Science & Technology hi phat rual lohvin ram tan hmansawnna rahbi pawimawh tak a ni a. Eng ram(Nation) pawh, Science & Technology-a hnufual deuh chu ram changkang lo an ni zel tia ila kan sawisual kher loang. Chuvangin keini helai ram zimtea chengte pawhin changkan ve chakin Science & Technology hi kan uar ta hle mai.
11th April khan India rama engineering entrance exam har ber IIT-JEE chu India ram hmun hrang hrang ah exam ani tawh a, AIEEE pawh 25th April hian mi 1200000 vel bawrin an exam leh dawn/tawh ani. Mizoram higher and technical dept pawhin tunkar mai khan entrance exam a buatsaih zo leh ta a.
He article-ah hian hetiang lam hawi hi kan sawi dawn a ni. Chutih rualin Mizoram quota mai ni lo, India ram pum huapa Technical entrance exam lar leh competitive berte zinga mi, AIEEE pawh kan sawi dawn ani. Mizoramin NIT kan neih ve dawn tak avangin NIT chu engnge a nih tih lam te kan sawi tel bawk ang.
India ram dangte leh Mizoram khaikhinna :
India ram pum huap pawha lehkha thiam ber(literacy percentage) dawttu ni chunga Science and Technology lama hniam ber/dawttu kan ni ti ta ila kan sawi sual lem lovang. MZU campus-ah Information Techology leh Computer Science-ah BTech a zir ve theih tih lohvah chuan Engineering College kan nei lova, Medical college lah chu a rim kan hre tan dek dek a, the hmeh ang vang vang ani leh ta bawk a. BSc (Hons) zir theihna college 6/7 vel kan nei leh tlawng a, MSc zir theihna MZU-ah a awm leh tawp a, chu chu tuna kan din hmun chu a ni rih mai. Hetih lai hian State lian zawkte chuan Engg. College 60/70 chuang te, Medical college 20 chuang te an nei thung.
North East bikah chuan state hrang hrangte dinhmun tlangpui chu hetiang hi a ni :
Assam : Engg. College (5), Medical college (3). Arunachal Pradesh : Engg college (1). Meghalaya : Engg. College (1), Medical college (1). Tripura : Engg college (2), Medical college (1), Manipur : Engg college (0), Medical college (1), Nagaland : Engg. College (0), Medical college (0). Mizoram : Engg. College (0), Medical college (0).
NIT awmzia leh a luhdan ilo thlir ho phawt mai ila:
AIEEE : All India Engineering Entrance Examination tihna a ni. Hei hi chu NIT (National Institute of Technology) 20 leh zirna in dang 20 vela luhna entrance exam a ni. Hei pawh hi IITJEE ang bawkin zawhnate chu objective vek a ni a, PCM tho exam tur a ni. Hetah hian chhanna dik lovah mark paih thin a ni. Engineering subject chauh ni lovin Architecture lam zir tumte tan pawh he exam hian a kep thei a, PCM aiah Mathematics, Aptitute test, Drawing subject te exam thung tur ani thung.
AIEEE hi khawvel puma entrance exam-tu tam ber niin nikumah khan mi nuai 11 vel in an exam a, kumin hian mi nuaih 12 vel dawn lai in an exam ang. A vaiin NIT 20 atan hian seat 12,000 vel hnawhkhah thin a ni. He exam bei thei tur chuan CL-XII PCM pass a tawk mai (percentage cut off a awm lo). Kum tin April thla Pathianni hnuhnung berah he exam hi neih thin a niin December thla velah Exam form a chhuak thin. Mizoram pawhin KV school, Zemabawkah exam centre kan nei ve a ni.
NIT leh Mizoram :
Tunah hian India ram pumah NIT 20 a awm mek a. Indaih lohna a nasat em avangin Sept ni 17, 2009-a Cabinet thu khawm chuan NIT 9 dang din belh leh a rel thlu ta a. Heng NIT tharte hi India ram hmun hrang hrangah din tur an ni. Chungte chu Manipur, Meghalaya, Mizoram, Nagaland, Goa, Puducherry, Delhi, Sikkim, Uttarakhan. An zavai hian 2010 – 2011 session atan function tan tura tih an ni a. Hmun/building la nei lo an nih pawhin building luah hawhin emaw, NIT remchang thlazar hnuaia lo function ve tura tih an ni (chutiang chu mentor NIT an ti).
