Khawvel Empire awm tawh zawng zawng ah British Empire a la lian ber a, a dawt ah Mongol Empire kha a ni. A pahnihna, Mongol Empire pawh kha a lo len zia mai chu Roman Empire kha hmun thum a then a hmun khat ang lek a ni a, Alexander the Great a Empire pawh kha hmun li athen a hmun khat tiat awrh a ni. Chuta tang chuan British Empire len tur zia chu kan chhut thiam tawh mai awm e.
Mongol Empire te hriat an nih vak lohna chhan a ka ngaih chu, khawvel thu thehdarh tu te hi Mingo an nih loh vang te pawh a ni thei ang. Engpawh chu nise, hetianga ram zau tak awpbet tur hian tharum thawh a hmalak a lo ni tawh thin a, a ni reng bawk a, an tharum thawh dan erawh chu khawvel than chhoh angin a dang ve zel bawk a.
British Empire lian lutuk mai kha thuthehdarh tu te hian a mawi zawng leh fak thei ang berin, England lal te thlenga fak an lo nih thin avangin, hming chhe lo takin tun thleng an la awm thei a ni. Germany in Europe an run kual ve chiah mai chu British leh a thurualpui te chuan a chhe thei ang ber maiin an sawi pung ta a le, keini Mizo te thleng pawn Nazi misual kan lo ti ta a nih hi.
Khawvel Empire awm tawh zawng zawnga a lian ber neitu British ho tawng chu khawvel ah hman lar ber a lo ni ta a. An thu puangdarhtu/thehdarhtu te an tang bawk nen, ram dang run a awp theuh theuh ah hian, ram ti darhtu leh an kalsan hnuah pawh nghawng la nei zel British Empire chu khawvel hriatah mualpho leh hmingchhiat a hnekin tan tu an la tam hle. British ho fin vervek zia leh an rawn zia hi chhiar tur a tam hle nangin an mahni ropuina lam ziahna thehdarh lar a nih zawk fo avang hian kei chuan ka tan ve ngawt hauh lo mai.
Khawvel a Empire lo awm tawh te reng reng kha, Nazi German nen khan an kalphung inang chiah lo mahse, an tum ber (main goal) erawh chu ram zau tak tharum leh engang dan hmang pawhin an kut a dah tum vek an ni. Keini Mizo/Zohnahthlak te tan erawh chuan British, kan ram thendarh a rampui hran hran hnuai a min dah tu British te hi kan Nazi te ah ka ngai.
Sawi zawm ang u hmiang.
Similar Posts:
- Lalram (Dynasty)
- ANZAC Day
- Mite chuan…
- Gandhi Square Near Moscow State University
- Happy Republic Day
June 28th, 2010 at 9:37 am
Ni e, soi zawm ang u
HV, i post hi a tawi ve daih ang tih ka va hlau e! @Vaiva lak ah fimkhur hle rawh. :lol:
Report this comment
June 28th, 2010 at 9:37 am
zephenath ve e. Kumpinu kha an lo ropui ani.
Report this comment
June 28th, 2010 at 9:38 am
Thu thehdarhtu dinhmun hi a pawimawh ngawt mai. Thil ho mai mai ka lo observed ve thin chu, tunhma deuh atang khan indo film emaw kan han en a, British/American te an che tha char char a, German chu an sawp hrep zel a. German ho indo film hi en ve ta ila, British te hi an sawp ve tho em, tih vel hi a ni…
(VaiVa a rawn thlawk haw mek a nia… a awm loh laiin i lo rel zung zung ang u… :lol: )
Report this comment
June 28th, 2010 at 9:39 am
Ralte chu ka va ngei e, i Nazi hle mai.
Report this comment
June 28th, 2010 at 9:39 am
a ni ngawt mai tak e.
Report this comment
June 28th, 2010 at 9:43 am
Mizote ah han sawilut ila. Thuthehdarh kan chak tlat lo hi a pawi ka ti. Bru emaw Chakma emaw te nen buaina han neihte hian keimahni hi thiam viau mah ila, thuthehdarh kan chakloh vang hian hnamdang te dem kan hlawh viau thin.
Report this comment
June 28th, 2010 at 9:54 am
#6 awmawmpuia: i ti dik lutuk tlats. Nikum lawk a khawthlang tlangval an thah tum pawh khan kan media lam central hawlh thleng phak an awm loh avangin khawvel mithmuhah kan thiam lo lek lek niin a lang tlat. Misual zinga kan media ho khan in puan ven han sawi chhing teh un.
