ADA chung chang hi chanchin bu hrang hrang ah leh website hrang hrang ah ka lo chhiar ve thin a fakselna a tam khawp mai. ADA hnathawh dan leh Mizo mipui ina an tawrh dan vel ka rawn sawi dawn lo a, Architect kal hmang mipuiin a kan hriat theih nan ka rawn ziak dawn a ni. He ka ziah atang hian ADA chungchang emaw, Architect hlawh emaw kan in hnial na fo hi kan chhut nawn theih ngei a beiseiawm.
Architect hi Mizo rilru ah chuan IN sa tu emaw, IN design tu ah kan ngai tawp a eng kim hi architect duan vek ah kan ngai a ni. Dikna chen pawh a awm mahse hei hi a kal hmang kan hriat loh vang leh hre tur a in hrilhhriatna a tam loh vang pawh a ni e.
Miin in a sa duh a architect a ruai ta a ni, architect chuan civil engineer nen thawk hoin a ram an teh ta a, chumi zawh ah tlang ram anih chuan a ram leilung awih dan te a lei lung awm dan te an chhut chhuak vek a chu chu Survey and Levelling an ti a ni. Hei hi paper ah fel fai tak in an draw ta a chu chu architect chuan a zir chiang ta a chu chu Site Analysis a ni.
He a zir chianna ah hian kha ram (hmun) ah khan ruahtui kum khat chhunga a tlak dan, a average temperature- (summer leh winter) ni pui, thlasik leh thal lai a thli tleh dan(wind direction), Sun path- kha ram ah khan ni a hmuh hun leh a tlak na hmun te, desirable view, soil type, linkages- kha ram a kha eng kawng in nge a pawh tih te, a ram leh a chehvela thil dang awm pawh a zir chiang ta vek a .
He site analysis a zawh hnu hian a building concept (building form) chu a tan ta a. Hetah hian a client te ina an duh dan chu ngaihtuah ran in a design ta a. A concept an zawh hnu chuan a building tur tak chu dimension fel thlap in, space requirement (Standard/AITCE in a duan) building hawi dan zawng(orientation- Site analysis atrang a a zir chhuah), room awm dan/ awmna tur hmun ( hei poh site analysis atranga a zir chhuah) furniture layout fel thlap nen a design tran ta a.
He a design rual hian a client te duh dan chauh a ngaihtuah thei lo a ‘Dan’ a awm ve a chu chu a zawm ngei a ngai ta a chu dan chu Building Bye Laws a ni. He laws ah hian minimum requiments duan a ni a, state thenkhat hian Building Bye Laws hrang hrang an nei ve a amaherawh chu heng laws hian BBL, LDA in a minimum requiments a siam aiin a tam hret zel a ni. Entirnan tlem sawi ila public building a nih chuan entrance atang meter eng zah ah nge step awm tur tih te step san zawng a building a zir in tam tak dan a awm a ni.
I step hnuaiah khan kawngkhar i siam duh ta a chu chu BBL ah chuan 2.1 meter aiin a hniam tur a ni lo (state BBL threnkhat ah chuan 2.2 meter) hei hi kan drawing ah 2 meter lo ti palh ta ni ilang kha drawing zawng zawng kha pawm a ni lo!!) He laws behchhan hian a client a te building tur chu a design a. Tin building a design hian National Building Code of India chu a rawn a ngai bawk a ni. He code ah hian building sak dawn a hmanraw hrang hrang hman dan tur leh hman tur a om a chu chu building tha thei tur ang a thiam ten code an siam sa a ni.
Heng a zawh hnu hian Building service a duang leh tran a he drawing ah hi chuan piping te, electrification te, drainage te, water supply, air conditioning an in panna tur kawng siam dan etc. fel fai takin a draw leh thlap a ni. Entirnan he building service ah hian water supply category ah chuan chhungkaw pakhat a member khat in tui nitin eng zah nge a hman ral tih leh eng zah nge a paih ral tih te a chhut chhuak a hei hian drainage siam dan tur a hril bak ah water tanky len zawng a duang chhuak thei a ni. Tichuan kum 5 chhunga a zir heng laws bak a pawimawh mistiri leh Mizo pa tual chher thiamna in a hriat loh zawng zawng chu a hmangtang kai ta a a design fel ta a ni.
