NOKIA handset chungchang tlem azawng…

May 6th, 2010 1:30 pm by ^-||R@lT€||-^

In hriat tawh hnu pawh a ni mai thei. A la hre ve lo te pawh in awm tho mai thei bawk. Chuvangin, Nokia phone- Symbian OS hmang ho tan hriat ve mai mai tur ka rawn chhawpchhuak ve rawih mai a ni e…

NOKIA Chungchang tlem azawng…

1) Ringtone “Nokia tune” hi 19th century a mi Musician lar tak Francisco Tarrega, Spanish pa in Guitar hmanga a siam a ni. A hla hming atan “Gran Vals” tih ani bawk. He nokia tune hi a tir ah chuan “Grande Valse” tih a ni a, mahse, 1998 chho velah khan “Nokia Tune” tiin a hming hi an thlak leh a ni.

2) Khawvela GSM call hmasa ber call tu chu kum 1991 ah Helsinki-a Nokia-supplied network kal tlangin Finland Prime Minister Harri Holkeri in a hmang.

3) “Special” tone, Nokia phone-a awm thin SMS (text messages) kan dawn huna lo ri thin hi a nih na takah chuan SMS Morse code ania. Tin, “Ascending” SMS tone pawh hi Morse code tho ania, “Connecting People,” Nokia ho slogan kha a ni. Tin, “Standard” SMS tone hi Morse code “M” (Message) a ni bawk.

4) Nokia phone-a font (typeface) hi AgfaMonotype – Nokia Sans font a ni a, Eric Spiekermann-a design a ni.

5) Asia ram ah hian digit 4 hi Nokia handset model number-ah an hmang ngai miah lo. A chhan chu Southeast/East Asia-ah chuan 4 hi unlucky number anih an rin vang a ni.

6) Nokia hi mi thenkhat Nokia phone hmang ve lo te hian “aikon” (Nokia backwards) tiin a hming hi an phuah danglam fo thin. A chhan chu “aikon” hi SDK software package thenkhatah an hman thin vang a ni.

7) Nokia tih khaw hming hi an rama lui luang pakhat hming chawia phuah a ni a. Chu lui hming chu “Nokianvirta” tih a ni nghe nghe a ni.
—————————————

I Cell Phone kha Original a ni em?

Original a nih leh nih loh i hriat duh chuan a hnuai a mi ang hian ti chin rawh:

*#06# chhu rawh le.

I chhut zawh veleh IMEI number (15 digits) i hmu ang. entirnan: 43 4 5 6 6 1 0 6 7 8 9 4 3 5

Digit pasarih na leh pariat na kha 02 emaw 20 anih chuan Emirates-ah an assemble tih na ania. I cell pone chu a chhe hle tih na a ni.

Digit pasarih na leh pariat na kha 08 emaw 80 emaw a nih chuan Germany-a siam ani tih na ania, i cell phone chu a tha thawkhat e.

Digit pasarih na leh pariat na kha 01 emaw 10 emaw a nih chuan Finland-a siam tih na ania. I cell phone chu a tha viau e.

Digit pasarih na leh pariat na kha 00 anih chuan France-a siam tih na ania, I cellphone chu tha tak ani.
————————————

Memory Card Password theihnghilh tawh Recover leh dan:

Kan cell phone-a Memory Card password kan siam thin hi a password kan theihnghilh chang a awm ve fo mai. Chutianga Memory Card Password kan lo theihnghilh palh anih chuan kan thil pawimawh dah te kan hmu kir leh thei tawh lo thina a buaithlak thin hle a ni.

