via https://leitlangpui-kka.blogspot.com/
Thil pakhat kan hmelhriat ve tawh tho si, a taka hmangtu erawh la tam vak lo, Airtel Sim Card hmangtute tana Voice SMS thawn dan chungchang hi a ni. Mizoramah Korean Film thlipui a tleh a, Hollywood leh Bollywood film ai mahin kan thalaiten an lawmin an enduh zawk a, Korean film ngainatute zingah lah thalaite mai pawh ni lo, a bik takin, nu hovin hmuhawm an ti zual niin a hriat bawk. Korean Film kan en atanga kan zir chhuah tam tak zingah chuan an incheina leh an sam tih dan hi kan thalaite zingah hmuh tur a tam hle. Hmeichhe hovin Korean style incheina an uar thar em em a, chutih laiin mipa pawhin kekawr zuih tak tak hak leh sam zuah an uar hle a nih hi.
Engapawh nise, helam hi kan sawi tur em em pawh a ni hran lovin, Korean Film a ni emaw, Bollywood emaw Hollywood emaw pawh nise, film kan en thinah thil pakhat an hman uar em em chu Voice SMS hi a ni awm e. Mi tuin emaw, mi a va biak dawnin, an biak duha te kha biak a lo remchang lo va, Voice SMS hnuchhiah mai turin an ti thin a. SMS a thu (Text) a inthawn mai lovin, tawngka ngeiin an inthawn thin tih kan hmuin kan hre theuh awm e.
Mizoramah erawh hi chuan Voice SMS hi kan la hmang lar lutuk lova, SMS a thu (Text) hian kan inthawn tlangpui thin a. |halaite phei chuan SMS Pack thunin, SMS hi an hmang lar hle thin a ni. Kawng lehlamah chuan SMS Pack thun hi a man a tlâwmin a tangkai ve fu mai.
Airtel Connection hmangtute tan Voice SMS a thawn theih tih hi kan hre tawh theuh chuan ka ring a. Chutih lai chuan mi thenkhatten a thawn dan kan thiam laiin thenkhatte chuan an thiam ve kher lo thei bawk. Tin, thawn thiam ringawt pawhin a ngaihthlak dan a thiam loh ve theih bawk. Voice SMS thawn dan leh ngaihthlak dan, Airtel connection hmangtute tan, hote mah nise ka han tarlang ve hrim hrim teh ang.
Voice SMS i thawn duh telephone no. hmaah khan star sign 
hi i chhu hmasa ang a, chumi hnuah an telephone no. kha chhuin i dial (call) ang. (e.g. *9862143537). I ngai thla ang a, Information a rawn sawi ang a, chumi hnuah, Voice SMS i thawn duh thu chu i sawi tawh mai dawn a ni. Amah (automatic) in i tawng (Voice) chu a lo in record ang a, i sawi duh i sawi zawh hnuah i phone chu i off tawp ang a, amahin Voice SMS chu a inthawn tawh mai dawn a ni.
Voice SMS i dawng anih chuan, “Hi! I have sent you a Voice SMS . Please dial * 0* to listen for Free………………” tih inziak i dawng ang, a rawn sawi ang hian *0* dial-in i ngai thla ang a, Voice SMS rawn thawntu che thusawi (Voice) chu i hre tawh mai dawn a ni. Voice SMS thawn man hi vawi khat thawnah 75 paise i chawi ve erawh angai ang.
A chunga ka han sawi lan takte hi thil hote mah ni se, hre lote kan la awm mial takah, kan hmang ve chhin duh anih chuan tih thilah ka han ziak lang ve hrim hrim a ni.
Similar Posts:
- Mizo tleirawl Korean ang deuh te!
- Tunlai mipa ho thil intihhmuh, Inngaihzawn!
- Korean Film (Serial) Zunzam…..
- SMS hmangin tawng kan suasam
- Kan ti ta sa sa ‘Korean flu – IV’
June 22nd, 2010 at 1:54 pm
a lawmawm e. Tunge kan thawn chhin ang aw…
Report this comment
June 22nd, 2010 at 1:56 pm
A bengvarthlak khawp mai, post tha tak a ni. Voice sms ka dawn hmasak ber chuan tawngka-in ka chhanglet vel mawle.
Report this comment
June 22nd, 2010 at 1:56 pm
Kan ti chhin nghal pang ange.
