Mizoram khawpui leh Zofate Jerusalem tih hial ni bawk Aizawl khawpui hi ama than thanin a thang zela. Siam that theih lai tur hi rawtna a tam thei anga, heng topic hrang hrang kan chhawp chhuah zulzui hian rawtna i siamin i sawiho teh ang u.
1. Kawngpui zauh belh leh pedestrian te him taka kalna tur siam sak. Hemi kan sawi rual hian road safety lam leh traffic felfai zawka enkawl dan te pawh leng vekin sawiho ta ila. Tunlaia rawtna sikul kai hun tih hma chungchang te pawh hi a fuh ang em tih thlengin i sawiho teh ang u.
2. Thli leh tuihawk luanna kan siam that loh avangin rimchhia a tam kawrpuiah bawlhlhawh paih kan ching chu chu fur tuihawkin a hnawlkhawm, kan kawngpui te hi tuihawk luankawr ang mai an ni thrin. Storm water mumal taka drain dan te, waste management, sewerage system thlengin felfai zawk leh mi tana bawlhhlawh leh tenawm lo zawkin engtin nge kan tih ang tihte sawiho ila. Kan bawlhlhawh paihdan thlengin sawi tel rem sela.
3. Kan insak dan hi regulate a ngaihzia chu kan hre theuh awm e, chuti chung chuan kan insak dan hi chu ennawn a tul mange. Lir han nghing sela inchim hian min delh hlum nasat tur zia hi sawi fo ani. Engtinnge kan insak dan te hi dan chhunga hneh zawka enkawl dan tur. Municipal inthlan hnu hian municipalin enkawl se nge State sawrkar hian enkawl sela effective zawk ang. Tlang ram khawpui dangah te hian engtinnge maw an tih bik le. Sawiho ila rawtna tha tak kan sawi chhuak thei tih hriain rilru seng deuhin i titi ho teh ang u khai. Hetia kan sawiho rual hian Disaster chhiat-rupna te lo thleng sela engti takin nge chhanchhuah hna te hi kan thawh ang. Inpuahchah lawk tur hi a tam viau ania.
misual titi ho hi hlut deuh deuh an tam tih an sawi ka hre thrin, kan Aizawl khawpui hi beidawng deuh chuan sawn mai ila khawpui thar i din mai ang u tihte hial an rawt thin. Thlirna tlang hrang hrang atanga thlirin i sawiho teh ang u tiin ka misual pui te kan ngen che u ani.