Chu building chu architect in a a duh ang thal a a design tawh hnu ah Structural Engineer hnenah a drawing chu pe in a ni chuan drawing hrang hlak ah detail takin RCC Design a lo ti a chu drawing chu Construction detail a ni.. An ni ho pawh hian Dan an nei ve vek a IS code a om a IS:456, 200, Sp:16 etc tih te a om a chumi behchhan chuan an design ta ni. He drawing ah hian a beam, column, slab chhah zawng, len zawng te, a chak/ngheh dan tur te, a ban awm na tur te lo chhut chhuak vek a.
Hei bak ah hian a rod hman zat tur, cement, balu, rora pawlh dan tur ratio te, eng ang cement, rora, rod etc nge hman tur tih te a ziak ta vek bawk. Tin a beam leh column in thlun zawm dan te, slab leh beam in zawm dan te, column(a ban a) kha eng zah rod ang chi nge an hman tih te etc a STAAD hmanin a chhut chuak ta vek a ni( hei hi vai mistri ho hian an thiam em aw!!). He drawing ah hian chipchiar tak in heng in zawm khawm dan te hi dimension fel thlap in a draw ta vek a. Heng zawng zawng hi an tih fel vek hnu ah chuan Dan in a pawm chuan chu drawing chu sanction a ni ta a ni. Hei bak ah hian Estimation and costing hi an t fel vek a chu mi hnu ah chuan sak tan chauh a ni.
Ruahman fel vek hnu ah a client te hnenah chuan Presentation drawing chu a pe ta a. He presentation drawing ah hian khing construction details, building services zawng zawng kan sawi khi hmuh a ni lo a he drawing ah hi chuan mi naran in a an hriathiam theih turin a building chhung awm dan (plan) room layout, furniture layout leh room dimension length x breadth chauh tarlan a ni. Tin, elevation leh perspective view emaw, 3D view hmuh a ni bawk a ni.(Drawing mai mai kan tih phen ah khian khing step hrang hrang kan sawi zawng zawng khi an a awm a ni)
Heng hi step tam tak zinga thenkhat a ni a heng bak ah hian electric wiring nalh dangdai duh te leh inchhung cheimawi lam duh chuan electrical engineer leh interior designer an ruai leh thin a ni.
Heng hi tual chher thiamna in a tlin lo a, risk lak chi a ni hek lo a ni. Kan chenna in tur a ni a him dam leh nghet tha chu kan duh threuh a chuvang chuan a thiam a leh a hria a te hi ruai ngam i la kan tlin lo nia kan hriat chuan kan tlin tawk thing in emaw in ka sa mai tur a ni.
Tin Schedule of payment chu Council of Architecture website ah a en theih ang. He pay scale hi registered architect chuan a zawm ngei a ngai a ni.
Similar Posts:
- HOSPITAL OPD CHHAWNG BO CHUNG CHANG KHA.
- Mizo Technical Graduates (Architects)
- Civil Hospital OPD floor 3-na estimate ah tel lo
- In sa duh tan(residential building)
- NGO te hian dan/law siam thei turin thu an nei reng em ?
April 29th, 2010 at 8:27 am
A bengvarthlak e.
Para 5-a AITCE tih khi AICTE (All India Council for Technical Education) tihna ni awm tak a ni. (typing mistake a nih hmel :))
Report this comment
April 29th, 2010 at 8:51 am
Heng zawng zawng hi tifel mahse a hmunah min enpui that hman siloh chuan vai mistiri kutah kan innghat leh tho tho a, awmzia a nei thin lo alawm.