Report this comment
June 28th, 2010 at 9:55 am
OT deuh reuh lawks. Mongol Empire nena i tehkhin takah chuan British Empire kha chu kum za tam tak hnuah chauh an dinhmun kha an thleng thei a; Mongols ho erawh kha chu Genghis Khan-a dam chhung ringawt khan ram an la hnem hman khawp mai. An sawi dan phei chuan Mongol sipai ho kha an chak (speed not strenght) lutuk a, kum zabi sawmhnihnaa Automobiles (motor) an siam chhuah hma kha chuan anni tluka sipai ni khata mel 125 lai kal hman kha an awm lo an ti hial a ni!
Report this comment
June 28th, 2010 at 10:09 am
kan meizial zukruk ve tawk2 chhung te bulah anlo theh darh thin kha chu tul ka ti lem lo thin khawp mai :lol:
Report this comment
June 28th, 2010 at 10:10 am
Estheri hun laia sakawr tlan chak em emte hmanga thu thehdarh a ni kha … chik chianin a ropui tulh tulh. Juda-te kha Hamana fin-kherek avanga suat ni ta vek se, Juda hnam atanga khawvel chhandamtu Isua Krista a rawn piang dawn hauh lo tihna a ni … thu thehdarhtute an lo pawimawh hle mai tiin entirna chi khat chauh ka rawn rawlh ve a ni e, kei misual dum ber mai hian!
Report this comment
June 28th, 2010 at 10:16 am
@chawnghilh: Baibul hi i chhiar nasa awm ka ti, han thur chhuah mai tur hi i hre mai zel a. Hman atang tawh khan ral atang hian ka lo ngaisang ru riau thin che a.
Kei ve thung hi chu Mizo normal christian an tih zing ami ka ni a, baibul thu han vawrh mai tur hre lo tak, hre tur pawh a khawvela Christian ka ni inti zingah pawh Baibul chhiar thatchhe ber te zing ami ka ni rouh a.
Report this comment
June 28th, 2010 at 10:18 am
OT: mi(sual) banner ah khian Ghana leh USA ah, Ghana zawk dah tur nia, mahse USA zawk in dah sual tlat Admin te u.
Ka lawm e
Report this comment
June 28th, 2010 at 10:23 am
Dawt thu thehdarh ai chuan thudik teuh deuh thehdarh hi a hlauhawm zawk.
Report this comment
June 28th, 2010 at 10:28 am
Mizorama chanchinbu te pawh hi hetiang kawngah hian an harh a hun tawh khawp mai…. News ni a an hriat zawng zawng te hi chhuah vek kher loh hi a thra khawp mai… entirnan Mizoram chhung hnam bil zawnga kalte thiltih leh an thuchhuah nazawng kim chang lutuk a chhuah chhawn ang chi te…te ka tiatttt
Report this comment
June 28th, 2010 at 10:34 am
@drake: Kan referees (admin) te hian an tan lam an ti lang ka ti!!! USA an tan em a lawm :grin:
Report this comment
June 28th, 2010 at 10:43 am
hahaha… tu lo dah nge niang le, siam pawh a rawn siamtha rang khawp mai
VaiVa a ni hrim hrim, a ni hian USA a tan bawka 
Report this comment
June 28th, 2010 at 10:48 am
@Sandman leh
Report this comment
June 28th, 2010 at 10:49 am
Sawi ve tur poh ka hre lo 8O
Report this comment
June 28th, 2010 at 11:20 am
Kumpinu sawrkar kha keichu Pathianin a hmang ka ti, kan ramah Hindu etc. Sakhua aia kristian sakhua lo luhtirtu an ni tlat. Khawvel hmun hrang2 ah pawh.?
India rama Misonary lo lut hmasa te kha British sawrkar khan thawnhaw tum thin mahse, British sawrkar chakna hmang veka kristian sakhua hi thehdarh a ni thau thau lo maw ti ve tlat teh ang.
