Central YMA-in a din Central Anti-Drugs Squad kut tuar nia inchhal thenkhat ZALEN in a kawmnaah anni lam chuan CADS chu an ruihhlo zawrh an man sak bakah an pawisa an chhuhsak thin niin an sawi a. Hetih lai hian CADS lam chuan an chhuh ni lovin, an mi man te chu thil dangah an tangkai thin avangin an pawisa an hrensak zawk thu an sawi a, kut an thlak a ni tih erawh an pha lo.
“Naute entirin ka hawng a, CADS te chuan ruihhlo ka zuar thin tih an hriat vangin CYMA office ah min hruai phei a, ka kut atangin engmah an man lova, pawisa ka neihchhun Rs 2,000 atangin 1,700 min laksak a, min hlap hrep bawk,” tiin ruihhlo zuar thin pakhat chuan kan palai a hrilh a. ZALEN chuan video camera hmanga a kawmnaah kut a tawrhna a malpui duk leh a kut duk te a entir bawk.
Kan palaiin a kawm pakhat chuan New Market bawra ruihhlo zuar a nih thu sawiin VDP nia insawi te’n dapin amahah engmah hmu chuang lovin pawisa an chhuhsak niin a sawi a. “Min dap vela, engmah an hmu lova, ka lungawilohna ber chu pawisa Rs 6,000 ka ah atangin 1,000 min chhuhsak a ni,” tiin a sawi.
“No 4 ti thin ka ni a, sazuar ka ni a, ruihhlo erawh ka zuar lo a, mahse a tih chu ka ti thin. Zu pawh ka in thin. A vawikhatnaah May ni 27(niin ka hria) khan Rs 5,000/- tling lo hret min chhuhsaka, a tuk leha min la leh a, a dang pawh i la nei ang min ti a, thil man niah an ngai a ni ang chu, Rs 7,000/- min chhuh leh a, tlai khaw thim thlengin min nghak a ni.” tiin a sawi.
Central Anti Drug Squad lam
“Ruihhlo zuar hi an fing tawhin thluak an hmang thiam em em a, CADS leh chanchinbumite inkarah boruak chhia awm se an duh, chu chu kan chiang khawp mai. SRS atang khan kan fimkhur tawh a, kan inzir nasa tawh bawk a, anni ang hmachhawn a bei tur hi chuan kan inzir nasa tawh, zei tak an ni,” tiin CADS palai chuan ZALEN a hrilh.
“Pawisa inchhuh tih lai kha sawifiah ka duh a, kan chhuh lova, kan hren sak a ni. Kan hrensak hi account bu leh form felfai takah kan ziak a, kan hrensak hi a ‘effective’ em em a. Midang chhui na kawngah min pui a, in lakah kan rinawm anga kan lakah rinawm rawh u kan ti a, ruihhlo dang dap chhuahna kawngah an tangkai viau a nih chuan pawisa hi kan pe let leh thin a, anmahni pawhin an rawn lam mai. Lam ngam lo hlan tur awm anga lan chu thuneitute kutah case pangngai a kal turin kan thawn mai thin,” tiin CADS mi leh sa pakhat chuan a sawi bawk.
ZALEN palai Central YMA office a lenluh hian CADS lam chuan pawisa an hrensak te chu record luh thlap a nih dante an entir a. “A then chu an kawl tih kan hre si a, an dahna kan hre thei mai silova, an motor te chhuhsakin an ruihhlo zawrhte nen te kan thleng lettir leh thin. Dan kan kutah a awm loh vang hian chet a har lek lek thin a ni,” tiin an sawi bawk.
“Keini’n case kan siamsak thei si lova, an siamsak hma hian an lakna liantham hi zawn chhuah kan duh a, in rin phak bak a ni ang, ‘hawng’ 20-30 kawl chin phei chu thuk tak a ni, kohhran rawngbawltu inah pawh ‘can’ khat Rs 1,000 in an thukru thei tihte pawh kan hria,” tiin CADS lam chuan kan palai a hrilh bawk. “A zuar chiang ngei tih kan hriat office a kan koh hian naupang hi phaw-ah an hmang thin a, a pawi kan ti hle.
