Mi thuziak thiam tak tak te, lehkha zir sang, chhiar zau leh hawi zau tak tak tih hriat tak tak ten Mizo leh hnamdang (a bikin vai) inneih pawlh chungchang a an ngaihdan, duhdan leh thlirdan te thiamtakin an ziak a, ka lo chhiar ve thin a, a ngaihnawmin a bengvar thlak thei khawp mai.
A bikin Mi(sual) a an rawn chhawpchhuah phei hi chu a ngaihnawm zual emaw tih tur a ni a, an comment na mawlh hi a ngaihnawm thin in ka hria. Mihring hrang, ngaihtuahna hrang, thlirdan hrang leh ngaihdan hrang theuh nei ta na na na chu kan comment dan pawh in kalh nawk tawk lah tam a, chulai tak chu a ngaihnawmna lai ber te pawh chu a ni mahna. Tun tum pawh hian Mizo te leh vai ho chhungchang tlem a zawng rawn sawi ve ka duh a, kan ngaihdan leh kan duhdan, kan inhuam dan chenin a in ang leh dawn lo tih chu chiangsa a ni.
Hmani chu Aizawl a vaipa in Mizo naupang kum tlinglo a pawngsual kha remchangah la in, vai hi awmlo vek mahse a pawilo tih lamin thu kan chhepchuak ve a, mahse ka Mizo pui tamtak ngaihdan a ni ta tlat lo mai. Kan Mizo zinga lehkha zir sang ve tak pakhat phei chuan vai an awm loh ten Mizoramah tam a tla anga, enge kan ei tak ang, kan tam mai dawn a sin, tih lam pang thuin mawihnai takin min rawn chhang a, a thlirna leh a ngaihtuahna chuan dik khawp mai.
Central sawrkar sum hmanga chawm kan ni tih te, vai buhfai etc etc ei kan nih zia chu hre mah ila, kei zawng ka tawmpui tlat lo. Hmanlai kan pi pute khan vai buhfai an rin ka hre lova, vai buhfai etc an rin loh avanga tam a tlak avang a an thih vek thu hriat a hnekin, tun thleng hian an mahni zarah, an thlah Zofa te kan la dam a, kan la inthlah pungin kan la dam zel dawn a ni tih chu kan chiang theuh awm e.
Mizo te hi kan thlahtu te, kan pi pu te atanga hnam taima, vai sum leh pai tel lo a dam thei, mahni ei leh bar tur chu thawk chhuak thei kan nih zia nasa leh zual a kan in zir tir a, kan infuih tawn nasat a ngai in ka hria. Vai rahbeh ang mai a inngai kan awm hi chu a pawi kawp mai, Chuvang chuan vai rahbeh, vai tellova awm thei lova inngai chuan an duh leh lo in ngai zel sela, hetiang mi hi chu mi dawizep leh thatchhiaah ka ngai nghet tlat. Vai hi chu awm lo vek mahsela Pathian zarah kei zawng ‘Mizo ka ni, ka tâm lovang’.
