MIZORAM KANGTHELH TUTE PUIHNAN!

March 15th, 2016 5:00 pm by Henry Vangchhia

Mizoram khawpuiah-te hian kangmei a chhuahin kangthelh pawl-ten theihtawp chhuahin tan anla thin. Chutih karah chuan harsatna namenlo an tawk thin bawk. An harsatna tawh ber nia ka hmuh theih mai chu tui lakna remchang fire hydrant a awmlo leh kawng chep lutuk hi a ni fo. An tuipai tlemte a zawh chuan chawi leh chawp mai loh chu tih theih an nei tlem khawp ang; an thiamna an hmang theilo a ni ber.

United States -ah ngei pawh hian khaw thenkhat fire hydrant awmlohna a awm ve nawk tho mai. Chutiang hmunah chuan “portable collapsible tank” an tih mai (tuikhuah thleh theih ti ila kan sawi sual lovang) chu an hmang tangkai em em thin. Kangthelh motor chuan kang a thelh chhungin a dangin tui anlo chawi a, chumi, tuizem thlehtheih kaihparhah chuan an rawn chhunglut zung zung a, kangthelh motor la awm khan chhumlo chatlo-in kangmei tihmih hna chu a thawk thin a ni.

Hetiang, “portable collapsible tank” ang hi sawrkar department a nei tur chuan thil a kal zung zung theilo maithei, mahse khawtlang, entirnan, YMA branch tinte hian pakhat emaw theuh tal neita ila (mahni siamchawp pawh nise), kangmei a chhuah apiangin kangthelh motor hman theihna turah kuai parhin khawtlang chuan tui chhunluh hna thawkta thin ila, kangthelh motor pawhin tui chawi sek ngailo-in hna an thawk zung zung thei zawk ngeiin ka ring a ni. Kangthelh mi tho ka ni a, ka hmuh leh tawnhriat atangin ka ram, Mizoram tan thatur nia ka ngaih ka rawn sawi a ni e.

Ka sawi ang chi chu Google atanga ka hmuh hmasakber link ka rawn chhawp tel e.

Similar Posts:

Recent Posts:

8 Responses to “MIZORAM KANGTHELH TUTE PUIHNAN!”

  1. 1
    Jennifer Lo Says:

    a va tha ve

    Report this comment

  2. 2
    century child Says:

    That hmel tak ve

    Report this comment

  3. 3
    chhana Says:

    Rawtna țha tak a nih rualin tih hlawhtlin har tur chi a nih hi mawle.

    Report this comment

  4. 4
    Henry Vangchhia Says:

    chhana, siamsa leilo pawhin a harsa lovang. Veng tinah hian thiam hrang hrang nei kan tam tawh a, ngaihtuahna hrang hrang hmangin a frame tur chu design chhuak thiam an awm ngeiin ka ring.

    Report this comment

  5. 5
    Leo dtea Says:

    Like phawt ila nakin ah chhiar ang. (Y)

    Report this comment

  6. 6
    Henry Vangchhia Says:

    Leo, Han chhiar zuai law law la, nge chhiar zo tawh? :D hairehai

    Report this comment

  7. 7
    tarquinio il superbo biografia de isaac newton en Says:

    tarquinio il superbo biografia de isaac newton en

    MIZORAM KANGTHELH TUTE PUIHNAN! | mi(sual).com

    Report this comment

  8. 8
    vakul Says:

    Rawtna pawimawh tak a ni. Mizorama Pu HV-a lo haw lai te hian Training pe se a tha khawp ang.

    Report this comment

Leave a Reply

You must be logged in to post a comment.