Hmanni phei chuan pa pakhat a kawl tih kan hriatchian si kan hmachhawn a, a piah lawkah a fapa naupang tak mai chu a ah tir a, motor phen atang hian a rawn dak zak zak thin a, a tirah phei chuan rinhlelh ngaihna kan hre lo, a hnuah kan hre chhuak leh a ni,” tiin CAD convenor chuan ZALEN a hrilh a. “Dan bawhchhiain an che a, dan angin man hleihtheih an ni bawk si lova, ruihhlo hi kan do tak tak dawn a nih chuan dan hrul deuh roh a tul chang a awm thin,,” tiin CADS palai pakhat chuan a sawi.
Kan palai zawhna chhangin, “VDP nen hian thawhhona kan nei lova, thawhhona pawh kan nei lova, indaih lova kan pun chang chu a awm a, an chet dan kan hriatpui lo,” tiin CADS chuan an sawi a ni. ZALEN-in Electric Veng VDP a biaknaah chuan CADS kalhmang entawnin, thuk zawk an chhui theih nan pawisa hrensak tlem azawng an neih thu am sawi thung a ni.
Kan palai chuan New Market bawr vel chu zan engngemawzah fang tawhin, helai vela nunphung pawh a felfaiin a pangngai tawh hle tih a sawi bawk.
CADS din a nih atanga sum dawnzat leh senso
1) Sum lut: Rs 1,49,450
2) Hmanna: Rs 46,000
May 29 leh July 2, 2010 inkara CADS hmalakna
1) Home a dah – 1
2) Excise/policepek- 35
3) Nitrosun- 232 tabs.
4) Ganja- 31 kgs, 10pkd
5) Parvon/Proxyvon- 23,485 caps
6) No 4 (Heroin)- 7 hawng, 230 cans, 208 chhinsen
Pawisa hlutna: Rs 19,40,725
Similar Posts:
- Lily Veng atanga hnawhchhuah-in chhuahsan duh lo
- Synod-in CYMA nuai khat pe
- SRS tih tawp a ni ta
- Aizawl-ah 40%-in dan kalhin kumtlinglo chhawr
- RTI zawhna SPIO-in dawng duh lo!
July 4th, 2010 at 7:03 am
Boruak chhia hi a tha dawn em ni aw! CADS hi Kohhran hian a thlawp viau ni lawm ni, tanpuina sum te pawh an pek fo hi..
World cup lai hi chuan eng post ah pawh World cup chungchang (OT) hi phal ni mai teh se…ka puang ve tawp
Germany Squad siam a ngai tlat mai! (nizanah Kawlhawk nen kan buaipui hman si lo va.. buaipui chu ngai ni :roll: )
Report this comment
July 4th, 2010 at 7:16 am
Duh leh siam ula, kei chu Spain teh ang. Zephenath phalna a OT ka ni.
Report this comment
July 4th, 2010 at 7:38 am
CADS hian mi an la sawisa hlum ve ngei2 ang an chet dan ka en hian.
Report this comment
July 4th, 2010 at 9:05 am
CADS/YMA ruih hlo do hi a ngaihsan awm em em in thlawp a hlawh hle rual hian SRS ang khan an la che chhia ang tih ava hlauhawm ve. MI kuta ruihhlo man pawh nilova an sum hren sak ringawt chu a dik lovang…. kan pe let leh pawh tise pek let loh an neih ka ring tlat.. Ramdang pawh hian ruih hlo (Drugs) hi an duhlo in an do theuh mai a,(Ruihhlo do lo a, phalrai ram an awm em? a hria chuan han sawi teh u) keini ram a kan do ang hian an do ve em aw… an do dan thenkhat tal misual hriat ve tur hian han sawi teh u…
Report this comment
July 4th, 2010 at 9:25 am
CADS te hian mi pawisa hrensak theihna dan hi khawi atanga an neih nge?
Report this comment
July 4th, 2010 at 9:29 am
Zeph phalna in
uruguay an champ keuh dawn, South American countries champ kum a ni tlat
Report this comment
July 4th, 2010 at 9:39 am
SRS kuttuarin kan makpa tunhmaa zu in thin, inngai tawhlo a boral tawha, a tuartu nih chuan thinlung a dam tak tak mawh hle, mahse hemi avang hian YMA ka malmak ngawt thei lo, a kaldan phung erawh inenlet ve thinin fimkhur lehzual se tih erawh ka sawi ve mai mai duh kei misual hian..
Report this comment
July 4th, 2010 at 9:50 am
Thil felhlel deuh chu a inrawlh ve ngei ang. Extreme deuh a thil tih leh insawiselna pawh hi thil awm ve ngei turah ngaih tur. Thafamkim kan awm bik si lo a.
