Tunlai khawvel changkang ah mi in pawisa (cash) an keng tren trun duh tawh lova, cash ken hi a him loh bakah hausak deuh a pawisa ah tam duh phei chuan wallet/purse a rit chak hle a, chuvang chuan mi tam takin an pawisa ip ah pawisa an keng ta meuh lo, khawlaiah mi wallet/purse chhar la $100 a awm chuan i vannei hle ani ang (i pekir leh lo turah ngai ta ila). A tlangpuiin cash hi $20-50 vel bakah coins tlema zawng an keng a, a bak chu Credit Card leh Debit Card ani tawh mai.
Credit Card leh Debit Card danglamna hrelo an lo awm takin sawifiah zawk ila. A plastic card pawh a in anga, card ah Debit tih a inziak anih loh phei chuan a card ringawt atangin hriat hran theih anilo, Mastercard leh Visa logo a awm ve ve bawk sia. A danglamna zawk chu kha card hmanga pawisa i hman theih a zawk kha ania. Credit Card chuan card i neihna Bank te pawisa kha i hman apiangin i puk tihna ania, Debit Card i hman erawh chuan nangma pawisa, i bank account ami kha i hmang ani tihna.
Credit Card chuan limit a nei a, i income a zir te, i credit history (ba i rulh that dan a zir) te leh i mamawh dan a zir in i bank in Credit Card hmanga pawisa i hman puk theih zat an bituk thin entirnan $5000 te. Debit Card ah erawh chuan Bank a i pawisa neih zat kha a limit ani mai.
Credit Card hi mi nazawngin an nei thei lo, hna mumal nei lo te, kum tlinglo te, i awmna rama citizen/green card nei etc te i nih loh chuan dan ang thlapa neih theih ani lo ang. Debit Card erawh chu bank account nei tawh phawt chuan an nei thei vek (Mizoram Rural Bank ah account i nei te anih loh chuan).
MasterCard, Visa, American Express hi enge?
MasterCard leh Visa hi chu Credit leh Debit Card payment processing company an nia. A awmzia chu card hmanga thil i lei khan i thil leina te dawr a tang khan i card details leh pawisa i hman zat kha Visa emaw, Master card company te khan an lo buaipui anih ber chu. Visa/Mastercard company khan I bank hnenah i pawisa hman zat a hriat tir anga, i Bank khan i thilleina te bank account ah pawisa i hmanz at kha an va pe dawn ta ani. MasterCard i hman chuan MasterCard company in i data a process anga, Visa i hman chuan visa company in. CreditCard issue tu kha Visa emaw, Mastercard emaw nilovin i bank kha ania, i bank khan i thillei transaction ti tu atan Mastercard leh Visa an hmang ve chauh zawk anih chu.
American Express erawh hi chu tlemin a dang deuh a, amah leh amah hi Bank ang ani nghal a, a card pawh American Express in an issue ania, payment pawh an process nghal bawk. Chuvang chuan American Express Card i hman chuan bank ami pawisa puk/hmang lovin American Express company pawisa i hmang tihna anih chu (tun hnu hian Bank thenkhat in Amex card an issue tan). Hengbakah hian DinersClub te, Discover card te a awm bawka, heng hi chu a lar lemlo bawka sawi thui lo mai ila.
Visa nge MasterCard nge American Express Card tha zawk?
Hei zawhna awmzia hi chu Sony TV nge Panasonics TV nge JVC tv tha zawk tih ang deuh ani. A that dan chu i card terms and conditions leh contract details ah khan a in ziak ang. Pawimawh zual chu interest rate te, free interest days te, Cash advance rate (atm ah pawisa i credit card atangin la chhuak la a interest rate engzat nge) tih te ani, Visa card rau rau pawh a in ang lo deuh vek a, mastercard pawh a bank issue tu a zirin a in ang lo deuh vek bawka, chuvang chuan fimkhur taka thlan a tul.
