76.Mi in aia pawng bikin in sa suh, “Mi anchhia zawng zawng dawn ka huam e,” tihna tluk a ni a, thu neitu ber an thi duh.
77.Kawn hnawhin in sa suh, Ramhuai liamna a ni; sak rawttu emaw a satu emaw an thi duh.
78.Kawt lama insak zawmsei chu thihna a ni.
79.In sak thatin chenna lai sak hnan lovin thiat rawh, Van ni an sal duh.
80.Vantlang kawng hnawh emaw, tihdanglam emaw a thiang lo, ruang a chhuak duh.
81.Mihring leh ranpui nghaisatu chuan thlahlei a vei ngai lo;an thlahte thlengin an riral duh.
82.Thlan laihna hmanraw thir tuai thar leh loh an chhungte’n hman mai loh tur. Thlan laitutepawhin a neitute’n tui an lum sak a, buhfai tlem an thlakah kut an sil kher tur a ni.
83.Nula leh tlangval khaw danga tlan dun turin an kal lohna lam kawtchhuahah chhawl an zuk thlak hmasa tur a ni; chumi hnuah an kalna lam turah an kal vang vang tawh tur a ni, an chhawl zuk thlak kha Sakeiin a chhiar ang a, a chhiar zawh hmain an kalna tur khua chu an thleng hman ang a, an him tawh ang; sunhlu hnah an zut kher thin. (Hemi an chinna chhan chu hmanah nula leh tlangval tlan dun Sakeiin a lo seh vang a ni.)
84.Kawmchar lam sumhmuna hman a thiang lo, ruang a chhuak duh, “Tlunglet” an vuah.
85.Khum hmanraw hlui tuah hian riralna a thlen duh.
86.Pawnpui chhawm tur tah sual chu inneih thulhna a ni.
87.Banglai tah sual chu dam theih lohna.
88.Lo ri kham kawih chu hrisel lohna, sawn phei chu thihna.
89.Ar ria invawm hi tualthah tluka ngaih a ni, a vawmtu leh a vawma tan a tha lo ve ve.
90.Fartuah leh khiang hi Luseiin eng kawng mahin an hmang thiang lo. Fartuah hi mitthi
rawp lam tur ruangruha hman a nih vang leh, khiang hi inurna kuanga hman a nih avangin.
91.Nupui rai laia nghafuan ven chu hlawhchhamna.
92.Mahni dehchhuah chhungte tel lova ei riral a ni ngai lo.
93.Nuamsip bawl leh nawm chen hi ching suh.
94.Kawmthlang lamah makpate in saktir suh, pute thli an dawl zo lova, an hrisel thei lo.
95.Tapchhak zawn vela maimawm a lo uai thlak chuan inleng neihna; khum bula lo uai thla chu damlo en.
96.Kum khatah in khat atangin pakhat aia tam pasal neiin kal chhuah a thiang lo.
97. a) Ngawi dawhnaah ngawipu atan tui tla tawh chhung zinga mi an awm chuan hman ngei tur a ni.
b)Ngaw pal thingtuaite kha ‘Ngar’ a hnawhna chhawl kha, ‘Tam’ tih tur. Ngawiah sangha a tla ti lovin a tawlh tih zawk tur.
c)Ngawia sangha chu a hmuna chawfak apiangin duh tawk ei theih; te tak te hawn pawh lei chawina a ni.
98.Puithu hi thlahte thlenga vanneihna.
99.Sailo lal leh sakeiin thil piangsual sa an ei duh lo.
100.A chhan awm lova zan thum tlaivar chu, rethei tur chhinchhiahna a ni.
Similar Posts:
- Pipu thufing leh serh leh sang – II
- Pipu thufing leh Serh leh Sang-I
- Laldenga Vrs A.Z.Phizo
- Zo nun… aw Zo Nun!
- Missionary hmuhchhuah zu!
May 30th, 2010 at 12:32 pm
Thufing hi pakhat tal (1st) ka siam ve dawn.. :lol:
[Report abuse]
May 30th, 2010 at 12:37 pm
78.Kawt lama insak zawmsei chu thihna a ni.