Report this comment
July 4th, 2010 at 9:53 am
Ruih hlo man hi Vanram ticket emaw an ti a ma ni, an han phur thei em em khop a.
Report this comment
July 4th, 2010 at 10:02 am
@hiho, Ruihhlo man hi vanram ticket amaw an ti lo. Ruihhlo hi khap ringawt emaw a thuphung a do ringawt a sawt lo. Kan tanrual a hun a nih hi..
Report this comment
July 4th, 2010 at 10:11 am
An tha ti chaktu ah kan tanglo a nih pawhin a ti hnualtu ah chuan tang lo tlang i la a that ka ring. Mahse an che taliban lek lek thin…..
Report this comment
July 4th, 2010 at 10:12 am
Thil ho te ka hrechhuak. Mikhual tlangval an khawih a, a chhan an zawh chuan a hmelchhia em alawm…an ti.
Report this comment
July 4th, 2010 at 10:23 am
CADS chet dan hi a la SRS hmel riauin a lang. Fimkhur taka chet a tha khawp mai. Tin, zu zuar, damdawi zuar etc te dap a, man tur hmuh loh hnu a an pawisa kher man sak kha a thuneih chak thlak deuhin ka hria.
Report this comment
July 4th, 2010 at 10:25 am
An ruihhlo man sak tur hmulo chunga an sum an hrensak vela. Taima sela, tih takzet in ruihhlo hi do sela, an mansak em em ang. Hahdam deuha ruihhlo do an tum a ni pek ang chu maw le.
Mi te kut anlo thlak thul, kut inthlak hi a YMA lo rapthlak ltk mi suaksual tak chung ah pawh ni se.
Dan hrula chet tih khan, ruihhlo man sak tu tur anni lova (CADS), chuti chunga anlo va laksak chuan dan hrul chuan an che chu ani nghal deuh mai. Man sak tur pawh hmulo chunga kut inthlaka, sum in hrensak kha a dik lo hulhual.
Tihtakzet in ruihhlo hi do sela, mipui pawn kan thlawp deuh deuh ang. Fimkhur taka an kal pawh angai tawh, anmahni avang hian YMA a hmingchhe zing ta!
YMA Jindabad!!
Report this comment
July 4th, 2010 at 10:38 am
Zephenath comment 1st thei lutuk hi a mak ka ti ve ta khawp mai.
Ruihhlo do hi a tha ka ti a, full support pek tlak a ni.
Report this comment
July 4th, 2010 at 10:43 am
SRS ai khan an che na zawk emaw ka ti!! SRS ah kha chuan ‘kut-thak’ ho kha an in luling em mai a, chuti nilo se, pawisa an chhuh sak tih thawm kha a ri ring em em lo! CADS ve thung chu ‘pawisa chhuh sak’ a ri ring tlat zawk mai a! sum leh pai a buai hi chuan, a buaithui theih khawp ania… “chhiahpuam” ang vel lek ah kan chuak ang tih a hlauhawm ang reng khawp mai.A rem lam ai in, mi rilru kan tih natlam a punlun palh ang tih ka hlauhpui.
Report this comment
July 4th, 2010 at 11:07 am
Ruihhlo hi do tur chu ani a, nimahsela, khawtlang vei inti a che ho chet thin dan erawh ka dem tlat thin thung. YMA hmingin an che, khawtlang tana Voluntary Worker niin an in ngai, dikna chen a awm. Mahse, kan kuang lo kan nawr deuh mah mah em aw??
Kan chet dan hi kan inen let chu a tul hle mai.
Report this comment
July 4th, 2010 at 11:10 am
Fight against drugs, not the person using drugs !
Report this comment
July 4th, 2010 at 11:15 am
@Uaiizzz: Germany squad a chhuak tep ang.. Captain ah i awm a nia
Report this comment
July 4th, 2010 at 11:18 am
An ti mah2 deuh thin ani… Keipoh hmanah ka zan leng, nula rim haw hi Y.M.A duty inti 3 hian Proxyvon ti thin emaw min ti aniang, min dil lui tlat pek alom le. Ka tih ngailoh thu leh ka neih loh thu ka hrilh pawh cuan awmzia a nei cuanglo aniang an zing a pakhat cuan voi 3 vel lai hi min rawn beng hman pek a… Ka bula thingtuai, hum nuam tawk vel awm chu ka la lawk a min beng tu ber cu kan hlap tlu top mai ah… 2 dang chuan min dil zui tawhlo chiang asin… a thi ta em lova a vannyhthlak agreg khwpmy…
Report this comment
July 4th, 2010 at 11:52 am
Zu khap tha kan ti lo va, ruihhlo erawh kan do hle si. A pahnih hian kan do mai thei lovem ni aw?
