Khawvel changkanna-in min chîm a, kan mangphan phâk loh mobile phone thlengin kan nei ta fer fur hlawm. SMS hmangin thu kan inthawn a, a bîkin hei hian kan thalaite nunah Mizo tawng hman duhdahna leh a dik lo pawisak lohna a thlen thui hle. Tleirawlho message thenkhat phei chu Mizo tawng a nihna lang miah lova hriatthiam harsa a ni ta hlawm. Inren chhuanlamin hawrawp kan chhu kim lova, kan sawisa kual a, kan tiduhdah a ni ber. Hei hian a tarlan leh a hrinchhuah mek chu, kan tawng neihchhun – Mizo tawng hi a dalin a dazât tial tial ang a, thangtharin Mizo tawng an thiam lo mai ni lovin thiam loh hi an zak miah lo chho zel dawn a ni.
Tun dinhmunah pawh hian Mizo thalai tam zawk hian Mizo tawng grammar – zawm leh zawm loh te, structure, punctuation dik leh dik lo hi kan pawisa lova, thiam tumna kan nei lovin kan rilru-ah pawh a pawimawhna kan ngaihtuah ngai lo tlangpui âwm e. Missionary hmasa Pu Buanga te kha tawng lam thiam mi (linguist) an lo ni hlauh a, kan tawnghmang atangin khawvel huapa hman tlak a, aw, b… tha min lo siamsak a, a lawmawm tehlul nen, a hlutna hi kan hre lo ngawt mai.
Kan tawng hi a thluk azira awmze hran nei (tonal language) a nih mai bakah thumal ziah zawm leh zawm loh hian awmze hrang a nei tih kan hre theuh awm e. Tun anga kan uluk lohva heti khawpa kan suasam hreh lo a nih zel chuan Manipuri-ho Bengali script hmang ang maiin inchhir hun leh siamthat duh ngawih ngawih hun kan la nei ang a, a harsa tawh si ang. Kan tawng hi a ral rualin Mizo hnam hi a ral a ni mai dawn si a; ngaihtuahtlang ila, siamthat dan i zawngho teh ang u.
ve e
June 1st, 2010 at 11:58 pm
Pim, ka zin chau deuh a niang e. Chhas te chu maw….tha lutuk..he..he.. Mangtha phawt mai.
Report this comment
June 1st, 2010 at 11:59 pm
SMS ah chuan lamtawi hi a awlsama hman mai ka sel lem lo. Mahse, kan thumal neihsa lamrik tidanglam thei chi hi chu ka do. Entirnan: mei mei,vin,khupz hetianga kan lam chuan mai mai, va’n(va han),khawp tih hi nakinah chuan a bo ngei ang.
Mahse, lam rik tidanglam chuang lova lamtawi kan hmang erawh pawi ka ti lem lo. Entirnan: ‘ti’ aiah ‘t’ lutuk aiah ‘ltk’, ‘dawn’ aiah ‘don’ etc.
Report this comment
June 1st, 2010 at 11:59 pm
ok. Mangtha
Report this comment
June 2nd, 2010 at 12:02 am
communication hi chu in hriatthiam tawn chuan a tha ka ti mai..mahse text msg a mizo teenagers ho in an hman thin hi chu ka bih rei deuh thin
Report this comment
June 2nd, 2010 at 12:06 am
@k.lalrina : I zawhna hi ka ngaihdan chuan Pathian ropuina’n tih emaw Pathian ropui nan tih emaw hi a dik ve ve. Pathian ropui na’n kan tih erawh chuan a dik tawh lo. Dik tak maw?
Report this comment
June 2nd, 2010 at 12:13 am
@kawnga: I chhanna a chiang lo tlat mai! Pathian ropui na’n tih chu a dik thei lo in ka hria. Pathian ropui nan emaw Pathian ropuina atan tih emaw a dik thei ve ve in ka ngai. Atan tih kan lam tawi hian a chunga thai dum hi an hman ngai ka hre lo tlat! :cool:
Report this comment
June 2nd, 2010 at 12:16 am
k mut cuak deu tat k mut sn mai ng ce u mang mai
Report this comment
June 2nd, 2010 at 12:18 am
Pathian ropui na’n tih chu dik lo ve, ka sawi tawh ang khian. Ropuina tih thu hi zawm tur a ni a, atan hi kan lamtawi dawn a niha, Ropuina-a a bet dawn a nih chuan (‘) hi hman a ngai a. Ropui leh nan tih kan ziah hran erawh chuan (‘) hman a tul lem lo turah ka ngai. Ropuina atan tih hi chu hnial rual lohva dik sa. :lol:
Report this comment
June 2nd, 2010 at 12:18 am
@kawnga : Pathian ropui na’n tih hi dik ka ti.
