Higher & Technical entrance result re-evaluate-naah result dik lo tam tak ala awm cheu. Zirlai lungawi lo thenkhatten RTI hmangin an result (answer sheet leh question) an dil chhuak a, chu chu in lamah Mithiamte rawnin ennawn leh a ni a, mark pek sual an ni nasa hle tih hmuh chuah a ni. A bikin Chemistry subject-ah Group D chhangte mark a hniam fal hle. Chung zingah chuan a nasa zual bikte chu hengte hi an ni:
1. F.Remthangpuii : Roll No. 0306, Group – Medical & Engineering, Re-evaluation result : Medical group – 68-na, Engineering group – 132-na. Re-evaluation result atanga a lan dan chuan hengte hi a mark hmuh dan a ni –
Physics – 81, Chemistry – 24, Biology – 71, Mathematics – 25.
RTI hmanga question leh answer sheet an dil chhuah hnuin Chemistry hi ennawn leh a ni a, chuta tanga a lan dan chuan mark 80 lai a hmu thung. Heti hian Medical group (Physics + Chemistry + Biology)-ah mark 232 hmuin tun result atanga a lan dan chuan 4-na a ni pha hial a ni. Engineering group (Physics + Chemistry + Mathematics) lamah pawh mark 186 hmuin tun result atang chuan 9-na a ni pha hial bawk.
2. Zoremmawia : Roll. No. 1446, Group – Engineering, Re-evaluation result : 48-na. Re-evaluation result atanga alan dan chuan hengte hi a mark hmuh dan a ni –
Physics – 73, Chemistry – 19, Mathematics – 65 (total = 157). RTI hmanga question leh answer sheet an dil chhuah hnuin Chemistry hi ennawn leh a ni a, chuta tanga a lan dan chuan mark 77 lai a hmu thung. Heti hian Engineering group (Physics + Chemistry + Mathematics) ah mark 215 hmuin tun result atang chuan 2-na a ni pha daih a ni.
3. Hetiang tho hian Lalruatsangi Fanai, Roll No. 0898, Medical group pawh Chemistry-ah mark 21 hmua tarlan chu ennawn leh hnuin mark 55 a hmu thei a, C.Lallianpuii, Roll No. 0158 pawh Chemistry-ah mark 28 hmua tar lan a ni a, ennawn leh hnuin mark 45 a hmu thei thung. Ruth Lalnuntawmpuii, Roll No. 1231 pawh mark 27 hmu anga tar lan a ni a, ennawn leh hnuin mark 70 vel a hmu thei thung.
Enawn leh nan hian heng lehkhabute hi hman an ni –
Modern’s abc of Chemistry – Dr.S.P Jauhar (2006),
Pradeep’s Fundamental Chemistry – S.D. Dhawan, S.C.Kheterpal, J.R. Mehta (2009),
Pradeep’s Objective Chemistry – S.D. Dhawan, S.C.Kheterpal, J.R. Mehta (2009).
Subject danga titha tak takte pawh Chemistry group D chhangte zingah mark 15 – 30 lek lek hmu an tam hle a ni. Higher & Technical hian zawhna hi inang vek mahsela a number inang si lovin group hrang hrang 4-ah a siam a, answer key hi a inang lo vek a, chutih rualin group 2 ten answer inang an neih palhna chance hi 15-25 vel a ni. Higher & Technical lamin answer key an buatsaih leh ennawntute answer key siam hi zawhna pahnih/pathumah chuan inmil lo pawh a awm thei ngei a, mahse tun anga mark 40/50 lai maia inmil lo a awm hi chuan thil dik lo a awm tih a tichiang hle. Chemistry group D answer an check dawn hian group D answer key ni lovin group dang A, B, C khawi emaw ber answer key hmanga check palh niin a lang.
Heng tarlante bakah hian midang eng emaw zat dik lo a awm tih hmuh chhuah a ni bawk. Zawhna thenkhatah chuan a dik ngei pawh dik lo tihsak an ni nual bawk a, zawhna thenkhatah chuan chhanna thuhmun reng pawh mi thenkhatah dik tihsak an nih laiin thenkhatah chuan dik lo tihsak an ni lawi si.
Exam beitu thenkhatte atangin an mark belh sualsak hrim hrim pawh an awm niin a lang. K.Lalchhanhima, Roll No. 0524, Medical group pawh 1st leh 2nd examiner-ten Physics-ah mark 57 ve ve an pek lain a final mark chu 54 tia tarlan a ni bawk. Lalrinmuani, Roll No. 0851, Medcical group pawh answer sheet lak chhuah hnuin Physics, Chemistry, Biology-a a mark belh khawm 152 a nih lain 147 tia tarlan a ni bawk.
Hetia result dik lo tam tak awm ta hian tuna result buai ta hi a tling lote an lungawi loh vang leh thurualpui tur an hmuh zel vang ringawt chu a ni lo deuh tih a tilang chiang hle.
(Misualho khan in peih zawng a nih chuan Chemistry question code D hi a question bakah a chunga kan tarlan Zorema leh Remthangpuii te chhanna scan ka la rawn post ang. Mark in lo pe ve dawn nia).
