Sawibunga hi a hming tak chu Sawithanga a ni. Amah hi sa kap thei tak a ni. Luangmama a awm lain Sele a kap a, a sele kah chu a ki a tha elkhen mai a. Hetia sa a kah theih em em laia, Sele ki tha tak a han kap leh ta hi mi thenkhat chuan an itsik ta tlat mai a. Tih hmingchhiat tumin Sawibunga thlahrang lemah an chang a, a chanchin phuahchawpin mak tak takin an than ta vak mai a. Thenkhatin, “Zawlbuk bawhbelah lu bungin Sawithanga kan hmu,” te an ti a, a thenin a rilte awrhin an sawi bawk.
(Sawibunga Sele kah ki chu a ni a, a lu hi thingin nalh takin an siamchawp a ni. Tin, a ki bul lam ve ve hi an tan then tawh a, a tirah chuan hei ai hian a sei niin an sawi. Pi Sangzuali, Theiriat te Sitting Room banga a intar lai thla a ni e)
Tichuan an sawi hrang telh telh a, a khaw nawtin an hlau ta em em mai a. Tlangvalte pawh mahni-in an riak ngam lova. An lenna atang pawhin an haw ngam lova, a huhovin an haw thin niin an sawi.
Sawibunga Sele ki chu an han zut mam han a, ni-ah an han pho a, a mawi em em mai a. A hming pawh a thang ta hle mai a. Lal Seipuia pawhin Valchenga a awm lain, Sawibunga Sele lu chanchin chu a lo hre ve a. A awt ta tlat mai. A upate leh pasalthate hruaiin Luangmamah chuan an zu kal ta a. Luangmam lal chu Seipuia makpa a ni nghe nghe a. Tichuan, Sawibunga inah chuan an zu kal a, “Sawia, i se lu hi ka nei ange,” a tiin a zu dil a. Sawibunga chuan a ui viau mai a. Mahse, Sepuia chuan Silai thal sarih a neih thu leh chung zinga a duh ber chu pek a tiam thu a hrilh vang te leh lal a nih bawk si avangin a hnial ngam ta lova, Sele lu chu a pe ta a ni.
( A tirah chuan a ki leh a ki inkarah hian Patling 3 an thu leng niin an sawi. A awihawm viau. Tunah pawh hian Patling 2 chu an thawl khawp ang)
Tichuan Sawibunga Selu chu an khua-ah an han hawn chho ta a. In an han thlen chuan, a fapa Vanngura chuan a hlau ta tlat mai! A dam lo ta char char mai a. “Engtinnge i awm?” an han tih chuan, “Sawibunga Se lu hian ka thinah a dawt ngur ngur mai,” a ti a. Se lu chu daipawnah an va dah a, an han kap thuai thuai thin a, chutia an tih chuan a na chu a nuam deuh thin. Mahse, Lal chuan a paih tak tak phal si lova, a la lut leh thin a. A tawp a tawpah chuan Vanngura chu a thi ta nge nge a. A nupui Lalkeuvi phei chuan, “I fapa aiin Se lu i duh alawm,” tiin a ti-el thin, an ti. Vanngura lung hi Valcheng daiah an phun a, tun thleng hian a la awm nghe nghe. Mahse, a thuziak a awm lo a ni awm e.
Sawithanga ni thin Sawibunga tih a lo nih tak dan chu – Kha tia, miin a thlahrang anga an sawi leh a lu bung an hmuh thute an sawi thin avang khan ‘Sawilubunga’ tiin an sawi thin a. A hnu zelah chuan ‘Sawibunga’ tih hming a lo larpui ta a ni. Hetih lai hian amah chuan a thla a hran a hre lova, a chhungte pawhin amah itsiktu an awm a, tih hmingchhiat tumin a thlahrang angin an chang der thin niin an sawi. Amahin a hlauh loh ang bawkin a nupui pawh hian a hlau ve lo. Kristian niin 1945 velah khan tar takin a thi ta a, a lungte pawh an phun a ni. “Kei chu ka thi lovang, Lal Isua lokal thlengin ka dam ang,” a ti thin a ni awm e.