Nokia phone hi ka hman ber anih avangin Memory Card password theihnghilh tawh recover leh dan ka’n thai lang ve mai mai ange…

Nokia s60 1st, 2nd leh 3rd edition phone ah:-

1. A hmasa ber ah chuan FExplorer hi iphone memory ah install rawh..

2. C Drive- ah lut la chutah chuan file pakhat “mmcstore” tih i hmu ang.

3. He “mmcstore” file hi copy la, i computer-ah dah la NOTEPAD in hawng rawh.

4. He file hi i hawn hnuah scroll thla la, a hnuai berah i password inziak chu i hmu mai ang.
—————————————–

Format S60 Symbain Phone

Engemaw chang chuan kan handset hi han khawih hian a muang em em mai thin a. Thil hawn kan han tum te pawh hian a inhawng hlei thei thin lo. Chutianga a lo awm chuan FORMAT a ngai fo thin. Kan format hnu ah erawh chuan kan lei tirh a mi ang khan a tha ve leh mai thin bawk.

Format dan chi hrang hrang a awm ve a, chung te chu:

1. SOFT RESET:
Hei hian kan phone settings zawng zawng kha Phone siamtuten an siam laia settings an dah ang chiah chiah khan a awm tir leh a ni. Applications awm sa leh kan thun chawp ho erawh a ti bo chuang lo.

A tih dan tur chu a hmasa berin i phone-a contact leh thil dang dang pawimawh i neih ho kha back up vek phawt rawh.

I backup zawh hnu ah *#7780# hi chhu keuh la i phone settings i restore duh em? tiin zawhna a rawn zawt ang che nga ‘yes’ ilo ti anga tichuan i phone chu a in restart anga, Factory default settings- ah alo awm leh ang. (Security code a rawn dil che chuan 12345 tih chhut mai tur).

2. HARD RESETTING:

Hard-reset hi chu memory disk format ang ani a. Phone memory kha a format vek a, chuvangin phone memeory-a thil awm zawng zawng (default application tih loh) kha a bo vek dawn a ni.

A tih dan chu-

*#7370# hi chhu la tichuan security code a rawn dil ang che nga 12345 tih i chhu anga tichuan OK i hmet ang.

HRIAT TUR:

I phone i format dawn reng reng in thil pawimawh zawng zawng backup vek phawt rawh. Tin, i phone battery kha a full ngei ngei tur ani. A full loh chuan charger vuah la charge pahin format thin rawh. A chhan chu i format laklawh lai in battery a quit palh chuan i phone kha a chhe thei a ni.

3. FLASHING: Full format dan dang leh-
Pakhat na leh pahnih na khi i hlawhchham anih chauhvin pathumna hi tih tur.
A tih dan tur chu-

1. I phone OFF rawh.

2. I phone ON leh la, i On rual khan heng key pathum hi a rualin hmet rawh:

-Green dial key leh Star key leh Three key (3)

3. FORMATTING tih rawn inziak i hmuh hma chu heng key pathum i hmeh te hi thlah miah suh ang che.

4. FORMATTING tih rawn inziak i hmuh hunah key pathum i hmeh mek ho kha thlah tawh la tichuan 100% thleng a in format ang. A in format zawhah amahin a in restart anga Factory default settings angin i phone chu a awm leh tawh ang.

