Hei hi N. Vanlaiphai Damdawi In a ni a, kum 1913 bawr vela sak a ni. He Damdawi in hi British ho sulhnu a ni a, British ho ten uluk taka an sak a ni. An sak dan phungah hian an uluk hle a, a sak na hun rei tawh ngaihtuahin tlabal pawh a la awm meuh lo, tun thlengin tha takin a la ding a ni.
He Damdawi in hi Mizorama British kutchhuak hmuh theih tlemte te zinga mi a ni a, mahse ngaihsak a hlawh lem lo. Art & Culture lamin humhalhna leh chhinchhiahna engmah an tar lova, tin tunhnaia INTACH Mizoram Chapter tena Mizoram a British kutchhuak an humhalh te zingah a tel ve lo bawk!
British ho kutchhuak anih mai piah lamah hian he Damdawi In hian pawimawhna riau dang a la nei a, Indopui II na hunlai kum 1944 March 28 ah khan N.Vanlaiphai khua hi Japan thlawhna ten thlawhna hmangin an bei chiam mai a, chu an beihna ah chuan he Damdawi In leh a vel hi nasa takin an kap a, Damdawi In bula Doctor Quarter chu luah tlak lohvin an kap chhe vek a, thi leh hliam erawh an awm lo hlauh thung a ni.
He Damdawi in erawh hi chu vanneih thlak takin silai(air machine gun) mu 1 chauhvin a fuh a, he silaimu kahna hi a na hle a, tun thlengin hmuh theihin a la awm. Silaimu hian inchung rangva kap pawpin, bang(thingphek) a kap tlang a, chumi zawhah kawngkhar ban inchi 4 bial vel pahnih chu a la kap tlang leh a ni.
Hetiang taka Mizo History leh Mizo te tana hnam rohlu Damdawi In tun thlenga tha taka a la ding thei hi a lawmawm rual rualin tun thlenga humhalh a la ni lo erawh hi chuan ngaihtuah a ti thui. Thangthar te hmuh tur awm lovin a riral mai ang tih a hlauhawm hle mai.
Similar Posts:
- Terrorist Plot Foiled
- Port Blair- Andaman
- Ram leh hnam tâna lungin tâng hmasate
- Purun tlang
- Hrangturzo
:)
May 14th, 2010 at 4:06 pm
@19 (Atom C): Champhai IB vuak darh a CHANEM din hluai khi i fak a maw?? Babutea thil tih zingah chuan kei ka huat ber pawl a ni.
Tuna CHANEM dinhmun dik tak khi i hria em? A hawn laia Babutea ngeiin “chhungkua 200-300 vel chawm thei tur kan puitlin thei ta hi lawmawm ka ti takzet” a tih lai te kha ka mitthla ah a la lang reng….khawi lam khawi lam a ni ringawt! Tunah khian dawra luah duh an hmu hlei thei lova, dawr tura siam ni si kha tihluihna in office thenkhat an luah luih tir anih khiiii…..het shaalaa
Sap ho siam/sak anih vang ngawta hnamro anih theih loh nachhan tur hi kei zawng ka hre thlawt lo a ni ber e!
Report this comment
May 14th, 2010 at 5:04 pm
@hramte_pa….CHANEM building khi chu Champhai khua zawk khian hmang tangkai turin a la zo lo zawk tihna a nih khi. Hrethiams. Tun atanga kum 10 vel a ral chuan Champhai IB ai khan in hmang tangkai daih zawk ang.
Sap ho siam/sak anih avanga Mizo Hnam Ro a nihna sawifiah phawt ka phut ve tlat.
Report this comment
May 14th, 2010 at 5:06 pm
Kan office pawh an luahtir a, electric wiring, room atan bang an vaw chhen then a, ahhh.. eng kim mai siam that a ngai a ni awm e.