Mizorama kawng dunga in sak zawng zawng hian vantlang ram an nek vek sia thi ta duak mai se lah
[Report abuse]
May 30th, 2010 at 12:39 pm
Lunglei veng pakhat ah chuan Thlan hi a hranpa in an samfai ngailo, a chhan ka han zawh chuan ‘mitthi an awm duh’ tiin min chhang a, ‘Eng hun ah nge in sam thin?’ ti a ka zawh chuan ‘Mitthi awm hun thlan laih laiin’ tiin min chhang leh tho! :lol:
A hranpa a an sam loh pawn mitthi chu an lo nei tho!
[Report abuse]
May 30th, 2010 at 12:42 pm
Tuikuk thufing: 1)Bang awng chu a pawp a ni.
2)Mi 2 inbia chuan thusawi an nei a ni :lol: …..hairehai….ho hle mai aaa.. :lol:
[Report abuse]
May 30th, 2010 at 12:44 pm
Saitawk leh leh!!
:lol:
[Report abuse]
May 30th, 2010 at 12:48 pm
vandame.. shortcut chu a thui zawk pon zawh ngei2 tur :lol:
[Report abuse]
May 30th, 2010 at 12:49 pm
Kan ti leh pek teh ang, heng pipu thufing hi redundant tam tak a awm tawh ang. Mahse fiamthu nan a hman erawh a tha lem lo ang. Tin, fiah kher lo turin ka rawn duh ve che u. Awih lem loh pawn fiah kher chu a tul lo ang.
[Report abuse]
May 30th, 2010 at 12:49 pm
@chhangban : Kei pawh ka nuih a za khawps!
@Van Damme : A dang leh ‘Changel in Lei dawh suh, a tlo lo’
[Report abuse]
May 30th, 2010 at 12:54 pm
Thufing leh serh leh sang hi kan Pipute hian an lo va ngah ve mawle! A bengvarthlakin a hlu hlawm hle mai.
[Report abuse]
May 30th, 2010 at 12:58 pm
Thufing a ni emaw nilo emaw, ka’n thawh ve mai mai teh ang.
”Ek chu a uih a, zun chu a hing. Hnap erawh a al deuh piat”. Hahaha
[Report abuse]
May 30th, 2010 at 12:58 pm
Hnial hrat nih zir i duh chuan misual.com ah lut rawh.
[Report abuse]
May 30th, 2010 at 1:00 pm
caribou, lut kherlo pawn i hrat hmel!
[Report abuse]
May 30th, 2010 at 1:16 pm
@Saitawk: Muantea tuah tawh lutuk vangin MI hun kan sawn hla ta si a. Engtik nge maw ni dawn le?
Thufing: Khawvela hausa ber pawh ni la i zang a zaw tlat anih chuan i nun a hlim tak tak thei ngai lovang :razz:
[Report abuse]
May 30th, 2010 at 1:29 pm
Prince of Persia film chhuak thar hi hmuhnawm khawp mai, engtikah nge Zodinah an release ve ang le?
[Report abuse]
May 30th, 2010 at 1:37 pm
Arian..”zodin” ekekeke i soi hove a.. i purana lutk.. ! ! :twisted:
[Report abuse]
May 30th, 2010 at 1:42 pm
Aizawlah leh Lungleiah public tan threatre hall a awm ve lo.
[Report abuse]
May 30th, 2010 at 1:43 pm
caribou : muantea chu kan lo thlim leh mai dawn maw ni le! Han vui pur pur sela a hmuhnawm tham ngawt ang chu! :lol:
[Report abuse]
May 30th, 2010 at 1:57 pm
chhuk a awm chuan chho pawh a awm.
[Report abuse]
May 30th, 2010 at 2:02 pm
@Saitawk: Muantea chu kap hrep mai ang aw. Lunglei ah a awm a, Aizawlah Sunday School kaikim lawmman a dawng dawn. A lei taksa chu Lunglei ah, a rilru erawh Aizawl ah. A rawn chau haw leh hnawk ang chu. :twisted:
[Report abuse]
May 30th, 2010 at 2:06 pm
caribou, a ro awmna a piang ah a rilru pawh a awm a nih ber hi
Taka, nimin chu kawnga dawr ah jinx nen khan kan inhmu nawlh mai!
