Kristianna-in bu a khuarna hmun apiangah tihdam rawngbawlna hian hmun sang tak a chang thin a. He tihdam rawngbawlna hian engtiang chiaha thukin nge kan rilru hi a khawih le? Tun hnai lawkah Mizoramah pawh tisa tihdam rawngbawlna kan buaipui hut hut a. Thingtlang kilkhawr ber ber atangin kan pan khawm a.
A dam an awm a, dam lem lo an thahnem zawk fe bawk a. Tisa damna changte lawmna tluk zeta thukin damna chang ve lem lote beidawnna hi a thukin ka ring thin. An thinlungah zawhna tam tak an zawt ngei ang a. A chhanna lah hriat phak rual a ni si lovang. Sual bik riauva inngaihna thinlung leh Pathianin a duhsak lo bik riauva inngaihna thinlung pawh a pe hial thinin ka ring. Mizoram ang, mipui rilru phawklek lutuk leh nghet lo lutuk awmkhawmna hmunah chuan tisa damna te hian hmun hi a chang sang em em a. Hman hman atang tawhin tawngtai dam thei kan ti, zut dam thei kan ti, khawihthlu thei kan ti, a vuak vetah hian kan phi buai kan phi buai thin zawng a nih hi.
Tisa tihdamna hi sawi nep ka tum lem lova. Mahse, kan Lalpa Isua khan a ngaihpawimawh ber erawh a ni lo tih chu chanchintha chhiar ve ek ek peih chuan kan hre vekin ka ring. Khawvela rawng a bawl lai khan tihdam rawngbawl hna chu a thawk ngei mai. Mahse, tihdam rawngbawl hna kha mi rilru hneh nan emaw, mi mak tih leh ngaihsan atan emaw a thawk hran lova.
Nitin a sang tel lah a tidam hek lo. Khawvela a lo kal chhan ber kha tisa tihdamna rawng rawn bawl turin a ni lo tih kha a tarlang chiang em em thin a. Mi a tihdam pawhin, sawi puang lova, zep tlat tur te-in a hrilh zawk thin a nih kha. Tunlaia tihdam rawngbawlna hna thawktute nen hi chuan zaikhata luangza zawng an ni meuh lo emaw ni chu aw a tih theih tlat.
Thil mak te pawh hi kan lawm lutuk ta reng reng mai a. Khawihthlu thei an awm lai te khan kan bawr hut hut a, Pathian tluk thaw thangah kan dah ni khan a lang a. Kan intihhmuh a, a hman hmanin mi an khawihthlu vel mai mai ni khan a lang a. Inkhawihthluk khan thlarau lam thanlenna min pe em tih lam reng reng kan ngaihtuah hauh lo a ni mai lo maw? Thilmak te hian kan nunah thu a sawi thuk tak tak ngai lem lo a ni tih chu Bible atang bawk khan a chiang khawp mai. Bible hian, tunlaia keinin kan ngaihsan em em, tisa tihdamna te leh thilmak te hian damchhung daih rinna mihring a pek lohzia chu chiang takin min zirtir a. Kan hmufiah duh lo lui mai mai a ni lo maw? Hemi thu lanchiantir tur hian kan khaw hawi tihzau tehchiam pawh kan mamawh lem lo.
Isua hmel tihdanglama a awm chungchang kha en ta ila. Isua hmel chu ni ang maiin a eng a, a silhfente pawh khawvela puan su thintena an suk var theihtawp ai pawha a let eng emawzata varin tihvar a ni a. Chu mai a la ni nem, a kiangah hmanlai mihrang val pahnih Mosia leh Eliza te an rawn ding a, an inbia a nih kha. Chutah, van Pathian chuan a inthupna zawng zawng hlipin, aw chiang kek kawkin thu a la rawn sawi zui leh ta nghal a. Mit ngeia kha thil hmutu Petera, Johana leh Jakoba-te tan khan thilmak ropui lutuk a ni a; leiah bawkkhupin an tlu a, hlauh namen lovin an hlau a nih kha. Mahse, khatiang khawpa thilmak ropui entir an nih hnu khan an chungah eng nge thleng ta le?
