H & T education hnuaia technical entrance exam(TTE) chhanna endik hna chu a tum thumna atan zawhfel a nih hnuah June ni 3 tlai khan result tihchhuah a ni ta a, result thenkhat a danglam nasa hle a, an mark hmuh hi a pung deuh vek a ni.
A tlangpui:
* April 22-ah TEE exam a ni
* April 23 zanlaiah result a chhuak
* April 24 result a dik lo(mahni pek lohna lamah tling an awm nual)
* April 25 Higher &Technical-in complaint April ni 26 tlai dar 4 thleng thehluh theih an ti, April 25-ah Minister Lalsawta’n result dik lo awm lo a hriat loh thu a sawi
* April 26-ah MZP hnenah zirlai mangang an zualko, mi thahnemngaite zirchianna leh MZP zirchianna behchhanin result dik puan a nih theih nan ennawn an phuta zanah poster an tar
* H&T Minister-in result ennawn turin a ti
* May 5-ah result ennawn a chhuak, zirlai naupang an la lungawi thei lo
Mithahnemngai leh MZP-in RTI Act hmanga zawhna chhanna hrang hrang lachhuakin an zirchiang, Chemistry Group D zawhna changtute Answer Key a dik lo hulhual tih an hmuchhuak
* MZP-in press conference kovin CM an hmu, “Kan endik leh vek ang” CM-in a lo ti
* Minister Lalsawta’n banna thehlutin pawm a ni ta lo
* May 24 atangin endik hna thawh niin June 2-ah result tihchhuah a ni
* Result hi felfai tawh ngei tura beisei a ni
Result tharah hian biology leh engineering group-ah top-10 chinah danglam a awm nual a, a hmaa 28-na TT Lahmo chu pakhatna a ni a, ani hi engineering group-ah pawh a hmaa 65-na kha niin, result tharah hian 2-na a ni.
Biology group-a a hmaa pakhatna Johny Lalhruaitluanga chu pahnihna a ni a, a hma aiin mark 8-in a hmu sang zawk thung. A hmaa pahnihna C Lalawmpuii chu pathumna a ni a, a hma aiin mark 5-in a hmu tam bawk. A hmaa pathumna Lalmuanzeli chu palina a ni a, a ni hian mark 8-in a hmu sang a ni. A hmaa 68-na F Remthangpuii chu 5-na a ni. 8-na, 9-na leh 10-na chu a ngai an ni a, 7-na Lalremliana Chhangte chu a hma khan 84-na a ni. A hmaa 4-na chu 6-naah a tla thla thung.
May 24 atangin result hi ennawn a ni a, H Raltawna, Dr LN Tluanga, Rev Chuauthuama leh Dr Hom Choudhury te uapna hnuaiah, higher & technical education deptt. hnuaia technical wing-a thawk mi 6 suspend an nih hnu-ah ennawn a ni.
Engineering Group lamah a hmaa pakhatna S Thangbiakluna chu a post ngai a ni a, a hmaa 65-na TT Lahmo chu 2-na a ni a, a mark pawh 72-in a pung. A hmaa 2-na K Lalnunsiami chu a mark hmuh mark 5-in pung mahse panganaah a tlathla a, a hmaa 48-na Zoremmawia chu mark 62-a pun belhin 3-na ah a rawn kai chho a. A hmaa 3-na Vanlalnghaka chu 4-na a ni a, A hmaa 4-na PC Zohmingsanga pawh a hma aiin mark 6-in hmu sang mahse 6-naah a tlathla bawk. Result hmasaa 88-na Candy Zorempuii chuan mark 64 hmuh belhin 7-naah a awm a ni. He group-ah hian a hmaa 7-na, 9-na leh 10-na te chu top 10-ah an lang tawh lo a ni.
Technical Entrance Examination result hi kumin April 23 khan a hmasaber atan tihchhuah a ni a, result tih diklo a awm tih hriat avangin ennawn a ni a, May 5 khan a tumhnihna atan result tihchhuah a ni leh a, tihsual a awm tho tih hriat leh a nih avangin sawrkar chuan ngun zawkin tihsual a nihna laite a chhui a, H Raltawna, Dr LN Tluanga, Dr Hom Choudhury leh Rev Chuauthuama te uapna hnuaiah result hi an ennawn leh ta a ni.