NIT chu eng nge?
Kan chhiar tak ang khan National Institute of Technology tihna a ni a. An zavai hian Institute of National Importance an nih vek avang te, India ram chhung leh pawn company te leh zirna in ten an duh bik em avang te hian heng zirna ina zir ve thei nih ringawt pawh hi inchhuanna tham a tling. IIT ang thovin NIT tin hi University dang hnuaia awm lovin Autonomous Institute an ni nghal vek a, UGC hnuaia awm lovin MHRD hnuaiah an awm thung. Tun hma deuh (2002 hmalam) kha chuan REC – Regional Engineering College tih thin an ni a. Kum 2002 atang khan NIT tia thlak niin kawng engkimah IIT el phak tura buatsaih an ni.
A hma aiin funding pawh nasa takin a pung a, company lam pawhin an bawr zual sauh a, infrastructure leh facility hrang hrang nasa takin a thang bawk. REC a nih laia a awmna state-in thu neihna eng emaw chen a lo neih thin chu titawpin engkim central sawrkar kutah a awm ta a ni. IIT tih lohvah chuan India rama Science and Engineering zirna in tha bera ngaih an ni. Chuvangin NIT chhuak nih chu inchhuanpui na tham a tling ani.
NIT te hi administration thuhmuna kaihruai vek an ni a, NIT Act 2007 an tih mai hmanga kaihhruai an ni thin. NIT 9 din thar tur zingah hian North East pawhin 5 kan chang ve a (Sikkim tiamin), Mizoram pawhin 1 kan chang a ni. Heng NIT thar 9 te hi scheme A leh B ah te an then a, scheme A-ho hi Rs vaibelchhe 250-a bul tan tur an ni a, scheme B-ho hian Rs vaibelchhe 300-in bul an tan ve thung ang. Mizoram pawhin scheme A hi kan chang a ni.
NIT-a luh dan :
NIT-a lut turin AIEEE kaltlang a ngai a. AIEEE-a tlingte chuan an tih that dan azirin NIT hrang hrangah seat an dil thin. Hetah hian seat dil dan chi hnih a awm a – (1) Ram pum huapa an tih that dana zirin a ni. Dan naranin 25% hmu phakchinte chu All India Ranking (AIR) ah pawh nuai 1-na chin an ni pha tlangpui. ST tan chuan nuai 1-na ni chungin All India levelah pawh seat tha tak a chan theih. (2) State quota. NIT awm ve lohna state-te tan sawrkar laipuiin NIT hrang hrangah seat a hauhsak thin a. Mizoram pawhin hemi quota hi kum tin 35 vel kan nei ve thin a, a zavai hian NIT vek erawh an ni ngai lem lo. AIEEE exam ring ve tho zirna in tha tak tak dang e.g. BIT-Ranchi leh college leh university hrang hrangah te pawh a tel thin.
NIT CAMPUS :
Central sorkar in a campus leh infrastructure dinna tur Rs.250 crore a pek toh avangin a campus chu State in a tum ve tur ani. Heng zirna in te hian campus an mamawh zauh thei hle a, a tlangpui in acre 500 aia lian leh zim deuh anni tlangpui. Central sawrkarin NIT dinna tur atana an duh dan chuan – (1) Transportation a tha tawk tur a ni (2) Rel station emaw Airport emaw atanga hla lo a ni tur a ni(3) A zau tha tawk tur a ni – Hostel, Academic duilding, sport complex, recreational centre, quarter, etc thawl nuam takin a leng tur a ni.
Kan tarlan takte hi chu a tlangpui chauh a ni. Mizoramin kan neih dawn takah chuan duhthu han sam ve ngawt ila : Sairang/Sihhmui ram bawr vel khu a rem viau ang. Airport atangin a hla lova, Sairang Rel station siam hunah a hnai dawn bawk a, state dang atanga lo zir turte tan a remchang hle dawn a ni. Chu mai ni lovin khawpui ber Aizawl lah chu darkar chanve kal emaw lek a ni bawk a, a remchang zual khawp ang.