Report this comment
July 4th, 2010 at 12:03 pm
@Namenlovaboss well done!!.
Hman ah SRS lar lai khan YMA in sipai kan zu la min man a, ‘YMA member i ni lo a mi nga ti nge zu te i la lei a’ min ti vel a, a hnu loks a kan michhawr ten buhfai an lo harlh ru a, a lei tu kan zon chhuah chuan Zan a YMA duty ho lek chu lo ni in, Zu kan la min man tuma ‘YMA member i ni lo mi’ min ti tu hneh ah ngat chuan “inveng YMA duty in buhfai hralh ruk in lei thin a mi?” kan tih ve a. a ngawi mai mai. min man lai ang chuan tawng duh toh lo
Report this comment
July 4th, 2010 at 12:05 pm
Dan hnuai atangin CADS te hi che tura kan phut chuan an hlawhchham sa, hei tak hi kan mitlawmngai, sualna do hote ka khawngaihna a ni thin, Nunna erawh inzah sak ila, han piai deuh te hi chu a tha a lawm le.
Report this comment
July 4th, 2010 at 12:08 pm
@Devil18 Says:
Kan do tawh kha,YMA-hruaitu lam hian a zawng chhang tlak an ti vak lo ni hmiang maw!Thil reng2 kha a nih tur ang a ni lo fai ta vek emaw tih palh awl tak kha a nia!Kan tha,sum leh paite hi a hrang2 do nan ni lo,Drugs do nan hian hmang ila a hlawhtlin kei chuan ka ring zawk!Zu zurui,khualzin motor zawng2 lo check,ruihhlo nen kha chuan kan tha leh sumpai pawh in a tlin meuh lo a niang!Tun ah pawh hian zu han hma tel leh se chuan thil a buaichuar leh vek ang,a rem dawn chuang bawk si lo.Tin,CADS member te hi inthlak kual deuh thrin a thra lo maw!a ngai ringawt ho hi chu heng drugs zuar ho hian an hmel hriat leh vek tawh emaw a niang a!Pawisa inhrensak tih vel hi chu thil tih loh tawp chi a ni zawk ang!
Report this comment
July 4th, 2010 at 12:22 pm
Kut an thlak leh poisa an chhuh sak te hi kohhran hian a ngawih bo pui don ami, CADS member te hi engtin nge chhungkua an chawm tih hi ka hre chak khawp mai
Report this comment
July 4th, 2010 at 12:32 pm
Ruihhlo kan zuar lova, CADS zingah kan tello a, a sahim china duh duha lo rak ve ngawt pawh a chi bik lovang a, Valte.!
Hlawh pawh nei lo, mi relbur ni ringawt tura ruihhlo do te hi an duh duhin che rawh se. Sahim china mi tihdan tur lo hrilh zuah zuah hi ka tihve zawng a ni lo.
Report this comment
July 4th, 2010 at 12:34 pm
Uchuak deuh chuan a chet chi vak loh aniang… Kolasib pa fel ve takmai poh kumpuan lai vel khan kutthlak nasa pawlah a tan a… A sangha dil zau ve tawk tak mai turin an hrai sak a, tunah chuan Y.M.A tih tur angchi bak tih a tum tawh lem lo aniang…
Report this comment
July 4th, 2010 at 12:49 pm
CADS din a nih atanga sum dawnzat leh senso
1) Sum lut: Rs 1,49,450
2) Hmanna: Rs 46,000
An hmanna khi eng atana hmang nge an nih le??
Report this comment
July 4th, 2010 at 12:50 pm
eeh.. @amanda iva sitrik hmel ve..
an vah velna leh thingpui man bill a niang hihihi
Report this comment
July 4th, 2010 at 12:56 pm
@emaroj Kei chu stick bon top mi pawisa eng ang pawh a an lak luh a thlawn a an hman na chhan tur ka hre lova
Report this comment
July 4th, 2010 at 1:01 pm
Dik ve pah reng..
