Kan rual u deuh zawk ten sephung an laih lai hun ngaihnawm tak in an ziak thin a, a ngaihnawm in a bengvarthlak thin a,rilru a ti harh in hun hlui min thlir kir tir thin.Tun tum ah hi chuan kha mi dawt chiah generation vel kha rawn tar lan ve ka duh a ni.
Keini naupan lai kha chuan sephung laih leh tawlailir(rel) siam kha chu kan ching tawh vak lo va, indo lem leh cowboy nungchang zir kha chu kan hrat ngang mai. Zorro pistol nei thei phei kha chu thian te zing ah pawh an hawi sang larh zel a ni. Kei phei kha chuan neih ve phak ah ka ngai lo hrim hrim a, mahse vanneihthlak tak in Zorro imitation star tih vel kha man tlawm deuh hlek in a rawn chhuak ve hlauh mai a,kha erawh kha chu ka khal ngun ve nasa mai.
A cheng tliak duh lutuk erawh kha chu kan buaipui hlawm a nih kha!! Chhungte hriat loh in pistol pai na tur suitcase hlui savun vel kan chehthlak ruk lai te kha a ngaihawm ta ngawt mai. Inkhelh chungchang kha sawi tham a tling leh bawk. Hockey kha a lar tawh em em lo va, school sports a item pakhat ah a tel ve tih mai loh phei chu kan khel tak tak vak lo. Football erawh kha chu mahni phak tawk in kan bei ve nasa mai ! Thiante nen club kan han din ve ngei a, mahse sponsor tu te kha chu khawi lam ah!!
An sponsor thin tih kha kan hre lo hrim hrim ni zawk ta in ka hria. Uniform neih ve ngei kan duh si, inhlawhfak bak tih ngaihna awm si lo, mi insakna tur Balu, Rawra thiar te in kan han tuak a. Tin, Inrinni apiang in sachek kan zuar bawk a engtin tin emaw uniform man daih kan tuak chhuak ta, a lei tur in kan tlan vang vang a, a sen ngei mai kha kan han lei a, khawvel jersey zawng zawng ah hian a la mawi ber awm e. Tunlai hun ah hi chuan ho viau tawh mahse keini naupanlai kha chuan achievement ropui tak a tling in ka hria.
Chutah High school kan han rap chho ve leh a, music ah te kan han tui chho ve tan a, ka pa hian keyboard tereuh te Yamaha pss 480 hi min lei sak a,hunawl apiang ah thiante nen acoustic guitar nen a zai kha kan buaipui leh ta. Mahse khati ringawt kha chu kan kham khawp leh ta lo, instrument engtin tin emaw hawh khawm in nileng leng in beng chheng kan siam thin a, Come together, Eighteen, The Wall, Bonjovi Young Guns a hlate leh hla dang tam tak kha chu mahni bel bel chuan kan bel ve ngang mai. Kan thiante pahnih phei kha chu reivak lo ah IMFA band ah khan an tel ve ta mai reng a. A hun lai khan thenawmte tan ninawm hle thin mah ila ka la ngai dawn chauh ni te hian ka hre thin.
Tin, sawi hmaih phal miah loh chu khang hun lai khan hla larte kha an han lar mai mai thin khawp a, tunlai ang in Bluetooth a hla han inpek zeuh te chu ka ha se!! Thiante dubbing tih na nei te kha kan pan vang vang zel a hla kha a ti hlu bik ngawt in ka hria. Twisted Sister, Billy Idol leh Grease II lar zia te kha aw! GreaseII phei kha chu vawi 50 ai tam ka en in ka hria. Europe pawh kha lar tak an ni. Saturday a thiante nen a insu tur a kal a tape recorder khai ngei pawh kha thil hrehawm a ni lem lo.
College kan han rap ve tan a, nun a lo zalen thut ta si, in adjust thiam loh kha a pawi lai a ni ta. Canteen ah class kal lo in kan awm vel ta mai mai a, mahni rau rau ah kan nih tur ang ni phak ta lo kan tam phah viau awm e. Mahse nawm chu a nuam a ni. A chang leh class pum pui in thurual in cinema te kha kan en tak dul dul a, hmasawn vak ngaihna chu a lo awm lo a ni.
Vawikhat ka la hriat reng chu kan khua ah Harvest Ministry hian concert an rawn nei a, an neih na hmun tur kan veng atangin a hla si, keini thian za ho 11 lai mai khan kalna tur scooter 3 chiah a awm si, ka thianpa T5 scooter ah ngei mai khan kan han pali ta anih kha.Kal lam chu tluang deuh in kan thleng mai a, haw lam ah chho thui deuh kan tlan a scooter a over heat ta, tih ngaihna vak awm hek lo kan zun khum liam liam a a tlan ve leh thei ta mai bawk a. Kan ti ho ngawt in ka hria, a thiar te pawh in lo inthiar mai zawk awm tak.