Similar Posts:
- Technical Entrance Exam Result hi
- Technical Entrance Examination 2011 result a chhuak
- Technical Entrance Result buaina ril tual tual…
- Tech Entrance & Parking Fee ‘Quo vadis’
- Facebook a thudiklo post avangin FIR
(Y)
June 5th, 2010 at 7:18 am
Result hmasa ber (1st or first, In Hebrew רִאשׁוֹן) atang kha chuan danglam nasa tak a nih hi maw le! A dik fel tawh em ang chu maw.
Result siamthat atanga position danglam (abikin position tlahniam) te pawhin lawmtakin kan pawm thiam turah ka ngai e. Hei bak hi chu ennawn awm tawh lo hram teh se!
Report this comment
June 5th, 2010 at 7:32 am
Keipawh ka pawl 12 passed tira ka Doctor tlin loh kha ka ringhlel ta deuh tlat mai :lol:
Report this comment
June 5th, 2010 at 8:49 am
Huiham ha :evil:
Report this comment
June 5th, 2010 at 9:11 am
Ekhai, a diklohna a va han nasa em em ve mawle, tihpalh pawh a ni thei a, tihluih pawh a ang thei tho mai.
Endiktute fimkhur loh vang a ang mah mah em aw te ka ti rilru deuh a. Mahse revised result khi a dik tawh anih chuan lawmawm ah ngai ila.
Report this comment
June 5th, 2010 at 9:18 am
kan hun lai te kha chuan a la felfai viau nen aw..te ti vel ila,1na ka nihloh nachhan te pawh kha a lo felfai tawh loh vang lek hi lo ni mai angah..
Report this comment
June 5th, 2010 at 9:20 am
Burma sipai kutah hlan rawh u
Report this comment
June 5th, 2010 at 9:28 am
Hetiang em em hi chu naupangte an khawngaihthlak a ni
Report this comment
June 5th, 2010 at 9:30 am
Hmohmo chu lompui awm e.Niminah MSO kan chawimawi a.
Report this comment
June 5th, 2010 at 9:38 am
@burgerstud2005: I khuallian ang maw…
Report this comment
June 5th, 2010 at 10:48 am
inzirna zel a nia..nakum lamah chuan an fimkhur tawh deuh ang chu maw..
Report this comment
June 5th, 2010 at 11:16 am
Zorawks vanglainitoon idea thawhtu i nilo maw?
MZP ho chu anva hlawhtling ta em.
TEE Result buai chuan thil tha tak a irh chhuah tir dawn e. A lawmawm e.
Report this comment
June 5th, 2010 at 12:48 pm
1)He result hmasa entute hi Science lam graduate pawh ni lo ruat an ni tihte hi a dik em? A dik chuan a ruattu ber hi a kaikuang chu ani thei mai ang em?
2)Result ennawn leh ani hi a lawmawm khop mai Answer key diklo te siamthra a hetia rangtaka an han tichhuak thei hi an fakawm hle mai.Hetiang multiple choice Q ang chi ah hian negative mark te hi a awm thrin chung chu tunah hian a awm em ? Answer key siamtu hi tunge tunge lo X-check tu heng mite hian nasa takin mawh chu an phur ngei ang. Mihring mistake commit thei kan nih avang hian X-check leh tu hi mi 2/3 ruat a thra khoops
3)Skilled examiner chuan thiamthei pangngai tak subject threnkhata mark 80 hmusi adanga mark 30 chauh hmu te lo awmta sela tihsual palh engemaw a awn tih an ring thei thrin. Multiple choice Q hi logical deuh leh reasoning nei tana siam ani thrin chutiang Q set-tu te chuan an thluak an vawrhvir thiam ngei tur ani chutiangin examiner te poh.
kan dept te leh sawrkar pawh he bad experience hi inzirna a thra lam kawng kan zawhna a min hruaitu anih ngei kei misual hian ka ring tlat ani. Harsatna phena lawmna thjuruk ah lo chang zel rawh se. Ka lawme
Report this comment
June 5th, 2010 at 1:12 pm
Hetia result siamthrat leh a nih takah hian a hmaa tling si, tuna tling ta lo pawh an awm thei maithei e. Amaherawhchu he result hnuhnungber hi result dik ber a ni tawh turah ngai ila, mitinin pawm thiam ila a lawmawm hle ang.
Report this comment
June 5th, 2010 at 1:30 pm
MZP khan an tihtur tak anti a an fakawm kati hle..
