North East India atanga zalenna sualtute hruaitu pahnih Pu Laldenga (Mizoram) leh A.Z Phizo (Nagaland) te hian inanna tamtak an nei a. India lakah zalenna sualin, India ram chhungah pawh awm thei lovin, an ram mu a nih kha.
Harsatna tamtak karah dingin ram pawnah awm mahse, mipuiin an thu leh hla an zah in an ngai chang a. Hnampa tih koh hial an ni ve ve a. An tum ber Independent sual chhuak lo ve ve in, Londonah an thi ve ve a. Pu Laldenga hi chuan, dan pawna a hruaichhuahte, dan chhungah a rawn luhpui leh hman a ni.
Zalenna sual tu, ram pawna thi an ni bawk a, an ruang pawh mipuiten ropui takin anlo hmuak ve ve. Nagaland hnampa Pu A.Z Phizo ruang hi, Mipuiin, Dimapur atangin Kohima thleng ke in an zawn a. Secretariat thar kawt mualpawng, hmun nuam takah an phum a. An phum hma-in, “Hei hi India ram a ni em? Nilo, Nagaland a ni” tiin mipui vawi thum an au rual a, an phum ta a ni.
Mizo-Hnampa, Pu Laldenga pawh Aizawl Treasury Square, Venghlui pan na leh Assembly Hall panna inkarah a amah hriatrengna thlan mawitaka siam hmuh tur a awm bawk.
Chanchin ngaihnawm tak tak an ngah dun hle tih kan hre theuh awm e…… hria te khan han sawi belh ula, a bengvar thlak leh ngawt ang.
Mizoram tana zalenna sualtu Laldenga thlan
Nagaland tana zalenna sualtu A.Z Phizo thlan
Similar Posts:
- Zu chungchangah: Laldenga Ngaihdan
- A.Z. Phizo, Nagaland independence sualtu
- Independence nge Independent kan mamawh?
- Kan inphum zel dawn em ni ang – Engtin nge thlanmual?
- India in Zalenna a sual
May 6th, 2012 at 9:06 pm
Post bvt tak ani.
Report this comment
May 6th, 2012 at 9:44 pm
Post tha tak a ni e
Pu Laldenga hi hnampa-ah kan pawm emaw pawm lo emaw, Party inbeih kual vel na avanga hnam phatsantu ang hial a chhuah pawl te kan awm thin hi chu tha lo ka ti ngawt mai. A bikin Facebook lamah, mahni eng ni uk si lova kan ram hruaitu te kan diriam chiam chiam hi chu tha lo ka va ti thin tak em……
Report this comment
May 6th, 2012 at 10:29 pm
Phizo chuan, “USA atangin jet fighter-in min rawn tanpui dawn,” atihve awm ka hre law…!
Report this comment
May 6th, 2012 at 10:41 pm
Report this comment
May 6th, 2012 at 10:54 pm
Kan hnam zinga zalenna sual rilru pu ngam kan lo nei hrim hrim kha kei chuan a ropui ka ti. Mahsé an thiltih tam tak kha chu a lo ṭhing ve mah mah chu a nih kha, tùnhnûa an sawi leh dànin. Ram rethei tak ni tùr pawhin zalenna kha lo sual chhuak ve hrim hrim se a châkawm :tawnmang lungmäwl:
Report this comment
May 6th, 2012 at 11:46 pm
Ram zalenna, remna leh muanna tiha mipui an bum laiin an in chhek hausa ngheng ngheng ani ringawt. Hnam pa emaw zalenna sial chhuah tum ang ziazanga ngaih chhan tur a awm lo. Mizoram leh Nagaland corrupt tak state ah ah chhuah a, chu zawng chu ani mai. Mipui te an retheih fe laiin an politician te leh officer te an hausa hle ringawt mai ani. Tun thleng thlenga central sorkar tanpuina la mamawh hian zalenna chu sawi lo teh ang.
Report this comment
May 7th, 2012 at 12:04 am
Party zawng chuan tan ka nei hauh lo.Mahse PU Laldenga khan kha ti khan hma la lo se chu Mizoram hi Assam hnuaia district council pakhat ah a awm reng ang. 1959 ah mau a tam a..cenral sorkarin Mizoram a ngaihsak loh zia chu a hriat mai kha..
A hun lai a zira Mizoram tana hna an thawh kha sawi chhiat sek a tul tawh lo..Khami a vanga State hmu a, Assam hnuaia district council pakhat ve mai kha, Mizoram tiin a lo piang ta ani.