Tin IIT Punjab ami an din dawn khan, state dang zirlai te hip khawm nan state sorkar khan laptop te a sem hial ani, a thlawn liau in. hetiang thil sawitur hi a tam tawh a, entirnan, tuna ka zirna National Institute of Technology Warangal bikah hian Andhra state govt hian Andhra state zirlai(ST) bikte chu an mess fee(~Rs 13000p.a) a tumsak vek bawk ani. Tin Manipur state government pawhin an state atanga NIT a zir chinte hi a hranpa liau liau in scholarship angchi a pe (note:ka senior sawi ka hriat) a, vanduaithlak takin mizoram govt cuan a pe ve lemlo.
Mizoram ah pawh NIT lo din dawn takah cuan, NIT tha tak nei tur state govt pawh kawng engkim ah a inhawn angai ang. Anihloh cuan kan rivals tur hnaivai, NIT Silchar leh Agartala te hnungah za lo deuhin kan nui tawi tek mai ang. State pawn zirlai te pawh zirlai quality tha ber ber kan hip khawm theih nan state govt pawh an insenso ngam ve angai ang. A zirlai quality a thatloh a, faculty quality a thatloh cuan kan engineering college neih hmasak ber tur chu NIT sakhming chawi ve rigawt mahse kan dah hmuar palh hlauh dah ange.
STATE tana NIT hlawkna tur:
Kan NIT a lo puitlin meuh chuan zirlai ringawt pawh 2000 chuang lai an awm anga, chung zinga a tam zawk chu hnam dang an ni ngei ngei dawn. An hnen atangin a ram leilung faten sum tam tak kan la lut thei ang. Hei chauh hi ni lovin NIT reng rengah chuan a neitu state-in Undergraduate course (BTech/BArch) atan seat 50% a chang thin a, Mizote tan chu chu hlu tak a ni ang. Amaherawhchu, hetah hian a phur phur seat kan luah ngawt dawn reng reng lo; AIEEE kaltlang zote chauhin heta 50% seat hauhsak hi an chang thei dawn a ni. Chuvangin kan ram ngeia NIT-a 50% seat kan tana hauh lawk diam pawh chu AIEEE kan pass zawh loh chuan kan chang dawng chuang lo ani.
H & TE Entrance Result buatsaihdan thlirletna :
Kumin H&TE buatsaih entrance result pawh nizan dar 1am vel ah chingchivet taka tihchhuah ani tih kan hre theuh awm e. Result buatsaih dan hian sawisel tepawh a hlawh hle a, a tling a te an lawmpuiawm em em a, a tlinglo te tan pawh sawisel tur thu nawi neuh neuh chu a awm mahna. Dik taka thil tih tum anni a, thawkkhat laia kan helh/vei em em thin, officer leh politician faten seat an chang tha/tling bik tih ang thawm chu a reh ta deuh a.
Mase result an buatsaih dan hi a fuh ber em? Zirlai 1500 rual paper endik nan 24 hrs hi a tawk chiah em?. India /khawvel hmun dangah hetiang (khawl/computer evaluation tiamlo in) hi an ti ve tawh reng reng em? Khawl hmanga paper an endikna IIT-JEE , te AIEEE etc…ah te pawh 1months hnuah uluk taka result publish ani a, sawisel pawh a hlawh ngailo lemlo. Keini state entrance ah cuan mihringin an endik a si a, error a tam thei viau mai lo’ng maw?.
Zawhloh nghawngkawl kan bat ani thei mai em? Chung zawng aia mak ka tih chu, Mathematics (engineering) section exam miahlo te pawhin engineering ah tling an awm tlat mai, chutiang bawkin biology lamah pawh ani tho bawk!! Re-evaluate leh chi ani ngeiin kei chuan ka hria, thuneitu te pawhin mahni mawnghlimna lamah ngailo a, an tihsual an pawmngam ka beisei ani.
Kum tluana hah taka ruahsur leh khua chhia pawh sawi theilo a hahtaka entrance exam atana inbuatsaih, a bik takin thingtlang lam kan unaute, zankhua teirek thlenga lehkha zir thinte pawh an tlinglo/tithalo a, chutih laia inbuatsaihna mumal pawh neilo a exam ve tawp, risk ve mai mai(tu’n ka tawng lo inngaihbel lo se) avanga rawn titha tak tak te hian thawkrim te rilru chu a ti na ngei angle!.misual thiante in ngaihdan han thawhkhawm ve teh u.