Report this comment
July 4th, 2010 at 1:03 pm
A tha ber tur hi hriatthiam a har takzet. Ram tan tiin zan mu pawh tuah lo leh hah pawh sawi thei lovin CADS ho hian hna an thawk niin an inngai ngei ang. Thenkhat chuan an chet dan engemaw lai sawisel tur kan lo zawnsak ru kar thung a. Mualpho palha an awm lahin ar-chuk-tui-lo thak khawpin kan sawisel bawk a.
Leh lamah a zuartu lam pawh an chep poh leh fin kherek an chhuah ve leh zel bawk a. Man an tawh leh harsatna an neih palhin hnar hnuaia ka hmang hian an pha char char a. In la Innocent takin mipuite min bum a, a dotute kan dem zawk theih nan.
Sawi leh sawi hnu, ZU ber mai hi thlah zalen mai ila, Ruihhlo danga kan buaina hi a zia kuar anga, ZU lamah erawh a hma ai chuan buaina neuh neuh chu kan ngah ngei ang. Zalenna kan hman thiam hun a lo thlen hunah erawh chuan, ngil takin kan kal tawh maiin ka ring mange..
Report this comment
July 4th, 2010 at 1:23 pm
Kawnga, tunah pawh ngiltakin a lawm kan tawlh, thil hi kan hmubuarchuar mai mai a lawm. Mi sangkhat zingah mihur engmawzatte chu an awm ve bawk ang chu.
Report this comment
July 4th, 2010 at 1:33 pm
@ Zephenath #19 : Ava lawmawm ve mawle, Squad chu han buaipui chur chur ang u. WC rim a nam tan tlat :-). Hmanni chu adidas-ah kan pawl kawr ka lei tep hmana, pawisa ka ui leh deuha (tunlai, ka rethei zual deuha), ka lei talo.
Captain chu ka va phu awmlo ve aw..!!
* I tang sauh sauh ang u, ka awmna ah hian 2nd round atang khan Big Screenin kan la en char char a, a boruak phian.
* OT dalah, “Khawvelin zu a do lo, Drugs erawh a do.” Ka kerh kerh hran lem chuang lo.
Report this comment
July 4th, 2010 at 1:36 pm
Ruihhlo zuartute hi an fing tawh viau a nih chuan CADS lam pawh hian tan an lak a ngai viau a ni. Ruihhlo hi kan ram hmelma a ni a, tutan mah a thalo. CADS te hian ram tan thiltha an tia.. Chutihrual chuan an fimkhur tawklohna avangte a mi pawisa laksak a, hlep lo neih te an tum a, Misual thilsual tihna avanga felhlel taka lo hausakpui emaw pawisa lo lakluh ve emaw hi thilhalo a ni a, Ramhmelma ruihhlo nena thuhmun reng a ni. Chutiang hu CADS te hian an pumpelh hram a tul ve bawk. CADS tang fan fan
Report this comment
July 4th, 2010 at 3:51 pm
Keipawh Kutinthlak hi chu ka thisen hian a ngamlo, mahni leh mahni mizo kut inthlak trawk2 te hi ka la hmu tam lo bawk a
Eng anga sum an lakluh pawh nise, laksak kher khi a trullo ka lo t ve mai mai, tlawmngai tak an awmlai hian a thren in lak power nana lo che over deuh hi an awm leh thrin, tiang te chu sorkar lam hna ni awm tak YMA lam ni lovin, hunawl ngah leh hnathawh mumal nei lemlo kan tam ltk vang pawh hi a ni pakhat bok maithei a ni
Report this comment
July 4th, 2010 at 4:21 pm
Kristian rama ‘langthei sual’ kan do dan leh kan hmalak dan te hi a felhlel deuh thrin lo mo? Heng sualna, retheihna, hri mak pui2, hurna etc la punlun tur thhu hi chu THUPUAN ah khan kan hmuh vek kha. Tharum leh mihring theihna beitham tak hmanga hmachhawn a khap tum ai chuan KOHHRAN lam hian a ngaihna a hre lo mo awww…? Heti zawnga beihpui kan thlak nasat zawh pouh leh lehlama a nghawng tur leh hlet a chhuah nasat dan tur hi huphurhawm leh tak chu ani, ‘Every action has a reaction’.
Engpawh nise CADS (Civil mi te)chuan tran chu an han la thra leh chu nia leh, an tawp dan a HO leh ngawt ang tih chu hlauhawm tak ani.