A pawimawh ber zawk chu tun hun ami te hian ka ram tan enge ka tih ve theih tih hi a pawimawh ber zawk
Report this comment
May 7th, 2012 at 12:16 am
Kei, kha tih hun lai khan an lo hlawhtling reu reu ang tih a nia ka hlauh tak ni. Tunah mah heti hi kan la nia. Ram te reuhte rethei si mihring tlem si, thatchhe si, sum duh si, politically in independent mah ila economics ah engtikah mah kan independent ngai dn lova, mipui hi tun aiin kan rethei anga, democracy pawh a ding zo lo hial ang tih a hlauhawm ka ti. Kan politician ten thuneihna an duh si. Tuna kan politiciante zingah hian ram leh hnam hmangaih tak tak vanga khel hi engzat tak awm ang maw? Atam zawk hi chu thuneihna leh sum leh pai duh vang chaua khel niin ka hria.
Report this comment
May 7th, 2012 at 1:28 am
State nih vanga sum tam thar ilo vêlina a tihbuai (k)an ni zâwk lo maw, kan hruaitute leh mizo mipui hrim hi?
Tün dinhmunah chuan hnam hlemhle tak, thawh loh rah ei duh hnam kan ni ringawt a. Zalenna lo sual chhuak ta se, kuttling lova sum hmuh dàn a tlém deuh hlekin a rinawm a. Thil chu a dik zâwk deuh lo’ng maw? Party rilru pu lova sawi chuan hei hi a beisei theih vein ka hre mai mai.
A engapawhchu ni se, zëldin thubàwl ram vek a ni e.
Report this comment
May 7th, 2012 at 6:39 am
Kan hruaitu hmasa ten khatiang kawng min lo zawhpui kha mipui ten tuar viau mah ila a thatna tam tak chu a awm ve tho e. Tin, India sawrkar hnuaia chawmhlawma awm hi kan phak tawk anìh hmel viau rìh mai.
Report this comment
May 7th, 2012 at 7:01 am
Lo Independent ta ila,tun ai hian…..
a) Corruption a zung chawp a pawh phawi a, pho-ro an ngam
zawk a ngem?
b) Khawpuithar din, khaw-pui zauh, kawngpui zauh lam ah
hma an la huai zawk a ngem?
c) Lo dictatator ta deuh pawh nise, tun ai hian dikna leh
hnathawh that/dik kawngah mipui an khalh ngil zawk a
ngem?
d) Ram dinhmun en hian, Democracy hi kan hmangsual tulh
tulh a ni lo maw?
….tih vel hi in ngaihtuah ve thin in ka ring.
Report this comment
May 7th, 2012 at 7:44 am
MNF emaw Pu Laldenga Policy emaw kha ka support em em lo. Marawh chu tha leh zung ram tana an lo sen erawh zah an phu in ka hria.
Report this comment
May 7th, 2012 at 7:57 am
12
An beisei leh tumdan aiin an kal thui ta pawh a ni ang e, mahse, Mizoram chapter thar a min hlangtu an ni tlat, zah chu an phu ve a lawm.
Report this comment
May 7th, 2012 at 2:19 pm
Pu Laldenga thlan awmna Shed kha an lo ṭhiat tawh nimaw (Hre lo ve pangbal)
Report this comment
May 7th, 2012 at 7:29 pm
A ngaihnawm keuh keuh. GP (Good Post)
Report this comment
May 8th, 2012 at 8:39 am
@#8, Midang hnuaia awm dawn loh avanga intodelh lo tura in ngaihna hi rilru piangsual zia a ni tlat. Thalaiten kan ngaihtuah ngun a ngai khawp mai. 1970 hnu lama piang leh la damte hi a nih hi intodelh lo chu, kan pi leh pute an intodelh loh kan hre ngai lo.
Tin, kan ram tana beitute beitu kher lo pawh midang Mizo leh Mizo indiriam kan ching thin hi sim a tha khawp mai.
Nagaland hian tuna an awmdan khi an ning tawh khawp mai a. An hnam changkang deuh ho phei khi chuan ning tak an ni. Mahse tihtawp mai theih a ni si lo.
Mizo hi kan lo huaisen ka tia. Pu Lalthanhawla a ni emaw, Pu Laldenga a ni emaw, khatianga an inrem ngam kha an huaisen ka ti. Mizo mipuite duhdan an tihlawhtling ngam kha a huaisen thlak a an fakawm bawk.
Report this comment
May 8th, 2012 at 10:44 am
16
Last para….
Report this comment
May 8th, 2012 at 10:51 am
Report this comment
May 8th, 2012 at 12:34 pm
A bengvarthlak e.
Tithei lova inngai tithei an awm ngai lo – Laldenga
tren tren
Report this comment
May 8th, 2012 at 1:47 pm
@ #16 Hläwm hmasa ber
Ka ngaihdàn chiah a ni.
Khawthlir thim lutuk chu buai deuh deuhna.
Report this comment