Ka lawm e…

In hriat hriat han thawh ve teh un…

47 Responses to “NOKIA handset chungchang tlem azawng…”

1
hiho Says:
May 6th, 2010 at 1:33 pm
bengvar thlak ka ti
Report this comment
2
shailendra Says:
May 6th, 2010 at 1:40 pm
Post tangkai tak a ni e.
Report this comment
3
V.L.F.A Says:
May 6th, 2010 at 1:44 pm
A tha ngei mai
Report this comment
4
kilung Says:
May 6th, 2010 at 1:44 pm
sei reuh e mai…nakin ah chhiar zawm ang… bengvar thlak khop mai..
Report this comment
5
chikus Says:
May 6th, 2010 at 1:57 pm
Save keuh teh ang ka Phone muang ltk hi a tih ziaawm theih takin apply ve chhin teng…..
Report this comment
6
paeia Says:
May 6th, 2010 at 2:05 pm
Keima hmanlai N95 ah hian digit 7na leh 8na chu 02 a ni a, a chhe hle tihna ani maw!! mahse kum 2 chuang ka hman hnu hian sawiselna awm reng reng ka la nei lo nia!! a tha chi ho phei khi chu tha tak tur a nih dawn chu. A bengvar thlak e..
Report this comment
7
Frost Says:
May 6th, 2010 at 2:08 pm
Nokia nei tan a tangkai khop ang.
Mahse thenkhat khi chu blind lutuk chuan tih chi miah loh.
Nokia code resetter software te kha tangkai reuh asin.
Report this comment
8
Taikhery Says:
May 6th, 2010 at 2:14 pm
ka handset ve chu KUMKUM a nia khitiang vel khi engmah a ngai ve lo, hman top top a ni mai
Report this comment
9
Jewel Says:
May 6th, 2010 at 2:15 pm
OT lox..@paeia, ks hmanlai chu iva hriatchian sak om ve a? :lol:
Report this comment
10
mpi Says:
May 6th, 2010 at 2:28 pm
Jewel :lol: He post chu va thra ve le oooo.,.. save nghal hmaks.
Report this comment
11
kawlhawk Says:
May 6th, 2010 at 2:30 pm
RaLtE, i ti tha e. Nang nge nge…
Report this comment
12
kawlhawk Says:
May 6th, 2010 at 2:35 pm
paei, #6-a Ks hmanlai… khi edit vat rawh! An nuih tet tet a nia.
Report this comment
13
Teleptuama Says:
May 6th, 2010 at 2:37 pm
Kei chu 00 ani tlat atha hle tihna niang lol,nula a bethiam emai a tha thawkhat hle aniang hahaha

Report this comment
14
mygurl Says:
May 6th, 2010 at 2:37 pm
Ti thra thei ngei mai, save keuh ang, mi tamtak mamawh leh trangkaipui tur niin ka hria, trangkaipui ve ngei kan tum teh ang. Hetiang lampang hi han ti zel teh :roll:
Report this comment
15
Johnroyte Says:
May 6th, 2010 at 2:57 pm
Atha hle mai,kabeng hi…maipawl put aiin rawngvar hnawih angvelin avar phah ani.
Report this comment
16
Pangtichawr Says:
May 6th, 2010 at 3:01 pm
Ka phone hi n82 ania a software hack dan hria in om mial lo maw min lo pui teh u
Report this comment
17
Fonz Says:
May 6th, 2010 at 3:03 pm
a tha hle mai
Report this comment
18
chiangrenga Says:
May 6th, 2010 at 3:15 pm
Nokia hi khawi ramin nge siam hmasa ber aw…. Finland an tih hi a dik em ?
Report this comment
19
Aryan Says:
May 6th, 2010 at 3:20 pm
Nokia company chu Finland a an din a lawm, a tir ah chuan Thing zai (lumber) company ani awm e.

Made in germany, made in france, made in emirates tih vel khi chu dawt muhlum anih khi. Nokia in France leh Emirates ah factory a nei lo, germany a an factory pawh 2008 ah an khar vek tawh. Made in germany lei tur i hmuh chuan 2nd hand bak ani tawh lovang.

Nokia phone an siam (assembled) na ram te.
Finland,Brazil, China, England, Hungary, India, Mexico, Romania leh South Korea te an ni.
https://www.nokia.com/about-nok.....tion-units
Report this comment
20
Taikhery Says:
May 6th, 2010 at 3:25 pm
ka handset hi KUMKUM a nia, BAGHA-a an siam a ni
Report this comment
21
judd9teen Says:
May 6th, 2010 at 3:28 pm
A bengvar thlak khawp mai.
@ Aryan: “Nokia company chu Finland a an din a lawm,” an din ani si chuan a assembled tuah an tang leh bawk ah mawh??? ka va se thiam neinuai lo ve..

Ani chuan eng ram siam hi nge tha ber ang???

Ka cell ka tibo a, Nokia E72 hi lei ka tum ve deua, a hmang te kan lo awm takin a tha le thalo min lo hril teh uu.. please!!!
Report this comment
22
Aryan Says:
May 6th, 2010 at 3:37 pm
Judd

Aw.