Report this comment
June 28th, 2010 at 11:41 am
Kumpinu te chu tun thleng pawhin an la inti lar thiama, Mizo thralai te ngat phei chuan England futbawl hi kan en hnem ber hial awm e, khawvelah an thiam ta ber emaw kan han ti thla ngawt zela, ….. mahse an aia futbawl pet thiam ram (a mihringah pawh), kan lo hmelhriat vak lem loh an lo tam zia tun Ualkap-ah ngei pawh hian a lang chiang veng vawng khawpin ka hria. mahse ka ngaisang an nula te an hmelthra hlawm em mai….hehehhe
Report this comment
June 28th, 2010 at 12:07 pm
D_auachwgthu, dik ciah kati keipoh.
Report this comment
June 28th, 2010 at 12:38 pm
Sakhaw mite chuan British Empire kha Pathian belruat diktak anti. Khawvelah Kristian chanchintha nasa taka thehdarhtute an ni a, British Empire kha awm ta lo se, khang hun laia ringtu tha tak2, nuai tamtakte kha Chanchintha hre hman loin an boral ngei ang anti.
Report this comment
June 28th, 2010 at 12:39 pm
India falak (flag) ngawt ai chuan Union Jack ngei mai hi a mawi ka ti zawk tlat pek, fans an nei chhe lo si, te ka tiaaat
Report this comment
June 28th, 2010 at 12:40 pm
hmm, nakinah uluk takin chhiar leh ila, comment chauh ang. Break a zo dawn, kal leh phawt ang
Report this comment
June 28th, 2010 at 12:41 pm
British ho chuan Merchant,Military,Mission tiin 3M hmangin ram an la thin.Tun hnua ka ngaihtuah hian ka tan eih lo mai!Africa khawmuala an Sulhnu pawr zet mai te khu ka ngaihtuahin ka haw zual thin.
US of A pawh hi an chuti tho a nih hi! :lol:
Report this comment
June 28th, 2010 at 12:44 pm
Pu HV ka source hi a dik m ka hre lo,mahse mongol empire aiin Ottoman empire kha a lian jok a ti tlat. Ka hresual poh ani maithei.
Report this comment
June 28th, 2010 at 3:15 pm
British in a Kristianna an rawn thlen hi chu lawmawm khawp mai. An mahni vang hian hmasawnna kan hmuh phah nasa ka ti ve kei hian.
Report this comment
June 28th, 2010 at 3:17 pm
nell_maiden, source awlsam atangin ka rawn la mai.
Top 10 largest empires:
# British Empire – 33.7 million km2 (1922)[2]
# Mongol Empire – 33.0 million km2 (1270 or 1309)[3][4]
# Russian Empire – 23.7 million km2 (1866)[3][4]
# Spanish Empire – 20.0 million km2 (ca. 1740-1790)[5]
# Qing Empire, China – 14.7 million km2 (1790)[3][4]
# Yuan Dynasty – 14.0 million km2 (1310)[4]
# Umayyad Caliphate – 13.0 million km2 (720 or 750)[6]
# Second French Colonial Empire – 12.3 million km2 (1938)[5]
# Abbasid Caliphate – 11.1 million km2 (750)[4]
# Portuguese Empire – 10.4 million km2 (1815)[5]
https://en.wikipedia.org/wiki/L.....st_empires
Report this comment
June 28th, 2010 at 3:25 pm
I.Hnamte, kan rama missionary lo kal te kha an thu thehdarh dan a Kristian lo ka ti khawp mai. An sakhaw rawn ken sawisel emaw chu Chi (salt) lei an khap etc etc. An duhtawk an ngah hma chu missionary dang rawn luh ve an khap tir (an nawr thlu). Ka pu kha an zinga chetla nasa thin a ni a a hre khawp mai, Kristian hlabu ah pawh missionary nen an siam dun pawh a awm (Laldailova 1890-1992).
Kan ram min thendarh saktu, kan chipui te ngei pawh unau hmelhai min neih tir fo tu te hi kan pi/pu ten an hlauh zah thin avangin kan chung en ta a, chumi chu thisenah than hnan ta in, tun thleng hian an thiltih tha lo ber ber ngaituah lo hian kan la tan fo mai hi chu mak ka ti a ni.
Report this comment
June 28th, 2010 at 3:30 pm
He post hian thu thehdarhtute pawimawhzia tarlan nge a tum len zawk a, British-ho ngeiawmzia ni ang??
History subject latute tan chuan India ram pumpui tana British-ho ngeiawmzia hi hmuh hmaih har tak a ni ang. Mizote lakah pawh an fin kherek dan hi a hre ril ril hian in sawi tha duh lo mai mai niin ka hria – Kohhran in hlauh vang ni maw??