An rinhlelh rukna zawng zawng leh an rilrua zawhna awm thin zawng zawngte chu chhanin a awm em? Isua hnung chu rinawm takin an zui phah ta em? Teuh lo mai. A karleh lawkah, Isuan a mamawh em em lai khan an phatsan leh hmiah mai a nih kha. Tisa tihdamna te hian chatuan daih rinna min pe lem lova, thilmak kan tihte lah hian zirtirte tan meuh pawh khan rinna thuk leh ril chu a pe thei lo a nih si chuan, keini vawiina nungdama awma te hian ngaihsan chin tawk kan neih hi a hun viau tawh lo maw? Bible-in chiang taka min zirtir hi engtia rei nge maw kan hmuhthelh luih zel dawn le?
Similar Posts:
- Tihdam Rawngbawlna
- Pu Chawilien rawngbawlna
- Tripura lamah tihdam rawngbawlna
- Damna duhin boralna lamlianah(?)
- Tihdam I duh em?
July 11th, 2010 at 6:23 am
A pawimawh khawp mai,tihdamna hi thil pawimawh tak ani.
Report this comment
July 11th, 2010 at 6:30 am
Taksa damna chauh hi kan duh a, thlarau damna hi kan hnawl leh si a :cry: Harsatna kan tawh in Pathian kan au a, Buaina a reh in ka theihnghilh leh si thin a.
Report this comment
July 11th, 2010 at 6:35 am
Hman nia HIV positive tihdam te kha an dam tak tak em le? Ka dam inti tam tak zinga mite hian an rilru an dampui a ni zawk lo maw?
Report this comment
July 11th, 2010 at 6:44 am
Rinna antam chi fang khat tiat lek pawh i neih chuan tlang sawn na theihna i nei ang tih teh pawh a in ziah kha mawle, a puan hmawr tal pawh dek ila ka dam ang tih te pawh kha a awm leh zel a. Lalpa tan hian thil te lua a awm lova, Thil lian lua pawh a awm lo, mi(sual) ho hi kan va vannei tak em :lol:
Report this comment
July 11th, 2010 at 7:12 am
@hanc i kawmen dan a mawlmang ltk, 1st loh i hlauh hmel e mai a. . . . :lol: Kei chu tuman min la khawih tlu ve leu. . . . Min a rinna a dampui fo. Bible a Isuan “ka fanu i rinna i dampui e” a tih khan rinna a tih khan faith nge a kawh ang believe? Min han hrilh fiah teh un.
Report this comment
July 11th, 2010 at 7:18 am
@Lersia 1st loh hlauh vang poh nilo,tuman in comment si lova kan ti ta mailawm le !Ni e rinna hi an dampui fova,ring lem lo pawh an dam ve tho
Report this comment
July 11th, 2010 at 7:25 am
@hanc “ring lem lo pawh an dam ve tho” i ti a, eng ring lemlo maw?
Report this comment
July 11th, 2010 at 7:29 am
Lersia, Hebrai Bung 11 kha han keu dek dek teh :lol:
Faith is to believe what we do not see, and the reward of this faith is to see what we believe. –Augustine
Report this comment
July 11th, 2010 at 7:35 am
Thlarau damna tluka hlu a awm dawn em ni le…
Report this comment
July 11th, 2010 at 7:39 am
Tihdam rawngbawlna hi ka ngai thu tak vak ngai lova, amaherawh chu ka nu kar thum vel kea kal thei lo chu kohhran upa pakhatin a tawngtai a a tawngtai zawh ah kein a kal nghal a mak ka tiin min deh dan a dang khawp mai. Mizote hi kan thil tih leh uar chu ti hluai mai teirei peihlo tak kan ni a,tihdam rawngbawlna pawh kan uar lai chuan damna chang nawn awn awn pawh kan awm awm e,mahse a daih rei lo zawng a nih hi.Damna a pawimawh rualin rinna tak tak neih a pawimawh khawp mai.