@vaiva : Thaidum khian kan lamtawi tihna a ni, NAN tih hi mizo tawngah a awm ka hre lo.
Report this comment
June 2nd, 2010 at 12:19 am
@VaiVa: “nan” tih hi “na atan” tih lamtawi a nih si chuan “na’n” ti a ziah hi a dik zawk lo maw?
Report this comment
June 2nd, 2010 at 12:21 am
kep0h k mut a cuak tlt, ntk k zin d0n b0k cia, k mu san t0h my ng ce u! Mngth vk u!
Report this comment
June 2nd, 2010 at 12:27 am
@evergreen : NAN tih chu Mizo tawng ngei a ni e. Tawng dik zirna awlsam leh tlanglawn ber chu Bible hi a ni a. Bible-ah hian ‘nân’ tih a tam khawp mai. Mahse, a hma-a thu nen kan zawm loh chuan (‘) dah a tul lem lo.
Report this comment
June 2nd, 2010 at 12:27 am
Nan tih te, nang te` tih te leh anih si` tih te, narawh e tih te hi kan khawchhak/Tahan unau te tawngkam deuhniin ka hria. Khawtin hian tawngkam kan neih hran hi maw!
EG:
Kan thiamlo tih nan (na atan) thupha chawi turin palai i tir ang u.
Kei chu ka kal velo mai ang e, nang te? ( i kal dawn em? tihna)
An duh loh chuan duh loh mai tur, a nih si.
Tawngkam a thiam narawh e. (tawngkam a thiam mange)
Report this comment
June 2nd, 2010 at 12:30 am
@kawnga:NAN tih hi NA ATAN tih lam tawi vek a niin ka hria, amah ngau ngau hi chuan awmzia a neih ka hre lo
Report this comment
June 2nd, 2010 at 12:33 am
duhlo mah ila mizo kan nih chhung hi chuan inchhungkhur lamah mizo tawng kan hmang dawn a, chuvang chuan a tawng kalhmang thiamlo tak tak kan awm kher lo ang.
MISUAL ho zingah hian zirtirtu kan awm em. School lamah tawng hmandan dik zirtirna lam kawng an hma lo la ta che u.
Kohhra leh khawtlang a thalai hruaitu ten hma lo la bawk sela.
I fate sap sikulah kal tir la, thiam leh zak miahlo a saptawng thiamtir tum rawh. inchhung lamah mizo tawng hman lamah hma lo lak pui thung la. chhungtin ten tihian ti i la hma kan sawh phah ngei ang le.
Report this comment
June 2nd, 2010 at 12:34 am
@evergreen : NA ATAN tih hi Mizo tawng a ni a, a lamtawi NAN tih pawh hi Mizo tawng tho. A awmzia chu NA ATAN tih tho hi a nia. Chiang thei em? :lol:
Report this comment
June 2nd, 2010 at 12:41 am
Kan alphabet-ah hian tlem2 tih danglam deuh leh siam belh ta ila a thra awm mang e aw!tih hi ka nei ve deuh thrin.Ziak zawm tur leh tur loh hi ka fiah hlei thei lo.Trawng humhalh deuh leh in zirtir ngun deuh chu a trul khawp mai.Mizo trawng hi a lo har phian anih hi ka ti ta.
(t ai ah tr hman hi a fiah zawk riau na hun a awm a ka hriat vang hmang ka nia!!)
Report this comment
June 2nd, 2010 at 12:41 am
@kawnga, nia, NAN tih thumal ngau ngau in kan nei lo ka tihna zawk a ni, thil lamtawi (na atan) tih mai ani e, NAN hi.
Report this comment
June 2nd, 2010 at 12:48 am
#60……….NAN tih hi mizo tawngah a awm ka hre lo…….
TIHNA… tih a lo awm leh zel te hi alawm Mizo tawng hausakna :lol:
Tak taka, ka hnial fiam mai mai che a nih khi. A nuam ve alawm.. tiraw? :lol:
Report this comment
June 2nd, 2010 at 12:49 am
@Tomte-a: Bible hi a dik viau, tin, mizo tawng ziahzawm tur leh tur loh kan hriat loh chuan English in han dah chhin ila, thumal pakhat in a kentel theih anih chuan mizo tawngah ziakzawm ve mai ila a dik tlangpui thei bawkin ka hria.