[Report abuse]
May 30th, 2010 at 2:22 pm
@saitawk leh caribou kha in zia thup deuh teh u, kan MI hunah in chak lo khawp ang le. Kan jinx te phir pher chu MI hma hmain a lo inlar kuan de de a ni maw! Tawmim mai mai rih se a tha a sin mawle :smile:
[Report abuse]
May 30th, 2010 at 2:24 pm
Eu eu eu! muante i kal tluang maw, kawng lak ah rokhawlhna i nei ang tih kan lo hlauhpui khawp mai che a sin!
[Report abuse]
May 30th, 2010 at 2:24 pm
Min lo biak em?
[Report abuse]
May 30th, 2010 at 2:30 pm
Muante, ka pu Saisawm-kap. I dam tha maw. Kan lo ngaihtuah khawp che asin.
[Report abuse]
May 30th, 2010 at 2:39 pm
@st & cari, Leitlang MI chu karleh kan ruat mai dawn em niang? Aizawl kal hian Aizawl misual ho hi an tawmim leh thap thin
[Report abuse]
May 30th, 2010 at 2:43 pm
Tuikuk thufing ka hriat ve chhun : “Mi in lung a an vawm che chuan pangpar in vawm let ang che, mahse i vawm let na pangpar kha pot nen ani tur ani” :lol:
[Report abuse]
May 30th, 2010 at 2:47 pm
muante, Saitawka’n paula iangin a sai che a, caribou-a’n a bouh bauh2 che nimaw? :lol: fimkhur rawh, tih mualpho che an tum chiang… :evil: In nupa karah hem an thlak lo ang tih tunge sawi thei? In nu a nalh viau phei chuan… :smile:
[Report abuse]
May 30th, 2010 at 2:50 pm
kawlhawk : Kan tum hi kan hlawhtling theilo, hem chu thlak kan tum a, mahse a mah muantea pui roh hian hem lo zawk hi a lo thlak leh thin a.
[Report abuse]
May 30th, 2010 at 2:52 pm
Kan hotupa ber Muantea’ phatna a zawng leh lo anih chuan kan MI mawlh ang. Phatna zawnga a tlanbo leh anih chuan dimna tel hauh lovin kan kah rawn leh ang.
[Report abuse]
May 30th, 2010 at 2:59 pm
muantea chu ‘pha chi’ ani maw? Chu t chu, Azl. ah pawh MI pui tum ila, a pha tho ang a?
[Report abuse]
May 30th, 2010 at 3:03 pm
@muantea chu leh!
[Report abuse]
May 30th, 2010 at 3:14 pm
Lushai_er chu rawn chhawp chhuak tha hle mai.
Ka hriat chhun chhun kan sawi belh ve ange.
1. Kawng sutna zawna In sak or In lei te hi upa te hian an duh vak lo, chhungkuaah natna, ebarzawnnah tluanlohna, thihna te a awm duh an ti.(Kawng pengthuam-3 a awma kawng-1in sutna bik a neihna zawn hi hi ramhui/khuavang ho hian kawng sutna zawn zel kha kal nan an hmang vangin In an sak hi a tha lo an ti)
2. Trekthing hi in ban leh in sakna a hman hi thiangloah an ngai(Trekthing hi hi trekin a deng duh vangin In sak nan an hman hian In trekin a deng duh an ti)
3Thungkung hruizam kungin a bul atang a ler thleng zam zil kual hi in banah hman thiang loah an ngai.
4.Kawtan In lei hi chhungkaw zinga paber a thi duh an ti.
5. Farnu te In lei hi thiang lovah an ngai, Fanu te zangthalnaa trapa te bawh kha thiang lovah an ngai a ni.
6. Nu leh pa te khum hi chhe hle mahse, tihchhiat hi thiang lohah an ngai, an mahni awm tawh lo mahse, tichhe lova dah mai mai tur an ti. Tihchhiat chuan chhungkaw darhna an ti.
7. Pipute kha na lo fing hle a, nungchate humhalh kawngah hian an thia tawkin tan an lo la nasa ve a, sahuai, vabak,awke/chawke,adt.. sava,rannung thah awl tak ang chi kha thah thiang lo an lo ti thin a ni.
