Tunhnai kum 5 vel atang khan Mizo te hian progressive music hi kan tuipui ve ta viau a, a tlangpui in Dream Theater an lar hle. Fates Warning hi 90’s atang khan ka lo ngaithla ve tlak tlak tawh thin a, an album “Perfect Symmetry” phei kha chu progressive masterpiece ti a sawi a ni hial thin. An lyrics philosophical lutuk mai te hi an mahni duhtute chuan an fak thei hle. Dream Theater te nen pawh hian an in hnaih hle a, tour te pawh an nei ho thin fo, Dream Theater keyboardist Kevin Moore pawh hian tour ah leh album ah a pui nual.
mi(sual) zingah Fates Warning lo ngaithla ve thin leh lo duh ve tute in lo awm mial tak in ka tia ka rawn ri ve hluai a ni. Timing a khirh in drums hi bai tawk in a ri dawt dawt hi a ni mai, vocalist Ray Alder hi a zai thiam in a aw a mawi ngawih ngawih a ni ber. Tunlai music chhuakthar ngainatute hi an vannei ka tih rual in an khawngaihthlak awm ang reng ka ti thin!!!! In la rock deuh hlek in A7X vel an ngaithla a, a bak zawng in hip hop (Midum chang sawi) leh R&B!!!! Tak tak ana, music ah hian turu leh neu bik a awm lo, kan mil zawng apiang hi an tha vek!
1983 deih a din kha an ni tawh a, progressive music tichhuaktu pakhat te zinga mi ni a sawi an ni thin a, Dream Theater drummer Mike Portnoy chuan progressive music chawilartu ni a an sawi thin chungchang ah Fates Warning credit a pe chiang hle bawk. Studio album hi 10 an tichhuak tawh a, ‘Perfect Symmetry’ hian fak a hlawh hle thin. Lei chung, ni hnuai a progressive music a awm chhung hi chuan he album hi chu a thatna a reh thei tawh dawn lo a ni ber mai.
Official music video hi 8 an tichhuak a, heng hi YouTube ah hmuhtur a awm vek a, ‘Through Different Eyes’ video te hi lo belchiang ve teh u, “Perfect Symmetry” leh “Parallels” album cover a an tihlan ang tho hian Venus de Milo an tilang te hian enge a entir ang aw ka ti thin!!!