Report this comment
June 2nd, 2010 at 1:04 am
@Tomte-a : T leh tr chungchanga ka ngaihdan chu maw… A nazawngah hi chuan tr hi a tul lem lo ka ti. Mahse, kan hawrawp ṭ hi awlsam taka kan hman theih si loh avang hian tr hman tul chang chu a awm teh meuh mai. Tr kan hman lohva kan sawi tum a fiah theih tho tum hi chuan hman chhen loh hi a tha ka ti zawk mah.
Thrin han tih kher te, trangkai han tih kher te hi a tul hran ka ti lova. Mahse, ‘Zo triah triah’ tih ang chi-ah hi chuan hman mai hi a fuh zawk thei ang.
Report this comment
June 2nd, 2010 at 1:21 am
Test :mrgreen: :lol:
Report this comment
June 2nd, 2010 at 1:24 am
@evergreen: NAN tih hi Mizo tawngah a awm teh meuh mai! Tin, nan tih ah hian na’n tiin thai dum hman a awm ka la hmu hran lo kei chuan. He thumal chauh ni lo, thil dang tam takah pawh hman ani. Nan tih hi na atan tihna mai chu a ni e. Mahse, lamtawi mah nise tawngkam tluang pangai a thumal pakhat awmze neiah hman a nih avangin apostrophe hi hman a ni lo mai zawk niin ka hria! A dik em?
Report this comment
June 2nd, 2010 at 1:41 am
Lo chhiar mai mai phawt te’ng. :lol:
Report this comment
June 2nd, 2010 at 1:59 am
Nan te, nan lo te, na atan te, loh a tan te.
Report this comment
June 2nd, 2010 at 2:03 am
inti mizo em2 ho in royte, colney..etc. an han hmang tak2 hi chu nuih anti 100…
Report this comment
June 2nd, 2010 at 2:38 am
Ku muang : Te, bawrhsaiabe i ei em chu a nilo maw! WD WD :lol:
NOI/OI
Report this comment
June 2nd, 2010 at 3:22 am
Mizo tawngah pawh hian lung a rual dawn lo, kan hman trangkai theih dan ber theuh hi thra mai lawm ni… te lo tive ringot ila
Report this comment
June 2nd, 2010 at 3:25 am
.
Report this comment
June 2nd, 2010 at 6:57 am
A va han lawmawm em!!! Kan lo vei tlang leh kan lo khatliam hlawm em em hi a lawmawm takzet. Sawi tur a la tam, chutih rualin dan leh kalphung felfai kan neih loh luat avang hian Mizo tawng hi a buaithlak chang a tam khawp thung mai; chi dang pawh i la sawiho zel teh ang u.
#33 Lily_parmawia sawi, “Bible hi a dik ber-a, ka chhiar peih vak silo a…” te, #63 Kawnga sawi, “Tawng dik zirna awlsam leh tlanglawn ber chu Bible hi a ni a…” te hi a dik tehmeuh mai, amaherawhchu Bible-a punctuation leh structure te hi a dik kim vek lem lo tih hre bawk ila, chutih laiin Mizo tawng lehkhabu kan neih-ah chuan a dik tam berah ka ngai tho.
“nan” chungchangah hi chuan thangkhat lian liamta-ah khan Ka pa nen kan ngaihdan a inhmu chiah lova, kan sawidun chiam tawh. “-na atan” lamtawi a nih na na na chuan apostrophe (Class III inti lova pawl thum kan nih lai chuan – hawrawp banna kan ti thin
a awmzia a chiang asin) hmanga a hmaa thu nena zawmin “…ropuina’n” tih hi a dik ber laiin a hmaa thu nena inzawm lova “…ropui nan” kan tih hian dik thovah kan pawm ta.
Report this comment
June 2nd, 2010 at 7:06 am
Tin, tawng hi thil nung leh tui luang anga che leh thang reng a ni a, a danglam fo a, a danglam zel dawn bawk a ni tih kan pawmtlan a ngai a. Tawng lerh phei chu a che chak lehzual. Hman deuha “tawih” tih kha “chhas” tiin kan sawi leh tawh a, tu nula mahin tunlaiah kan ‘tawih’ nih an duh tawh lovang.
A danglam thin avang tak hian a nia “Bible-a punctuation leh structure hi a dik tawk lo…” ka tihna chhan; tin, tawng hi kan danglamtir ngam a, kan thantir a, chutih laia kan ven peih pawh a tul.