Visa Gold card chuan rewards points pawh a keng tel maithei,travel insurance te pawh a keng tel maithei, mahse interest rate 19% ani daih mai thei. Mastercard chuan rewards a keng tello mai thei, mahse interest rate 12% lek ani ve thung thei. Kha tiang zel khan a in that chhawk (trade off) na lai a awm zela, mahni mamawh ber tur kha thlan mai tur ani (hei hi Credit Card bikah anih chu, Debit Card ah chuan MasterCard leh Visa a in ang vek!)
Credit Card leh Debit Card ka nei kawp a khawi zawk nge ka hman ang?
Credit Card hi online transaction te, zinna ah te, thlawhna ticket leh thil lian tham leina ah hman atha, a chhan chu i lungawi lohvin leh mi in i credit card diklo takin lo hmang ta se i Bank pawisa an/i hmang tihna ani, pawisa pakhatmah i hloh lo. Debit Card erawh chu thil lian tham lem lo , entirnan restaurant ah te, chawhmeh bazarna ah te, servo (petrol) ah te leh thil tenau neuh neuh leinan te ATM atanga pawisa lak chhuah nante hman atha.
Debit Card i hmanin nangma pawisa i hman avangin mi in diklo takin i card lo hmang ta se i bank account atangin pawisa direct in an la chhuak nghal, i bank in muang changin , achangchuan thla 2-3 chhung te investigation an tih phei chuan rei tak nangma pawisa i hmang theilo tihna ani thei, chubakah i pawisa pawh i hmu kir leh lo mai thei bawk.
A sei ta ema duhtawk phawt teh ang. Any questions?
Similar Posts:
- ATM hmangtute tana fimkhur a tulna
- Fake Credit Card
- Technology Company kalphung leh a hlawkna te !!
- Missed call leh SIM cloning
- Ration Card leh hming
June 2nd, 2010 at 6:03 pm
Engnge credit score san hian benefit kan hmuh?
Report this comment
June 2nd, 2010 at 6:14 pm
Daffodils, Credit score loh chuan engmah a tih theih loh a ni ber. Tumah, a hausa ber thleng hian wealth hi invest a ni tlangpui awm e. Chuvangin, car, in (house), house/apartment rent, loan engkim deuh thaw maiah hian credit score thalo chu a theih loh a ni ber. Entirnan, credit i score that chuan car pawh lei la, a interest a hniam phah thei a, chu mai ni lovin, car pawh duh ang tawk in i thlang thei ang.
Credit card hi credit score na remchang leh awlsam tak hmanrua a ni a, mahse, hun rei a, manganna thlen thei tu a ni ve leh bawk. Credit card bill i pek chiah khan i credit i ngaihsak tih report thawn zel a ni a (a awlsam zawngin)chumi chuan credit a score tir ta thin che a ni. Ba neih tam leh tlem lam a ni lova, mahni ba neih ang ang, rul tha te khan credit an score tha mai a ni. Ka hriat sual loh chuan, credit score 600-700 hi normal average score a ni. Credit score hi 300-850 thleng a awm.
Report this comment
June 2nd, 2010 at 6:39 pm
[…] Credit Card vs Debit Card | mi(sual).com […]
Report this comment
June 2nd, 2010 at 6:56 pm
Aryan: Good Post
U.S vela credit score system an hman hi chu kan rama tih ve atan ka awt khawp mai. Thawkkhat laia Leyland hovin two-wheeler loan an pek pawh kha ka hmang tangkaia thla 18 ah bike ka lak chu ka rul zo ve mai a. Tunah chuan two-wheeler bikah rul thra lo an tam em avangin two-wheeler loan hi chu an ti tawp toh. Credit score system hmang chu ni ila 2wheeler duh ve si, leina mai neilo tan pawh kawng a la in hawng ngei ang.
Thil dang daih- ka thil hriatthiam theih reng2 loh- US vela tourist visa nena liam thla ta, an haw duh lo ti a cham hlen ta ho hi engtin nge an khawsak? Green card te an hmu tho em? US security tha tak (ralkhat hriat dan) khuan engtin nge an cham tir reng?
