Pastor pakhat UK zin kha a programme an duanpui full si a kalna apiangah dinner a huho deuhin an lo eipui zel niin. Dinner ei hmasak ber tum khan an thil offer kha a tir ami bak kha ” No need am OK” a ti vei rawka la duh reng si khan. Hmuntinah an eihona hmunah khan “Ani chuan a duh tawh lovang” an ti ta zel maia, a sawi ngam tawh bik si lova Sap ram a cham chhung zawng khan chaw kham khawp ei lovin hun a hmang ral an ti.
Kan hnam zia ah hian chuan a mawi-hawih atan “Ka chak love” “A ngai love” “A tawk a tawk” han tihte hi kan chin than dan ani a. Mahse Sap ho hian an ching ve vak lo ni mai lovin an hrethiam lo anih hmela. Chuvang te pawh chu ani mahna ka lenna pakhatah “Thingpui in duh em” an ti a kan chhang sap sap a ” Chu Mizo duh lo nge Sap duh lo” ti deuh kher hian min han zawt peka. Zawhna awmze nei tak ani phawt mai. Uisa hi sa-zahawm loh an lo ti thin. A chhan chu tumah hi uisa eitur hian “Ka chak love” “A ngai love” an ti ngai lo. “Duh teh reng mai” tih hi uisa ei ngai sawi dan ani deuh zel an lo ti bawk.
Kan chenna hmun a mite zia ang chhawm hi a tul chang a tam hle. Chutih rualin kan ze tha thupbo erawh a hlauhawm bawk.