Sawi tur ka va la ngah tak em!!!
Report this comment
June 2nd, 2010 at 7:31 am
Post pawimawh tak a ni. Tawng hrang hrang hian sawisak chu an hlawh theuh in ka hria. A post in a a rawn sawi khi kei chuan kan sawi daih zawk teh ang :twisted:
SMS/msg atana kan tawng hman dan hi, a tam zawk chu kan handset a zir a ni khawp mai. Tuna ka hman laiah hi chuan a key tin hi hawrawp mal pakhat a ni a. Mahse handset kan hman tam zawk erawh hi chu, key pakhat in hawrawp 3/4 kawp ani. Entirnan, ‘ka lo kal dawn’ tih hi lo chhu dawn ta ila, handset kan hman tlanglawn atang chuan, ‘k lo kl dn’ tih mai kha a awlsam zawk fe a. Tin, hawrawp thenkhat, z ang te hi, vawi 4 hmeh ai chuan j hman mai hi a awlsam. Short cut kan zawnna lamah, sms/msg hawrawp remkhawm hian pawngsual a tawk nasa hle a ni.
He ka comment pawh hi, misual post ni lo in sms/msg pangngai chu nise, sipel rei fe fe chu in awm ang :twisted: :lol:
Report this comment
June 2nd, 2010 at 8:53 am
english medium kan uar telh telh si a, kan tawng hi chu a dazat tial tial dawn anih hi.
Report this comment
June 2nd, 2010 at 12:33 pm
inthawh thra hlawm hle mai a, inthlahrun awm khoops. kei misaul hi chuan uluk mah ila ka thiam vak chuang lo maithei, kan uluk vak lo thrina ka post leh ka comment te hian tum an neih ka ziak chhuak zo lo lek lek thrin chungin min lo chhair sak tu ho misual thriante ngaihdam dil pahin ka inthlahrung hle tih min lo hriatsak dawn nia.Admin ho guideline zawm thra lo pawl tak pawh ka nih ka inring thuziak lamah hi chuan. Ka lawme mahse …
Report this comment
June 2nd, 2010 at 3:20 pm
A rei tawh lawng,
A rei tawh lawng;
Lungngaia kan tah,
A rei tawh lawng…
He hla changah hian ‘lawng’ tih ho hi a dik lo vek a. lo’ng ti-a ziah ngei ngei tur. ‘Lovang’ tih lamtawi mai a ni.
Report this comment
June 2nd, 2010 at 4:53 pm
@Ku Muanga chu i thawh ṭha hle mai.
Report this comment
June 2nd, 2010 at 7:16 pm
kei leh ka chass erawh chuan MIZO tawng dik tluantlinga SMS type kan zir ve tlat HAIZE… :lol:
Report this comment
June 2nd, 2010 at 7:18 pm
@The Real – ka awih lo “Nai Ce, Ne Th” in ti thin thovang.
Report this comment
June 2nd, 2010 at 7:39 pm
Ngai che, e nge tih a :lol:
Report this comment
June 2nd, 2010 at 8:25 pm
A tha-in, a va pawimawh tehlul em he post hi. Ka vei em em thin, kei ngei pawhin ka thatchhiat luata ka lo chin, Post ka lo tum thin uaih uaih, ka sawifiah thiam lo ang tih ka hlauh si kha– kan leitlang chhuantawlawl, Ku muanga’n fiah zetin a rawn tarchhuak. Ka va lawm em! Hnam khawih thil a ni, zau zawka vawrhdarh ka chak kher mai ka ti.
Report this comment
June 2nd, 2010 at 8:30 pm
Ti hian an ti thin.
“I lo kl dn ta m? Lo kl dn i t c a, k ghk reg ce nia. A rei du khr my, ghk reg thy lo ce nia…
Report this comment
June 3rd, 2010 at 12:12 am
#82 shailendra: I tidik khawp mai, QWERTY handset man tlawm zawk lo chhuak zel hi Mizo tawng tana malsawmna ni turah ngai phawt mai teh ang.
#85 Kawnga: I ngaihdan ka tawmpui che.
Report this comment
June 3rd, 2010 at 1:04 am
He thu hi MI thupui theh pakhatah hman a ni ang.
Report this comment
June 3rd, 2010 at 3:37 pm
mi(sual).com atang hian engtinnge Mizo tawng chungchang zau zawk leh fiah zawka kan sawiho theih ang a, hmasawnna eng kawngin nge kan puakchhuah theih ang tih han rawt teh u khai.
Report this comment