mi(sual).com

Kan thatlai leh vanglai hian hengte hi kan vei ve tur a ni. “Kei-a lo vei ve a, lo chhui ve sek hi engtihna mah ani lo e.” tiin, kan thlir liam mai mai tur ani lo.

Politics:– Politics hi Kum 50 pel tawhte tan chauha tuipui chi, Tu-mawng-ben hnu chauha ngaihven chi anga kan ngai hi a dik lo hulhual! Kan ram Poitics virvel leh thu lengvak, Sorkar Policy leh hmalaknate hi thalaite hian kan bengkhawnin, kan ngaihven hle tur a ni. Kan zir anga, kan chhui anga, kan chik anga, kan meng ve kar tur a ni. Chu tah, Thil diklo a awm ngei anih chuan kan theihna mual mualah ‘Thawm’ kan chhuah ve ngei tur a ni. Enganga zirsang leh thiam pawh ni ila, kan chenna ram Politics virvel leh Sorkar kalphungah te kan ngawn(g) tlat si chuan Parawn kan ni ngailo ang. Ram kalsiam nih i tum ang u.

Sakhuana:– Sakhuana a chhiat chuan Khawtlangnun a chhia… Khawtlangnun a chhiat chuan Ram a chhia… Ram a chhiat chuan Hnam a mualpho… Kan Sakhua/ Kristianna kan hlat poh leh he hnam hian Hnampum mualphona a hnaih tual tual tihna a ni. Sakhuana kan lak da-zát tawh zia te; sual inphen nana hman kan hreh tawh loh zia te; kan Social/ Personal Life hrim hrimah Pathian tihna tak tak kan neih tawh loh ziate en hian– Thalaite hian tih tur kan nei. Kan theihna mual mualah a damdawi kan ngaihtuah ve tur a ni. Khohhran leh Khawtlang hruaitute kan burbun vek bik tur ani lo.

(more…)

Mizoram mai pawh nilo, India ram pumah mai hian office a thawk te hi kan hlau in kan zah em em mai a, an thu hnuaia kun ang mai hian kan dawr thin ni berin ka hre thin.

Englekhawle, tu pawh hi inzah tawn theuh hi mihring pangai nihna niin a lang phawt mai. Midang pisa kaina kan kal ngat phei chuan, an hnathawhna hmun a nih miau avangin zah thiam an pawimawh viau. Mahse, zah tih hian hlauh tur tihna erawh a ni lovang.

Bank bik tawite maiin han thlur bing teh ang. Bank hi pisa dang ang tho a mipui vanga awm a ni phawt mai. Mahse, mipui vang tihah pawh khan pisa dang te nen chuan danglamna an nei em em thung, a chhan chu sumdawng an ni tlat. Hei tak hi Mizoram leh a chhehvel mipui te hian kan hrelo thin nge kan hlauhtlawn fo thin tlat. Mizoram chhungah pawh bank chi hrang hrang a awm ve ta a, chung kan dawr naah te heng tlemte hi hriat a zawm theih nise chuan kan pawisa hloh thin te engemaw chen a kiam thei ngeiin ka ring.

(more…)

Khawnge kan Sawrkar hrawn mek hian diktak leh feltaka thil tih a tum thute, corruption pawh a zung nen lama pawhphawn a, phoro tumtu anni bawk a. Ka thu hriat hi a dik bawk avangin kan ngaihdan te sawiho ila, chanchinbumi misual zingah kan awm a nih phei chuan chanchinbu hmanga chhuichian chi niin ka hria.

Hmanni deuh khan kan thian pakhat chuan Buhfai phurh hna Supply Department-ah a thawh thu sawiin a phurhman Bill a lak chuan a sum faia DCSO Office atanga a lak thu leh a Bill lak tur awm zat aia tlem a lak thu a sawi a. Enge a chhan tih ka zawh chuan, amah pawhin a hriatthiam vak loh thu leh tute emaw bill pass nana sum an pek thuin Bill pe tuin a chhan thu min hrilh a. Carrying Contractor bakah Retailer bill zawng zawng atang pawhin sum engemaw zat an lak thensak niin a sawi bawk a. A MAK KA TI.. a ti ngawih ngawih mai.

(more…)