Misual khuaa mite hnena kawlhawka Lehkha Thawn (7:7–10)
“Nawhchizuarte atanga in zir tur”
Nuamtawl tiin in sel maw?
Dik lo taka sum hài a, dawt leh thutak chawhpawlh hmanga hlawkna tel thin sumdawngte leh Dawt phuahchawp hlawm hlak hmanga sum siama, rethei pual hial pawt hék a, mipui chan tur chhuh sak thin sorkar milian te u, nangni zawng, in awh apiang in lei a, in it apiang in ei a, in duh apiang in nei a, a mawi apiang in inbel bawk a. Nangni ho hi ‘Nuamtawl’ dik tak chu inni e!
Awmherh tiin in kawk maw?
Ìtna, thikna, huatna leh mahni hmasialnaa khat, chhungril ngèt si leh nunthup bawlhhlawh tak tak zakkep chunga, Pathian leh Mihringte bum tum reng renga, nihna anga lang ngam lo, nihlohna anga lan tuma phè phè te u, nangni hi ‘Awmherh’ dik tak chu inni zawk lo em ni?!
Mi hur tiin in dèu maw?
Damchhung a tan, Kawppuite laka rinawm tura– Pathian leh Puithiam hma meuh chhechham, Kohhran mite hriatpuina thlapa intiam, chu’ng zawng zawngte hre reng si a; a tuai nalh leh a khal tha apiang beisei a, chil phuan tla lek leka bawh huam huam tute u, nangni ho hi ‘Mi hur’ dik tak chu inni zawk!
Nawhchizuar(Hnawhchizuar?) tiin inhmusit a maw?
En ta che u, zir ta che u. Saruak riltama an awmloh nana an beih nasat zia hi! Khawlum tak hnuaiah pawnpui kara inthawlh peih in awm em ni? Thlasik khawvawt tak hnuaiah saruak ding duh in awm em ni? Chaw kawpuar an hmuh ve nan chutiang zawng zawng chu an tuar huam a sin! Nangni’n fel lo leh dik lo taka, thlantui séng reng reng loa puar in tum lai khan, anni chuan tha leh zúng tamtak sengin, an bei fat fat a, bianga thlantui far kauh kauh khawpin chèt an la a sin! Phur lo chungin an dawrh a, tui lo chungin an pawm a, chak lo chungin an dawh a, a nâ a haider a, a thip a tuar fan fan a, chhel takin a nghak hram hram a, atawpah a tuar chhuak nge nge thin.
Hringnun kawng chhukchho inzawh mek lai hian, heng nawhchizuarte ang khawp hian chhel u la, tuar fan fan u la, bei hram hram u la, atawpah hlawhtlinna chu inkhum ang.
July 8th, 2010 at 9:56 pm
A thu a tha thuai 2 khawp mai.Mak ve deuh mai ka hriat chu maumual ah khuan hmeichhia awmtha duh lo dahna a awm emawni chungah chuan KS te leh addict te an dah thin a .An rawn chhuah hian addict te hi KS ah an chhuak thin an ti.In awi em?
Report this comment
July 8th, 2010 at 10:06 pm
hmingte, ka awi khawp mai. In awmnaah heng ho hi engtin nge an tih ve?
Report this comment
July 8th, 2010 at 10:09 pm
Jennifer Lo Says:
People dont you understand
The woman needs a helping hand
Or she’ll raise an angry youngman someday
Are we too blind to see….
Eiru leh thiltitheite nghawng lenna leh in duhsakna hluar em em na ramah hian Angry Youth hi an rawn chhuak treuh ang tih tepawh a hlauhmawm e a.
Report this comment
July 8th, 2010 at 10:14 pm
Report this comment
July 9th, 2010 at 11:31 am
Thawk rim silova nu leh pa te phen a K.S hmusit ve ringawt ho khan inzir nan hmang teh un… Fel in ti tak te, felna ringawta Vanram kai tum ho te, dik in ti ngawih ngawih ho te khan in tlukloh te thlangvang hauhna hilo ngaithla mawlh teh u. K.S an fak a nilo an hreawm tawrh te tawrh pui na chang kan hriat theih nan leh an thawh rim na zar an taimakna te kan lo var pawh ve theih nan Kawlhawka hian a rawn sawi zawk a ni e. Sual na nei lo chuan deng rawh se…
Report this comment