1:10 pm
Thil ti mai2 lo turin i fuih nasa hle ang tih ka ring a, tun aia nasa khan, a pa i ni a beidawng mai loin han fuih/ zirtir zel mai teh. A lo puitlin chuan a zia mm ang…
Report this comment
5
chhangte_ll Says:
April 7th, 2010 at 1:19 pm
Naupang kum 10 mi lek a la nih kha, kum 15 vel a nih hnuah ningkhawng a hre ve mai ang, a mizia pangai kha tihdanglam tum lo in enkawl mai rawh An zirtir tuten ‘Child Psychology’ tlem an hriat ve bawk a ngai ngei ang, mahse India ah hian hetiang lampang hi zirtirtute ‘Training’ an pe meuh emaw :?:
Report this comment
6
benjamin rualthanzauva Says:
April 7th, 2010 at 1:23 pm
I fapa chu gifted pawh a ni maithei asin. Atan an zirlai a challenging tawk lo pawh an ni thei.

He article hi han chhiar la
https://businessworld.in/bw/201.....Notch.html

Stanford University Education Programme for the Gifted Youth (EPGY) leh https://khanacademy.org/ hi uluk takin lo bih chiang rawh. Khan Academy ah khan Mathematics ah tutorial kha belh leh paih atangin Calculus thleng a awm a nia.

Tin, mark sang ngawr ngawr ai chuan deep understanding hi a pawimawh zawk.
Report this comment
7
Jennifer Lo Says:
April 7th, 2010 at 1:29 pm
Tiang ang fapa neih chu kan hah duh khawp mai, an lehkha zir lamah chuan, inah hian exam a chhang tur ang deuh hian question ka siam a paper ah ka chhan tir vek thrin a, spelling diklo te ka zir nawn tir leh ngat2 thrin hetia a sawi a sawi mai lo a ziah tir ngei a check leh vek hi chu a thra khawp mai a,MAHSE hman sen a har khawp mai, naupang dang leh inchhung sekrek dang, inleng neuh2 buaipui anngai a, phone chhan chhung lek pawhin mahni chuan anlo zirlo tawp zel mai a ni, a mah chauh kha pa 1 in hnaah neih tawp thei ila chuan brilliant tak anni thei ang.. MAHSE..
Report this comment
8
funny Says:
April 7th, 2010 at 2:42 pm
Pu Hawla bulah hruai la, “Catch Him Young” ti tawp mai rawh. :lol:

Fa enkawl hi har deuh mai nia, i fapa chu mipa mize pangngai ve tak anih ka ring. An rilru leh attitude motivate chhoh hi a pawimawh hle in ka hria, a tihdan erawh thiam a har a naupang dang dangah pawh a hrang ang. mahse tum nana na chuan success rate chu a sang turah ka ngai ngawta.

ka ute fa ho ah hian hmeichhe pakhat thiamthei fal deuh hi a awma, Pakhat mipa erawh chu thiamtheilo fal ani thunga, a thiam theilo fal zawk chu lehkhazir peihlo ber ala ni zuia, buaithlak asin. an bulah awmin ka zirtir thei bawksilo.
Report this comment
9
zualbonez Says:
April 7th, 2010 at 2:59 pm
let him be let him be…don’t force twinkle twinkle little stars on kids just be happy to see the twinkle in their eyes!
Report this comment
10
ralte Says:
April 7th, 2010 at 3:12 pm
Ni e, nopang enkawl hi uluk theih a tha khawp mai. an thil nin tawh chu nawr luih a tha lo. mahse i vanneihna chu a riru a chak a, a zirlai a thiam hman tho a lom. nopangte hi an zia a in ang lo khawp mai, tin, an rilru a an concentrate theih hun chung pawh a in ang lo. tawngtai rei lutuk pawh hi nopang tam tak in an tlin lo.
pawimawh chu rual el nachang zirtir niin ka hria, kum 10 vel ho hi chuan nu leh pa ah an innghat tlat a. mahni inrin tawkna an tlachham chawk. a sei lutuk don tawp mai ang…..
Report this comment
11
hmingtea Says:
April 7th, 2010 at 3:32 pm
Nupi pasal fanau neih hma (fa neih hma) hian fa enkawl hi kan thiam deuh vek a tin fa han neih diah hian kan thiam loh leh trhin niin ka lo hre trhin a.

Ka naupan lai chuan ka in hlei lehkha pawh ka thiam thei ka zir ngai lo thung.Examna ah te hian ka thiam loh ai in mark ka hmu hnem trhin.

Ka fapa hi a sin kum 7 a pel tawh a zir lai hi a thiam thei lem lo .Han sawi chuan a thiam ve fu .Lehkha zir tih chuan a tre vak zel .Home work tih loh lah hi a hlau em em lawi si a.

Computer lah hi english an la zir lo in helam ziak leh chhiar lah ni se a la thiam trhtrhum lo hi a ni a chuti chung chuan internet atrang in game hrang2 hi a hre zung2 a .Leng rawh tih lah in a leng duh man bar lova.
A phur ve deuh chang hian rei lo te chauh a leng duh a.A harh em em bawk sa lam hi a ei ten vek in a ten chhe em em bawk A len deuh hun ah a la zia ve ang chu tih ani tawp mai.

funny sawi ang khian pu Hawla hnen a hruai a catch them young tih ve mai ka nap e .hahahah
Report this comment
12
lushai_er Says:
April 7th, 2010 at 4:42 pm
Over confi ve deuh a nih chu !

Marks sang ngawr ngawr hi zirlaiin a tum ber a ni lo, mahse an hriat thiam chuan mark chu an hmusang tur chu a ni!