Report this comment
July 4th, 2010 at 7:07 pm
@Uaiizzz, “Khawvelin zu a do lo, Drugs erawh a do.” A tha khawp mai.
@Kawnga, zanin chu eng eng emaw do ila…???
Report this comment
July 4th, 2010 at 7:27 pm
@Pc-a : Tuna kan kal phung hi ngil tak i ti thei a nih chuan a tha mai a. Min hrethiam la, Ngil ka ti ve thei lo a ni. Do tel loh tur, do awmze awm chuang lo tur DO hian tha leh zung tam tak kan seng a. Thahnem ngaih luatah pawi pang a thleng fo bawk a. Entawn tur tha khawvel hmun dangah kan ngah tawh teh lul nen, aa takin kan la do sai ngar ngar mai a nih hi mawle.. Mahse, ngaihdan a inang vek hauh lo tih erawh ka hria e.
@Ku Muanga : Do rawn ila :lol:
Report this comment
July 4th, 2010 at 7:47 pm
Ruihlo do hmasak lai khan kan zin haw lam khaw pakhata YMA duty ho in min lo tiding a. Chhuk rawh u motor kan check dawn an ti a. Ka nupui leh fate rui lutuk chau tawh si ka khawngaih khan ‘ruah a sur nasa si a hei an rui chau bawk nen, tin in piah chiah khuaah sawn min check tawh tho a, min kaltir mai teh u’ ka ti a. An duhlo a ka nupui fanau te chau em em kha ruahsur hnuaiah an chhuktir a. Ka rilru na a reh thei lo reng reng. Thiltha ni in lang mahse mahni thuneihna ni miahlo inbel chawpa hmalakna hi ka thlawp thei lo.
Report this comment
July 4th, 2010 at 7:59 pm
YMA meuh ruihhlo do tura dan palzuta a thawhchhuah a tul thin hi Sorkar hian a mualphona ani tih a hre duh tlat lo hi a mak ka ti.
Report this comment
July 4th, 2010 at 8:13 pm
CADS hi ful sapawt ka pe! Dan hrulah, uchuak tak silo, dan pel zeuh2 pawhin kal rawh u. Vartian atanga thim thleng thak2a bazar-a eizawngte hian kan hai lo, hma inlak hma leh lak hnu-a boruak danglam zia hi. Sazawrhna step hi tuktin ka kalna a ni-a, a hmei a pa-a No 4 lo invit ngawng2 an va tam em! Heti mma no 4 zalenna khawpui hi india ramah hian awmin ka ring lo. No 4 edik, thawmhnaw, mobile fawn leh eng2 emaw rawn zuar te hi an va tam ta em! Nu te chawlhni puan chenna rawn sawr duh an vei leh ta suau2 mai. Hmanah chuan dan baka che te dem mm tu leh sawi chhe nasa ber te zinga mi ka ni. Tunah zawng ka ngaihdan a dang ta! Kan khawtlang a lo nawm deuh2 theih nan ‘ Dan bak tlem’ a chet mai hi pawi tihna ka nei ta lo. CADS, selna tam hle mah se, kal zel mawlh teh u. Lalpa’n inhma hruai se…!
Report this comment
July 4th, 2010 at 8:31 pm
Pawisa te chu lo inlaksak ta lawp lawp pawh nise ka hrethiam… Mihring kut inthlak kher hi chu a trulna hi ka hre thlawt lo…. kan sawrkar trenghneng lutuk hi chu a pawi vawt vawt teh zawng ani e. A sawrkar Uisathiam police te hlei hleiin in vuak an la hrat ta leh nghala, hnam hnufual kan nih zia hi alo lang leh thrin anih ber hi.
Report this comment
July 4th, 2010 at 8:36 pm
Police hi kan ekchhe ngah tlurh ringawt a, an tam ang hu hian an chak tawklo inti ve em?? an kal dan hi an in en ve deuh angai ve deuh lo maw…
post in a sawi ho khi ka thlawp angrenga, man an harin an fingin rin aiin thil in kungkaih a thuk theia.. pawisa an hren tepawh a thrat hmel fu mai, mahse an pawisa hren rawn lam ngamlo ho pawisa kha anlo fanghma no ei hmiah nge ni an pe let leh thrin reng em?? tih hi ka zawhna pakhat..
