State dang tam tak leh Khawvel ram dang tam tak a an sorkarna chelh tuten an Manifesto ropui tak takte; keini Mizoram tana a ngaih pawha ngaihtuah phak lo thil tam takte an tihhlawhtlin a hlawkna nasa tak a Mipui ten an tel a,hnianghnar taka buh leh balahte an kuh tentun theih lai pawh in Liqour Total Prohibition hi zawng an hlawhtlinpui hlei thei meuh lo ani ber a.
Chutihlai karah keini Mizoram State a sorkarna chelh thin Party ten Manifesto tha tak tak Power & Elecricity lamah te Agriculture lamahte, Road & Transport lamahte leh a dang tam takah min chawp chhuah sak elh ulh reng ringawt a vawin ni thleng heng an Manifesto chhawpchhuah atanga 10% vel chauh an tih hlawhtlin theih lai a, Mi ram/State mahni MANIFESTO ti hlawhtling deuh zel thei te pawh in a an tih hlawh tlin hleih theih loh Liquor Total Prohibition chu a hlawh tlin kan beisei vang ni maw kan la kalpui zel chu ania.
Nuih te pawh a tiza thei tawh mai dawn alawm le…hnamdang thiante bulah phei chuan sawi uar vak chi pawh ani lo, kan Zoram dinhmun hrechiang tu an nih ngat phei chuan an nuih kan tiza mai mai teh zawng anih hi.
Kristian state Goa tihte, kristian ram hrang hrangah pawh hian an lo kalpui ve thin takna a,mahse hlawhtling tak an awm loh vang nge ni don tunah chuansawi tur avang tawh khawp mai.Europe ram te khu Kristian ram vek ni chiah lo mahse an ni vek e tia sawi thei hial tur ani a. Turkey tih loh chu,liqour Total Prohibition nei ram pawh an awm tawh awm pawh ka hre lo ve a.Hlawhtlin pui theih loh tur Dan siamleh neih hi enge a sawtna leh hlutna tiin ka ngaihtuah thin a,mahni mawng in hlimna mai niin ka hria.
Tunah pawh he DAN kengkawh tur a sorkar in a ngaih Excise & Narcotic Department te hi a thawk eng emaw zah hi ZU boiha tang nghet tak tak tamtak an ni,tin he ZU khap anih avang a ZU CHHE in nasat avanga thi ta mai tam tak zingah hian HE DAN kengkawh tura ngaiha Deparment thawk te an tam em em mai te hi en nawn leh ti ngai zualtu chu a ni chiang hle in ka hria.Tun kan buaipui em em ADA building Regulations aia mah hian en nawn ngai ngoih ngoih niin ka hria,enge misual.com fan te in ngaihdan ni ve le.
Tin, he dan hlawhtlin loh zia lah chu naupang tawng thei tawh phawt RANGVAMUAL LEH PHUNCHAWNG tih sawi thei tawh phawt chuan min hrilh theiin an hrilh thei ngei ang che.Demand a san em avang hian ZU pawh han that hman ngaihna a awm lo hrim hrim a, a thar theih thuai thuai kha a siamtu/hralhtu te aia mah hian a leitu/Dawrtu/Intu te hian an nghakhlel zawk mah maithei ani.Chutah a to em em a,a in thin a ten a to avangin nghei ta nge ti lah chu sawi tur an awm mang si lova.
ZU rem chuang si lovin Sorkar ah lah chuan Revenue engmah lut a awm bawk si lo nen,kan Kawmthlang vai ho hi an va han hlawk awk awk dawn tak em!!!.State Rethei engmah neih nei hlei lo leh Kristian na chawi vul chuk a a tak tak a Kristian tha ni leh peih mang si lo hian ZU atanga Revenue hmuhte hi kan hreh ve leh khang lang emo le???.A mimal zawng a EIRUK hreh hauh lo,a pawl zawng a thei patawp do leh si, alanga Khawtlang hruaitu nih ve avanga ZU DO mahse mahni BED ROOM ah erawh ngei lai nei lawi si lo kan tam lutuk em em zia te hi….Tin Synod hian a kuang lo hi anawr deuh ani lo maw tiin ka ngaihtuah bawk thin,Nupui pasal in nei tura inru te a phuar a,chutih laiin he ti tak a zu HAW si hian Sunday tlaia zuirui mualpho tak tak te erawh phuarna thu a sawi leh ngai bawk si lo te hi a mak ka ti ve thin ngei mai.
Tin, he dan hi hlih anih chuan Economic lamah pawh tlemin kan zia awm ka ring deuh tlat asin.Hetiang zawng hian;Officers tam tak ZU nghei thei tawh lo te leh a to avanga in TLEM phah chuang lo tam tak te hian Tun a UM KHAT sangkhat a an lei ang hi Rs.420 vel ten an lei thei anga,Thlakhat a Rs.4000 vel hmang thin khan Rs.1000 vel chauh a hman tawh chuan Rs.3000 kha chhungkaw pawisa ah a lut thung taawh anga,chutah a va leina te hian Kum tin emaw thlatin emaw Chhiah sorkar ah an chawi ve thung bawk anga, enge a an in rin le.
Chutihlai chuan Zuruite khuahkhirhna dan erawh tha tak a saim ni thung se,he dan hi chu ZU in ve tho tan pawh khan kenkawh theih thil ani a dawn a,Tuna dan awm mek hi zawng kengkawh tur chuan Mifel famkim nih deuh thaw a ngai si a,tlin tak a ruang kan awm thei lo anih ber hi, hei vang hi aniang Manifesto ti hlawhtling thei Ram/State tam tak te pawn an tih hlawhtin theih thin loh ni.
Tuna kan sorkar chaktak leh huaisentak hian enge a ngaih ve dan o tiin ka ngaihtuah thin;Excise & Narcotic Department a thawk tam dan em em ngaihtuah hi chuan hlawhtling tur chi hi chu ni dawn se hlawhtlin a arah hmasa pawh lawh ve a hun tawh hle in ka hria,chutih lai chuan a rah hmasa chu sawi loh a chi tuh pawh puak keh hmuh tur a la awm lo a ni si a. Kum sang sawm pawh ral mahse heng bak chuan hma kan sawn hauh lo vang tih hi a chiang ani, sawn ahnekin zual lam a pan deuh deuh ka ring.
Duhtawk tawh hrih ang aw…….Enge chhiar tu te in ngaih ve dan le…han sawi thiam thiam teh un…