Similar example. BMW hi Germany a din ania, Germany ah an car an assembled bawka, Germany bakah UK, USA, South Africa leh Austria ah te BMW car hi assembled an ni. Malum he?

Khawi rama siam pawh ni se model in ang anih chuan a quality pawh in ang tur a ngaih ani. China siam a chhe bik, Finland siam a tha bik tih khi chu perception mai mai a lawm. BMW car pawh USA a an siam aia Germany a siam a thatna bik a awm chuang lo. Mahse mithenkhat ngaihdanah ah Germany siam anih vanga tha ta bik riaua ngai an awm thin.
Report this comment
23
judd9teen Says:
May 6th, 2010 at 3:41 pm
@Aryan:

very very malum hain :)Thanks
Report this comment
24
nell_maiden Says:
May 6th, 2010 at 3:45 pm
Adidas poh hi German ania, bangladesh ah an assemble. Haha

Report this comment
25
R.Lalropuia Says:
May 6th, 2010 at 3:58 pm
Ka handset chu tha lutuk anih chu 00.
MMC password theihnghilh hriat chhuah leh dan i rawn ziahah khian kei chu ka beidawng, mmcstore tih tak ngial pawh a awm lo,hmana ka lo try toh hnu ania.Mahse midang tan atang kai tho tho,MMC a to tawh si,256mb pawh Rs.550 mawle
Report this comment
26
de_beauvoir Says:
May 6th, 2010 at 4:16 pm
k phone chu a chhe chi a nih hi..mahse a man Rs 1500 ngaihtuah chuan kum 3 dawn lai k hmang toh a,ka thlauh nasat teh reng nen..tha ka ti tawk tho2..ka thian thenkhatte phone sing cuang2 man ai chuan a la tha rei zok tlat mai…:)
Report this comment
27
kawlhawk Says:
May 6th, 2010 at 4:32 pm
judd9, E72 chu inkhap buai lo khan lei nghal rawh i inchhir lo ang. Thla 2 ka hmaga ka hralh leh. A that loh vang niloin, a dang duh/ mamawh vangin…
Report this comment
28
^-||RaLtE||-^ Says:
May 6th, 2010 at 4:43 pm
Memory Card password chungchangah khan ka ziak kimlo palh…

C Drive-a luh hnuah khan system tih folder ah lut leh la, mmcstore chu i hmu mai ang.
Report this comment
29
judd9teen Says:
May 6th, 2010 at 5:03 pm
@kawlhawk:
thanks ka lei anga a thalo vei chuan… ???
Report this comment
30
mygurl Says:
May 6th, 2010 at 5:05 pm
Kan thrianpa pakhatin N70 hi Vai mistiri hnenah a hralh a, FExplorer_english_117.SIS hian password a lo siam si a, a lo hrilh si lo a, simcard dang an thun a piangin siren a ri vak zel a, an off leh thrin a, an nuihzat thlak teh a sin aw
Report this comment
31
Saitawk Says:
May 6th, 2010 at 5:44 pm
Ka IMEI no 7na leh 8na hi 03 a ni a, thra ka va ti tehlul em! pakhat zawk lah hi 02 a nia, Post atang hian chhe hle mah se torch light te a awm a ka va han duh tak em!! :lol: bengvarthlak khawp mai.
Report this comment
32
awmawmpuia Says:
May 6th, 2010 at 6:51 pm
He post hi ava tha e. Mahse ka mobile N95 ka chhuan ve em em hi Emirates chhuak ph chhe tak ani tih kan hriat phah chu le. Hei vang hi anih dawn hi a LCD te hi a chhiatzin em em ni.
Report this comment
33
Vanchhawng Says:
May 6th, 2010 at 7:48 pm
Tha khup mai.. keipoh N70 IMEI no cu 01, tha viau tihna.. Tlo khupz mai, hei kala khal chhe hleithei lo..
Report this comment
34
H.Vangchhia Says:
May 6th, 2010 at 7:54 pm
Nokia hi Mizo te ah hian a lar hle niin ka hria.

