Kolasib tlangval Zoremmuana (MA 2nd Semester) zirlai chu NEHU Campus, Shillong-ah thi chhawngin a ram neituten an sawisa a, ani bakah hian a thian dang pathum chuan kut an tuar bawk. Hetianga Mizo zirlaiin boruak tha lo an tawn takah chuan Mizo Zirlai Pawl (MZP) general headquarters Aizawl chuan Mizo zirlaite thlavang hauhin May ni 28 khan Shillong hi an pan a, (ka misual puite lo hriat atan ka rawn tarlang a ni) MZP hruaitute nen hian kei pawh ka zuk tel ve a ni.
Khasi Students Union (KSU) lamin MZP thlenna turte lo be fel mahse NEIGHRIHMS lama Mizo fel tak Doctor Danial-a’n guest house a lo biak fel avangin NEIGHRIHMS lamah hian kan thleng ta zawk a ni.
May ni 29 chawhnuah KSU nen Shillong Club-ah kan inkawm a, NEHU zirlai hruaitute an lo kokhawm vek bawk a. “Hetiang hi nakin hunah chuan a thleng tawh lo ang,” tiin MZP hi an lo tiam nghal a, boruak a tha hle.
May ni 29 zanah hian NEHU campus-ah Mizo Research Scholars Association president Lalrinnunga Hmar chuan Mizo zirlai rualte chu a lo ko khawm a, MZP president VL Krosshnehzova leh North Eastern Students Organisation (NESO) vice chairman Lalmuanpuia Punte chuan thu an sawi a ni. Darkar hnih vel thusawi leh inbiaktawnna neih a ni.
“Hmanniah Khasi bawkin Assamese zirlai an khawih a, Union Minister Kapil Sibal leh Assam minister pahnih lai Campus-ah an rawn tlanchho nghal a, keini hian sawrkar hotute kan ko eih zo lo hi a mak kan ti, MZP lam in rawn kala kan lawm takzet..” an lo ti.
“Kan naute thlavang in rawn hauh hi a lawmawm, boruak hi a ‘tense’ riau maia keini lam tan chuan eng thamah ngaih tur awm lo mahse naupangho hian an hlua ru riau mai a, an chet dan a rawng si a…” tiin MRSA president chuan a lo sawi.
Shillong zirlaite hian LO chu an thlavang hauh lo viauah an ngai a, a chungah an lo lawm chiah lo deuh niin a lang. May ni 29 zan hian KSU hian hotel-a BAR chu lo book-in chaw min eipui a, zan dar 9.00 pelhah kan intlah ta hlawm a ni.
(MZP-te hi hnam tana thahnem an ngaihna leh Zofate tana an inpeknaah kei chuan ka fak hle a ni. MZP sawisel truk truk hi chuan Zo hnam harsatna hi an ngaihtuah loah kan ngai ve ngawt a… Pu Vangchhia leh mzvision-te ngaihdan a ni em ang chu maw… )
Similar Posts:
- Mizo-Khasi buaina chhuak, students evacuated!
- Vairengte Khasi ho thu khawchang!
- Khasi nu hmingin Mizoram sorkarin Shillong ah thlanmual a lei..
- Aizawl leh Shillong/Guwahati inkara Maxi Cab Service chungchanga Joint Statement
- Mizoram NIT Campus eng tik ah nge ?
June 3rd, 2010 at 11:05 pm
MZP te he lai hmun a zirlaite thlavang hauh tur a an lo kal tang2 kha kan lawm tak meuh ani.An kal zelna tur ah duhsakna ka hlan e,,,,,,,,,
Report this comment
June 4th, 2010 at 12:02 am
@41 keimah
I ngaihdan hi ka trawm e.
@50zoa
hmingtea thlir dan khi zirchiang zawk la, ram nuam leh hnam changkanna a keng zawk. duatpuiapa te anga an diklohna zawng2 nena MZP ruh rut ringot hi kan ram hian a mamawh ber lo.
Report this comment