Report this comment
June 5th, 2010 at 1:34 pm
-ve marking system hi kalpui ve a hun tawh viau in ka hria. Ka hmelhriat pakht chu an check that hma khan tling list 200 ah a lang lo a, mase answer key dik hmanga an check that leh hnuah engg ah 25th na a ni phak!!.Midang tihdan anglo takin a thiamloh ho a risk ve lo a,a thiam chiah a chhang ani.
kan QS paper quality hi tihsan ve deuh tawh chu a hun ve tawh hrim2 bawk, logical leh reasoning ngai deuhin qs tepawh set ve tawh se…
-ve marking system hmang ve ila chuan ani pawh hian top 10 vela invawrh chhoh theihna chance tha tak ala nei tlat. Tuna kan system ah hichuan risk mai2 tan pawh qs 1 a tih dik theihna chance a tha ltk a, qs 1 ah risk dik theihna probability hi 1/4 ala ni trung mai!! risk liam mai2 tan chance a tha mah2 m??
-ve marking kanla tlinlo a kan ngai anih chuan multiple qs tehi options ti tam deuh tase, qs 1 ah answer tur option 5/6 te dah ta ila, risk dik theihna chance hi nasa takin a hniam dawn ania
Report this comment
June 5th, 2010 at 1:41 pm
MZP hi an fakawm e, hetiang lampang an tih thin hi chuan
Report this comment
June 5th, 2010 at 2:15 pm
Kan nau Bena pawh engineerah Result hmasa ah 112 na a ni a tun ah 12 na ah a kai chho, lawmawm rualin thinrim thlak bawk si Hei hi em ni Change chu leeee
Report this comment
June 5th, 2010 at 2:15 pm
Ka rinai daihin alo diklo nasa a nih hi :!:
Engpawh ni se, a result hi a dik tawh turah ngai ila, boruak vaivung tawhlo in, i ngawih bo san tawh ang u
Report this comment
June 5th, 2010 at 2:16 pm
MZP tang fan fan
Report this comment
June 5th, 2010 at 2:18 pm
Science lampang ani bawka GK tlem:
vawiin google a hrin nachhan hi, Holography hmuchhuak tu Dennis Gabor a pian cham anih vang lo ni rengin.. He a thil hmuhchhuah avang hian 1971 khan Physics ah Nobel prize a dawng.
(ka hriat lawk vang pawh ani bik law, a google tih lai hi click keuhin a lang reng. Google tih lai hi thil danglam deuh an dah chuan click keuh thrin tur ani, an tih danglam nachhan a hmuh theih)
Anti hring dawn tih lo hre lawk ila vawiin a chhuak tur hian holography chungchang rawn post keuh ila a that dawn vei nen.
Report this comment
June 5th, 2010 at 2:30 pm
A latest hi lo dik felfai vek poh nise han rinngam tak2 a harsa toh hrim2
Report this comment
June 5th, 2010 at 4:27 pm
an thahnem ngai tisual palhah ka lo ngai a, mahse heti em em a tihsual nasat hi chu ka pawm thei lo tawp mai.
Report this comment
June 5th, 2010 at 4:37 pm
Education department employee an suspend ho lah kha! an ngam zawng chauh lakah action an la ngam anih dawn hi kan sawrkar hian:(
Report this comment
June 6th, 2010 at 3:02 am
RTI Act hman tangkaia a awm zel hi kei, ka lawmna a ni. He Act hian engemaw chen chu min khalh ngil nge dawn e.
Report this comment
June 6th, 2010 at 2:48 pm
@master shifu: Negative marking system hi kan thianpa pakhat chuan hman a rawta thuneitute zing ami chuan India ramah hmang pawh an awm emaw’n le tiin a lo chhang! Mak a ti lutuk
Ka rawt ve duh chu OMR hmangin -ve marking system hi hmang ila a felfai deuh a rinawm.
Report this comment
June 6th, 2010 at 2:55 pm
@mzvision: A hmasaa endiktute kha chu ham dem vak theih pawh ni lovin an lang a, Answer Key zela an chhiarchhuak niin kan thianpa a endiktu chuan min hrilh a, anni chuan multiple choice-a an chhanna dik leh dik loh chauh an lo endik ve tih a sawi. Hemi hnu hian trum hnih check nawn leh a ni. Mahse a Answer Key ber a dik miau loh chuan engkim a buai zo ta chu a ni ber ang, an endik trum hnihnaah khan Answer Key hi an thleng lo a ni. A endik nawntute khan a dik lohna zawn aiin a dik lohna a tlem zia chiah kha hmuh an tumin ka hria.
Nia, a engkima hotu ber chuan mawhphur tur a ni.
Report this comment