Report this comment
April 29th, 2010 at 8:57 am
Tianga an duan vek vek chuan kha Building Inn an sakchhung kha Engeering in a zawhthleng thrak vil thei leh ngebawkse la a rin awm deuh ang. Bengvar thlak khawpmai, ka copy,save hmiahe. Inn sak te kan la duhve dawnsia lolz
Report this comment
April 29th, 2010 at 9:11 am
In ka sak ve tum chuan, ka architech rawih khan a chhak kawngpui atangin a thlir thuak a, a hmun a kal lo in, chuan drawing min pe tawp. Kan sa tan a, engemaw atan rawn ka tum a, a lo kal hman leh hman loh ka zawt a, a lo kal hman si lo a, mistiri ho in kan sa risk tawp. A ruangam chu kan din felve mai.
Khita a ziaktu, Puia khi architech a nih ngei hmel a, lo hre lawk ila chu, ka insakah khan ka va ruai chak em.
Report this comment
April 29th, 2010 at 9:23 am
A va bengvar thlak dep dep ve.
Report this comment
April 29th, 2010 at 9:32 am
“chuvang chuan a thiam a leh a hria a te hi ruai ngam i la kan tlin lo nia kan hriat chuan kan tlin tawk thing in emaw in ka sa mai tur a ni.”
@- Puia
Thing a insak poh hian architech ilo(etc.) rawih te chu a tha ve tho long mo?? te ka tia…
Nge ni, zir sang veau hlom sia thing in chu an khawih peih meuh lo!!
Report this comment
April 29th, 2010 at 9:41 am
Bengvarthlak hle tak mai a…
Kan naupan zual deuh lai kha chuan ‘An hausa sin, an in pawh building in’ kan ti ve lauh lauh zel kha ania
Puia, Mizo insak tam zawkah hian hmun laili deuh laiah ban lianpui a awm run zel a, hei hi a dan tur ve reng nge min han hrilh chiang deuh teh aw
Report this comment
April 29th, 2010 at 9:55 am
@DX pac. khan Japanese tawngin rawn translate teh se…lol
Report this comment
April 29th, 2010 at 10:35 am
ADA paltlang hi a har
Khampanga sak turin RCC an rekawmen zui bawk :lol:
Report this comment
April 29th, 2010 at 10:37 am
Mizo pa rilru puakchhuak ngei in han sak tawp mai hi a tlo duh hmel bem bem viau nain a hnawk sak run duh khawp mai….
Architech teho pawh hian midang tana malsawmna nih duhna rilru pu thei hram se…
Report this comment
April 29th, 2010 at 10:42 am
@Puia : STAAD chauh khi em ni Mizoramah an hman a? STRUDDP/L, SAP, MAIDAS etc., a tam si a State-of-the Art SW chu a tam si a!
Report this comment
April 29th, 2010 at 11:41 am
ADA chungchang hi a kalphung leh an hnathawh dan tur duan chu a tha e. A kalphung tur ang tak hi chuan thawk ta ila kan khawpui pawh a mawiin a nuam ang a, kan insak dan pawh a inang tlang put put tawh ang, model city a ni ngawt tawh ang.Mahse ziah ngawt hi a ni lo,a kenkawh dan hi a ni zawk.an thawh tum dan chu a tha alawm,mahse… a awm tlat. biak thiam a zir an nih hmel ka ti deuh mai mai…..
Report this comment
April 29th, 2010 at 11:51 am
Puia nge nge, a bengvarthlak thin mang e.
@ Razor : Aku na ma ta ta ni chiwa ka buhtun su bua??
Report this comment
April 29th, 2010 at 12:21 pm
Mahni chenna tur in sa thei dinhmuna ka din ve hunah chuan Puia hi hriat ka tum ang.
Report this comment
April 29th, 2010 at 1:01 pm
a lomomin a bengvarthlak e. ADA eroh an tenom zui zel e.
Report this comment
April 29th, 2010 at 1:36 pm
khitiang i rawn sawi zawng2 khi a kalhmang tur chu a ni ngei anga…mahse kan architect te hian an zawm ngut ange maw chu ka ti ve mai2……..Lalrihema sawi ang deuh khi a tam viau lo maw……in sak hi chu nie fimkhur angai a ni..
Report this comment
April 29th, 2010 at 1:57 pm
ADA in dan an siam te, In sa thar turte tana an duan te hi tha ka ti a, mahse bul an tan tlai deuh a ni. Hmun thekhatah Mi In sak tawhsa kawngpui nek chep tak te thiat ngam tawh si lovin, veng kel til deuh deuha hmalak chiam hi zawng a fuh ber lo mai thei.