Kan NRI ho khan hei hi min lo hrilhfiah sak teh u, sei thra zet zawt in
Report this comment
June 2nd, 2010 at 11:39 pm
Master Card leh Visa hi ka nei ve ve a.. Visa zawk hi interest a awm lo va, a thlawn ang a ni a. Master card erawh kumtin fees leh hman man a to hret a, ka lo siam hmasak zawk a nih avangin ka ti laklawh si a, thil tul miah lovah sum ka seng thlawn tihna a ni a. Keimah ang, ngaihtuah chiang vak lo va siam ve ngawt in lo awm ve loh nan ka han tarlang tel duh a.
A bak khi chu Aryan hian a sawifiah tha khawp mai, a lawmawm nasa e.
Report this comment
June 2nd, 2010 at 11:58 pm
Credit Card hi avoid theih thil, thil chuangbang, a lova awm theih a ni.. In lak ropui nan leh nula score nan chuan a tha khop ang.. A bikin thalai, resposibility sang deuh tan chuan, neih ve hrim2 ai chuan avoid a thra ka ti deuh
Warren Buffet pawh hian a hmang lovin ka hria, thalai te tan avoid a that zia a soi chamchi, ka support khop mai…
Report this comment
June 3rd, 2010 at 12:13 am
Helam ah pawh supermarket ah te kan han bazar cridit card kan hman chaun , helam cheng 400 a kai tawh chua vawi eng zat rulh ah nge in duh an ti zel mai.Full payment a thil lei hi a awm vak lo.Thil tha leh mamawh neih a har duh vak lo .Thla khat a 150 zel cut tur ten 20000 chuang man te a lak thei zel mai a.Hlawh lak in kan hlawh zawng kan account ah an thun zel si a sumdawng tan pawn in rulh loh tih kha awm ve hek lo le.
Report this comment
June 3rd, 2010 at 1:30 am
@Hmingtea- i thil sawi hi ka hriat chian chak lai tak ani. Hlawh kha checking account ah a lut angin ka lo hria a, checking a/c kha chu current a/c ang mai kha niin ka hre bok a. Dawr kai ten installment an pek hma che khan i credibilities an en phot em? Chuan i remtihna lo khan an lo draw thei bawk em? A fiah lo ka tih lai tak chu Credit card leh hlawh lak account-a lut lai tak kha nia (credit card leh checking a/c kha a inzawm m?). A system hi ka bengverh ve zawng tak ania, hriat chian lehzual va chakom ve!
Report this comment
June 3rd, 2010 at 4:39 am
Multiplug, thil manto tak entir nan car tih ang reng te anih loh chuan an check sise lo ang entirnan TV, fridge tihvel angah chuan.
Chuan hmingtea sawi anga direct debit tih dawn chuan contract an sign thlap a credit card emaw, an bak account atang emaw khan direct debit (dawrkai ten thlatin an lo cut) tawh mai. Cheque/Current a/c leh credit card chu link theih ania, credit card bill pek a hunah khan i bank in autmomatic in i cheque account atang khan automatic in i credit card bill bat zat kha an cut thei bawk.
Report this comment
June 3rd, 2010 at 4:53 am
multiplug, “Thil dang daih- ka thil hriatthiam theih reng2 loh- US vela tourist visa nena liam thla ta, an haw duh lo ti a cham hlen ta ho hi engtin nge an khawsak? Green card te an hmu tho em? US security tha tak (ralkhat hriat dan) khuan engtin nge an cham tir reng?”
Chutiang a visa overstay an awm chuan, dan lovin an awm reng a ni mai. Sual (felony) an tih lutuk loh chuan chutin an check lemlo a nih ber hi mawle. Dik tak a sawi chuan dan ang thlap a lehkha dilna siama kal a awm ta te tan hian a fairlo ka ti khawp mai. An visa a zawh hma khan haw se, han apply leh ta se, overstay an nih loh chuan harsat na awm miah lovin visa an hmu leh thei mai tho si a.
A hmaa a sponsor tu te Mizo dang te khan tunah hian kohran leh society thlengin (dawt lovah chuan) harsatna a awm phah ta reng a ni; midang sponsor te visa hmuh reng a har ta mai. Mizo zia ah hian tumah hmai chhana han in sawi bawng2 hi a nuamlo kan ti thin, a dik pawh a dik, mahse an ni khan midang hmingchhiat theihna kha an chhut ve em le?