A se lu chu Seipuia chuan paih phal lovin a kawl hlen ta zel a, Theiriat lal inah rei tak an dah a. Chumi hnuah Rolura’n Aizawlah a la phei a, a hnuah Sangzuali ten Theiriatah bawk an la phei leh ta a ni.
Sawibunga’n Sele a kahna hmun tak hi tunlai chuan khawlai vek a ni tawh a, Lungrang Sihtlan an tih hmun niin an sawi.
Thehlep khaw ho ve thung chuan, he Sele hi Sawibunga kah ni lovin an sawi ve leh tlat thung. Midang kahhliam kha Sawibunga hian a chhui zui a, a va hmuh chuan a lo thi tawh a. A ruang lain, “Ka kah a ni,” tiin a sawi ta mai a ni, an ti ve thung.
Sele leh Tumpang hi kan hriat pawlh thin a, Sele chi hrang hrang a awm a, ‘Sele’ tih hi a common name niin, heng hi Sele chi hrang hrangte chu an ni :
1. Kawlfung : Ki mawi tak nei a ni a, a ki hi hman laiin Zen (Silai hlo) bur, Fungki atan an hmang thin.
2. Tumpang : Sele lian ber chi a ni. A ki awmdan chu, a lu chhipah hian a kak deuh phuk a, a sir ve ve-ah a uaithla duai a, a ki hmawr ve ve chu chunglamah a kuai chho leh.
3. Rauri : Sele te deuh chi, ki mawi tak nei tho a ni.
4. Selechhia : Sele ho zinga ki mawi ber an tih thin a ni a. Sawibunga kah pawh hi Selechhia niin an sawi.
Sawi belh ta zel ila : Tun hnai deuhah khan tun hma-a la awm ngai lo Sele tui pal rang hi a awm ta tlat mai a, hei hi a chhan niawma an sawi chu : Ram a lo buai khan Diltlang velah khuan an Sial ho kha an tlansan teuh mai a, ramhnuaiah an awm ta mai mai a. Chung ho chu Sele nen inthlahpawlhin Sele tui pal rang hi a awmphah ta niin an ngai bawk. Sial ang hian a chalah a rang ve deuh bawk. Tui pal rang tih awmzia chu a khup hnuai deuha a vara tial tihna a ni.
Note : Heng chanchin ka ziah ho zawng zawng hi, Pu RK.Lalhluna tawngka atanga ka dawn an ni a. ‘A dik ber e’ ka tihna a ni chuang lo. ‘Unau thawnthu sawi pawh a dang e,’ an tih ang deuhvin, sawi dan hrang hrang a awm thei a. A chanchin ka hriat hmasak leh a kaihhnawih ho ka han share phawt che u a ni e. @lushai_er ngenna, Pi Sangzuali lah kan la han kawm chiang hman si lova…
Similar Posts:
- Hmanlai Mizoram Thilthleng Mak Part-1!
- Kraws
- Ka pu leh a Kekawr
- Biate Hnam leh Zialung Khua!
- Hriattirna: In chhungte an ni em?
April 19th, 2010 at 12:12 pm
va mak pial pual ve a, hrang awm reng a nih khi
April 19th, 2010 at 12:15 pm
E hem :lol: Good Post !
April 19th, 2010 at 12:16 pm
first loh tlat cu le.ka inthlahrung deuh ani.
April 19th, 2010 at 12:29 pm
Ngainawm ka tih zawng tak a nia, chhim lam kan hranghlui ho hi mi ropui / miril tak2 an awm a nia, han khawnkhawm zel teh u. Thangthar ten kan hriat loh a tham ral mai2 tur dapchhuah hi hnapui ber a neih tham niin ka ngai. Pu C. Saizawna (RIP)Serkawn dairy leh lehkha bu hluite pawh hi remchang ah la chhiar ngei ka tum.
