Mizoram sik leh sa danglam tial tial te, ruah sur dan hunbi dik thei lo te, tuikhur tui leh kawr tui tlem tial tial te hi eng dang vang a ni lo a, kan ram thing leh mau kan tih cherei nasat vang a ni.
Thingkung hi awm lo se, hringfate hi kan nung reng thei lo.
Thingkung hian boruak bawlhhlawh a ti thianghlima,boruaka carbon monoxide, sulfur dioxide, nitrogen dioxide leh Carbondioxide te hi a hip a, boruak tha mihring leh rannung tam taikin kan mamawh oxygen chu boruakah a rawn pe chhuak a ni.
Lei leh tui chhunga chemical hlauawm te pawh thingkung hian a lo hip a, leilung leh kan tui tlante tithianghlimtu a ni Tui lian tur a venga, tuihna tlahniam lutuk tur a veng a, thlipui dangtu leh vengtu pawh a ni bawk a ni.
Tin, thingkung hian bengchheng lutuk tur thil ri pawh a tiziaawm a, ruah pawh a ko bawk a, thingkung kan kih nasat chuan ruahtui pawh a tlem tual tual emaw a hunbi dikah ruah a sur lo emaw a ni thei a ni.
Boruak lum lutuk tur a ti dai a, lei min tur a veng bawk a ni.
Thingkung hi carbon hip khawmtu leh vawngtu a ni a, thing kan kih a, kan hal hian a hip khawmsa carbon kha boruakah a rawn chhuak leh a chu chu keini hringfate leh rannungte tan a tha lo a ni,
Climate change & global warming kan ti fo pawh hi a bulpui ber chu thing leh mau kan tih chereu nasak vang a ni. Kumtin lo kan vat a, thing kan kih leh kan hal hian boruak a ti thianghlim lo a, sik leh sa a ti danglam a, tui leh lei tithinghlimtu a titlem a, khua a ti lum tual tual a, kan boruak hip a ti bawlhhlawh tual tual a leilung a tinghet lo tual tual a ni.
Thing, mau, pangpar leh thlai phunte hi kan uar hle tur a ni a, amaerawhchu hmun dang & ram dang atang kan chawh luh thing, thlai, pangpar & mau te hi zir chianna nei hmasa lo chuan pawng tawng phun/chin ngawt hi a tha ber lo, kan ram thing leh mau , leilung, boruak a ti danglam thei a, fimkhur a tha hle.
A nih lo vat lovin awm ila, thingtlanga awmte’n enge an ei ang, eng hna nge an thawh ang? Kumtin lo vah ngai tawh lo turin, kum-10 chhung hun pein rim tak leh tum ruh takin terrace siam ila, chu chuan nasa takin kan ram sik leh sa danglamna lakah a veng anga, khaw lum lutuk te, buruak tha lo te, tui thianghlim lo te, lei nghet lo te, tui let leh thlipui te thlengin a vengin a ti ziawm thei dawn a ni. Chumaibakah, buh leh balah kan lo intodelh ang a, kan tu leh fa chhuan tam takte tan rohlu a lo a ni dawn a ni.
Terrace siam tur hian khawl ropui tak tak a ngai hran lova, bawngtuthlawh ringawt pawn siam theih a ni a, ram dang dang a terrace siam a buh leh bal chingte hi mifing pui pui a ni hran lo, hnam mawl tete an tam zawk, an thawhrimna leh a tum ruhna a an sual chhuah a ni. Tin, sawrkar lam pawh hian tih tak thlakin hma la se, Mizoram pumah terrace tam tak a awm chuan heng hmunte hi tourist ho hiptu leh kal chakna hmun a lo ni thei bawk a ni. Sawrkar lam hian thingtlang lo vat mite hi,” Kum-10 chhung chauh lo vat phal a ni tawh ang”, ti se, he kum-10 chhung hian ngei ngeiin terrace siam thei ngei turin thu chhuah se, tranpuina pein leh a tih dan tur thiamte khawtinah tir chhuak bawk se, a hlawhtlin ngei a rinawm. Tun dinhmunah chuan kan hria a, kan peih lova, hun rei tak sen ralna chiah thil engmah tih kan tum lova, a that zia chu kan hre theuh awm e. Chuvangin tihluihna deuh a in nawr hi a hun ta hlein ka hria.
Heng hote hi han en u la, hnam fing tak an nih a rinawm hran lo, khawl ropui tak hmang a an sual chhuah chu a nih a rinawm lo. An tlangram te pawh a chhengchhe ve hle tho mai.
a tha khawp mai
June 24th, 2010 at 10:54 am
E heu, a va pui ve.
Report this comment
June 24th, 2010 at 10:58 am
A dik khawp mai.
Report this comment
June 24th, 2010 at 11:18 am
Kan terrace tam zawk hi dry terrace an ti a. A tha thawkhat viau. Tui lakna tur tha awmna ah chuan wet terrace siam ila, tlangram hmun rem vak lo ah pawh Leilet buh kan ching reng thei ang.