VL Rosiama
3rdYr B.Tech (Chem. Engg)
National Institute of Technology Warangal,
Andhra Pradesh
{Note: information and data are collected, edited and updated from TECHNICAL EDUCATION LEH MIZORAM
Lalrinthara Pachuau
IITian – Kanpur & Guwahati
Asst. Prof., Dept. of Physics, PUC
Evening post 15-3-2010}
Similar Posts:
- CMC Vellore ah seat inchuh
- State quota a Engineering zir tum te tan
- Zirlai 1588 in technical course seat 239 inchuh dawn
- Technical Entrance Exam leh a kaihhnawih
- Ka thil vei (Thuneitute beng thleng thei hram se ka va ti em!!)
(Y)
April 26th, 2010 at 5:45 am
Tuina kawng rau rauah eizawnna awlsam leh hlawk zawk hi chu khawiah pawh a awm alawm. Developed country ah hlei hlei mi thiam leh skill pawimawh zia chu i hrechiang ang chu. Khang professional skill nei tam avanga developed country ni te pawh ti ila, kan sawisual nang.
Report this comment
April 26th, 2010 at 5:49 am
Skilled labor te chu a ni vek alawm, engineering line tha ber ang zawnga in sawi kha ka rawn fiam mai mai che ania… lo la na duh suh hairehai
Report this comment
April 26th, 2010 at 5:50 am
AIEEE pass chhuak lemlo te pawh NIT-Mizoram bikah chuan lut kan awm leh nuk lawng maw?
Kan state qouta 50% hi MZP leh MSU etc ten 70% velah tihsan tumin an nuar leh duh mai a ngem?
Report this comment
April 26th, 2010 at 6:02 am
mizo tling manglo faculty nei ang u kan ti pawh ani lo, mizo tling pha awm ve hram se tih lam ani. Vai qualification nei ve tihtlak loh tak tak an tam si a, hetiang ang hi an lo lut teuh ang tih a hlauhawm mange. Tui sem pawl dept a an hotupa vai te hi a dept a thawk leh sorkar ngei pawhin an manganpui anih hi.
Report this comment
April 26th, 2010 at 9:43 am
MZP angzawng kha cuan a pawngnek chi hauh lo ang, chutiang lama hma lak ai chuan mizo zirlai ten qualify thei tura an inbuatsaih mai a finthlak zawk…
@H.V
i diklo hranlo, mimal in a tum phwt cuan khwiah pawh zirse hlawhtlinna chu a chan ngei ang. Engg leh technical lam zirnan chuan IIT, NIT, BITS a zirlai te ho hichuan local(state govt) college naran tamtak ai hichuan opportunity an nei tha zawk tihna ani e…
Report this comment
April 26th, 2010 at 10:34 am
A bengvar thlak hle mai.IITchu a tha thlawt a,NIT a luh pawh thil awlai lo tak a ni.
Pawimawh ber erawh chu a zirtu hi a ni thung.
Report this comment
April 26th, 2010 at 11:31 am
Technical a changkang ram apiang hi, ram changkang an ni mai, entir nan Japan, Korea, US te… technical lam ah hmahruai tur an nia. Tamil Nadu ah pawh engineering college u500 chuang an nei, factories an tam hle- hyundai, ford, nissan, nokia, motorola etc… hna a tam phah, mipui nun dan pawh a changkan phah…. sumdawng na lam ah pawh an changkang, technical education hi chu thil pawimawh tak a ni.
Report this comment
April 26th, 2010 at 1:19 pm
funny-a pawh hi zawt chiang rawh u. Hmanah funny anih hma a comment hi hmanni chu ka chhiar nawn leh la. Khapa kha khawnge mawn leh a awm tak ka tia, funny a hi a lo nia.
A nawlpui hian IIT, IISc, IIM ho hi a hming hrim2 tal chu kan hre khawp mai.
REC ni thing NIT te kan hre cho tan ve a. IIIT Hyd, IIIT Bangalore, IsqrIT Pune te pawh han hre hlawm ang (a hming tal chu).
