Vawiin chu tun hma atanga ka rilru a ka vei deuh tawh han sawi ve ka duh riau mai a. Kan Mizo society hi kan lo changkang ve ta hle mai a. Field tinah Mizo hming hi hmuh tur a awm ve ta nawk nawk bawk a,a lawmawm in a tha pawh ka ti hle mai. Mizo te hi hnam dang aiin kan duai bik lo tih a tilang chiang hle tu pawh ani in ka hria. Hmanni deuh khan Vanglaini Headlines ah kan hriat ang in “Tiranga do beihpui thlak” tih kan hmu nual awm e…hemi hi example ah han hmang nghal bawk ila, a tha viau in ka hria.
Kan hriat angin tun hnai atang mai khan Mizo zingah Tiranga ei kan tam ta hle mai a,a bik takin tleirawl kum 14-16 inkar ho in an ei nasa hle ani. Tiranga that loh zia chu a chik mi chuan kan hre vek awm e. Amaherawhchu Tiranga that lohna hi ka thupui ber ani lo a, ka ngaih pawimawh em em zawk chu kan society ah hian Tiranga aia a community anga kan tihtur pawimawh zawk kan enliam leh mai thin hi an tam hle in ka hria.
A bik takin chawhmeh to ta lutuk te, ei leh in ah hrim hrim hian price regulation awmlo lutuk te hi a pawi ka ti. Kristian kan in ti viau na chung hian kan Kristianna hi chu a lanna a tlem leh lawi si a; Ruihhlo ringawt te kan han buaipui ta chiam mai thin hi chu a pawi ani. Kan economic background en chuan a tam zawk chu sorkar hnathawk kan ni ti ila kan sawi sual hnem ka ring lem lo, sumdawng kan tam hle bawk ani. Heng karah hian mirethei tak tak, BPL hnuai a awm hi an tam tak meuh ani.
Heng economic backwardness hi a root atanga tan lak chu sawi loh, a hunlaia lar ber hi kan rilru la tur ber chu ani awm e. Mizo hi influencial society tak kan ni a; thil thar reng reng kan ngaisang in kan atchilh bur a, tih zawm tak tak peih kan tlem hle ani. IFS retire hun la rei vak lova thi ta, Pu L.T.Zauva Pudaite in a a lehkhabu a a ziah “Mizo zingah hian thuneihna leh chanvo neihna ringawt buaipui lova, mahni a kil khatah thil lo ti ve char char thin hi kan la tam dawn ani. Chung huna kan in hriat chhuah hunah chuan kan society poh hi ala dik ve mai ang” a tih kha a tha viau in ka hria.
Mizo kan nihna ang leh Kristian kan ni kan in tihna ang ngei hian kan society kan in buaipui dan hi kan thlak chu a hun ta hle ani. Tun ang renga kan kal zel chuan kan thangthar ten kan mawl na ang bawk an rawn belhchhah ang tih te pawh a hlauhawm hle ani. Ram changkang leh nuam zawk ah hian chen kan duh chuan kan priorities te hi en chiang deuh ila a tha in ka hria. Sawi tur pawh ala tam hle nang in kan sawi vek seng lova.
Hemi chungchang ah hian mi tam tak pawn views hrang hrang an neih teuh pawh ka ring. Han sawi zawm ve teh u le.