Report this comment
June 28th, 2010 at 3:37 pm
lianchhiara, Thuthehdarhtu an pawimawh zia chu British ho English tawng thiamna ramah chuan an sual zia aiin, ‘an that zia’ kan la tih fo hi. British hoin, misual/ram sual anga an sawi chu a dik emaw ti thei zel khawpin a nih hi thu an thehdarh thiam. I 2nd para hi ka tawmpui khawp mai che.
Report this comment
June 28th, 2010 at 3:56 pm
British ho khan Mizote hi min awp lo ta se tun hun hi kan thleng thei ang em?? Chimral kan ni mai lo maw???
Report this comment
June 28th, 2010 at 4:16 pm
Ni ngawt asin, tunah phei chuan MEDIA hi a ni ta zawk mah mah… thu chauh ni lovin, a lem te nen…. mi a influence dan a dang ta, IT vang vek a lo nih hi…
World Cup Fixure print mai theih hetah hian:
https://www.sendbigfiles.com/93.....38af64fba/
Round 16 FIFA.doc kha (Word LOGO) kha click mai la…
Tha ve mai mai a…
Report this comment
June 28th, 2010 at 4:18 pm
sisen, khawngaihin, history chhiar chiang rawh.
Report this comment
June 28th, 2010 at 4:51 pm
ok, Pu Hv
Report this comment
June 28th, 2010 at 9:48 pm
sisen :lol: ok rang teh vut lutuk khi min ti nui vur vur
Report this comment
June 28th, 2010 at 9:57 pm
Pu hv, ka hre tlem em a, ka hnial ngam lo che lawm :lol: :lol:
Report this comment
June 29th, 2010 at 6:25 pm
Kan khaw chanchinbua ka editorial chhe te hi ka lo thawh ve mai mai:
Thu thar lakhawmtuten an thu thehdarh tam tak hi a thlenna hmun a zirin thu mak tak taka chhuahna hi a tam khawp mai. Hemi kawngah hian Mizote chauh hi kan bang bik lo va, khawvel hmun hrang hrangah an tawn leh an hriat fo a ni hlawm.
Fiamthu hi chu thu dangah dah ta ila, mahni ngaihruatna leh zeldin thubawl lo thutak khukpui chiam hi a Kristian lo a ni. Hman deuh khan hnam dang pakhatin hmeichhe naupang a pawngsual a, khaw threnkhatah chuan a that nghal angin an lo hria! Chumi awmzia chu thu thehdarhtu ber khan a hriatna dik lo a thehdarh a ni thei a, a phuah belh a ni thei bawk. A zahthlak a ni tih kan hriat a hun tawh.
Thil hi kan hriatchian lo huai taka sawi hrat tak kan ni hlawm a, kan rin zawng deuhten an sawi kan ngaihthlak phei chu a tawp thlengin kan tran tlangpui duh. Kan hriatna ber leh kan thulakna berin mi dang hnen atranga a hriat chhawn leh kan hriat leh chhawn hi a tam thrin em avangin kan trawng chhuah leh hunah pawh hian kan fimkhur a trul a ni. Heng avang hian threnawm khawvengte pawh kan inhmu sakhi thrum thei tih kan hriat reng a trul bawk.
Thu thar a ni emaw, mi chanchin a ni emaw, mi chhungkaw chanchin a ni emaw, keimahni ngeiin kan hriatpuia kan hriatchian a nih si loh chuan lo tawngpawng sawi ve ta lo mai ila, kan thratpuiin kan hlawkpui zawk dawn tihna a ni a. Tin, hrechiang miah si lo; hrechiang ang taka mi dangte hnena sawi chhuaktu nih pawh hi zaha kan lak a hun hle tawh a. A bikin mi chhungkaw chanchin leh chungchanga sawi neuh neuh duh khawpa hman kan la awm hi chu buaipui fe kan mamawh a ni tih kan inhriat reng pawh a trul awm e. Kan trawngkam leh kan thil hriatah te, kan thehdarh kawngah te kan fimkhur fo a trul a ni.
Report this comment
July 16th, 2010 at 7:31 pm
A thupui khi hepa hian a sawi fiah thiam angreng khawp mai:
https://www.youtube.com/watch?v=KmQ_4k4YQ_I
Report this comment