A dang TIFR, Indian Institute of Statistics, Indian School of Mines (ISM) Dhanbad, CMI Chennai, IMSc Chennai, HRI Allahabad, IISER (Pune, Kol, Mohali, Kochi), tin Social Science lamah TISS Mumbai etc.. te hi mipui mimir te hian kan lo hre lo khawpin ka hria. Keipawh funny comment atanga ka hriat chauh a ni
funny-a hian NLUP post anga sei hetiang research center leh zirna hmuntha ho hi rawn ziak se ka ti khawp mai.
Report this comment
April 26th, 2010 at 6:50 pm
Post a bengvarthlak rualin Comment pawh a theuneu lo khawp mai.Hetiang chhiar hi a nuam thin e.
Report this comment
April 27th, 2010 at 9:35 am
@master shifu, nimin ka misual lai khan he post i ka lo hmu miah lova… In ziah that thruai thruai nen. Very very Good Post ti ve tawp mai ang.
Report this comment
April 27th, 2010 at 9:52 am
ka article post vwi khat na a comment tute leh hlut tute zwng zwng chungah lawmthu ka sawi e
Report this comment
April 27th, 2010 at 12:38 pm
Master Shifu i ti tha e. Han post leh xel teh tiang lampang hi.
Report this comment
April 27th, 2010 at 1:10 pm
NIT,IIT Faculty tur chuan M.tech emaw Ph.d degree leh teaching experience an mamawh thin tlangpui.NIT nei ta poh ni ilang Mizo Faculty ka neih vak a rinawm loh.Tin NIT,IIT faculty te hi an hlawh pawh a tha,accommodation an hmuh mai bakah Side Income a tam – Consultancy leh Industrial Projects atangin.Chuvangin engineer zirlai Mizorama thawk duh bawk nih si chuan M.tech vel tal chu zir thleng peih a chi ngawt ang.A chhan chu faculty ah pawh hian reservations ST/SC a awm mai bakah NE ah hi chuan applicants an tam vak arin awm loh.
Tin NIT lo din ta pawh nise Master Shifu sawi ang khan Mizo ang zawnga pawng nek vak chi ani lo ang.State dang atanga students an lo kal tam loh chuan competitive spirit a awm dawn loh bakah a National Institute anih na a bo vek ang.
Thil pakhat leh.Central Institute anih na angin MZP hi chu engti kawng mahin inrawlh lo se kan thatpui zawk ang.
Report this comment
April 27th, 2010 at 1:17 pm
Luhtheihna ticket neih a poimoh chutih rualin a zirtu in a zir phot chuan NIT hi IIT aiin a lem chuang lo. IIT chhuak zz an thra vek kher lo ang bawkin NIT ami hi an chhe zawk vek lo tih hi ka pawm dan ani kei misual hian
Report this comment
April 27th, 2010 at 11:32 pm
thu leh hla azirin kan nihna tarlan tel a tul hun a awm chawk.
Report this comment
April 27th, 2010 at 11:41 pm
Mizoram NIT chungchang kha hre chak kan lo awm takin :
Tun session July 2010 hian function ve tur. (1) Comp Sc (2) Electrical (3)Electronics awm dawn. Seat 30 theuh i.e. 90 total. Pu Lianchungnunga bldg. (Chaltlang) luah hawh phawt tur.
NIT Nagpur-in min rawn bial anga, faculty pawh anni lam atang vekin.
NIT ram tur pawh samlukhai ramah an va enchhin tawh. 150 acre vel. duh ai chuan a kilkhawr deuh.
Report this comment
April 27th, 2010 at 11:48 pm
IISER – Indian Inst. of Sc. Edu. & Research hi tunah 5 awm mek. Pune -ah hian coaching lama ka student thin C.Laltlanzuala a awm mek. tunah pawh an cls ah ti the ber pawl a la ni.
Master shifu hi massi laia a lenna a hla khawp mai. 2007-2008 Zuala te nen ZET-a kan student tho a ni e (a thiam thei ltk, zamuana erawh a ngam lo.
Siama, ZET community kha lo buaipui chhunzawm teh u. kumin pawh hi NITian tur All india seat ah 3/4 vel chu kan rawn tirh leh hmel.