Kan college kal lai hun kha a nuam lutuk a kei chuan ka chhiatpui hle a ni P.U Sc kha kum nga tawp ka zir.Kan generation kha tun misual ho zing ah hian tam tak kan awm ve in ka ring a,chhiatpui fe fe pawh kan awm ve mai thei! Mahse kei chuan nuam ka ti in ka theihnghilh phal mawlh lo.
Similar Posts:
- Mumang han ni teh sela aw!
- Mizoram kawng kam quarry
- Look East Policy ?
- My Scooter
- Whistle Blower Part-3
a tha khawp mai
July 12th, 2010 at 2:02 am
Hriat reng tur chi ni maw
World Cup 2010-a Spain an champ pawh hi theihnghilh phal chi a ni lo! Netherlands champ lo chiah chiah nen hian
Report this comment
July 12th, 2010 at 2:49 am
A nawm dawn chu.
Report this comment
July 12th, 2010 at 2:52 am
Sephung ah chuan mihring ek phung a chak ber, lei kan ti khuar deuh a chumi kil lehlam lehlam atang chuan kan in nawr tir thin
Nun hlui hi chu ngaihawm tak tak keipawh hian ka ngah mai.
Bluetooth in hla a in pek chhawn theih a ni maw? ka thluak software hi update zel angai
Ka phone Bluetooth chu hetiang https://i32.tinypic.com/mvgh9k.png hi a ni ve mai a, tawng nan leh ngaihthlak nan bak a hman theih pawh kalo hre hleinem !!
Report this comment
July 12th, 2010 at 5:47 am
Misual zawng zawngte in zavaiin Good Morning vek ula. Vawin ni hi kan damchhunga ni chhinchhiahtlak ber pakhatah i siam ang u
Report this comment
July 12th, 2010 at 11:19 am
Middle sikul kal hunlai vel kha a nuam deuh ber in ka hria. Sikul chawlh chuan daihnai luiteah tui cheng turin kan han kal a. Kawng chen lek lekah khan kan nileng ve thak thak thin kha a ni a. Chutah hulhu leh tangtial kan han vai haw ngei a.
Thokep pistol hnuah, pistol, tle vir ver, derringer pistol tia vel a lo chhuak a. Chutah Pistol pangngai hmel pu, Rs 50/- man chi kha ava han hlu tak em. Awmthei deuh fate khan an nei pha tawk kha a ni a. Inrinniah nu te an han bazaar a. ‘Milian nu chuan Rs 100/- tal bazar nan an keng thin’ te pawh kan tih thin kha maw le…
Thangthleng kan han kam a, chumi pah in ‘kahpup silai’ in kan han indo zui a.
High Sikul kal lai vel khan Solid Gold, Wonderwoman, Man from Atlantis, Top of the Pop vel en turin, current awmna in a TV nei, hmelhriat te in panna kan kal kual thin lai te kha…
‘Japan ho chu an changkang lutuk a, an naupang te inah tawm in computer an khawih nasa lutuk a, an tha tihfei nan exercise an la thin’ ti a mi thenkhat titi kan lo hriat ve thin kha, tunah chuan kan fate dinhmun a lo ni ve ta reng mai… :roll:
Report this comment
July 12th, 2010 at 11:48 am
World cup laiin TV enna tur kan han zawng a, thian hova kan han tlankual zak zak thin te pawh kha a ngaihawm ta hle mai.
Report this comment
July 12th, 2010 at 12:27 pm
ka hul , ka nguai rih comment lo mai teh ang…hahahhaaaa
Report this comment
July 12th, 2010 at 1:10 pm
Sephung, Mihring ek-a kaw hreuh ngat kha an huai, an chak duh.
Ek chu kan han hai kianga, kua a lo awm ngei a, vawi1 kan chek/lai hlak a, kua chu a awm ngei, èk alo inhnawh khat éng tàk mai…
Beiseina sang tak nen tanhmun siam remin kan han thingthi te2 a, mihring ek ngeiin a hnawhphui tlat kua chu kan han zen lut thuih a…
Yes! A awm e! tiin, kan han kawm ngang2 a, kan zuk kheuh pial pelh2 a…. (he kut ngei hi silfai si loin, engkin ei tur zen nan kan han hmang zui a…)
Pan lai nun… Aw! Pan lai nun… theih se kohkir leh a, kum 7 naupang atanga bul tan leh ka nuam e! :cry:
Report this comment
July 12th, 2010 at 1:37 pm
Middle Sikul kal lai kha a nuam ber hian ka hre ve thin.
Thlasik chawlh kha a rei vang vang bawk a, Sikul luh kha kan nghakhlel thei hle, tha a za zak mai thin.
A changin tui theh kangin luite kan bei a, kaikuang leh dawntial, nghavawk nen, ulawng ke nei, etc.. mau theiah kan han hawn a, chhung tlai theuhin kan han in sem a. Naupang ber kan thlan hmasak tir thin.
A changin ramah thingtuai/thing lukham kan pu a, hmunphhiah kan kek nghal bawk a. Vuakdup rah hmuh fuh tum phei kha chuan kan ei nghek zel a. Thei-Bal pawh kha a ei theih fu. Sekhupthur pawh kan fep hawng hawng thin.