Similar Posts:
- Technical Entrance Exam-ah Answer Key diklo a awm
- Technical Entrance Examination 2011 result a chhuak
- Danglam nasa TEE result
- Technical Entrance Result hi
- Find height of a building using barometer
May 9th, 2010 at 9:48 pm
entrance kan tih ve lai kha chuan peih leh peih loh kha a ni si a.va han dang lam chak ve o..hahah
Report this comment
May 9th, 2010 at 11:14 pm
Entrance test hi dik leh fel tak a tih a harsat dawn loh nen.Manipal medical entrance te khu online in an ti tawh mawle.mi 1500 bawr lek buaipui hleithei lo chu bang hlawm teh se.mifel 10 lek pawhin an ti thei ang chu
Report this comment
May 10th, 2010 at 12:28 am
Ka fate chu tel se court-ah ka kal ang. 1st comment khi ka pawm lo, a tha ber turah ka ngai thei lo. Kumina exam hi nakuma exam thei tawh lo tur an awm dawn. Chu lo pawh a chhan dang a tam. Nikumah an ti dik tawh lova, mi tam tak career an ti chhia a, tunah heti bawk. Officers & Staff an fimkhur tawk lo a ang, dan ang a action lak hial a ngai ang
Report this comment
May 10th, 2010 at 12:30 am
rk, Mizoram University hna cc ah khan, mi pakhat chu Phd zo tawh aiin an la. An lak chhan chu HSLC ah a tih that zawk vangin hairehai :lol:
Hetiang vel nuai hi kan ni e
Report this comment
May 10th, 2010 at 2:30 am
Sawrkar hian an tih dik loh hi an pawm anih chuan a mawhphurtu hi a bang ngam dawn em ? Tlin lo chung chunga enkawl ai chuan midang tlin zawk kutah dah mai se ? BANG RAWH SE.
Report this comment
May 10th, 2010 at 10:01 am
MZP lam chuan an buaipui mek a, thu chiang lehzual an nghak mek.
code D kha inang lo 2 an siam tih pawh 100% proof kan nei. hmanniah H&T EO henah code D key an en a, chu chu a dik a (answer dik lo hrim2 chu 1 ka hmu tho). MZP lamin PO hneah code D tho hi an en leh a, kan en nen chuan a inang lo. A awmzia chu code D key inang lo 2 an siam tihna, pakhat dik, pakhat dang dik lo.
sawrkar lam thuthlukna ka la ngaichang rih annga, a tul dan a zirin question answer chu ka la rawn post dawn nia.
1 dang – T.T.Iahmo pawh phy 85, bIO 87, CHEM 23 an pe nih chu maw le!! Chem hi a thiam ber a la ni zui.
Sawrkar duh lai (central) ni mah ila, a tling leh phu ngei ten an chanvo an chang pha lo ur hian mi tihrehawm khawp mai, a tawp thlengin tanpui ka tum.
Report this comment
May 10th, 2010 at 10:11 am
@Freaky: I ngaihsanawmin i entawktlak khawp mai. Mithiam leh mi thiltithei deuhte hi mi hnuaihnung zawk leh mi pachhe zawkte tanpuitu atan hian an hlu in an chhenfakawm dawn em asin.
Report this comment
May 10th, 2010 at 11:22 am
A va mak ve aw….!!!! Politik a inrawlh in tihna em ni?
Report this comment
May 10th, 2010 at 4:37 pm
kan hunlai kha chuan matric 20% PU(=10+2) 80% kha an ti mai thrin, a hming in interview te chu awm ve bawk.. mahse phaia zir hovin Biology leh Maths a 100% thuak thuak an rawn score kha chuan NEHU hnuai ami te kha kan hniam thei khawps.
bakah mi 2000 vel lek result pawh ti chhuak dik thei lo department te chu an director thlenga suspend vek mai tur.. Minister ni ila,ka department enkawl hnuaia mi chu nise an chak lovang..
Report this comment
May 10th, 2010 at 7:35 pm
Sawi sawi pawh a zahthlak tawh e. Heng Sorkar hnathawk ho hian in enlet nan hmang mawlh teh seeeeee. A thlen nawn tawh loh nan suspend pawp pawp mai te pawh hi a hun tawh lo mo? A vawi khat na pawh a nih tawh loh hi,in thiam loh a hnekin an la in tithei emaw kha a nia nga. Chief Minister chu ni ila a changtu Minister ka thlak ang(a tihsual ni lo mahse) chu tiangin Dept Head..chtiang zelin…ka suspend hmiah2 bawk ang. Corruption a zung nena phoro tum tan chuan chet a hun khawp mai. Kan kalphung hi en that a hun lutuk tawh lo mo? Kei zawng zirlai te mawlh a ni ka khawngaih, tlingzo ve ta lo thlengin mark rinaia hmutlem sawi chhuak ngam lo tan hlei2 rinhlelh a ti zual!!!!huizz a va hahthlak tak em…
Report this comment
May 10th, 2010 at 8:30 pm
Technical Entrance Result, Answer Key dikin en tha dawn
https://thezozamtimes.org/index.....;Itemid=63
Report this comment
May 13th, 2010 at 4:25 pm
@lushai_er #29 Ka dam tawh e. Net duh angin a tlang ṭha lova.
chawhpawlh tawh thiam tur in zir san a ngai nem maw?
Khelawk in suak chhuak la……….
A phuan a lo var a, bel tlang a lo liamin,
Chunnu hlim rawh chawhpawlh tawk a ni.
Ka’n ti dap dap dawn em ni?
Report this comment