8. Sakei-lu chhuahlam hawi a tar hi a duh lo bawk, sakei dangin phuba an rawn la duh an ti.
9. Kawng chhakah mipain nula a suala a thei chuan inkhing mahse, nulain thiam loh a chang thin. Achhan chu kawng chhak lam chu a sang a, nula duh loh chung chung pah luih hi thil har taka ngaih a ni a, nula duh ve vang reng a ngaih a ni. Kawng thlangah tlangvalin nula a sual a, an inkhing chuan nula hian thiam a chang thin, kawng thlang chu nula duh loh chung pawhin pawh thlak a awl vangin.
10. Miin tual athah a, lal-inah tlan lutin lal-In sut a dawm hman chuan tualthattu hi that emaw , hrem emaw a thiang tawh lo. Mahse, lal salah atang nghal tur a ni.
11. Khaw thar sah dawnin arpa an dah a a khuan duh loh chuan khaw dinna chiah an ngai lo.
12. Thlan khur laihsa a, a ni a ruang an phung nghal loh a chuan mitthi dang an awm duh an ti a, an serh hle.
13. Mangkhairalveng sava khawchhungah an thlawh luh a, a hram chiam chuan , a hram chiamna In zawn a mi hi mitthi an awm duh an ti.(Hei hi chu ngaihbel tur ang chu ka hre ve nual)
[Report abuse]
May 30th, 2010 at 3:27 pm
Insak hnan, kawng lama in zauh te hi chu an tam tawh lutuk, an thi kher tawh bik lo. Mahse pipute serh leh sâng ah hian dik tam tak a awm, a theih theih chu zawm hram a tha, a kristian lohna vak pawh a awm chuang in ka hre lo.
[Report abuse]
May 30th, 2010 at 3:30 pm
Lunglei MI in sawi elo?
[Report abuse]
May 30th, 2010 at 3:39 pm
Haha… Pu Shai, kan leitlang misual rual hian engemaw chu sawi an nei a ang ka ti.
[Report abuse]
May 30th, 2010 at 3:48 pm
@kawlhawk, a hun a zirin, min sawm ve lo mahse kan va ‘out’ ve dawn lawm ni ?
[Report abuse]
May 30th, 2010 at 3:57 pm
Tehreng mai Pu Shai. Min sawmlo mahse… (hei an ngawih tà k thiap hi)
[Report abuse]
May 30th, 2010 at 4:00 pm
@chepa: I va hre hnem ve, kei chu cut & paste chauh a nia, han thawh zel teh!
“Hmanlai Mizo Nun” by C.Lianthanga hi ka kawl bawk a, “Zoram History” by Lalhmuaka nen.
“Mizo chanchin” by Hrangthiauva & LC Nunga ziah pawh ready reference atan ka kawl bawk a. A mal mala misual junior deuh han hlui ka chak viau, muangchangin ka la rawn lawr leh ang.
[Report abuse]
May 30th, 2010 at 4:02 pm
@Kawlhawk & Shailendra: Kan hotupa Muantea’n chawlh leh kar (next week) ah a ti anih chu. A ni hi chu a thu vet vet em asin. Welcome, welcome. Lo tel ve ru, a nuam phian mai thei.
[Report abuse]
May 30th, 2010 at 4:07 pm
Pu-te Shaia & Kawlhawk ka rawn thlenna kar1 a ni reng ta mai! Khawnge in MI thin reng reng? Chhuk elh hmain vawikhat chu in MI ka rawn chhim ve dawn a nia.
[Report abuse]
May 30th, 2010 at 4:16 pm
Shailendra, Kawlhawk, Lushai_er leh misual member zawng zawngte MI tura sawm in ni e.
[Report abuse]
May 30th, 2010 at 4:23 pm
Lushai, Eng chen nge i cham dawn le? Engtin nge kan MI ang awww?
[Report abuse]
May 30th, 2010 at 4:25 pm
@lushai_er, MI chu a khat tawk in, misual 3 vel awm chuan, a remchanna hmun hmunah neih a ni ber. Lunglei hi rawtna a awm thin a. Mahse kan la ti ho hman lo a. Chu remchang a awm thuai i beisei teh ang. Pu mzvision pawh hian, Aizawl a neih a rawt a, kan la remchang tlang lo deuh anih ber mai hi…
[Report abuse]
May 30th, 2010 at 4:31 pm
Tuikuk Thifing ve thung aw.