Report this comment
July 11th, 2010 at 7:40 am
Rinna hi kan thil beisei te, hmuhtheih siloh, awmngei a hriat na hi a ni. For ekzampul: Kekawrte kap pawng. . . :!: :lol:
Report this comment
July 11th, 2010 at 7:41 am
The Real, i sawi dik, He lei taksa hi chu boral mai tur (vaivut chu vaivut bawk ah a kir leh ang), Thlarau erawh chatuan in a nung ang.
Report this comment
July 11th, 2010 at 7:45 am
@Lersia #7 pathian ringlo ka tihna nia,hnam dang Pathian ringlo te pawh an dam ve tho a ni.
Report this comment
July 11th, 2010 at 7:48 am
Thlarau lam kan ngaihthah theih nan a Setana hmanrua ani thei angem aw tih hi ka thinlunga zawhna awm reng ani.
Report this comment
July 11th, 2010 at 7:50 am
thil mak, danglam riau te kan lawm a, takna erawh kan hransan leh si thin.
Report this comment
July 11th, 2010 at 7:53 am
Amaherawhchu, he lei khawvel a kan awm chhung hi chuan hrisel kan mamawh si thin a ni.
Report this comment
July 11th, 2010 at 7:56 am
@ hanc chu tak chu ani kan sawi chu ni. Faith ai in believe a ang mah zawk e kan tih na chu. Psychologically a dam tura an in ngaih tlat chuan an dam mai thin. Ti damtu (inti) thenkhat ho pawh hian, Pathian ring tura in fuih ai mahin an damna kha pawm ngam a chu chu ring turin an in fuih thin a ni.
Report this comment
July 11th, 2010 at 8:04 am
Nula hmeltha deuh hi chu tawngtai dam ai in ZUT dam sak zawk ta ang ila :mrgreen:
Report this comment
July 11th, 2010 at 8:05 am
[…] Tihdam Rawngbawlna leh Thilmak | mi(sual).com […]
Report this comment
July 11th, 2010 at 8:11 am
@lersia ani khawp mai,’Tidamtu’ hi an inti chiah em le………? ka ti mai mai.’Anni’ ho hi ani pawmawh ta chu ni,A rawng an bawl,A hminga an tihdam thin a hi tun ai hian dah pawimawhin chawi lar se a tha ngawt ang.
Report this comment
July 11th, 2010 at 8:13 am
@kromong i nick a va han sei turu lulai em em ve.
Report this comment
July 11th, 2010 at 8:15 am
Hanc leh Lersia hi in in Sitar dun chiang mai :lol:
Report this comment
July 11th, 2010 at 8:25 am
@ hanc hi, nula hmelthatak, ria chumbat, a ngaihnobei tawk chauha hang a nih duh hmel an ti.
Report this comment
July 11th, 2010 at 8:45 am
Thlarau lam damna kan ngai pawimawh thoin ka hria,kohhran upa ten camping an siam a,chhawng 4/5 lai,kan lut ruih ruih thrin tho alawm.
Report this comment
July 11th, 2010 at 8:46 am
Tihdam lampang daih maw? Sunday tuk nen ava inhmeh kher em ve le
Report this comment
July 11th, 2010 at 9:10 am
Damna aiin Tidamtu, malsawmna aiin Malsawmtu kan thlakhlelh ngawih ngawih hunah kan ram hi a dam ang.
Report this comment
July 11th, 2010 at 9:19 am
thil mak a ni lo, Pathian hna thawh hi
Report this comment
July 11th, 2010 at 9:23 am
”Tidamtu, tihdamna nilovin nangmah zawk ka duh che. I tihdamna ka en in nang ka theihnghilh thin che. Tidamtu, nangmah ka duh che”
”Malsawmtu, i malsawmna nilovin nangmah zawk ka duh che. I malsawmna ka dawnin nang ka theihnghilh thin che. Malsawmtu, nangmah ka duh che”
Report this comment
July 11th, 2010 at 9:35 am
I ziak tha viau e
Report this comment
July 11th, 2010 at 9:38 am
A post-tu reh hmak awih loh tih te kha a awm deuh a..lolz..mahse, han sawi belh chiam tur pawh ka hre meuh lo ve a..comments lo chhiar hi ka duhtawk viau mai. Have a joyful Sunday guys
Report this comment
July 11th, 2010 at 9:58 am
Pa leh Fapa leh Thlarau Thianghlim pumkhat anih angin, taksa, rilru leh thlarau pawh inzawm tlat a ni a. Chuvangin, taksa emaw thlarau emaw chauh a dam chuan a famkim lo thin.