Lui a insuk mawlh kha a nuam. Ui pum tiat hian thawmhnaw kan bawk a, insuk nghah ro pahin duhtawk Sangha Dilah kan cheng a. A neitute kha an fel zawk ngawt thin mai. A vawh deuh leh thing tang ro kan fawm a, meipui kan chhep hluah thin a!
Aw, koh kir theih chang sela…..A then te’n thlan mual an liam tawh si!
Lung zawng a leng a ni. Mahse heng Sap-zai in tarlan ho hi kan tuipui ve ngai lem lo. E Dosati..Ham nahi chhorenge tih vel kha a lar khawp mai a. Radio a ABBA zai kha kan duh thei ve hle tih kha ka contri ve theih tawk chu a ni mai e..
Report this comment
July 12th, 2010 at 2:34 pm
Radio sawi tak azarah chuan, tunah chuan music media tha tak tak bakah visual changkang tak tak thlengin kan nei tawh a. Mahse tunthleng hian, tunhma deuh a kan hla lo ngaihthlak thin radio a han ngaihthlak vang vang hi a lunglenthlak zual bikin ka la hria…
Report this comment
July 12th, 2010 at 3:27 pm
Mizo thalai te kha kan lo fit awm thin ngawt mai, thingpu emaw tui chawi in emaw hun kha kan hmang nasa thin hle kha ania. Tuikang nghah te kha a lo van nuam tak e aw, tunlai nen chuan a in anglo hle mai. Thuk a hman tur bel chhuan chhan tin chhia atanginka pi nen hian kan siam thin a, chhuan chhan neih that loh kha chuan bel mawng te kha a mang duh hle. Khanglai te kha chuan thing chang tha leh thing duap deuh chi kha chu kan thliar hrang thiam ve zung2 a nih thin kha mawle.
Ngawi teh u, ka lung a leng riau mai, ka in sawi lungpuam dawn tlat. Rilru ah fam hnu thiantha leh laina te an lo lang tel uar uar mai.
Report this comment
July 12th, 2010 at 3:41 pm
Sikul chawlhni chuan lui kalte thianhoin kan han rela,, chhungten loah feh a ngai anti bawk, rilru a vahan hrehawm duhtak,,, a changphei kha chuan chhungte fehkal hnuah chaw ei turin kan haw ve chauhzel,, thiante thurualpui duh vangin….
Chutah lui kan hankala,, lite deuh kan han theh kanga..puk kan han zen ngar ngar maite,,, hlawhtlin deuhni chuan a nuam thei viau mai zel a nih kha…chakai khawrhte mawlh kha… lung kan han phawka, kan han hui vata,, a lian deuh kan han hui chhuah kha chuan kan rak teng tung mai zel a nih kha le, luidung khawk rum rum khawpin….
Thianhoa sava vehte mawlh kha ka theihnghilh phal lo…
Black and white tv entura kan tlan kual nasat theih zial kha,,, tv la tlem si,,,a thenin kawngka anlo kalh,,, thian dang ten “helamah an hawng” tih tawh kha chuan kutah silipar kan buna, a chaka chak thei angberin kan tlan ta liah lian mai thin nih kha mawle……
Daihnai hmun remlo leh awih deuhte kha khelkawm laknan khan a tha a,, khel mum kan han suih a, dai ah kan nileng thak thak ve mai zel bawk,, keeper ta tur kha chu lian the hlai hlep hlop in kan suih sak thin a nih kha,,,,mahse ngal a vung pawng lang duh khawp mai….
A,,, sawtur a pui a van tam tak em,, panlainun ngaiin kan kur kan kur mai thin dawn a nih hi.
A tawp nan hnim bawhen kha a nuam bawn tawp, thlsik alo nia rairung kan la a, bante hi vak vau zel, chat ve thei ang reng sia…Kahpupa indo a lar thei khawp, inkhualtelem leh inbailem chhuan….!!!!!!huiha a tam lutuk…..
Report this comment
July 12th, 2010 at 9:24 pm
Theihnghilh phalloh hi ka nunah hian a tam ve viau mai.. sawi vek sen a ni lo
Report this comment
July 12th, 2010 at 10:40 pm
post tupa te ai hi chuan kan la naupang deuh hlek maithei.. keini chu Aizawl tlak lam luihnai Chhimluang, bung lui, saihri lui, leitan lui, rangvamual lui, mel 5 lui, etc., kan tlawh chiar ve dup tawh…
huiha
Sangha te reuh te te man leh mi ngawidawh ruksak kan uar hle. Tin, haw lampangah rangvamual lui zawh chhoh kha a lang tlat zel… factory a a tuitling inruk hisapin. Tin, rangvamual khaw thlen hmadeuh a sertang lawh ruk nen. Huiha….
R.V road Hunthar thlen hma thleng kha chuan kekawrte kan khum chho thin kha a nia, khua a lo thim tawh thin bawk a.. tuman min hmu ngai hek lo. Mahse motor a lo kal thut chuan kawngsir luikawr ah kan zuang lut dial zel…
Report this comment