Report this comment
April 29th, 2010 at 2:38 pm
Hetah ( https://www.coa.gov.in/practice/practice.htm )hian Council of Archtechture, Conditions of Engagement and Scale of Charges Preamble an ziak duah mai a, ADA in tih ho hian an zawm kim em le?
Report this comment
April 29th, 2010 at 3:04 pm
Vai ho chuan Vaastu hi an ngai pawimawh khawp mai. A thenin Feng Shui an ti thul! Puithuna atthlak an ngah lutuk a an Planning Authority te an buai ve thei ngawt ang ka ring.
Report this comment
April 29th, 2010 at 4:25 pm
“chhangban: Thing a insak poh hian architech ilo(etc.) rawih te chu a tha ve tho long mo?? te ka tia…
Nge ni, zir sang veau hlom sia thing in chu an khawih peih meuh lo!!”
Architect hian structure hrang hrang an zir a chung te chu RCC structure, Wooden Structure, steel, structure, tensile structure, bamboo structure etc.. Rawih theih vek an ni. A structure a zir in sum sen a tlem a ni mai. eg. wooden structure ah Structural engineer rawih hranpa kher a ngai lo fees a tlem phah deuh ang.
Report this comment
April 29th, 2010 at 4:33 pm
“Irreplaceable: Puia, Mizo insak tam zawkah hian hmun laili deuh laiah ban lianpui a awm run zel a, hei hi a dan tur ve reng nge min han hrilh chiang deuh teh aw”
Dan ve reng tur ai mah in a leilung leh architect ina a plan dan azir in RCC frame hi Structural Engineer ho in an design a ni. Room laili tak a ban a om nulh kan tih hi chu Architect rawih ni lo in Civil engineer an ruai emaw a ni mah na.Heng ho poh hian in chu nghet tak in an sa thei amaherawh chu space requirement an zir hauh lo an zir a chu RCC frame siam dan a ni engmah room layout emaw khing architect in a an tih kan sawi tak ang khi an ruahman thei ve lo. A awmzia ah chuan a ban an phun vek a beam, a slab an chhunga an zawh vek hnu ah room duh duh na ah an pingdang a, a rem rem ah tukverh, kawngkhar, ventilation an verh kua tihna a ni mai hei hi architect kal hmang a ni lo.
Report this comment
April 29th, 2010 at 4:43 pm
“misual_dumber:@Puia : STAAD chauh khi em ni Mizoramah an hman a? STRUDDP/L, SAP, MAIDAS etc., a tam si a State-of-the Art SW chu a tam si a!”
STAAD hi Structural Engineer leh architect ho in a RCC frame an design na Software an hman tlangpui a ni a. Hei hi Mizoram ah an hmang trin em tih chu ka hre lo.
Report this comment
April 29th, 2010 at 5:22 pm
Puia, A nih leh Mizoramah hian Earthquake proof concrete/ RCC building hi a awm tak tak em? Neih thinglung khawngin mi in In a sa a, engineeer pawh chu lo ruai ta se, a him tawk angem? In estimate a lang tel lo, cement chak dan te, kan balu(sand) leh rawra hman te hian a chakna tur ang a phawk chhuak tak tak angem le? In sawi piah lamah tui pek that leh that loh te hian a hril thei em? Kan va bang bo ve aw
Ak zat hnih hnuai lam hi?
Report this comment
April 29th, 2010 at 5:45 pm
@ sillyboy: Awm.. engineer ho i ruai a ahim tok em tih zawhna khi chu kha engineer thiam na ah a in nghat bak ah treatmnent a ah a in nghat khop mai. Kan soi tak ang khan National Building code of india ah hian a cuang a heng hi treatment pek that a ngai vil nngun a ngai a ni tui pek hun te…tin heng engineer ho leh architect ho in a ratio cement, balu etc polh dan tur a tih ang thlap leh enkol tur a tih dan ang thlap a tih chuan chak tha viau tur a ni heng ratio hi kan ngaih poimoh loh vang hian RCC in tam tak poh tui put mawih etc a tam trin ni..