1. Khawpui apiangah mihring an tam.
2.Naupang aiin puitling an upa zawk.
3.Thingkung atang tlak chu duh ai lei thlen hmatna.
4.Kawngkawia intawh thut chu inhmuh thutna.
5. Tlangram aiin phai a zawl zawk.
6.Thal aiin thlasik a vawt zawk.
7.Perek i rah dawnin a tuiek nge ek lo en phawt rawh.
8.Mihring hi ektum tundin chawp kan ni. Kan kua athat lohvin kan zawi vek.
9. Rul tur nei i hmuh chuan an chuk hma chein thah a tha.
10. Chaw ei treuh hi puarna.
[Report abuse]
May 30th, 2010 at 4:39 pm
#42: Ka cham hun ka la hre thei rih lo!
[Report abuse]
May 30th, 2010 at 4:42 pm
GK atan ve mai2: Mizo chanchin kan sawi hian Lusei ho hi kan thlur bing thun riau niin alang, a dik ka ti ber lo.
Ramhuai hlauh vanga serh leh sang hi Mizo hnam thenkhat chuan an nei velo. Lusei velin Vawk pawh inthawi nan bak an talh ngai/ngam loh kha hnam thenkhat chuan duh2 hunah an talh thin. Chung hna te chuan Sechhun kha inthawina lam hnaih an neih chhun a ni ve mai. Zohnahthlak ah hian ramhuai hlau velo an awm tihna a nih chu.
lushai_er, post tha tak a ni, hetiang hi a dik emaw dik lo emaw hriat ve hrim2 hi a tha ka ti.
[Report abuse]
May 30th, 2010 at 4:46 pm
lushai, naktuk chiah hi Aizawl ah ka cham dawn, MI a va chakawm ve, @kawlhawk pawh hi langsung in ka la hmu lo… Lunglei MI chungchang chu new post ka siam e, a rawn chhuak mai ang.
[Report abuse]
May 30th, 2010 at 4:50 pm
@Chepa : Kerh kerh hi no khatna chu tuihal vang ni ta se, a no hnihna chu taksa thatnan, a no thumna chu nawm hrim hrim nan lo ni ta se; a no lina chu at vang a ni tawh ang.
Kei hi mi a…
[Report abuse]
May 30th, 2010 at 4:52 pm
Awh zawng ngah hian sual a hring a, awh neih loh chu hnungtawlhna a ni si.
[Report abuse]
May 30th, 2010 at 4:54 pm
Bungraw hlutna chu a manah a ni a, mihring hlutna chu an thil tihah a ni.
[Report abuse]
May 30th, 2010 at 4:56 pm
Chawimawi i nih chhan sawi fiah a ngaih chuan i la phu lo tihna a ni.
[Report abuse]
May 30th, 2010 at 4:57 pm
Chhun hian mit a nei a, zan hian beng a nei.
[Report abuse]
May 30th, 2010 at 4:59 pm
Vawkpui pawh a vah a vah chuan ek thing a tawng nge nge!
[Report abuse]
May 30th, 2010 at 5:01 pm
#50..ka rawn add zuai, …Bungraw tha erawh a manah a inghat kher lo.
[Report abuse]
May 30th, 2010 at 5:04 pm
86.Pawnpui chhawm tur tah sual chu inneih thulhna a ni.
87.Banglai tah sual chu dam theih lohna.
Van ‘dan’ ve a…tihsual palh miau si chuan. Enge hetia an sawi chhan hi ni ang aw?
[Report abuse]
May 30th, 2010 at 5:06 pm
Khulamah chuan “Zawhte dumin kawng a kân chuan…” tih kha an puithu-pui thin, helamah chuan “Zawhte dumin kawng a kân chuan, tih tur a nei a ni ang e” kan ti thin.
[Report abuse]
May 30th, 2010 at 5:11 pm
@bmw: Pawnpui aiah Foreign Blanket, Banglai tah aiah Plywood,plyboard partition etc..hman hma hi ka hre bik hauh lo nangin a tum ber a ka rin zawk chu “Fimkhur” ngai a ni a, fimkhur turin an inchahnaah ka ngai hmiah mai!
[Report abuse]
May 30th, 2010 at 5:14 pm
Dinhmun avanga zahawmna chu a tlo lova, thil tih avanga zahawmna erawh a reh thei lo.