hetiang $3 phone hi ka hmang kum 2 contract siam hnu ah tax $3.00 chiah ka chawi, tunah phei chuan kum 2 contract nen a free.
https://www.lgmobilephones.com/phone.aspx?id=10136
Report this comment
35
^-||RaLtE||-^ Says:
May 6th, 2010 at 8:21 pm
kala sawi hmaih fo chu cell phone original leh nal loh en na khi nokia chauh lo, phone dang dang pawh a ni e. Ka lawm e.
Report this comment
36
H.Vangchhia Says:
May 6th, 2010 at 8:23 pm
Ralte, dealer atanga lei duplicate a awm dawn em ni, nge “street vendor hnen atanga leiin,” i tihna?
Report this comment
37
kawlhawk Says:
May 6th, 2010 at 8:47 pm
Thla hmasaa ka lei, Sony Ericsson Satio 12.1 mp ka hmang mek, France siam 00 (a tha ber chi) lo la nizui. Mhse misual nan nuam ka ti vak lo, ka hman hlui N86 kha nuam k t zawk tlt.
Report this comment
38
ceeagch Says:
May 6th, 2010 at 9:00 pm
ka NOKIA hman lai:(
Report this comment
39
ceeagch Says:
May 6th, 2010 at 9:04 pm

Report this comment
40
^-||RaLtE||-^ Says:
May 6th, 2010 at 9:22 pm
kawlhawk, misual nan n86 8mp nawm loh na chu maw, comment kan ziah tawh hnu edit leh dawn hian a lang kim thei thin lova, edit a buaithlak khupz mai. N86 8mp chu tunah hian ka hmang mek. Misual edit nan chuan ninawm ka lo ti vel asin keichu!
Report this comment
41
kawlhawk Says:
May 6th, 2010 at 9:33 pm
RaLtE, Screen kha rotate keuh la, zooming level kha 75% ah dah bwk la, a zia deuh. Hei kan nu pawhin a hmanga tunah ph hian ka hman sak leh tawh.
Report this comment
42
mzvision Says:
May 7th, 2010 at 3:13 am
Bengvar thlak khoops ka ph pakhat te hi 00 nive keuh
Report this comment
43
Tualvungi Says:
May 7th, 2010 at 7:12 am
Ka phone hi Nokia a ni lo a, Sony Ericsson a nia, mahse *#06# hian IMEI chu a lang ve tho va, mahse a number pasarih na leh pariatna hi 03 ania..enge a din hmun..min hriat sak ve tho em le..??Thanks
Report this comment
44
mpi Says:
May 7th, 2010 at 7:46 am
@Tualvungi: 03 maw? I phone dinhmun chu a la chhe lo anih chuan a thra rih turah ngai mai ang… :lol: NOI
Report this comment
45
josephrltpa Says:
May 7th, 2010 at 5:29 pm
10 = Finland also 01 = Finland
20 = Germany or 02
30 = Korea or 03
40 = China or 04
50 = Brazil, USA, Finland or 05
60 = HK, China, Mexico or 06
70 = Finland or 07
80 = Hungary or 08
91 = Finland or 19
Report this comment
46
dultea Says:
May 8th, 2010 at 10:07 am
Memory Card ah Password i set chuan i mmc kha card reader hmangin i computerin a hmu theilo. Chuvangin i sawi ang deuh khian fexplorer ah C:\System ah mmcstore.xml kha select a option atangin file ah Hex/text viewer atanga en mai kha a awlsam zawk ange
Report this comment
47
Zorammawia Amawia Says:
January 7th, 2014 at 12:01 pm
Soft Reset leh hard reset in ka ti ve ve a cuan security ah 12345 ka ti bwka error tlat male,th dan dag a awm em? Cuan green,star* leh 3 hmeh ag pawhin thyh cuagloh a…
Report this comment