Report this comment
May 14th, 2010 at 5:42 pm
#51..Hramte_pa..champhai khua ka ni e……lunglengmi leh thil hlui ngaina mi hrim2 tan chuan sawisel pawh a awm tho ang ka ring..amaherawhchu hmalam hun sawi lawk thei tur erawh chuan zawl ka nei hauh lo ania…:-)
Report this comment
May 15th, 2010 at 2:14 am
He tiang a thil hlui an la nei hi an fak awm in a post tu pa hi ka thlawp e.
USA ah ngei pawh Pilgrim ho in inn an sak ho tam tak 1800 kum a mi cu ai a upa tak tak pawh an la humhalh tha hle a ni. sak danglam pawh phal lo in an hum halh tlat tamtak hmuh tur an la awm a ni.
Report this comment
May 15th, 2010 at 2:29 am
Mizoram leh USA hi a in ang i tihna em ni?
Report this comment
May 15th, 2010 at 2:48 am
a in ang ka tih na a ni lo. hnam changkang zawk te chuan thil hlui leh hman lai kutchhuak an humhalh/hlut tha a ni ka tih na zawk a ni e.
Report this comment
May 15th, 2010 at 3:03 am
Hnam Changkang zawkte hi thil hlui an ngaihsan avanga changkang an ni lo. “ngaiteh, thil hluite chu an ral ta, a tharin, a aia tha zawkin i thlak ang u’ ka tihna a nih khi.
Sap hi Bangla sak mai mai lo humhalh tum hian thil tha zawk min thlen lo. Chu ai chuan thiat ila, a aia tha zawk sak i tum ang u, ka tihna a nih khi. An sak aia thain, mipui tam zawk chhawr theih turin i sa ang u hmiang.
Kan pipute sulhnu chu kan humhalh ngei ngei tur a ni. Kan history leh fable story te nena inkungkaih kan hriat a piang hi humhalh zawk tur. Sap ho bangla/building sak tih vanga humhalh tum tlat pawl INTACH ho hian Lalruanga ENGLO Nghahna te khi ngai pawimawh zawk teh se.
Report this comment
May 15th, 2010 at 4:08 am
thil hlui an ngaihsan vanga changkang an ni lo va an changkan vanga thilhlui humhalh thiam an ni ti in ka ngai.
Report this comment
May 15th, 2010 at 4:48 am
charlottei sawi hi an hmuh dan niin ka hria.
Report this comment
May 15th, 2010 at 8:00 am
Thil Hlui naran an ngaisang lo; thil hluiah pawh ngaisan tur dik an ngaisang.
Report this comment
May 15th, 2010 at 8:53 am
@49
japan sipai ho khan n vanlaiphai khua hi silai mu 2/1 in an kap satliah a nilo. Bomb pawh hmun 4 ah an thlak, a bomb keh them pawh ka kawl. In hmuh duh chuan ka la ron post ang. Chuan japan sipai tena n vanlaiphai an beih lai mit ngeia hmutute poh tun thlengin an la dam. A duh tan an kawm theih bawk.
Report this comment
May 15th, 2010 at 9:06 am
Hmar Chaltlang ram chungah pawh RAF (Royal Air force) leh IJAAS (Imperial Japanese Army Air Service) an in kap chiam alawm. RAF thlawhna zawk a tla a, ka pi te pawn a ruang an hmu ve nghe nghe awm e. Ka pi chuan, “a kawr ipte ah hian nula thlalak niawm tak a ak a, kan lainat hlawm khawp mai,” a ti. A thlawhna khawl te chu chem velah an chher ta hlawm a ni awm e.
Ka rilru a lo lang chhuak nawlh chu, Pu James Dokhuma (fam) ziah, Thlahleinga Zan kha a ni. Khami kan buaipui lai kha aw, puan veng/bih chung khan nula kan han rim a hairehai, Zapan zipai khan min kidnap vel kha ania hairehai :lol: Salvation Rosy te nen ngei mai khan
Report this comment
May 15th, 2010 at 12:56 pm
A hmuh a nuam a,thlalak hlu tak a niin ka hria.
Report this comment