[Report abuse]
May 30th, 2010 at 5:18 pm
Lushai, fimkhur tura inchahna leh pawnpui & banglai in connect na ka man pha lo tlats
A hrim² in, kan pi leh pu te kha ngaihthat loh an hrat over emawni chu ka ti mai mai. Inneihni a ruahsur te kha, ‘an in thren duh’ an tia…hei loh pawh eng eng awma a awm nual ang.
[Report abuse]
May 30th, 2010 at 5:21 pm
@muantea #47, kawlhawk chu a zawnna tur hriat thiam chuan hmuh a awl lutuk… :lol:
[Report abuse]
May 30th, 2010 at 5:29 pm
@bmw: Kan pipu puithunate hi a hun lai khan chuan tha tak tak chu an ni thei ang. H.V sawi ang deuh hian kan ran talh zawng zawng kha sakhua thil vek a ni. Chuvang chuan “Sakhuain a ngek a hlawh” tih a nih reng kha! Mahse, an thlah kal zel kan ni a, tun hunah a lo tangkai tawh lo a nih pawn nuihzat zawng a lak chi ah kei chuan ka ngai lo!
Ka thil post khi a source ka ziak lang a, kei paw’n ka hriat chian loh a tam mai! Senior ho hian an la rawn hrilhfiah turah ngai i la!
[Report abuse]
May 30th, 2010 at 5:35 pm
@lushai, tunge lo nuihzat a? Kei chuan an thuchah ka man phak lo lutuk keimah ka in nuih zat ve mai a ni.
[Report abuse]
May 30th, 2010 at 5:46 pm
Serh leh Sang hi chu a pawng a pui a ngaihnep a tullo khawp in ka hria… Mahse hnam hrang hrang Serh leh Sang hi chu a in ang vek kher chuang lo a…
[Report abuse]
May 30th, 2010 at 5:50 pm
Shailendra: Amen…,
Blackmagicwomen: Anthropology zirlai thian i nei em, structuralism hmangin an zir nasa thin a lawm.Tin, i nick “Blackmagic” te hi puithuna ni mai awm a ni..Bible hian dawi thiamna thil a haw em mai, ka hnaih dawn lo le le che…hi…hihihi..hiii…
[Report abuse]
May 30th, 2010 at 6:01 pm
@Epis, min hlau rawh! Black mazik hmangin ka dawi a mup mup mai ang che! Thian Anthropology lam hria ka nei lo tlat mai. Ka thil interest lam a ni lo va, hre lo ve tak chu ka ni. Mahse ka ngai hlu. Pu Lushai post pawh hi part 1 atang khan ka lo save ve kauh².
[Report abuse]
May 30th, 2010 at 6:02 pm
#62, bmw: kawmen khi en let hlawm la! nangmah ka rawn ti bik lo che nia auh!
Eng ang thlahtute nge kan neih tih aia pawimawh zawk chu kan thlahtute hian eng ang thlahte nge an neih tih zawk hi a ni em? te han ti ta mai mai i la!
[Report abuse]
May 30th, 2010 at 6:07 pm
Lushai, min tih bik ten…kan nuih tlat hlei nem. Nuih emaw min tih chuan mak ka ti lehling ngawt ang che. I post part 1 a ka comment kha i hmu em? Ka lo appreciate sak em che kha. Va kerh² leh tawh mai rawh…i weekend a zoh trp tawh kha!
[Report abuse]
May 30th, 2010 at 6:12 pm
Pi leh pu huna an worldview kha Levis Strauss ngaihdan takin “logical reason” a nei ve vek mai.linear worldview aiah cyclical worldview kan hmang miau alawm le.
Puithuna atthlak kan tih tamtak hian a hunlai chuan pawimawhna chen a nei viau mai. Entirnan, khawvel sorkar tamtak, India tiamin “Sacred geography” (e.g sihhuai) kan tih ang kha sorkarin a pawmpui thlap tawh nia. Scientist te thlengin zu pawm a, a chhanchu, environtment a ven him tlat a…
Hman deuh khan, khawhring hi a awm ngei em tiin Mizorama pa upa deuh ho ka zawt a, Kristian pachal meuh an nih ngei mai. An chhanna chu “awm ngei e” an ti tlat mai. Chuvangin, kan hmanlai rindan hi a takin hmang lo mahila, vawilehkhatah a lo bo duak hauh lo mai.