Dan pel deuha chet a ngaih chang hi a awma, tin, dan hian a sawi kim vek senloh bakah dan anga kal aia danlo anga kal thrat chng tepawh a awma, mahse Dan pela han kal deuh hian a Destructive zawnga kal hi a awl em ani. An hmalakna leh thrahnemngaihna hi support mahila han criticise ve thrin hi a thra khawpmai, chutilo a support dul dul ringawt hi chuan kal sual hun an nei thrin.
Tin, Mi an sawisa a kut an thlak a an hlap vel thrin anih chuan, kohran upa emaw, hetiang laah agent lian sum ngah leh pawnlang a en zahawm deuh pawh awmse kut an thlak vetho anih loh chuan, han en reng reng pawha drug addict leh mi sual deuh khawtlang pawhina an nin deuh leh kut lo thlak pawhnise mi tmtak ina n ngaih pawimawh lemloh tur chauh hi kut thlak lovin, an thlak daw ro ro anih chuan zahawm hmel deuha pawnlang a lang mi threnkht an thiltih ruk hrelo tana zahawm deuh ang chi ho tepawh hi thlak tel sela, chuan an Bias lo kati ang.
Zuam zawng leh zah zawnga kan react dan hi mihring ah hian Automatic hian alo hrang thrina..
keipawh ka support e, mahse hetiang ang hi chu an kal an kala support tlak vaklo a chet hun tehi an nei leh mai thrin, entirnan SRS ho tekha.. veng threnkhat chet dan an support awm hliah hliah laiin mi threnkhat chet dan erawh, uchuak leh ngam zawng leh ngei zawng emaw sawisak vak vak ang chi anih kh chuan support an har viau ve thei bawka, Central lam lahin, YMA tana thrahnemngai taka anti anih chuan tiin a che uchuak deuh tepawh a dem leh ngam chuanglo te anih chuan a destructive zawngin thil a kal tih hrethiam ila thra in ka hria.
Report this comment
July 4th, 2010 at 11:24 pm
A bul ber chu Mizoram ah Dan a awm loh vangin heng zawng zawng dan bawhchhiatna ruihhlo zuarhna ,dan lo mi sawisak leh sum hren te hi a rawn hringta ah ka ngai.Dan hnuaiah lo chuan engmah hi a tluanglo.Kan sorkhar chaktak hian police ,excise heti zozai te hi hmang ang hmiang YMA pawh hian an huanglo ah luh an ching mah mah.
Dan lalna ram ah chuan dan kengkawhtu te bak in eng mah an ti ve thianglo.Tam vang ngawt a huai hun Barbarian hun ah khan kan zoram chu an hnuklut leh ani ringawt a lawm.
An duh leh sorkhar lam nawr mai zawk se a dik zawk viau in ka ring.
Atopic ah khian CADS leh medea inkarah hem thlak tum tihin sawi ani a media lam te hi chuan eng thu pawh mipui benverh tur zawng chanchinthar neih hi an hlawkna pakhat ve ah ka ngai.
Report this comment
July 6th, 2010 at 10:35 pm
Human Rights-te hian kan chhuan em em India ram lehkhathiam ber State (a dawttu zawk nge?)-ah hian awmzia engtikah nge a neih ang le? Dan leh hrai hian awmzia a nei lo tluk thaw-thang a nih hi! Heti em ema YMA inrawlh ngai khawpa dan kengkawhtu chak lo kum 25 vel hnuah pawh kan la nei hi chuan tah a tichhuak! YMA lah chu sawrkar fin chhuah a hnekin an tih tur ber emaw tiin an in vilik hlauh mai sia le. Bihar mob rule te nen enge a dan chuanna le? Tunlaia ‘honour killing’ national level-a an buaipui viau pawh hi a root cause chu kan tradition a ni lo tih a ni mai sia. India danin khapna a siam vek tawh pawh politics-a lal duhna avangin sawrkat tin deuh thaw hian a hai der lui vel mai mai a nih hi. Media an chak tawh em avangin tuna chuan thil a tih mai mai theih tawh loh tan a ni ve chauh si a.
Tunang renga kan state sawrkar pawhin YMA hmanga rul kaw zen tawh loh hi a zirchhuah hun a nghahhlelhawm hle mai. CADS pawh an initiative chu a tha, mahse, long term vision a tling lo ka ti. CADS a active lo chiah anga, a ngai te bawk tho tur. Chung ai chuan Mizoram job creation lam zawnga project te hi YMA te hian siam se, future drug addict/zuar tur te pawh a prevent zawk ka lo ring ve mai mai.
Report this comment