Dt 15. 5. 2010 (Inrinni) khan Mizo Research Scholars’ Association (MRSA) hmalakna in Shillong-a Mizo tlawmngai pawl hrang hrangte- Shillong Group YMA, Mizo Students’ Union (MSU): Shillong, All Mizo Post Graduate Students’ Union (AMPGSU): Shillong leh Shillong-a Maxi Cab Service Counter enkawltute chuan Mizoram House, Cleave Colony, Shillong-ah Aizawl leh Shillong/Guwahati inkara Maxi Cab Service chungchang sawihona kan nei a.
Tunhnai chho ah Aizawl leh Shillong/Guwahati inkar a Maxi Cab Service te’n accident an tawh tam tak em em nachhan sawiho a ni a. Chung zingah chuan Driver zu ruih vang tih te, Driver-in fimkhur lo leh chak tak taka motor a khalh thin vang tih te, Sumo neitute’n driver te an chhawr rim lutuk vang tih te leh motor that tawk loh vang tih te chu a langsar zualte an ni.
Heng bakah hian Maxi Cab Service chungchanga kan thil lo tawn tawh chi hrang hrang te kan sawi ho bawk a. Maxi Cab Service counter enkawltute lam atang pawhin an inenkawl dan leh an hmalakna chi hrang hrangte bakah harsatna chi hrang hrang an tawh thin te pawh ngaihthlak a ni bawk.
Hemi chungchangah hian mipuite kan him tlan theih nan Sumo-a kan chuan in, kan dikna leh chanvo a ni tih hre rengin; kan duhloh zawnga Driver a khawsa a nih chuan a hmunah kan lungawi loh thu lantir nghal thin turin kan inngen a ni.
Aizawl leh Shillong/Guwahati inkara Maxi Cab Service chungchang kan sawina ah hian Passenger te him leh him loh thu ah Driver te mawhphurna a lian fal kan ti hle a. Chuvangin Driver zu rui te, khalh chak lutuk te, polite lo lutuk te leh inthlahdah lutuk te avanga harsatna tawk mek leh tawk zel thei dinhmuna ding nia inhria chuan heng a hnuaia hming tarlanah te hian a zualko theih reng a ni.
- Pu B. Laltanpuia; President, Shillong Group YMA. Ph : 9436100258
- Pu Ricky Zobiakvela; Secretary, Shillong Group YMA. Ph: 9856030623
- Tv R. Zoramthanga; President, Mizo Students’ Union: Shillong
Ph : 9612095501
- Pu Lalrinnunga Hmar; President, Mizo Research Scholars’ Association
Ph : 9612528799
- Mizoram House, Shillong. Ph : 0364-2229471/ 2225068
Issued by: Mizo Research Scholars’ Association (MRSA), Shillong Group YMA, Mizo Students’ Union (MSU): Shillong, All Mizo Post Graduate Students’ Union (AMPGSU): Shillong.
Similar Posts:
- Mizo students union Silchar din a ni ta
- Is MSU a splinter group?
- Remna zawngin NEHU Shillong Campus-ah
- Lai Students’ Association, Shillong General Election Result
- No quota for NE students at IIM Shillong
Ka fon hi chu charge lai tih...
May 18th, 2010 at 11:53 am
He ti hi chuan a thawven thlak ta huai e…driver zu rui leh sa hawk tak tak thin te tan chuan a huat thla la awm dawn hle mai.thil tha tih i ning lo ang u…..
Report this comment
May 18th, 2010 at 11:54 am
Hei hi thil tul tak a ni ta tlat. Helai kawngah hian kan chesual zing ta malh malh bawk a, i han inkamki hlawm teh ang u. Hming leh phone no. nen thlap i rawn tilang hi a tha khawp mai.
Report this comment
May 18th, 2010 at 12:07 pm
trum khat pawh,train a chhuk tur kan nih avangin,station bula thleng kan duh kha..driver in min zu han dah duh lova mawle..ama hmelhriat mizo hotel trawp tawk ah min nghat a..chaw eikham ah kan chuak nghal vang2..polite lo fe2 an tam khop mai
he thil hian tam takah buaina a pumpelh ngei ka ring
Report this comment
May 18th, 2010 at 12:44 pm
ka sawi ve duh angem oo…15th march zan gwh-azl sumo driver chanchin kha… :twisted:
Report this comment
May 18th, 2010 at 12:46 pm
Tha thin ve ooo.
Report this comment
May 18th, 2010 at 1:07 pm
Tangkai tak a hman i tum theuh ang u.
Report this comment
May 18th, 2010 at 1:24 pm
va tha thin ve o mase counter pn thui tak mohphurna an neia cuan sumo daga in transis hi ka gai moh ve khp mai hma la lh thei se counter ten tlag tura an soiin an tlag lh thin silo a midagah behna tr min jog sak fo maia hun ahaeh bkah bugrua abo duh ropui sia
Report this comment
May 18th, 2010 at 1:24 pm
Shillong kan awm laia Joshua driver(Mama ni tain ka hria) khalha chuan kan duh bik thin zia kha… driver fel leh fel lo kar chu a hla khawp mai.. tan han la tak tak teh u
Report this comment
May 18th, 2010 at 1:26 pm
A tha lutuk…GHY ka awmlai khan Kuang kan thawn haw zing e mai…
Report this comment
May 18th, 2010 at 2:13 pm
Mizoram sorkharin dan an nei ve na nge, vantlang dan zawm a nagai ta anih maw.
Vawi khat pawh driver ka menpui tlai var thak. “Ka pu i hlau em ni? min ti . “Aw hlau teh reng mai”tiin ka chhang .Motor an chuan thiam hma in kan lo khalh ve nual tawh tih ka in hre ve kur si a .
Report this comment
May 18th, 2010 at 3:12 pm
Sorkar in a tihtur a tihloh vangin hengte hi a buaipui lo tur ten an buaipui a ngai ta ani.
Report this comment
May 18th, 2010 at 3:25 pm
Ghy to Azl tum khat ka chuang ve tawh, ka sim. Inhmuhkhawm a tul chhan khi driver ten positive takin an lak ka beisei.
Report this comment
May 18th, 2010 at 3:29 pm
Mizo Research Scholars’ Association (MRSA) ho chu ka lo la hre ngai lo na a, he an hmalakna ah hian an fakawm khawp mai.
Kei pawh vawikhat Gwhty a ka chhuk tumin driver leh passenger pa pakhat chuan Shillong thlen hma deuhah min 20 vel lai zu min insan daih mai a, passenger dang tan chuan lawmawm loh khawp mai. Driver kha a rawn rui phei lo hlauh zawk mawi pawh a.
Tin, security thu ah hian Gwhty-Aizl kawnga insuam vel a awm reng avang hian phaia awm lehkhazir leh sumdawng zingah nei leh nei loa flight a haw phah an awm nawk ka ring.
Report this comment
May 18th, 2010 at 3:34 pm
Tumkhat chu kan nau te ho Nagaland a zin tur hi, Aizawl to Guwahati service thin Sumo an hire a. An kal ta a. Silchar dai atangin an buai a. Driver in a diesel line ani e, a ti a, rei ngial an beih hnuah, a diesel awm lo a lo ni lek pek a. Chutah Guwahati an pelh hnu in, a chiangkuang lo chho zel a, JCB te pawh in a lehpel vur vur thin ani awm e. An rawn haw leh chu Motor neitute lakah an lungawilo nasa mai.
Report this comment
May 18th, 2010 at 4:40 pm
Keichu sumo a kal ka simna rei toh mai.tlan chak thei si,driver in zu in hrat bok si.
Report this comment