- Lalpianfela Chawngthu
England ramah khuan football hi an ngaisang khawp mai a, an football association-te pawh khu hming hran vuah teh duah lova The Football Association ti tawp duh ngat, football inti neitu em em mai ram an ni a. Vawikhat chu Guwahati atangin Delhi lam panin Rajdhani relah kan chuang a, New Jaipalguri atang khuan London khua, amah chu Indian, mahse an pi leh pute atanga England rama cheng, vai tawng pawh thiam tawh chuang lo hi a lo chuang ve a.
Amah chu Arsenal fan ruhkawl hi alo ni reng a, England ram chungchang politics thlengin kan ti ti pui ve luam a. Chu pa, zu duh ve hmel tak mai nen chuan football kan sawi thleng ta a, Manchester United tih kan sawi dek dek a, phawk zet mai hian an meng vel a.”Eng maw i sawi kha?” tiin min han zawt nawn a, “A! Manchester United a ni ka tih ni” kan tih chuan a hnap an hnit der vel, an hahchhiau der vel thuai thuai a. Chuti khawpa Arsenal fan ruh chu a ni a, an elpui ber Manchester United hming han sawi ngawt pawhin chuti khawp chuan an deu sawh vel a ni a. Football an atchilh nasat tur zia chu suangtuah zui tham tak a ni awm e.
Chuti khawpa Football atchilhna ramah chuan John Terry chu an National Team Captain a ni a, an Idol a nih loh pawhin an Icon chu a ni chiang khawp ang. Mahse John Terry-a chu a thianpa bialnu hlui nen, nupui nei reng chunga mipat hmeichhiatna an lo hman avangin England chuan an ram football team captain a nihna an hlihsakin a aiah Rio Ferdinand an ruat ta a nih kha. Tunlai hian American Idol an thlang leh mek a, Star World lamah kan en thin ang.
Nikum khan a tawpah Kris Allen-a leh Adam Lambert-a te kha an inel a, mipuiin vote hmangin an idol an thlang ta, Adam-a kha a aw a sang tliang nalh a, a zaithiam hle mai a. Tin, American thalaite duh zawng tak Rock hla a sa bawk. Mahse mipa leh hmeichhe ngaizawng kawp thei a ni tlat. Chutihlaiin Kris-a thung chu zaithiam ve tak Pop leh country lam sa a ni mah zawk a; nupui nei tawh nungchang tha tak a ni. Atawpah chuan America mipuite chuan an idol atan Kris Allen an thlang ta.
America leh England ramte khuan, mawngkawhurna te, mipa leh mipa inngaihzawnte, hmeichhia leh hmeichhia inneih mai mai te, uirena te hi an lo la pawm zam em em hran lo tih a hriat theih a, tunlai nazawng hi an lo ngaisang bik lem lo, an idol ni meuh tur chuan an lo la duhtui khawp mai tih i hre thar leh ang u. An tihdan lo la-chhawng ve pawp pawp lovin,chik takin an nunzia i zir chiang ang u.
Tin, tun ningani tuka internet lam kan keu chuan, Yahoo news-a thu lo inziak chu America khu khawvela hnam thatchhe ber, Internet, Computer leh TV hmaa hun hman chin tawk hre lo, hun khawhral nasa ber ram an ni tih a lo inziak kulh mai. An tihdan khu entawn kher tum lo la, a tha lai kan hria a nih erawh chuan zawm ve mai ila. Mizo takin kan taimakna leh, Tlawmngaihna te hi vawng nung mai ang u.
Mizo tak zelin aw.
Similar Posts:
- EPL table
- European league hrang hrang a champion te
- Premier League Football update (ve mai mai)
- Real Madrid in ManUtd striker “Own Goal-a” lei tum!
- Kan nghahleh chu hei le!
:-D
April 28th, 2010 at 1:17 pm
hnam thatchhe ber mahs ck fu si anni mawh!
Report this comment
April 28th, 2010 at 1:21 pm
A have ten have n0t te hmuhsit l0htur titupa lo zukni renga,khawnge iawm tak mr.Piante.Haha
Report this comment
April 28th, 2010 at 1:45 pm
A lo nih tak hi, hmeichhe chhiar awm tak a ni…
Report this comment
April 28th, 2010 at 1:56 pm
Thil reng rengah hian..i han ti teh ang, a pawng a paw taka ngaihdan tlanglawn leh huamzau siam ngawt hi a tha ber lo duh khawp mai a, a that lohna chhan pawh, kan tihsual chawk duh vang a ni.
Americans, hnam thatchhe ber tih yahoonews atanga i hmuh vang ngawta hnam thatchhe bera i ngai nghal ngawt a nih chuan, i tisual palh ang tih ka hlauhpui khawp mai che.
Report this comment
April 28th, 2010 at 2:25 pm
Tv hi chu mitinin kan mamawh ni a lang,ni der si lo.kan hunawl neih ve chhunte-min ruksak vektu a ni tih hre mah ila ka en leh nge nge thin.
Report this comment
April 28th, 2010 at 2:43 pm
TV..hi time pass atan atha khawp mai.