Report this comment
April 28th, 2010 at 12:04 am
Freaky: IIT hi India ah BTech/BE ah a tha ber tih ka hria e, IITian tih an helh nachhan hi i hrelo anilo maw..????
Genreral Science ah hian IIT hi India ah a thaber hauhlo, bakah engineering ah pawh bachelor(BTech/BE) ah bak a tha berlo.. heng a hmingthatna chhawr phak khawp ni bawsilo mahse a hmingthatna changchawia chapo hi an helh ber ani maithei………. endless period….
Tin, Freaky IITian awmzia ka hriatloh vang nilova maw… ka sawi zawm peihlo… i duh chuan min rawn chhang zui zel ta che…
Report this comment
April 28th, 2010 at 12:27 am
black hole-a formula derive vel tekha mizo zingah hian kan awm em aw.. lol
lar chhuah puina tham ani turah kalo ngai deuha… Prof. Hawking ate pawhin an lar pui anih chuan… LOL..LOL..LOL..LOL….
Report this comment
April 28th, 2010 at 12:29 am
General Sc. atan IIT hi khawvel pumah pawh 68-naah an thlan tawh kha maw…IIT chhuak chuan a duh leh IITian a inti ang chu; Gen. Sc a nih leh Engg a nih lam a ni lo. I sawi phak a nih loh hmel e
Report this comment
April 28th, 2010 at 12:32 am
awm e. CL XII ka nih laiin 2 ka derive. larpui lem lo. blackhole formula derive larpui lo scientist sang chuang an awm. pakhat zawk kha chu 1780 fel french mathematician pakhatin a lo tih tawh hnu tih a hnuah ka hre le. pakhat chu dimensionally in a dik lo
Report this comment
April 28th, 2010 at 12:32 am
hawkinga hmingte i lo hre ve a ni maw?
Report this comment
April 28th, 2010 at 12:48 am
FReaky iva lo thiam awmve a keichu ka thiam ve hleinem.. Hawkiing hi a hming chiah ka hria engmah ka hre chianglo.. IIT chu ava lo tha awmve a, a that viau na pawh kalo hre ve hleinem IIT chhuak hi thian ka nei ve nual a, an in chhuan vak na pawh ka hrelove…
Class XII a black hohe formula 2 lai derive thei chu khawvel tan pawh chhuan tlak anih chu… hawking tepawhin an lar pui chu ilo larpui velo chu ka va han khawngaih che ve… lo larpui tawh rawh. LOL…LOL…LOL
Report this comment
April 28th, 2010 at 12:50 am
@Freaky …deuh dawt dawt che u chuan!! Ha ha ha.. Stephen William Hawking a tu leh fa te in chhan nan chuan a mawi em em lo a ang ka ti … Funny tak hi chu …ka va’n nui hnem ropui ve le(h)!
NOI
Report this comment
April 28th, 2010 at 12:53 am
lrlawma: High energy physics a research ti hi thian ka nei treuh.. mahse formula derive tihvelah chuan an inchhuanglo hlawm khawpmai.
Report this comment
April 28th, 2010 at 1:00 am
Freaky ang hi Mizo zingah an lo awm reng ani maw…
uuuiiiiiiiiii haaaaaaaaaaaaaa………….. a bonn ka ti ova…
Black Hole formula a derive a, pakhat chu mi tih tawh hnu.. pakhat dimensionally in a diklo… !!!!!!
hetiang kan lo nei tih hi hmaaaaann hmaaaaaaaaan-ah lo hria ila tha tur.
btw Funny, Hawking hi engatinge ilo hriat ve ringawt a??? Freaky Pu anih kha… ilo hriat ve a phal bawk lauu..
Report this comment
April 28th, 2010 at 1:20 am
Va nuam reuh e…tak2 chuan thu leh hla chhuak azirin nihna tarlan hun a awm ka tih kha. Science lamah hia article 45 vel ka chhuah tawh a, 10 velah chuan ka zirlaia ka ziahah tiamin degree ka dah, a tulnain min urthlu miau a. chapo lam a ni lo.
