Khawnge kan Sawrkar hrawn mek hian diktak leh feltaka thil tih a tum thute, corruption pawh a zung nen lama pawhphawn a, phoro tumtu anni bawk a. Ka thu hriat hi a dik bawk avangin kan ngaihdan te sawiho ila, chanchinbumi misual zingah kan awm a nih phei chuan chanchinbu hmanga chhuichian chi niin ka hria.
Hmanni deuh khan kan thian pakhat chuan Buhfai phurh hna Supply Department-ah a thawh thu sawiin a phurhman Bill a lak chuan a sum faia DCSO Office atanga a lak thu leh a Bill lak tur awm zat aia tlem a lak thu a sawi a. Enge a chhan tih ka zawh chuan, amah pawhin a hriatthiam vak loh thu leh tute emaw bill pass nana sum an pek thuin Bill pe tuin a chhan thu min hrilh a. Carrying Contractor bakah Retailer bill zawng zawng atang pawhin sum engemaw zat an lak thensak niin a sawi bawk a. A MAK KA TI.. a ti ngawih ngawih mai.
Hetianga Buhfai phurhna Bill DCSO Office atanga a sum faia an lak hian Department a thawk thenkhat te hian chanpual annei ve reng emni ? An thawh hlawh Sawrkar in a pe a, Bill sum faia an pekchhuah avangin Carrying Contractor / Retailer te sum tur lo pawhpen hi dan a ni reng em ? Misual thiante zingah hetianga diklo taka Department-in sum an lak hi hre ve kan awm chuan thawhkhawm liam liam ila a tha lo maw ? Kan Sawrkar berin a zung nena phoro a tum si chuan Tunge min do thei ang ? Hetiang chi hi Department hrang hrangah pawh a tam ngawt lo maw ?
Hetianga Buhfai phurtute bill hi DCSO Office atanga a sum faia la lo hian Cheque hmanga lak chhuah turin Sawrkar hian ruahmanna a siam thei angem ? A bikin Aizawl chanchinbu lian hote khan han chhui chiang teh un…A bikin Retailer ten Buhfai phurhna tlem te te an khawl bek bek atanga tuten emaw sum anlo la ve ringawt hi a zialo em mai..