Report this comment
April 28th, 2010 at 3:15 pm
London a awm ve meuh Rajdhani a han chuan chu, a sum tlachham tawh lampang i tawng anih hmel
Report this comment
April 28th, 2010 at 3:39 pm
@Pianfela, i ziak ngaihnawm hle mai. Tehkhin thu thalai hip tur zawng i rawn hmang fuhin i tumah i pet goal nalh tlat. mahse,”…taimakna leh, Tlawmngaihna…” LEH dawt chiaha comma awm hi ka helh deuh.
A ni lah taka, a nuam lai leh nalh lai ngawt kan entawna ,an thawhrimna kan hmuh hmaih leh tlat thin si.
@coolsoul, chhhiar chiang deuh hlek teh, Yahoo-a hmuh vanga American ho hnam thatchhia a tihna ni lovin, a inziah thu a rawn sawi mai niin ka hria.
Report this comment
April 28th, 2010 at 3:48 pm
Inter Department football Tournament kan khel zo chiah, huiha ka chau lutuk, nakin a chhiar ah dah phawts ang.
Report this comment
April 28th, 2010 at 4:34 pm
I chuanpuipa chuan chelsea pawh a tran chuang lo ang a.
Report this comment
April 28th, 2010 at 5:18 pm
A engapawh chu lo ni se, manchester utd emaw liverpul emaw tih vel fan nilova Arsenal fan ber kher i thut pui chuan kan khawvel ah hian thil tha ala awm tih a ti lang in ka hria :lol:
Report this comment
April 28th, 2010 at 5:25 pm
Saitawk: awi awi awi. I pet goal hnem em? Goal A a tam em. lolzzz
Report this comment
April 28th, 2010 at 5:34 pm
Thutpui ve ila chuan a uak tuar tuar dawn a nih chu. Chelsea chungchang ka han sawipui anga, an chhiatna lam hmuh hmaihin an thatna lam hlir ka sawipui awm sia. Idol/icon thuhla ah chuan kan value system in min guide dan a zir a ni.
Report this comment
April 28th, 2010 at 5:34 pm
Internet hma a trhut poh peih lo hi an awm ve tho ang em le?
Report this comment
April 28th, 2010 at 5:34 pm
Long live chelsea!!Football ka atchilh lem lo,game hmuh nawm tak a ni!Chelsea khelh zan phei hi chuan!!!
Report this comment
April 28th, 2010 at 5:40 pm
@funny : First half ah ka keeper a, ka kapkar ah vawikhat a lut!
Kapkar ven hi a hmei apa hian kan harsat a ni tih ka hriatchhuah phah! Second half ah erawh chuan Bawng kawlh thlun phelh ang pur pur ka ni! :lol:
Report this comment
April 28th, 2010 at 8:20 pm
Have leh have not sawi tu pa hian aizawl khawi maw laiah Physics a zirtir tlauh tlauh mai,ngaihven tlak tak tak pawh a ni tawh lo ve! Aizawlah hian Korean emaw inti tlat, MTv a mi emaw inti tlat, Star Plus serial film a chang ve tur emaw tih tur an tam mai. Kan hnam hian globalisation hi incheinaah chauh copy lovin, kan value system thleng thlak phah ve thung i la.
Report this comment
April 28th, 2010 at 9:00 pm
Fans nih dan an thiam ah ngai ila. Kei pek football tui em em lem locin Man U tran ho leh Alex-a ka ngei vangin Chelsea ka lo tran ve ringawt, mahse match erawh ka en fo lem lo result hriat hi ka lungawi khoops.
US ka awm lai mek ania mi thatchhiat hmel ka hmu lo mi reng reng hi an ni hah mai, an kal vawk vawk an hmanhmawh hlawm hle. mobile phone bia a kal phei chu ka hmu tam lo. An uar erawh kal paha thil ei hi ani thung. Chutiangin motor chhungah pawh an ei tho.
Yahoo hian a rating fuh loh ka va ring deuh em. Awmpui nei lo chhungkua 100 million chuang an awm, motor hi a tam hle Car ringawt hi 500 million chu a awm ngei ka ring an population hi 350 million vel anih lai hian.
Hnathawk turin 7am velah an chhuak sung sung mai, mahse kum 2 te thawka hna bansan kum khat awm awl paha zin kual an sum an hman zawhah hnadang an zawng leh mai.
Average in kartin 40 hrs vel hna an thawk. an hnathawk hi rim tak an ni. Office lina ve takah nimin ka kal, peon an nei lo Front Desk (reception) ami khan ka mi hmuh duh kha a ko thla. An Head of Dept ani, ani khan a roomah min hruai chho min thlah leh thlap. Heta front desk mai hian visitor zz min manage vek bakah document despatch tur zz a printerah a in print anih envelope ah a khung. Meil zz a lo dawng bawk. Mi pakhat 40 hrs per week hetiang rim taka thawk tur chuan keini ramah ti ve dawn ila visitor pawh kan be duh dawn em ni.
He hmunah hian an hotu ber lo chuan Secretary hran zuk nei miah lova. Peon an awm lo, a building hi chhawng 5 ani a lian hle thawktu pawh an tam khoops.
Report this comment
April 29th, 2010 at 3:13 am
e khai i ngaiawm khawpmai ..nia i chanxhite kalo hria a i titha khawpmai kha….tennis lamte ilatui zel em hahahah
Report this comment
April 29th, 2010 at 3:16 am
chanchin…
Report this comment