April 19th, 2010 at 12:32 pm
@Lushai_er: I post edit leh vela, he thu hi i subject kal lai kha emaw ka tia!!!!!!
April 19th, 2010 at 12:34 pm
Hriatbelh zel ava chakawm ve..tikhian a tawp ti tih mai emni dawn..
April 19th, 2010 at 12:36 pm
Hetia Kawngate’n an Research peih dawn phawtte chuan Saza IB hrangte kha a hria mual mual chu an awm ang. Tin, Vaisam ramhuai phei kha chu kan Kristian vek tawh hnu thilthleng anih avang khan Sap ho kha’n an ngai serious hle a! A fiah turin Rahsi Pu….(ka chiang ngam ta lo) an zuk tir a. A ni khan ramhuai hnathawh ngei a ni a tih avanga ban tawk ta ni te khan an sawi hial lo maw? Kawnga keep going !
April 19th, 2010 at 12:38 pm
Feral animal (domestic animal rama cheng ta) hming an siam zung zung thei bik a, an fakawm e. Mahse tunlai hunah ransa kapthei ngaihsan a hun tawh lo. Illegal activity anih tawh hi.
April 19th, 2010 at 12:44 pm
Hei poh a ngaihnawm leh ta e…….
Hmanlai thilthleng mak part 3 van chhuak har toh ve……..
April 19th, 2010 at 12:48 pm
#sony..eiruk hmang ho kap thiam thiam ngaihsan a hun tawh..;-hailehai..
April 19th, 2010 at 12:51 pm
#9: Ka source ber Feb 2010 khan Lunglei Rahsivengah a boral a, PartIII changtupa hi a lo boral tawh bawk nen ka inthlahrung deuh a lawm le. An chhungte pawi kan sawipalh a hlauhawm bawk nen!
April 19th, 2010 at 1:02 pm
Sawibunga sele kah chungchang hi sawi a tam viau thin. James Dokhuma’s Chawngkhum Dan Tlang Huat Loh II ah a ziak teuh a. Capt. L.Z. Sailoa’n Thil mak bu tih-ah khan a ziak nual bawk.
Pu Dokhuma khi chuan thiandun titi anga a ziah a ni a, ngaihmawm tak a ni.
April 19th, 2010 at 1:15 pm
A Thawnthu Ngaihnawm bawk, Kawnga ziak loni bawk, chhiar a va’n manhla em! Mak ti tak leh ngaihnawm ti takin ka chhiar chhuak dap e. Thanks kawnga.
April 19th, 2010 at 1:21 pm
Kei pawh khitiang khi kakap tep toh sin
April 19th, 2010 at 1:23 pm
a mawi nalh turu….. sakah tur poh va awm hawt tawh lo chuan, kan ngaisang tihna a ni pit lo… thangthar bengtlalo ho hi a
… thank you Kawnga, a bengvarthlak hle mai…
April 19th, 2010 at 1:56 pm
A lu thing hmanga tuk chawp tu hi Theiriat Mistiri Pu C.Thangkima a ni. Pi Sangzuali kan tih hi, Theiriat Lal hnuhnung ber Lalchhuma fanu a ni a, Lalchhuma nupui Pi Chawngbungi hi la damin a fanu Pi Sangzuali te hnenah a cheng mek bawk. Pi Sangzuali pasal hi C.Rothuama a ni.
Mimal chanchin deuh a ni nain ka hriat ang ang ka ziak zel mai a. Mi pawi ka sawi em lo’ng chu maw?
April 19th, 2010 at 2:02 pm
#14 @neiliana : I kah tep chuan Sorkar pawi i sawi tep!
Tuahzawl ( Rawpuichhip piah) ramah khuan rual khat (10rual vel)an la awm! Mahse hman kum lawk khan khawpakhat chuan an phil ngei mai.
Zan lam a mu kah hi a hahdam, Kawlhawkte pawn an peih viauin ka ring! :lol:
April 19th, 2010 at 2:03 pm
Helamah chuan comment lo mai ang. I blog-ah comment zawk mai ang
April 19th, 2010 at 2:04 pm
Tunah chuan a hrang chhunzawm talo a ni maw Kawnga?