In lamah test in conduct fo a thra ang! A tihsual kha a tisual nawn em ? tih kha check u la, a zia awm chho ve mai ang.
Report this comment
13
Teleptuama Says:
April 7th, 2010 at 5:29 pm
Anungchang leh mizia alan dan chuan mi ti puat puat ngaihsam tak mahse aduh chuan thluak thatak nei anih hmel.
A chhan chu athil tihlai reitak a tih peihloh dan atang in,mahse i zirtir ngai laia ka hriatve chu ,uluk taka thil tih .Nangmah pawn inlama i zirtirna ah systematic deuha i tih angaih hmel..”naupang chu akalna awmkawng ah zirtir ula,apuitlin hnu pawhin a thlah lovang”

middle leh high school chho vel hi mihring chher uluk kan ngaih hunlai ber antia sin..
Report this comment
14
awmawmpuia Says:
April 7th, 2010 at 6:37 pm
Thurawn min pe tu zz te in chungah ka lawm hle mai. Ni e, tan han la tang tang ila, in lama test te ph neìhpui ka lo tum ange. Lehkhabu ph khi leitur ka lo zawng ange.
Report this comment
15
XaiA Says:
April 7th, 2010 at 7:34 pm
Naupang pangngai tak zia a nih chu :!: A kum phu loin a pawl a sang em ni aw?
Report this comment
16
sate-siali Says:
April 7th, 2010 at 8:21 pm
I fapa chu rilru chak tak leh naupang duhawm tak anih chu. Naupang harh hi an thiamthei chawk. Ka thiam tawh a tih khan test zel a, chu chu correct leh la, a pui khawp ang. A thiam chak chuan a theihnghilh hma mai thei bawk.
A ninhlei chu pawi a khawih loh chuan pawi ti suh, kei pawh ‘Harh-i’ tih thin ka nia. Lehkha ka thiam hma a, ka theihnghilh hma bawk. Rei deuh lehkha zir ka ning thin. Ka zir laklawh laiin chawlh zawk a, pawn a in tih harh te ka ngai thin….. (kan sawi ta chiam a, a puih theih tak che in)
Report this comment
17
spam Says:
April 7th, 2010 at 8:51 pm
I problem bik ah a apply theih em chu ka hre miah lova, mahse hepa thusawi hi a tha ka tih em avangin ka rawn share ve hrim2 te ang che u
https://www.ted.com/talks/ken_r.....ivity.html
Report this comment
18
retrochic Says:
April 7th, 2010 at 10:42 pm
naupang hi chu lehkhazir lamah hin push vak chi an ni in ka hrelo kei chu. nu leh pa te hian kan duhthawh mah2 thin a! an attention span hi a tlem em avang hian ngaihhnathiam ve an ngai thin alawm:) Kei chu Dr Spock ka chhiar nasa..

all the best… suggestion chu ka nei lemlo na in, i fapa laka i expectation tihniam deuh la i rilru a nawm ka ring deuh mai2
Report this comment
19
mzvision Says:
April 8th, 2010 at 6:56 am
In link dah chu a va thra hlawm e ooo, keini lah kan fate a pang ber pawh college kai ani tawh si. Han naupan thrat leh a chakawm hle mai heng thu-thra-dik hria hian fate han enkawl ialh

Pathian hian min siam dan hi a nei – chu chu tih danglam har tak niin ka hria. Pianpui zia hi 90% chu anih ka ring kan puitlin chhoh thleng hian. Mahse tlemte fate hmasawn tir theih ah hian nu leh pa tran viau a ngai.

Mahni fate calibre phak ai sang aim pui hi a hahthlak khoops. An phak leh tlin tawk chin hre renga an talent tihpun tum hi a fuh ka ring. Beidawn ram ram hi fate tana rualawh luatah awl deuh mai ania
Report this comment
20
chawnghilh Says:
April 8th, 2010 at 8:18 am
Ka pui pha lul lo che … ka la sam pha lo em mai! het, LCD lam emaw ka tih vang, … zia lo mang e. :lol:
Report this comment
21
benjamin rualthanzauva Says:
April 8th, 2010 at 3:17 pm
“Thenkhat chuan ho pawh in ti maithei a, ”

Ho ka ti lo. Hetang ang thil pawimawh leh productive sawi nang bak a misual.com hi a tangkai theihna tur ka hre lo.

Ram leh sawrkar lam sawi teuh thin mah ila, direct a misual.com visit tu ten kan tih theih atam lo.

Tun a mi ang hi chu tu a te pawn kan apply theih a ni tlat.
Report this comment
22
William Ralte Says:
October 22nd, 2010 at 12:55 pm
A hmasa in ka thusoi hian I huatthu a lo soi anih chuan I mi ngaihdamna ka dil hmasa e.
I fapa chu mi rilru harhvang tak, thil kal toh poi tur leh tur lo poh ngaihtuah ngai vak lo mi ani (i soi hmangin).
Tuna I enkawl dan tur soi ka tum lo a, ka soi tum chu hei hi a ni.
Politicians tha tak ni turin enkawlin kaihruai rawh. Mihring in update chak loh lutuk kan neih vang hian a nih hi ka ram, Mizoram hi a tluksop mek ni. Chuvangin I fapa avang khan vanduai ah inngai suh.
Khawvelin Tlantu a mamawh a, Mary leh Josefa te hnenah Khawvel Tlantu pek an nih ang khan Nangni poh fapa ropui tur pekin in awm a ni. Zoram hian khatiang mihring kha kan mamawh asin.
Engkim chu I kutah a awm e. Ho lam takin chhuah suh ang che. A thlarau mawh chu Nang leh I Nupui kha in ni si a.
Report this comment
23
RempY_sciSsoR Says:
October 22nd, 2010 at 1:01 pm
@william ralte, hlawl mai a! :roll: controversial post author kha i ni em ou? :mrgreen:
welcome! Welcome!
Report this comment