Report this comment
June 22nd, 2010 at 2:03 pm
Admins, leh lawks, Banner-a Today’s date khi mawle…
Report this comment
June 22nd, 2010 at 2:03 pm
75 paise chawi tur khi minute 1 chhung nge duh chen chen a rei(sei) kan thawn thei tih min hrilh thei em aw??
Report this comment
June 22nd, 2010 at 2:03 pm
A tha khop ang. Mahse thil thar vak chu ani toh lo. :fiamthu:
Report this comment
June 22nd, 2010 at 2:06 pm
A tha ve viau ania tiang thil te hi
Report this comment
June 22nd, 2010 at 2:07 pm
thra ve mai mai chu online hmanga phone recharge hi ani.. top up/ recharge hi ATM card hmanga tih mai theih ania, laklawh deuhah te dawra kal kher peihloh chang ten a thra khawpmai..
Internet banking in a tih theih bawka mahse hemi tur hi chuan bank lam atanga in register angai nitur ani confirmation code an rawn thawn kha bank a in register a ngaih vang aniang ka dawng theilo, ATM card hmangin kati mai zel.
Report this comment
June 22nd, 2010 at 2:24 pm
Kawmchhakpa ka thawn dawn!!
Report this comment
June 22nd, 2010 at 2:36 pm
Ka hraitna chu a rei tawh a, mahse, kala ti chhin miah lo.
Kan nu ka’n bawl chhin tengs :nui:
Report this comment
June 22nd, 2010 at 2:43 pm
“I sawi duh i sawi zawh hnuah i phone chu i off tawp ang a, amahin Voice SMS chu a inthawn tawh mai dawn a ni”…Phone kha off tawp tur maw?.
Report this comment
June 22nd, 2010 at 2:43 pm
voice msg: *98071017709 = tuna ph lo pik up tu hi a hmel a chhe turu khop mai, mi dawthei tak a ni an ti bok. :lol:
Report this comment
June 22nd, 2010 at 2:44 pm
keimah chuan ka hmang ngai lo na-a Airtel atangin a theih tih chu 2007 khan ka hria.. Airtel ka hmang ngai lo tlat a
Report this comment
June 22nd, 2010 at 2:46 pm
:roll:
Report this comment
June 22nd, 2010 at 2:48 pm
Text message chu amah chauhin a chhiar thei a, voice message chu a bula thu run mai a pa khan a lo ngaithla kur thei :-))
Report this comment
June 22nd, 2010 at 2:51 pm
Kan pu/pa rual ten sap inngaihsan siak an intihhmuh a, an rual u leh zawk ten an sawi sel a.
Kan pa rualten sap ngaisang loh leh vai huat min zirtir a, mahse mizo culture ngaihsan tur min chhawp a hnek in a thring an ti bok si.
Chutah rual u zawk ten local channel lamah arirang min kawh hmuh leh thung a. Tichuan thangthar te thiamloh a ni leh ta vek a!
Report this comment
June 22nd, 2010 at 2:56 pm
ka thianpa ka va thawn dawn a busy a ti daih
Report this comment
June 22nd, 2010 at 3:27 pm
Lawrkhawm lamah ka chhiar tawh, voicesms chu ka hmang peih tawh lo, a lo dawng tuten tihngaihna an hre lo thin a
Report this comment
June 22nd, 2010 at 3:47 pm
ka lo sawi ve. Voice mail hi Airtel- atanga ka thawn chiah an ngaithla thei male Northeast leh Kolkata vel ah chuan. Idea (ex-Spice) atanga ka thawn chuan an ngaithla theilo hrim2. Dawn chu an dawng thoa
Report this comment
June 22nd, 2010 at 4:33 pm
Fawn an switch off lai emaw,not reachable lai emaw-a thawn chi mawle,chutilo chu an pick up keuh zela an buai mai2 thrin
#5 van damme : minute 1 aia rei chu a theih loh in ka hria
Report this comment
June 22nd, 2010 at 6:43 pm
Airtel ka hman thin lai khan ka tichhin tawh a… ni e, kan hmang uar lo khawp mai.! Tin, voice mail support lo hi service emaw phone hman azir hian a awm nge maw ni… !!
Report this comment
June 23rd, 2010 at 12:08 pm
i sawi duh i sawi zawh hnuah i phone chu i off tawp ang a. Phon hi off kher tur maw?
Report this comment
August 29th, 2011 at 10:54 pm
he thil hi vawiin ka hre ve chiah a, post ka tum deuh a min lo khalh a nih hi
Report this comment