IITian tih vel te chu..ho lutuk..i nick a funny bawk a, funny deuhin naupang hmuiah chithlum kan tat hlak a nih kha.
aizawl lo chho la, kan la inkawm dawn nia, ka kawm duh chi tak i ni dawnin ka hria…ka atpui ka tawng leh ta…
Report this comment
April 28th, 2010 at 1:33 am
#freaky
in ti ti a sang lutuk a, kan hre pha ve hlei nem! Ka ang hau in in comment kan lo nghak a nia. Han in phawrh zel teh maw, a bengvar thlak e mai….!
Report this comment
April 28th, 2010 at 1:35 am
Mizoram entrance pawh answer sheet endik leh dawn. YMA, MZP, MSU, MHIP, MUP…aiawh pakhat theuh an tel dawn. H & T tan chuan thil zahthlak tawpkhawk niin ka hria, Dept. pawn lam mi tana inrawlh a tul ta mai hian mipuiin Dept. kan rin lohzia a tilang chiang.
MZP pawhin Edu. minister bang turin an ti bawk si. tunlai chu aizawl titi ber a ni, Hawkinga tiam lohvin…lol..lol..lol
Mut a chhuak riau mai. Zan dangah kan ti leh dawn nia
Thiahsuk
Report this comment
April 28th, 2010 at 1:40 am
He lam chu in boruak ava sang ve le…Mercury Rising!
In bengdai ru…….
Dr. ho nuih kan ti za palh ange. :lol:
IITK-ah hian kan thianpa(RIP) M.Tech 1994 khan GATE thru in a zir a, a ni pawh khan formula ropui deuh a hmuchhuak a ni awm a, mahse a lar pui lem lo a ni awm e. Khawi journalah mah a lang bawk si lo a. Freaky pawh hi ka thiam lo bik chuang lo, a formula hmuhchhuah kha Journal engberah emaw han chuang kalh se a tha mai tur!
Stephen Hawking hi a lehkhabu ‘A Brief History of Time’ kha 1990 kum khan ka lei ve a! A ngaihnawm em avang leh Quantum Theory ropui lutuk mipui nawlpui chhiar theih a a ziak kha a ropui ka ti lutuk.
Kha tihlai a mizo writer pakhat chu mizo tawnga review/translate turin ka pe a, a hriatthiam phak loh thuin min chhang ta daih a (Chanchinbu hmangin). Freaky chu hnathawh tur hmabakin a hmuak che a nih chu aw!
Large Hadron Collider (LHC) Machine hi an siam tan tirh atang khan ka lo ngaihven ve em em a, A khawl a han chhiat lailawkte khan pawi ka lo ti ve em em a! A hlawhtling ta cheng a kan mizo physicists ho hian in rawn highlight tha duh mang lo nen. Black-hole kha LHC Machine atang hian a insaim thei ang em? Misualho hian kan hre chak viau a nia.
Report this comment
April 28th, 2010 at 1:50 am
#79 : he link hi lo chhiar teh
https://misual.life/wp-admin.....38;apage=3
Report this comment
April 28th, 2010 at 1:53 am
Kan thu khel lai hi a nuihzatthlak e…
Remsangpuia kha em ni?kha pa kha a thiam turu ltk, ka ngaisamh khawp mai.
Nia engtin nge Funny hian ka thil tih sawi lan tlak loh te kha a lo hriat teh tlat chu le? ka fan te zinga mi ni turah ka ngai teh ngawt a…lol..lol.
Nia a pakhat zawk phei kha chu tlat 9 vel leka derive theih a nia, BSc kan zir khan col. ah ka endik turin ka thehlut a, kan prof. ten kan hriat zawng a va ni love an lo ti a…ho e mai hetiang mai2 sawi chhuah a zahthlak e.
LHC chu Mizoram Science Journal ah a chhiat hma khan ka ziak tawh. in chhiar peih zawng a nih chuan ka la rawn post dawn nia.
