Kum 2001 June thlatawp lam a ni ta in ka hria Pi Sangzuali, Theiriat zirtirtute’n chaweiah min sawm a. An in kan lut chu ka’n hawi kual a, SELE-KI mawi deuh mai banga an tar chuan ka mit ala nghal zak mai a!
Chutia ka interest nia a hriat hnu chuan Pi Zuali chuan Art & Culture Dept.exhibitionah pawh lawmman a la ve tawh a sin tih min hrilh nghal var a. Engtia an neihnge tih ka zawh chuan chaweikhamah muangchangin kan sawi dawn nia a ti a.
Chaweikham chuan thingpui-hang in pahin Sele-Ki chungchang chu a sawi chhunzawm a. Sele-ki chu an tantawi tawh thu te, Lasiho chuam ani a, tuma’n an kah ngam loh thu a sawite chuan ka beng a verh hle mai a. He Sele hi chithlahturin khaw hrang hrang a fang kual thin ani awm e. Pasaltha thenkhat chuan Sele chungah chuan Lasi nula chuang an hmu thin a! Kah thiangloah an ngai a ni awm e!
Hun a lo kal zel a, he Sele hi Sesawm Pasaltha Sawia (Sawi-Lubunga) chuan a lo kap thlu ta mai si a, Lasi-ho thinrim chuan pasaltha Sawia chu an sawisa rethei hlein an sawi. Achang chuan a bawp a thlawn a, a pu vu vu thin an ti a. A chang leh a lu a thlawn thin niin an sawi. Chuvanga ‘Sawi-Lubunga’ ti a sawi a ni bawk awm e.
He Sele-ki mawi tak hi a kawltu apiang an damlo zel an ti a. Theiriat Lal Putar chuan a awt tlat mai si a, an bangah a tar tir a. Chutia a tar hnu chuan a fapa tlangval chu a damlo chhunzawm ve ta nghal a, nikhaw hreloin a awm a. A tawngvai chuan ‘Sele-in ka thin a dut ngur ngur’ a ti chhuak thin e an ti a. Chutia a natlai chuan daiah Sele-ki chu an dah a, Silaite’n an kap thin a, tlangval pawh chu a tha veleh mai thin a ni awm e.
Mahse, an Lal Putara chuan a awt ngang aniang chu a lo va laktir leh thina, fa-te chu an piang leh zel a lawm a ti e an ti. Tichuan, tlangval pawh chu a thi zui ve ta a ni awm e.
He thil hi amak ka tih em avang leh zawhfiah theihin Pi Sangzualite an la damlai a nih avang hian misual(ho) ka rawn share ve duh che u a ni e.
Similar Posts:
- Sawibunga tho kha aw niang!
- Hmanlai Mizoram Thilthleng Mak Part-2!
- Lungphun pakhat
- Kan thiam theihloh thil pahnih
- Nula Rim
April 15th, 2010 at 3:44 pm
va mak tak ve… ngaihnawm phian bawk si a. Part-II chhiar chakawm tawh.
Report this comment
April 15th, 2010 at 4:01 pm
kawnga i ti lawmawm hle mai.
Report this comment
April 15th, 2010 at 4:37 pm
Aizawl DC pisa ami saw lian ve tak chu ani!! hei pawh len hmel tho bawk
Sawi-lubunga chu pa triah2 ve… :lol: kei pawh ni ila, ka kap khrims khrims ang
Report this comment
April 15th, 2010 at 8:02 pm
@BMW : A ki bul lam khi a chuar tun mai a, a ki nalh chinah an tan tawi a nih chu.
Report this comment
April 15th, 2010 at 8:07 pm
@kawnga, Bawihpuia : Pi Zuali chu lo zawt chiang ula, min rawn hrilh ve leh dawn nia.
Report this comment
April 15th, 2010 at 8:19 pm
Ka Ni boral tawhin he thawnthu hi min hrilh thin, mahse Sele Ki niloin Tumpang Ki niin a sawi thin……..
Report this comment
April 15th, 2010 at 8:48 pm
Chhangte_II : Ramsial, Sele, Tumpangsial hi an inang hlawm khawp mai a. Hrilhfiah dan a inang lo nual bawk! Kei phei chu a hniakbak ka la hmu lo.
Tuahzawl (Rawpuichhip piah) khuaah Ramsial an la humhalh a, hman kum khan kap ru an awm!
Report this comment
April 15th, 2010 at 9:28 pm
#51 @vivi: Hostel naupang chuan Part2 chu in hlau viau tawh mai thei a ni. Thin-langa ka rawn post tawh ang!
Report this comment
April 15th, 2010 at 11:18 pm
Sawibunga (Sawi-lubunga) chanchin hi ngaihnawm taka phhuah belh thiam awm se ka ti ngawt mai.
Report this comment
April 16th, 2010 at 6:51 pm
lushai_er :- Thinlang a ber kher.. I ti rap awm mah mah.
Report this comment
April 17th, 2010 at 7:46 am
Chuan engtin nge ni zel, PI Sangzuali te chhung ah Sial lu kawl vanga tuar te an awm ve em? Engtin nge an nin an kawl char2 theih bik…a Part II ka hre chak tawh khoops mai..lo nghak tang2 nia. A dang poh rawn awi belh zel rawh.
Keipawh Upa ho hmanlai a an ramvah na vel a an ramhuai tawn thu an sawi hi ngaihnawm ka ti.
Ngaihthlak na tur a vang tawh lutuk a.
Report this comment
April 17th, 2010 at 8:05 am
@Tualvungi: Part II a chhuak tawh e. Part I Sele-ki kawltute hi Theiriat Lal thlahte an ni a, an family member an chan reng a lawm. Chuvanga kawl thei chu anni zawk!
Report this comment
June 2nd, 2010 at 6:41 am
I thil rawn post hi thawnthu ah Sawibunga Thlahrang tiin ka lo hre thin a… til mak tak chu a ni….
Report this comment
June 2nd, 2010 at 6:47 am
I thil rawn post hi thawnthu ah Sawibunga Thlahrang tiin ka lo hre thin a… thil mak tak chu a ni….
Report this comment