NRI hi enge a awmzia, vai ho hian i ni em, hi min ti ve fo mai, a enga pawh chu nise, Mizo ka nih bak NRI ka ni love.
Report this comment
June 3rd, 2010 at 7:49 am
Pu HV #60 a i comment chhiar a tang hian overstay ho hi i va dem hmel ve? nang chu ila overstay ve thin ngai miah loh ka beisei
Report this comment
June 3rd, 2010 at 8:01 am
Pu HV –
NRI -Non-Resident Indian
Inla Indian duh tan NRI ni mai..
Report this comment
June 3rd, 2010 at 2:51 pm
[…] Credit Card vs Debit Card | mi(sual).com […]
Report this comment
June 3rd, 2010 at 3:38 pm
[…] Credit Card vs Debit Card | mi(sual).com […]
Report this comment
June 3rd, 2010 at 4:53 pm
[…] Credit Card vs Debit Card | mi(sual).com […]
Report this comment
June 4th, 2010 at 1:15 am
@H.Vangchhia- overstay ho khi an zak ve deuh thin tho lo maw intawhkhawm nikhua vel hian? hehehe.. ka lo hriat dan chuan in zinga thenkhat te kha chu christian seminar/khawmpui vel chhim tura synod tirh te poh an om a ni awm a :). Domestic flight la tur te hian an buai chuang silo tihna chu niang mo? Thin phu dep2 chuan an om hran lo chu ni ngei ang ah..
@Aryan- ka var ta deuh e
Report this comment
June 4th, 2010 at 4:42 pm
Lal Aryan a hi nizan ka mumangah ka lo hmu vak
Perth ah i rawn zin a kan lo in kawm bawrh2, LOLZ funny!!
Report this comment
June 5th, 2010 at 9:56 am
[…] Credit Card vs Debit Card | mi(sual).com […]
Report this comment
June 5th, 2010 at 12:23 pm
kan khua, Kawrtethawvengah chuan Credit Card hi kan mamoh lo khupz mai. A tel lo vin kan hlimtlang tawk e :lol:
Report this comment
July 18th, 2010 at 4:59 pm
Tlai khaw hnu ah hei te hi lo comment ve leh lawk teh ang, Heng Debit card te hi an rawn thleng thar a, rawn pho lang ve leh reng reng teh ang.
Debit card hi Bank account ami sum lakchhuah nan chauh lo ah pawh hian an hmang nasa ta hle mai.Reliance Mutual Fund ami leh pakhat zawk phei hi chu FX broker Interbank FX ho pek chhuak an nia. InterbankFX ho hi chu Salt Lake City, Utah, USA FX broker an nia, Aizawl a an client an rawn pe daih thei nia mawle!
https://i29.tinypic.com/2z52jqd.jpg
https://maawma.com/wp-content/u.....t-card.jpg
Report this comment
January 10th, 2011 at 6:11 pm
Credit card hi chu ka hmang thiam lo, ka surrender vek tawh….debit card keh tawh cellotape nena char ka hmang mek…
Report this comment
January 10th, 2011 at 6:18 pm
credit card chu ka nei ve thin mahse thil tha tak ani lo ka tan chuan ka chep chhe daih …debit card chu ka la hmang ve..wallet hi ka hmang thiam lo, wiseguy(mafia) style in pawisa ka ak tawp zel…zb pa hian wallet/purse a nei lian leh sei hle
Report this comment
January 10th, 2011 at 6:22 pm
fonz…wallet chu ka backpaka ka ah bo daih thin kha…pawisa chu mafiaso style in han roll ngei ila pai a nuam
Report this comment
November 29th, 2011 at 10:20 pm
Sbi Master card ka nei a.internet ah thil lei ka tum a,a theimiahloh
Report this comment
November 30th, 2011 at 12:08 am
Aryana post chu Ka hlawk pui teuh hle maia….
Report this comment
May 19th, 2014 at 11:37 am
ngbio.co.kr
Credit Card vs Debit Card | mi(sual).com
Report this comment