Report this comment
April 28th, 2010 at 1:57 am
Freaky hi mi na mai mai i ni lo tawp mai, i comment nghak in kan kan kan lo ang hau mai,…! Thil thar kan hriat belh zel a nia,…han sawi tha law law teh. Kei ni ho chu a ruh lang rawt a in sawi loh chuan, kan bo hu thin a….! Han chhunzawm zel teh maw…
Report this comment
April 28th, 2010 at 2:08 am
zan dar 2 velah kan la inbawl phuan buah dawn ni maw? phai awm lai chuan nuam ve reuh em alawm…
Remsangpuia khan traffic control tih lam hawiin formula/theory a hmuchhuak a, a thihsan leh ta mai si a. Ka hriatsual loh chuan a hnu rei lo teah German lamah khatiang deuh chiah kha an hmu chhuak ve leh an ti…
Report this comment
April 28th, 2010 at 2:12 am
#lushai_er ###
Primordial blackhole an tih bik kha chu a insiam theihna chance a awm, mahse Scientist ten ngaihmawh tham lohvah an ngai. A insiam pawhin Hawking radiation danin eng pawi mah khawih hman lovin a thamral nghal vek ang – quantum fluctation vangin (a dik famkim chiah lo naa).
Report this comment
April 28th, 2010 at 2:13 am
:roll:
Report this comment
April 28th, 2010 at 2:19 am
Jaspi: hairehai :lol:
black hole lam hi PRL paper pawh ka nei nual duh duhin ka en thei. mizoram lam chuan an access ve theilo. lol
Report this comment
April 28th, 2010 at 2:20 am
formula hmuhchhuah hi atam tawh lutuk a, IEEE paw’n poisa dahkham lo chu an en peih tawhlo …. hehehehe
a phur na zawng ziah ve ngawt chi pawh ni tawh meuhlo, mahni formula hmuhchhuahah a chawi belh treuh theih. hmuchhuak ve lo hian ngaiawh ah ka in ngai mai
Report this comment
April 28th, 2010 at 2:23 am
hairehai: ka tlawm e keichu eng formula mah kala derive velo bawka…
Report this comment
April 28th, 2010 at 2:28 am
comment a pui miah2 hlawm khawp mai.
NIT Mizoram atanga bul tanin a tawp lam chu LHC leh quantum physics in kan khar dawn anih hmel hle mai..lol
Report this comment
April 28th, 2010 at 2:56 am
Freaky #79:in article vang te anilo maw.. in thil ziah hian awmzia a nei thui viau aniang a, in thi tha hlemai.. hetiang lam hi han ti zel teh u. an answer paper check dan in rawn sawichhuah vel vang tepawh nimaithei. in article hi ka appreciate takzet.
H&T tan chuan ava mualpho thlak tak ve mawle.. hetiang hian sawrkar te politiciante thil tih diklo hi kan react ngam zel a pawimawh ani.
Report this comment
April 28th, 2010 at 8:15 am
article ziah vang chu ni love. kha te chu March thla laihawla chhuak daih tawh alawm, master shifu khan hemi a post tur atan a duh lai a lo edit a.
nimin khan aizawl post ah result dik lo chungchangah article ziak leh tho.
an computer hmanah khan virus a awm a ni awm e.
chuan hetiang thil pawimawhah data entry software tha a tam tawh nen, excel an hmang bawk.
#funny, Blackhole PRL paper chu IIT awm lai khan kan access theih laiin ka download teuh ka ngah mai. Tin, ka special paper a ni bawk.
Report this comment
April 29th, 2010 at 11:25 am
@jaspi ajinomoto i hmang tel ami?? Saum & soda chauh i hmang lo amo ni le..
Report this comment
May 3rd, 2010 at 3:16 am
“NIT in mizoram” han tih dek2 poh hian keini ang engineer line a kal tan chuan thil lomom top khok a ni a chu vang chuan he NIT hi mizoramah din a nih thuai theih nan kan finna te hi i som khop ang u
MZ Fanchun IT student
Report this comment
May 3rd, 2010 at 3:46 am
@mzfanchun: khawiah nge i zir a…eng yr nge?
Report this comment
May 3rd, 2010 at 9:39 am
NIT Mizoram ah engineering branch zingah ro2 ah pawh tunlai job market a demand nei sang ber2.,CS, Electronics, leh Electrical te in bul kan tan dawn ani a. 1st batch nih pawh a fuh dawn hmel khawp mai
Report this comment
December 13th, 2011 at 1:45 pm
Golf Training Exercises…
[…]National Institute of Technology,Mizoram leh Technical Entrance Exam | mi(sual).com[…]…
Report this comment
January 1st, 2012 at 9:52 pm
CRM software…
[…]National Institute of Technology,Mizoram leh Technical Entrance Exam | mi(sual).com[…]…
Report this comment