via http://thezozamtimes.org/
MB Rai (74), Tanhril khua thattu nia inchal Lalpiangliana (46) s/o Hrangdawla (L), Tanhril thih chungchangah Lock-up a amah lo enkawltu Police pali te chu suspend an ni a. June ni 17, 2010 khan Lalpiangliana hian, ‘ka pu MB Rai ka that’ tiin Central Jail-ah a inpe a, Vaivakawn P/S leh an hnuaia Luangmual Out Post a mi ten Lalpiangliana hi an la a, an lak hun hi a tlai tawh avangin a statement pawh June ni 17 hian an la hman lova, June ni 19-ah Central Jail lamah Judicial Custody-in dah thlak a ni a ti. Hetia Jail-a dah anih hnu hian June ni 21-ah Central Jail lamin a damlo tiin Aizawl Civil Hospital-ah an kalpui a, admit nghal a ni a, vanduai thlak takin tukin zing dar 3:15 khan a boral ta a ni a ti.
Lalpiangliana thih thuah hian tanhril khawtlang chu an thinrim hle a, vawiina a ruang Aizawl Civil Hospital-a Post Mortem a nih lai hian Tanhril khawtlang mipui engemawzat an Hospital bulah hian an pungkhawm a, Post Mortem hnu hian ruang hi Vaivakawn P/S thleng ke-in an zawn thla a, Vivakawn P/S-ah luhpui an tum chu Police ten an lo dang a, Central YMA hruaitute pawhin ban an phar nia thu dawn a ni a, buaina lian tham chhuak lovin Vaivakawn atang hian Motor-in Tanhril panpui a ni a, zanin hian a ruang hi tlaivarpuia ni ang a, naktukah vui a ni ang.
This entry was posted
on Wednesday, June 23rd, 2010 at 6:21 pm and is filed under News.
Both comments and pings are currently closed.