Report this comment
April 29th, 2010 at 6:02 pm
He post chu ava tha êm,a post-tupa Puia’n zawhnate a chhang nghal zel a
Report this comment
April 29th, 2010 at 6:14 pm
Nia. Puia chu a ti tha hle mai. Ka var ta uar mai!
Report this comment
April 29th, 2010 at 6:16 pm
#23:@SillyBoy : Earthquake proof concrete a awm tak tak em tih chu a chhanna ho te ah chuan awm lo! Earthquake intensity kha tunge hrelawk a predict thei?
Mahse history leh experience atangin Seismic Resistant Building chu a design theih. Seismic Proof erawh a ni lo !
Eg: IS:1893-1984 leh 2002 i compare chuan Zone 1 kha a bo anga, Mizoram Zone V seismic coefficient kha 0.36 a nih vah tawh kha 84 ah khan 0.08 a nih kha! Tin, Sa/g Vs Time graph kha i en chuan leilung chi 3 tan a rawn pek kha. 84 chuan chi 1 chauh a rawn pe a nih kha. A dang pawh a la tam mai……………………..
Chuvangin 1984 code leh 2002 code hmanga design chu a designtu thuhmun mahse a result a inang thei lo sim sim auh.
Report this comment
April 29th, 2010 at 6:55 pm
a ngaihnawm hle mai, thalai te hian planned city hi kan fiah tlangpui in ka hria.
sorkar hian new aizawl hi a plan a hun tawh viau lo maw?
Report this comment
April 29th, 2010 at 7:46 pm
“sillyBoy:Puia, A nih leh Mizoramah hian Earthquake proof concrete/ RCC building hi a awm tak tak em?”
Earthquake proof RCC building chu a om lo a, Seismic Resistant Building zok a ni e. Hemi ah hian base isolation a om a chu chu vibration control technologies hmang in a control ta trin a ni hei hian building chherup tur a veng ve a amah erawh chu PROOF nilo in resistence/ reduction tlem chu a siam ve a ni. eg.building tiang hmang a an sak: Cathedral of our Lady of Angles, Los Angeles, USA mi. Hei bak ah hian Steel Plate Shear Wall (SPSW)system a om bok a he tah hi chuan steel plate ah column-beam a in thlun zawm thung a ni.
Report this comment
April 29th, 2010 at 7:49 pm
Thing in a him ber. FACT
Report this comment
April 29th, 2010 at 7:55 pm
@^^: Dik khop mai amhaerawh chu thing in tha tak kan sa a electrical wiring lam kan uluk leh si lo a electric vang in kangmei a chhuak leh ta thrin hi poi thin khop mai. Ka soi thrin ang khan tah poh hian a thiam electrical engineer hi ruai hreh lo ang u kan thil neih zawng2 chan ai chuan. Mizo hi chu risk kan la huai mah mah ni. Kan huai ltk nge kan mawl ltk zawk??…
Report this comment
April 29th, 2010 at 8:04 pm
Electric wiring ti tur te hi certified lo chu hman duh miah loh tur a ni reng asin. Kei leh ka chhungte chennan chuan concrete in aiin thing in ka thlang zawk daih.
Report this comment
April 29th, 2010 at 11:13 pm
ADA chungchang hi harsatna kan tawh chiah hian kan sawi leh hluai thin. Rawtna thehluh hun an siam laite khan enge kan tih le, In sak tum te chuan khatih hunlai khan ADA Building regulation hi lo zir kilkelh tur zawk a lawm. Keini, tun atanga kum 10 ah pawh mahni puala In sa theilo turte pawhin hetiang hian rawtna kan thlen ve a sin :-
1. Semi-permanent Building leh Concrete Building sakna atana Site plan, Building plan, Specifications leh Structural Drawing-te siamtu tur, heng Structural Engineer te, Engineer te, Architech te, Supervisor-te leh Group/Firm te hi ADA hnuaia in registered kher anni tur a ni tih a nih rual hian Structural Engineer etc te rawihna man (fee) hi ADA hian chhungkaw sum lakluhna (Sources of Income) milin a rualkhai thei ang berin siam se a tha hle ang. Below Poverty Line (BPL) a awm chhungkua-te tan engemaw chenah ngaihnathiamna awm mahse BPL chhungkua dik tak chuan Semi-permanent Building leh Concrete Building te hi a sak theih a rinawm loh hle; a sa thei anih chuan BPL ani tawhlo tihna tluk a ni dawn a. Chuvangin, engineer etc rawihna man (fee) hi ADA hian chhungkua sum lakluh theih milin siam thei se a lawmawm hle ang.