Tehkhin nan, tihdam rawngbawlna hna thawktu tu emaw atangin i taksa natnate ata damna lo chang ta la, emaw, i tawngtaina atangin i taksa natna te chu lo dam ta se, i thlarau a dam si loh chuan…..(ngaihtuah zawm rawh)
Tin, i suahsualna leh i khawlohnate avangin i inchhira, sim in Lalpa lam i hawi kir a, Anin alo ngaidam che a, alo tidam che a, mahse, natna benvawn tak i neih erawh lo dam tel ta si lo se, i thlarau dam mahsela, i chak em em, Ama rawngbawl hnathawh kha i taksa natna avangin i ti thei lo mai thei.
Taksa, rilru leh thlarau hi Lalpaah a dam vek a ngai em em a. Chutih rualin kan hriat theuh angin a pawimawh ber erawh thlarau damna a ni.
Ngaihdan pakhat han sawi mai mai ila, miin min tawngtai sak a, kan dam si loh hian emaw, damna dila kan tawngtai fe hnu pawha kan la dam lo anih chuan Lalpan tul ala ti lo/hun a la ti lo pawh a ni thei. Kha natna kha amahah nun nghet tak kan neih nan min koh na pawh a ni thei. Tuarna phena a malsawmna hlutak chang turin tuarna hmachhawn dan min zirtir duh pawh a ni thei… Na chung pawha dam nun neih min zirtir duh vang pawh a ni thei…. (vawiin chu kawthalo in min zut ve deuh a, misual lamah ka inkhawm ta mai keipawh)
Report this comment
July 11th, 2010 at 11:46 am
@Ralte sawi hi ka han tuihnih ve lawk: Chhandamnaah hian mihring pumpui-taksa, rilru leh thlarau a tel vek tih hi chiang phawt ila. Lal Isua nun min pek chu “nun an neih nan, tam taka an neih nan” (John 10:10) a tih ang khan NUN TAM a ni. Hei hian taksa hriselna hi a keng tel bawk. Mihring taksa Pathianin a siam phung reng reng hi hrisel tur leh natna laka lo inveng thei tura din a ni tlat nia!
Chutih lai vek chuan Taksa erawh hi chu Vaivuta siam, vaivuta kir leh tur kha a la ni tlat a, Van taksa kan neih hma chuan he taksa hi chuan engtik niah emaw chuan natna chauh ni lovin THIHNA pawh a la tawk dawn. Lazara, mitthi zing ata a kaihthawh ngei pawh kha a hnuah a thi ve leh tho tih a chiang. Chuvangin, taksa damna ringawt hi chu TEMPORARY thil a ni tih hi hre tel ve leh ta mai mai ila.
Amaherawhchu: Tihdam rawngbawlna hi Thlarau Thianghlim thilpek zinga pakhat a ni a, Thlarau Thianghlim thilpek reng reng hi chu a kohhran ho tihchak leh tihsawt nana Pathianin a pek a ni. Heihi ngaihnep tur a ni lo va, Thlarau thilpekte hi ringtute chuan kan ngaihluin neih pawh kan chak tur a ni. A dik tak chuan hetiang thilpek dawng leh nei hi kohhranah hian ka nei tlem lutuk a, Thlarau lamah kohhran a pachhe em em reng a nih hi. Chuvang tak chuan khawimaw laia zut dam thei te, tawngtai dam thei te pawh a hla a hlain kan pan vang vang peih a nia, hengte hi kohhran chhunga rawngbawlna kalphung pangngai ni zawk tur a nia sin! Kan upate leh rawngbawltute zingah Thlarau thilpek nei hi kat nuk mai se, chu chuan kohhran a tiphurin a tichak nasa ngawt ang. Chutiang chu kan nei lo a nih phei chuan Pathian hnenah Thlarau thilpek dila tawngtai hial hi kohhran tih tur ni awm tak a niin ka hria.
