Loch Ness (loch hi lake =dil tihna) Pic a click len theih
Khawvela ram mawi ber an tih fo thin Scotland (UK) ram nikum October 2009 khan ka tlawh ve na a thlalak thenkhat te. Thlalak tar hma in Scotland ram chanchin tawite in GK rawn brush hriam thar tur kan zep tel zawk ange.
Geography leh Atlas ngaina vaklo te tan Scotland hi United Kingdom (UK) ram Great Britain thliarkar a England ram hmar chiah a awm ani a, a khawpui ber hi Edinburgh (Edinboro ti a lam tur) ani. A khaw lian ber erawh Glasgow ani thung. Kum 1603 a tang khan England nen Lal an intawm a, Kum 1707 atang khan England nen insuihkhawmin ram pakhat ang tun thlengin alo ni ta ani. Tunah hian Scotland hi UK a state pakhat ang ani ber e (A dang te chu England, Wales, Northern Ireland), mahse khawvel culture leh sport hrang hrang ah Scotland, England, Wales leh Northern Ireland te hi a hrangin an tel thin.
Scottish Highlands hi Mizoram ang deuha tlang chhengchhe tak tak ram ania, mahse a kar velah phairuam zau tak leh dil tam tak a awm thung, kawng pawh a te ve hle nangin 2 lane chu ala ni ve trang trang.
Hei hi Glen Coe phai ruam ania, Scots ho tana hmun pawimawh tak, Massacre of Glen Coe an tih thlenna hmun ani. Mel Gibson a film Braveheart a scene thenkhat pawh kha he laiah hian filming an ti nghe nghe ani awm e.
Urquhart Castle, Loch Ness sir ami, hmanlai kulh ram tawh ani.
Hmanlai kulh vawm thriahna Trebuchet an ti, Urquhart Castle pawn ami.
Urquhart Kulh chhung atanga Loch Ness thlir. Loch Ness Monster i hmu thei em? 😀
Loch Ness Monster lian tawk dil sirah alo awm a. 😀
Loch Ness Monster hi Nessie ti in an ko duat thin, Mizorama dil lian ber Burma rama awm Rih dil a rulpui fep nei an sawi nen pawh khan a in an hmel.