April 19th, 2010 at 2:08 pm
lushai_er, khum lai zawlah a kak pui behchhan in a mupui in han kap siah siah mai ila, maimit chhing chung pawhin a kah thelh theih loh. :lol:
April 19th, 2010 at 2:29 pm
@Kawnga va’n ti ṭha ve!
April 19th, 2010 at 2:38 pm
Sial leh tumpang hi engnge a danglamna, nge a inang? Kei chuan ka lo hriat ve danah chua, tumpang hi ka hlau daih zawk mai, a hrân leh hrân loh lam chu thudang nise…. A bengvarthlâk e..!
April 19th, 2010 at 2:38 pm
@Diktea_Pa : I ti lawmawm e. Upa ho kawma, an hriatna hlu tak tak mual an liampui hma ngei a lo record that sak lamah hian kan pahnihin tih tur kan ngah khawp mai.
Misual member dang ho pawh hian kan chenna hnaivaia Upa ho hi kawm peih ila, an thu hriat ho hi a tam thei ang ber khawrh chhuah tum teh ang u. “Ani khan a hria a sin mawle, a lo thi hman tawh si a..” ti-a kan tawp ringawt thin hi, a pawi thin a ni.
April 19th, 2010 at 2:44 pm
#20 Khamrang,,, pasal that dan a van in an loh theih dawn ve aw….
A story chu ngaihnawm khawpmai…
April 19th, 2010 at 3:41 pm
Kawnga chu bei ngaihnawm hrep mai a, a bengvar thlak hle mai.
April 19th, 2010 at 3:50 pm
A ngaihnawm khawp mai.Ropuia thla a hrang chu ti ve se,ati tute kha ka tihthraih vak zel ang mawle haha :lol:
April 19th, 2010 at 3:50 pm
A ngaihnawm khawp mai.Ropuia thla a hrang chu ti ve se,ati tute kha ka tihthraih vak zel ang mawle haha :lol:
April 19th, 2010 at 3:52 pm
Lalropui leh. lol
April 19th, 2010 at 3:53 pm
A hrâng ani lo maw,ka comment a lang nawn vel :twisted:
April 19th, 2010 at 3:59 pm
Funny ania sin,mahni thlahrang kan hriat kan hriat chuan anuam miah lovang :lol: Han tihthraih kual vel kha a tih chi viau ang,mualpho ta sa sa :lol:
April 19th, 2010 at 3:59 pm
Funny ania sin,mahni thlahrang kan hriat kan hriat chuan anuam miah lovang :lol: Han tihthraih kual vel kha a tih chi viau ang,mualpho ta sa sa :lol:
April 19th, 2010 at 4:20 pm
Patling pathum thut theih…. mesurement chu van hmanlai tawh ve, thlalakah khian standard mesurement rawn ti lang tel la chuan hmuhnawm lehzual tur.
April 19th, 2010 at 4:33 pm
@ruata : Hmanlai thil kan sawi a nih hi :lol:
Ka lo teh thlip thlep lova, lo ngaihruat ve tawh mai teh. Ka tling lo a ni e :lol:
April 19th, 2010 at 5:01 pm
OT lawks:Keipawh Expo Lammualah ka han kal ve,Asia tih ni ve meuh si ah chuan a ho ka ti angreng.Thil lah kha ato em2 mai lehnghal.Khupthawk khelh tur te a awm.Engpawh nise ka hlawkpui hrim2 e
April 19th, 2010 at 6:29 pm
A ki chu a nalh hle mai,kah a chakawm dawn em a nih tak khi.
Hmanlai chuan seki khawn keuh keuh pahin an zai kerh kerh thin :lol:
April 19th, 2010 at 6:38 pm
Kawnga nge nge, a va ngaihnawm leh pek em! Sele chi hrang hrangte khi ka vawikhat hriat na! A bengvarthlak bawk si! Han chhunzawm zel teh khai!