Tin, Taksa damna leh thilmak dangte reng reng hi ringtute pianken ve reng tur niin Lal Isuan a sawi(Mark 16:17 & 18). Kan pian a fuh loh em avang zawk hian taksa damna te hi a loa luakchhuakin kan ngaisang a, Malsawmtu aiah malsawmna, Tidamtu aiah tihdamna kan buaipui phah reng a niin a lang.
Report this comment
July 11th, 2010 at 11:50 am
@^-||RaLtE||-^ & keimah, good comments. Thank you.
Report this comment
July 11th, 2010 at 1:48 pm
Tihdamna sawi takah chuan LPS pu Sawma fapa chungchangah poh khan rawngbawltu inti thenkhat ho khan tidam leh tu nih tumin an bei hlawm anih kha mawle….
Report this comment
July 11th, 2010 at 2:21 pm
Rinna hi thlarau hnathawh, taksa kaltlanga rawn lang chhuak ani awm e, chuvang chuan RINNa chak tak chuan kan taksa pawh hi hmuhtheihin a khawih danglam thei ani….(P-thian lam pawh ngaihtuah miah lo pawhin). Entirna holam ber atan, Thlahrang bu kan han chhiara, kan thlarau chuan hmuhtheih loh thil, hun kal tawha thil thleng tawh te pawh etc,… lekhatui duma rawn in thai lang, chumi chhunga mi chu a zuk hmu ta a, hmuhtheih loh keimah ni chuan hmuhtheih loh thil chu zuk hrethiamin a zuk hlau taa, a hmuhtheih zawk kan taksaah rwn lang chhuakin, kan hmulthi a rawn ding ta ur ur thin a ni. Hetiang hian a level san dan a zirin kan rilpui te pawh hi kan ti chhum hmawk thei ang tih te pawh ka hlau rum rum mai, …..hahahahhahaha
Report this comment
July 11th, 2010 at 2:29 pm
The greatest miracle is SALVATION !
Report this comment
July 11th, 2010 at 2:36 pm
Pathian hnathawh hi sawithiam chi pawh niin ka hre lo…Ka thiannu pakhat (hnamdang) chuan, thih hnu piah lam ‘Heaven’ or ‘ Hell’ hi a awm a ring chiahlo, ” He Lei hi kan fel chuan ‘vanram’ chu ani mai, kan sual chuan ‘hremhmun’ ani leh mai, tiin ka pa in min hrilh thin” a ti…kan rindan nen chuan inpersan tak ani..
Report this comment
July 11th, 2010 at 2:56 pm
Vawiin post chhuak ho chu a tha hlawm hle mai. Ka avatar lo trick tupa khi alo pawt zuah2 tawh sia comment loh ka tum ania :lol: mahse comment pek loh atan chuan a uihawm tlat. Isua Krista ai hian damna ka pathian ang tih a hlauhawm e. Amah ah chuan damna famkim a awm zawk si a.
Report this comment
July 12th, 2010 at 4:25 am
Khawtlangin buaina tawh changa zawlnei? Rawn tur awm leh mai bawk thin hi a mak ve khawp mai..A dik phian zel a..! A tlaia tlai in k kawmen ve leh hram e..
Report this comment
July 12th, 2010 at 5:08 am
Elvis Presley lungleng takin ka ngaithla a ni tawp mai
Report this comment
July 12th, 2010 at 11:04 am
Thil mak hi kan buaipui khop mai. Mahse Lal Isua Kross a kan tana a thih na aia mak hi a awm lo chu2 kan ngaihtuah tha leh peih si lova. Chuvang chuan kan buai a nih hi….
Report this comment