Hetih lai hian, rindan mihring tina thei leh kawng dik lova kaihruai thei, hmasawnna tithuan awp thei chi hi chu sawilar loh tha hlein ka hria.
Khawthlang ramah pawh no.13 an hlauh viau khu maw.
[Report abuse]
May 30th, 2010 at 6:20 pm
Epis, mirror tih keh hi 7 yrs bad luck an tia, ka hlau ve khawp mai. Glass lam chi reng² ka tih keh chuan khasi hovin curse sut ( cancel) nan chil vawi 3 an chak pharh² ang hian ka ti ve ziah…kan aunty min hrilh dan a nia. Europeans ve thung chuan chil vawi 3 chhak chu good luck ah an lo ngai ve thung!
[Report abuse]
May 30th, 2010 at 6:38 pm
Pi leh pu serh leh sangte hi an hlu, tunlaiah tam tak chu palzut tawh mah ila, an serh leh sang atang hian an nunphung hawihhawm leh hlu tak kha kan hmu thei
Kawng thenkhatah chuan puithu hi nuam ka ti. Keimahah hian puithuna ka inpe ve thin, hlawkpui ka tum lova ka nunphung tinuam atan ka hmang ve mai.
[Report abuse]
May 30th, 2010 at 7:14 pm
Asia khawmuala awm hnam zingah keini Mizo/Zoohnahthlakte hi serh leh sang nei tlem pawl tak kan nih ka ring. Hnam dang ho hian serh leh sang chu ngah tak an ni.
Chinese, Kawl, Shan ho te hian hmeichhe pawnfen, kekawrte, hnutebawm ang chi hi mipa hian an khawih duh lo,. An zar pawh hian kawng thleng ai a sangah an zar ngai lo. Hmeichhe pawnfen hnuaia an luh or an deh chuan mipa thiltihtheihna leh vanneihna hi a tlahniam thei e tih hi an ngaih dan a ni.
Shan ho hian hmunphiah nen a inphiah fuh hian vanneihna ni-7 chhung a bo e tih ngaihdan an nei bawk.
Hmawng kung & Bungkung lian deuh zun khum te hi tunthlengin an la serh a, heng thingkung hnuaiah hian Thinghuai tan In tereuhte an sak sak a, inthawina ei leh in an la dah sak thin fo a ni.
Khawhring/hnam kan tih ang chi pawh Mizo te chauh lo pawh hnam dang Shan ,Kawl, Chinese hoah pawh hian nei an awm a, tunthleng hian hmun thenkhatah chuan nei an la awm thu hi an sawi ka hre thin.
Serh leh sang hi eng hnam serh leh sang pawh ni se, kan awih lo a nih pawn an duh lo zawng leh an huat zawk a va tih kher hi a tha lova, a mihringte hi zahna en tir nan a diriam leh runluih lo a, awm ve mai mai hi a tha berin ka hria.
[Report abuse]
May 30th, 2010 at 10:43 pm
In sak hnan khi chu tunlai hi chuan an uar tawh zawk niin ka hria.
[Report abuse]
June 2nd, 2010 at 12:53 am
Serh leh Sang #99…Sailo ka ni lova, sakei poh ka ni chuang lova mahse keipon ka ei ngai lo..lol
[Report abuse]
June 2nd, 2010 at 12:57 am
tun lawkah khan khawfing a chat!
[Report abuse]
August 25th, 2015 at 3:34 pm
mac foundation colours Take A Look At 2014 Newest VX911 841 Zaa Network 喔嬥箞喔?喔∴副喔權釜喙?喔复喔?: 喔娻箞喔竾喔椸傅喔о傅喔о覆喙勦福喔曕傅喙夃釜喔膏笖喔复喔曕競喔竾喔勦笝喔｀父喙堗笝喙冟斧喔∴箞
mac cosmestics Newest Onsale Free Shipping URNJJ 631 Ball and Chain Bournemouth mac eyeshadow compact Sale Price BVOGN 676 – CompactLists.com why mac makeup is the best Browse And Buy ZTW25 910 – Danhostel Fredensborg Kursuscenter mac makeup collection…