Report this comment
June 24th, 2010 at 11:34 am
‘he’ng ho te hi han en ula hnam fing tak an nih a rinawm hran lo’
An fin lohna ka hre lo ve mai mai e a
Report this comment
June 24th, 2010 at 12:12 pm
OT lawks, https://in.yfittopostblog.com/2.....ew-avatar/
Report this comment
June 24th, 2010 at 12:19 pm
Nia..!
Report this comment
June 24th, 2010 at 12:20 pm
The Real tah hian en rawh https://www.ndtv.com/article/in.....upee-33530
Report this comment
June 24th, 2010 at 12:28 pm
Pu Chawngkhupa (fam) khan Mizoram hi Terrace in a la khat dawn a tih thrin kha beisei aiin a muang ani. kan uar zual a trul hle in ka hria
Terrace tihdan tur leh rain Water Harvesting nena kan trankawp dan tur hi mumal taka duan chu a ngai khoops ;0
Report this comment
June 24th, 2010 at 12:43 pm
@VaiVa, no2 ka vote keuh e…
Report this comment
June 24th, 2010 at 12:46 pm
I Pic rawn chhawp chu va bon tiah2 ve le! Mifate hi zawng an lo bei nasain, an lo thawkrim thin ngawt mai.
Report this comment
June 24th, 2010 at 12:53 pm
terrrace cultivation chu Naga ho atang zir atha khawp ang. An expert tak2 ani Angami ho hi. Khonoma village terrace cultivation te khi hmu ve tawh in awm em? turu tak ani turu tak
Report this comment
June 24th, 2010 at 1:14 pm
https://bit.ly/b4pd9I heng terrace pics ho han en hian kan ram anga chhengchhe laiah chuan a tih chi loh hmel. Chuvangin aerial photgraphy leh Remote Sensing hmang trang kaiin Terrace siam theihna Master Plan siam nisela chung hmunah chuan sawrkar poh-in eng thlai nge kan chin ang tih mumal takin ruahman sela a thrat ka ring kei misual hian
Report this comment
June 24th, 2010 at 1:20 pm
Ni e, terrace siamna chang te hi hriat ve a hun tawh ngawt mai. Tunlaiah phei chuan a har tawh lo lutuk, NREGS veng tinin an thawk a, mahni lo kumhlun tur siamna atan thingtlang lam unaute hian hmang se, anmahni lo nghet tur terrace lai pahin hlawh an nei dawn bawk tihna a ni mai! NREGS hi kan la hmang tangkai thiam lo deuh hlawm niin ka hre ve deuh
Report this comment
June 24th, 2010 at 1:23 pm
terrace ah hian kumtin buh a thar theih dawn tihna emni? Ka bangbo hle mai.
Report this comment
June 24th, 2010 at 2:07 pm
Kan ram terrace siam tawhah tui a tling tha thei lo!
Report this comment
June 24th, 2010 at 2:59 pm
@awmawmpuia: Bench terrace ah chuan tui tling thei turin a ko tlang siam ani a. Tuihna awm thatna hmun emaw tui lakna tur tha ah emaw chuan kumtluanin leilet angin a hman ve theih.
Ruam zawl ah chauh leilet siam lovin tlangram hmun awih ah leilet i siam thei dawn anih chu.
A theory hi chuan a awl. A field work tak hi tlin a har thin.
Report this comment
June 24th, 2010 at 3:18 pm
Thil hahthlak deuh tur leh hun rei deuh thawh ngai ang chi hi chu, a tha tih hre mah ila, keini Mizo ho hi chuan a theih dan tur lam sawi ai hian a harsat tur zia leh a buathlak tur zia te lam hi sawi kan uar zawk tlat thin a, kan rilru lam hian Mizo nunphung a pawt hniam phah hlein ka hria.
Israel ho pawn thlalerah thlai an ching thei a, Mizoram lei lung ngat phei hi chu thlai tam zawk chin theihna vek a ni a, mi dang pawn an tih theih chuan kan tih ve theih lohna tur hi a awm lo hrim hrim. Kan han tichhin ang a, a taka kan tih hunah chuan tihdan kawng tha zawk te pawh kan hmuh belh zel dawn a ni. Tihchhin hma hauhin kan beidawng rilru nghal hi chu, hmanlai kan pi leh pu te rilru put hmang chu a nih hmel loh.
Report this comment
June 24th, 2010 at 3:39 pm
Ni e tiraw, Zochepa.
Report this comment
June 24th, 2010 at 3:44 pm
Mizo hi kan lo taima vak lo a niang
Report this comment
June 24th, 2010 at 4:05 pm
A thar chhuah hma vel hi kan peih lo thin niin ka hria.
Report this comment
June 25th, 2010 at 3:32 pm
A va ropui, hmuhnawm in an va ngaihsan awm tak em!!!
Report this comment