April 19th, 2010 at 7:08 pm
Kawnga hi tunlai chu thlahrang teuh deuh deuh lam ah hian i tui thar riau mai! i ti thra tuk tuk e, a dang han chhawp chhuak zel teh.
April 19th, 2010 at 7:15 pm
Saitawk,
Tunlai chu Kawnga hi Thla hrang teuh deuh2 lamah a tui thar riau… i tia law? Leitlangpui leh a chhehvel Thla hrang tak2 leh a teuh deuh2 zawng2 kha han Post vek se ka va ti ve! A Sawi thiam bawk siiiaaaa… :lol:
April 19th, 2010 at 7:23 pm
@Kawlhawk :Thlahrang hi chu a mak ve ngawt mai, chanchin a neilo ang tih hi a hlauhawm riau a sin, a hlauhawm poh leh a ngaihnawm a, kan hlau zual ting thung bawk si, :lol:
Kan khua hi a hran hmel bik ta riau mai!
April 19th, 2010 at 7:28 pm
@Saitawk & Kawlhawk : Thlahrang lam hi chu ka tuina a ni love. Ka experience neih chak lohna zawng tak a ni bawk. Ka hlau pawh a ni hran lo, ka ten ve deuh hlek tlat. :lol:
Nia, Kawlhawk sawi ang hian Leitlangpui-a cheng ka nih avangin ka hriat loh thil tam tak, kan khua ngeia thleng ang chi hi chu hriatbelh zel ka la tum ang chu. Thlahrang lam erawh ni fo lo se. Zan lai pelh tawh a, Sele ki hrang thin thlalak buaipui reng chu, a tenawm duh :lol:
April 19th, 2010 at 7:35 pm
Kawnga, good boy. I itha e, i u te tih peih loh i ti peih zel a
April 19th, 2010 at 7:36 pm
Kawnga, Kei pawh Thlahrang hi ka hlau lo, ka ten! :lol: Tak taka, a dang pawh hriat belh zel lo tum tak2 teh ka ti. Thlahrang hi a hlau apiangin ngaihnawm anti a, a sawi hrang thiam apiang hi “Sawi thiam” anti. HV chuan Kawnpui Dai Thlahrang kha Thlabial Zanah a finfiah thlap mawle… Kawnga chuan ati ngam lo mai2 ang chu…!!
April 19th, 2010 at 7:42 pm
@kawlhawk, HV hi chuan thla bial zan hi chuan thlahrang lo deuh pawh hi a finfiah fo a nia! :lol:
April 19th, 2010 at 7:46 pm
Saitawk, HV-a’n a Kick ang che auh… (Ka sawi zawng pawhin ka khur!) :lol: :lol:
April 19th, 2010 at 7:51 pm
Kawlhawk, HV a thil finfiah thrin kan sawi ve ve a ni mai a lawm le! :lol:
April 19th, 2010 at 7:58 pm
Awww… Saitawk le(h)! Hei hi Kawnga Thlahrang Post anih hiiii… Thlahrang leh a kaihhnawih lam hlir sawi tur. Thil dang, thil dang… sawi a ngailo… :lol:
April 19th, 2010 at 8:06 pm
thlahrang hmanlai chuan an hlau teh zawng anih kha .kei pawh ka naupanlai chuan ka hlau khawp mai.Hetiang lam hi eng emaw chu a awm ngei niin ka hria vawi 4 vel chu ka tawng ve tawh.
April 19th, 2010 at 8:17 pm
Thlahrang hi mual zau deuh ah hian dah se, a him chin vel atang a han en mai mai chu ka chak ang reng khawp mai!
April 19th, 2010 at 8:41 pm
@Saitawk : A him chin atang chuan a lang thei lo. A him lo atang hian a hmute pawh hian an hmu tlangpui.
Tawia thlahrang kha, naupang deuh tak ka nih laiin ka chhiar a, ka van hlau tak. A tawpah thlahrang tak a ni lo tih ka chhiar thlen hnu pawh khan, ka la hlau deuh tho.