2. ADA hian chhungkua sum lakluh theih mila engineer etc-te rawihna man (fee) bithliah hi harsa ati anih pawhin ADA Building Regulations, 2008 chhungah tal engineer etc te rawihna man hi khung se; heihi a tulna chhan chu Mizoram ah hian kawng hrang hranga eizawnna nei ten pawl (association) anga insiamin an duh hun hunah mipuite dinhmun leh duhdan ngaichang loin thil man sang chhuanlamin anmahni rawihna man (fee) an tipung fo thin. Tun dinhmunah hian engineer etc te rawihna man hi rualkhai deuhin lang mahse nakinah chuan ADA pawhin a thunun hleihtheih hauhloin anmahni rawihna man an tisang viau thei. Chutih hunah chuan ADA leh Engineer etc- pawl (association)-te inkarah duhdan leh ngaihdan inmillo (conflict of interests) awmin, ADA hnuaia engineer etc pawl (association) in registered te hian nawrh hial lo huai hawt ta se, Semi-permanent Building leh Concrete Building sa tur ten an thiltel ngei ngei tur Site Plan, Builiding Plan, Specifications leh Structural Drawing siamtu tur an awm dawn lo a, a tuartu tur te chu ADA hnuaia insak tum te tho an la ni dawn a ni. Hei hi thil thleng thei anih avangin ADA ngei pawhin insak dilna kim biai thehluh atanga ni 60 chhunga thutawp siam theihna a neih, ama Regulation 7-na ngei pawh ala kengkawh zo lo thei bawk.
3. ADA Building Regulation 22-na hi mi tam tak tana harsatna siam mektu a ni a. Kum reitak chhung kawngpui (road) sir a insatute’n vantlang kawng nek ranin in an lo sa tawh thin a, an inhmun pass/ LSC-in a huam vang pawh a ni turah ngai ila. Tun dinhmunah chuan kawng ramri atangin 2 metre (6 ½ ft) tala hla a ni tur a ni tih hian kawngpui kama in sa tawhte leh insa duh te, Revenue Department pass/ LSC fel thlap neite a hrut rual lo hle, a thena ni sa athena ruahsur ang deuh a ni. Hmun engemawzat ah chuan kawngpui (Road) tihzauh (extent) theih tawhloh khawpin Mimal In leh kawngpui a inhnaih a, hetih rual hian kawngpui (road) sira In sa te hian Revenue Pass dik tak an nei thlap bawk; an LSC in a huamchinah tho In an sa a ni. Mahse, ADA Building Regulations, 2008 hnuaiah chuan Insa thar tur reng reng te’n kawng ramri atanga 2 metre tala hla-ah an sa tur a ni tih anih avangin a thenawm chiah In khan kawngpui nek viau mahse In sa thar tur kha chu kawngpui atanga a tawlh hlat a ngai hle dawn a ni. Hemi chungchangah chuan kawngpui/ kawtthler (road/ street) mil deuhin ADA hian ngaihnathiamna (relaxation) siam thei se a tha hle ang.
4. ADA Building Regulations, 2008 hman anih hnu hian engtiangin nge Revenue Department lam nen in thawhho chiah hrelo mah ila tuna alan dan chuan Revenue Department lam nen hian thawhhona tha tak ADA hian a neih a tul zual hle. Abikin kawngpui bula In hmun LSC siam chungchangah phei chuan ADA Building Regulations, 2008 leh Revenue Department lamin LSC a siam dan a inmil hle tur a ni.
Report this comment